Eins og ég var búin að lofa HÉR þá er kominn tími til að segja ykkur aðeins betur frá nýjungum sem eru væntanlegar hjá MAC. Ég veit af þónokkrum sem biðu spenntar eftir að fá þessa línu í hús – hún heitir Baking Beauties og eins og nafnið gefur til kynna þá er hún innblásin af alls konar bakstursgóðgætum sérstaklega bollakökum.

Vörurnar í línunni einkennast af fallegum pastel rómantískum litum og það koma varalitir, gloss, ljómapúður, paint pot (augnskuggagrunnur), naglalökk, burstar, glimmer og ljómadropar.

Vörurnar sem ég prófaði eru varaliturinn Pure Decoration, dásamlegt púður sem heitir Pink Buttercream og glossinn Baking Beauty.

Púðrið er ég með á kinnunum á báðum myndunum – ég dustaði bara létt af því með púðurbursta yfir kinnarnar og aðeins meðfram kinnbeinunum. Púðrið gefur ótrúlega fallegan rjóðan highlighter með fallegri perluáferð – er búin að nota það á hverjum degi síðan ég fékk það.
Mér finnst þessi varalitur svo æðislegur – fullkominn fyrir sumarið!!! Svo flott að sjá hvað liturinn er ótrúlega þéttur og fínn mig grunar að þessi verði ofnotaður í sumar.Þó ég sé aðeins meiri varalitamanneskja þá nota ég gloss svona inná milli – mér finnst liturinn á þessum mjög skemmtilegur. Ég átti alltaf mjög svipað gloss frá MAC sem var alveg skærgult og mér fannst það alltaf gera varirnar svo þrýstnar og fínar – ég fæ sama fíling þegar ég er með þetta gloss. Held það sé helst ljósið sem endurkastast svo skemmtilega á vörunum.

Vörurnar koma í takmörkuðu magni svo það er um að gera að fylgjast vel með og mæta strax í búðirnar þegar vörurnar detta í hús. Ef ég myndi bæta einhverjum vörum við mínar þá held ég að það yrði eitthvað af þessum fallegu pastel naglalökkum og augnskuggagrunnarnir – reyndar er þetta allt svo girnilegt.

Stjörnurnar voru fínar og flottar eins og alltaf á rauða dreglinum á Cannes kvikmyndahátíðinni. Rauðar varir fannst mér sérstaklega áberandi og það voru ótrúleg margar skvísur sem skörtuðu litnum og meirað segja nokkrar mjög svipuðum tóni. Hvet ykkur til að kíkja á myndirnar og endilega segja mér hvernig ykkur líst á skvísurnar!
Milla Jovovich með æðislega flotta svarta smoky augnförðun – passar svo vel við toppinn hennar, þetta er svona dularfullt og spennandi lúkk finnst ykkur ekki?Hin endalaust fallega og ein af mínum uppáhalds leikkonum Marion Cotillard skartar hér fallegri og frekar látlausri förðun við glossaðar brúnar varir.Mér finnst ótrúlega flott hvernig kinnarnar hennar Kirsten Dunst tóna við varalitinn hennar – eins og þið vitið þá er ég mikill kinnalitaaðdándi svo ég er að fýla þetta lúkk í tætlur!Jessica Chastain finnst mér alltaf svo fallega förðuð – lúkkin hennar eru tímalaus og ég hef sjaldan séð hana eða makeup artistann hennar gera mistök. Takið eftir því hvernig eyelinerinn hennar er hann er þykkastur yfir miðju augnlokinu sem gerir það að verkum að augun hennar virðast kringlóttari.Rauðar varir við rautt hár er lúkk sem ég væri til í að ná einhver tíman. Isla Fisher leyfir hér vörunum að taka alla athyglina í förðuninni.Freida Pinto með fallega augnförðun – hún er með svo stór og áberandi augu að hún höndlar það mjög vel að vera með svartan lit í vatnslínunni umhverfis augun. Finnst þetta fara henni miklu betur en Kirsten Dunst….Rosalega er ég að meta þykku og náttúrulegu augabrúnirnar hennar Emmu Watson!Ég var ekkert að grínast með þessar rauðu varir – Doutzen Kroes og rauðu varirnar hennar eru fullkomin tvenna við hvíta kjólinn.og að lokum Carey Mulligan en hún leikur einmitt í opnunarmynd hátíðarinnar The Great Gatsby og þetta var förðunarlúkkið hennar á sýningu myndarinnar. Mér finnst hún lúkka mjög vel eina sem ég hefði kannski gert öðruvísi var að hafa þær kannski ekki alveg svona hvassar…

Ég gæti haldið endalaust áfram með myndirnar en ég læt þessar duga í bili;)

EH

Jæja nú er komið að því að fjalla almennilega um fyrsta CC kremið sem rataði í mína snyrtibuddu en þessi nýjung í förðunarheiminum verður áberandi hjá merkjum núna í sumar. Þetta CC krem sem ég er með er það eina sem ég er búin að frétta af að sé komið í sölu það er frá breska merkinu Nip+Fab sem er tiltölulega nýtt hér á landi en það kom í byrjun ársins 2012.

Það sem ég er mest búin að vera að pæla í með þessi CC krem er það hversu ólík í alvörunni þau eru BB kremunum af því núna hafið þið vafalaust tekið eftir því að það eru til ótrúlega mörg BB krem og stundum 2-3 týpur hjá hverju merki. Mér finnst reyndar allar nýjungar vera af því góða og ég er alltaf spennt að prófa það sem er nýtt á markaðnum. Svo ég er mikið búin að vera að lesa mér til um almennar umfjallanir um CC krem og hver munurinn á að vera – ég hef áður skrifað almennt um þau HÉR.

