#BYKOTREND / NÚ FER HVER AÐ VERÐA SÍÐASTUR!

Fyrir heimilið

Það styttist í að við dómnefndin veljum vinningshafa í #bykotrend leiknum sem núna stendur sem hæst á Instagram og aðeins örfáir dagar eftir til að taka þátt! Eins og áður hefur komið fram þá á einn heppinn þátttakandi möguleika á því að vinna sér inn 100.000 kr. inneign í Hólf og Gólf í Byko sem er án efa draumur fyrir alla þá sem standa í framkvæmdum núna eða láta sig dreyma um að taka heimilið í gegn, einnig verða veittir tveir aukavinningar upp á 35.000 kr. sem koma sér vissulega vel líka. Ég hvet ykkur því til að bretta upp ermar og taka mynd af rými sem þarfnast yfirhalningar og birta hana á Instagram merkta #bykotrend – það er nefnilega til mikils að vinna!

Meðfylgjandi eru nokkrar skemmtilegar myndir úr leiknum valdar af handahófi, kannski leynist vinningsmyndin hér að neðan? Hver veit:)

Ef þú þekkir einhvern sem gæti þurft á þessum glæsilega vinning að halda sem spark í rassinn að taka í gegn baðherbergið – eldhúsið – allt húsið eða jafnvel bústaðinn? Deildu þá endilega færslunni áfram því það eru einungis 2 dagar til stefnu svo hver fer að verða síðastur. Og vá hvað mig hlakkar mikið til þess að setjast niður með Byko vinum mínum og velja okkar uppáhalds myndir:)

PURPLE & GOLD MAKEUP LOOK

FÖRÐUN

Gleðilegan föstudag, það er mikið búið að gerast í þessari viku en ég er núna hætt að fljúga í bili og byrjuð í skólanum aftur. Ég er orðin ótrúlega spennt fyrir haustinu því þá fer allt af stað í snyrtivöruheiminum og haustlínurnar fara að detta inn, margt spennandi framundan.

Mig langaði að deila með ykkur förðun sem ég gerði á snapchat-inu hjá Fotia (fotiais) í dag en ég gerði fjólubláa og gyllta förðun. Ég er alls ekki nógu dugleg að nota liti en fjólublár á sérstalega að draga fram græn augu og fengu dökk grænu augun mín alveg að njóta sín við þessa förðun.

*Vöruna fékk greinahöfundur að gjöf/sýnishorn

Pallettan sem ég notaði heitir Queen of Hearts frá Coloured Raine og er ein af mínum uppáhalds. Ég er búin að eiga hana í svolítin tíma núna og nota hana alltaf jafn mikið. Augnskuggarnir eru ótrúlega mjúkir, kremaðir og blandast mjög vel. Ég elska lita valið og það er endalaust hægt að leika sér með hana.

 

Þetta eru litirnir sem ég notaði í þessa förðun en þetta er auðvitað ein af mörgum förðunum sem hægt er að gera með henni.

 

Þið sjáið eflaust hérna hvað fjólublái liturinn dregur fram grænu augun mín

 

Þessi palletta er æðisleg og ég er einmitt að gefa eina í tilefni af því að ég á afmæli eftir viku! Ég ætla því að vera með nokkra gjafaleiki í þessari viku og mæli því með að fylgjast með mér á miðlunum mínum.

Þú getur tekið þátt í gjafaleiknum hér xx

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

Gjafaleikur: MOROCCANOIL

Hárvörur

Búið er að draga úr leiknum

Þær Aðalbjörg og Kittý voru dregnar út af handahófi. Endilega sendið mér skilaboð á Facebook! :)

xx

Þeir sem þekkja mig eða hafa fylgst eitthvað með mér á snapchat vita að ég elska hárvörurnar frá Moroccanoil. Olían, þurrsjampóið, hárspreyið og smoothing kremið eru allt fastir liðir í minni daglegu hárrútínu hvort sem ég er að gera mig fína eða bara að skella þurrsjampói og tagli í hárið fyrir æfingu. Lyktin af Moroccanoil vörunum gerir svo punktinn yfir i-ið, dásamleg!

