Ég ætlaði nú ekki að kaupa mér neitt í Toronto.. en gluggar verslananna á Yonge Street voru þaktar útsölumerkingum og þá hoppar maður auðvitað inn í nokkrar mínútur. Ég keypti mér þrenn skópör á tæpar 10 þúsund krónur en þess má einnig geta að þau voru öll úr leðri. Ég þurfti alveg að hugsa mig vel um hvort ég myndi nota skóna, því með aldrinum fæ ég ekki jafn mikla unun úr því að eiga ótalmörg skópör né troðfullan fataskáp. Forgangsröðunin og hugsunin er allt önnur, og ég get ekki sagt annað en að það sé góð tilfinning að vera laus við slíkan hugsunarhátt.
Þessir sandalar sem ég er í á myndunum eru með fylltum korkbotni og alveg extra þægilegir. Mér finnst svo comfy að eiga skó sem ég get hoppað í án einhverrar fyrirhafnar.
Hafið það gott… sólin ætlar víst að láta sjá sig á morgun á norðanverðu landinu :-)
Skrifa Innlegg