CC stendur fyrir Colour Correction – og er sagt líkjast meira farða en BB kremin. Þetta krem frá Nip+Fab inniheldur ljósdreyfandi litarkorn sem draga fram ljómann í húðinni um leið og það leiðréttir litarhátt og misfellur í húðinni. Það inniheldur soline sem gefur húðinni raka í alltað 24 tíma, hafraþykkni sem mýkir og styrkir húðina og Hyaluronic Acid sem gefur einnig raka.

Þegar ég er að lesa um vörur á erlendum förðunarbloggsíðum kann ég alltaf að meta að sjá sem mest myndefni svo í tilefni þessarar spennandi nýjungar ákvað ég að splæsa í þó nokkrar myndir:

Hér sjáið þið hreint handabakið mitt. Húðin er ótrúlega ljós og nánast gegnsæ -
eins og þið sjáið þá er ég mjög æðaber.Hér sjáið þið nokkuð vel þykktina og þéttleikann í kreminu – ég er með ljósari litinn. Við fyrstu sýn hélt ég að hann væri alltof rauður fyrir mig og varð smá smeik um að þetta yrði alltof mikið.Hér er ég búin að dreifa úr litnum jafnt yfir handabakið og það kemur svona falleg mött áferð á kremið og eins og þið sjáið þá gefur kremið mjööög góða hulu og liturinn er svo jafn að æðarnar sjást varla.Svo langaði mig líka að sýna ykkur hvernig kremið er á andlitnu – ákvað að splæsa í góðar fyrir og eftir myndir. Eins og á höndunum er ég með mjög ljósa húð í framan. Æðarnar sjást vel og ég er með rauða flekki í kringum nefið, húðin á augnlokunum er frekar dökk og allt í einu mættu þessar rosalegu freknur.Hér er ég svo komin með kremið á húðina – þvílíkur munur finnst ykkur ekki? Tek það fram að ég er ekki með neitt nema CC kremið frá Nip+Fab á húðinni. Þó ég virðist vera með skyggingu undir kinnbeinunum þá eru mín bara frekar útstæð og svo féll sólin akkurat ofan á kinnbeinin og ljóminn frá kreminu ýtti þeim svona upp. Það eina sem ég hefði þurft í viðbót væri maskari og kannski smá kinnalitur – þá væri þetta bara flott dagsförðun.

CC kremið frá Nip+Fab er að standast þær væntingar sem ég gerði til þess – jafnar litarhaft húðarinnar og gefur meiri þekju en samt ekki of mikla. Mér finnst það endast mjög vel á húðinni og betur en sum BB kremin sem ég hef prófað. Ég dýrka ljómann sem það gefur húðinni minni og svo hef ég verið að nota CC Eye Fix pennann með sem ég skrifaði einmitt um í stóru hyljaraumfjölluninni HÉR. Með því að nota hann líka undir augun fá þau extra mikinn ljóma og öll þreytueinkenni hverfa – svo reyndar hef ég líka doppað honum létt á kinnbeinin til að fá meiri ljóma í kinnarnar. Báðar vörurnar eru án parabena og ég myndi mæla með henni fyrir allar húðgerðir.

Ef ykkur langar að prófa þá fást vörurnar í Lyfju;)

Ég held að það sé alveg pláss fyrir BB krem og CC krem á íslenskum markaði – jafnvel pláss fyrir DD krem ef þau koma einhver tíman.

EH

Ég er að fara í gegnum myndirnar sem ég tók í heimsókn minni í Nike verslunina – ég varð svo skotin í þessum tveimur íþróttatoppum og mér fannst þeir ekki sjást nógu vel þegar ég var í bol yfir. Ég ákvað því að fara að reyna að venja mig á að vera stolt af slappa maganum og sýna ykkur þá almennilega – ég viðurkenni það þó fúslega að ég dró magann inn – þetta er þó fyrsta skrefið.

Mér fannst topparnir styðja vel við brjóstin mín – ég er bara með Tinna á brjósti svo ég er símjólkandi og þau eru frekar viðkvæm finnst mér – alla vega meira en áður. Ég var náttúrulega bara að prófa inní búðinni hef ekki prófað að hreyfa mig almennilega í þeim en ég hoppaði þó aðeins um í búðinni sérstaklega til að tékka á því hvort þeir myndu dragast upp – sem þeir gerðu ekki. Ég prófaði bæði stærð M og L og mér leið betur í M þó svo að ég hafi þurft að draga brjóstin upp svo teygjan færi undir þau þá var stuðningurinn og aðhaldið mun meira. Efnið er stíft og frekar þykkt en rosalega mjúkt og þæginlegt að vera í – mér fannst það ekki skerast inní húðina og mynda bungur eins og gerist oft undir höndunum. Svo hefði ég líka leikandi getað sett brjóstapúða innfyrir þá til að passa uppá að það færi ekki að leka.

Ég var í þessum innan undir alls konar hlýrabolum, stutterma- og síðermabolum og mér leið ótrúlega vel í þeim. Munstrin og áberandi litirnir finnst mér snilld ég veit ekki afhverju en ég var að fýla það meira að vera í íþróttafötunum sem voru áberandi – í skærum litum og munstrum! HÉR finnið þið toppana í munstrinu eins og ég er í og HÉR eru þeir til einlitir.

Mig langar smá að forvitnast nú var ég að prófa bæði að vera í svona toppum og þá bolum yfir og hlýrabolum sem voru með áföstum toppi innan undir – þið sem hafið góða reynslu af þessu hvort mælið þið frekar með?

EH