Ég á flestar vörurnar að auki í litlum travel-size umbúðum þar sem ég ferðast mikið. Mig langaði svo að deila gleðinni með ykkur hér á Trendnet og hafði því samband við Regalo sem eru með Moroccanoil á Íslandi um að skella í smá gjafaleik með mér. Við ætlum að gefa tvo pakka sem innihalda fjórar Moroccanoil vörur í travel size. Þessir pakkar henta einstaklega vel á ferðalögum bæði innan- sem utanlands og langar mig því að gefa pakkana núna áður en stærsta ferðahelgi ársins skellur á.

Love is in the hair pakkinn kemur í sætri tösku sem inniheldur sjampó og næringu úr smooth línunni, þurrsjampó og original treatment olíuna. Mig langar að gefa tveimur heppnum sitthvoran pakkann – en annar pakkinn inniheldur þurrsjampó fyrir light tones og hinn pakkinn þurrsjampó fyrir dark tones.


Til þess að eiga möguleika á að vinna Love is in the hair pakkann þarft þú að:

1 – Smella á “like” hér að neðan OG deila færslunni á Facebook

2 – Skilja eftir athugasemd hér að neðan með nafni og hvort þú viljir light eða dark tones pakkann


Ég dreg af handahófi úr athugasemdum eftir helgi.

xx

Birgitta Líf
instagram & snapchat: birgittalif

ÚT AÐ HLAUPA

FRÁ TOPPI TIL TÁARLÍFIÐ

UPPFÆRT
TAKK allir fyrir þáttökuna hér að neðan. Getum við stofnað hlaupahóp og farið allar saman hring við tækifæri?
Með hjálp random.org hef ég loksins dregið út vinningshafa og er sú heppna Dóra Sif Sigtryggsdóttir

“Dóttir mín, Hulda Björg Hannesdóttir eða “aldamótarbarnið”eins og íþróttafréttamenn kalla hana, spilar fótbolta með Þór/KA á Akureyri – æfir mjög mikið þannig að þvottavélin hefur vart undan – myndi vilja gefa henni þetta dress ekki skemmir að hún er sjúk í NIKE

_________________

Þetta æfingadress getur orðið þitt!

 

Ég elska þennan tíma árs þegar kemur að hreyfingu. Útihlaup í blíðviðri er mín uppáhalds hreyfing og ég nýti hvert tækifæri til slíks. Ég hef áður rætt það á blogginu hvað hlaup gerir mikið fyrir andlega þáttinn. Þar hreinsa ég höfuðuð og nýt þess að vera til. Á hlaupum fæ ég líka mínar bestu hugmyndir.

Þetta vorið hleyp ég í nýjum hlaupaskóm frá H verslun sem ég heimsótti í byrjun árs. Einhverjir fylgdust með þeirri heimsókn á Instagram story hjá mér.  H verslun er netverslun sem áður hét Nike verslun en skipti um nafn þegar vefsíðan H Magasín opnaði fyrir nokkru síðan.

Þó það hljómi kannski skringilega þá er það staðreynd að maður er duglegri að æfa þegar maður klæðist nýjum æfingafatnaði. Það er eitthvað við það sem gefur smá auka kraft og gleði. Ég ætla því að gefa einum heppnum lesanda tækifæri á að upplifa það.

Í samstarfi við Nike á Íslandi gef ég eitt heildarlúkk – frá toppi til táar – í stíl við það sem ég hef verið að hlaupa í undanfarið. Persónulega vel ég einfaldann íþróttafatnað – beisik er best þar eins og annarsstaðar ;)
Ég valdi úr netverslun hárbönd, aðhaldstopp, hlýrabol, bestu buxur, hlaupaskó, sokka og brúsa. 7 Nike vörur að verðmæti 60.000 krónur (!!)

Sjálf á ég svarta bolinn og sömu skó sem ég get vel mælt með eftir að hafa hlaupið í þeim í nokkra mánuði núna.
Þið ættuð að hafa rekist á það hjá mér á Instagram story (@elgunnars).

 

LEIKREGLUR

1. Skrifaðu komment við færsluna að neðan – væri gaman að heyra hvort þú stundir hreyfingu? Og ef svo er hvaða hreyfing hentar þér best?
2. Smelltu á Facebook “deila” hnappinn niðri til hægri.
3. Ert þú að fylgja Elísabet Gunnars á Facebook: HÉR og á Instagram: HÉR (ekki skilyrði til að vera með en mér þætti vænt um að sjá ykkur þar)

Ég dreg út heppinn lesenda á föstudag (16.júní) <3

xx,-EG-.

Elísabet Gunnars á Facebook – HÉR
&

Trendnet á Facebook – HÉR

NÝTT & DJÚSÍ FRÁ TOM DIXON // GJAFALEIKUR

Hönnun

Það kemur líklega engum á óvart sem fylgst hefur með blogginu mínu í nokkurn tíma að ég er bálskotin í Tom Dixon og öllu því sem hann gerir. Í dag þann 4. apríl kynnir hann í fyrsta sinn splunkunýja og gordjöss línu á hönnunarsýningunni í Mílanó / Salone del Mobile sem er jafnframt sú flottasta í öllum heiminum.

Eftir margra ára notkun á málmum og gljáandi áferðum ákvað Tom Dixon loksins að færa sig yfir í meiri mýkt þegar hann hóf að hanna línu úr textíl og er afraksturinn dásamlega fallegir púðar ásamt fleiri sjúklega flottum vörum. Ég skoðaði nokkrar af þessum vörum á hönnunarsýningunni í Stokkhólmi fyrr á árinu og var þar stranglega bannað að taka myndir af hlutunum enda algjört top secret á þeim tíma. Þar mátti meðal annars skoða nýja hreinlætislínu WASH sem ég er mjög spennt fyrir, hún felur í sér sápur, uppþvottalög, handáburði og ýmiss konar fallega aukahluti fyrir baðherbergi.

Tom Dixon hóf feril sinn sem hönnuður og listrænn stjórnandi fyrir ríflega 35 árum. Á þeim tíma hefur honum tekist að skapa sér nafn og skipa sér sess meðal fremstu hönnuða samtímans og það vita allir hver hann er sem áhuga hafa á hönnun. Mörg af hans meistarastykkjum prýða nú lista- og hönnunarsöfn á borð við MOMA í New York og Pompidou safnið í París!

Í dag 4. apríl kynnti LUMEX nýju línuna á sama tíma og Tom Dixon kynnti hana í Mílanó og í tilefni þess ætlum við að efna til gjafaleiks þar sem hægt er að næla sér í púða úr nýju línunni SOFT í lit að eigin vali. Við erum að tala um að vinningshafinn verður þá einn af þeim fyrstu í heiminum til að næla sér í þessa fallegu hönnun! SOFT línan er úr hágæða Mohair flaueli sem framleitt er úr Suður-Afríkskri geita angóru – sem hefur í gegnum tíðina verið álitin jafn verðmæt og gull. Fyllingin er úr dönskum andafjöðrum…. jiminn eigum við að ræða þessa lúxus púða!

screen-shot-2017-04-04-at-18-09-44 screen-shot-2017-04-04-at-18-12-39

úllen – dúllen – doff! Ég er með augun á einum lit ♡

textile_lifestyle_2_-_line_and_soft_with_wingback_micro

screen-shot-2017-04-04-at-19-59-36

washing-tom-dixon-soap-costmetic-design-products_dezeen_2364_col_2-852x568

Hér má síðan sjá WASH línuna en þess má geta að sápan er svört á litin sem er frekar spennandi!washing-tom-dixon-soap-costmetic-design-products_dezeen_2364_col_9-852x568

// Gjafaleikurinn er í samstarfi við verslunina LUMEX sem er söluaðili Tom Dixon á Íslandi.

Til þess að eiga möguleika á að vinna elegant púða úr SOFT línunni í lit að eigin vali þá þarft þú að:

1. Skilja eftir athugasemd með nafni

2. Deila færslunni

3. Extra karma stig eru gefin fyrir að smella like við Lumex, og Svart á hvítu á facebook

// Dregið verður úr athugasemdum laugardaginn 8.apríl.

Búið er að draga út vinningshafa í Tom Dixon púðaleiknum – sú heppna heitir Halla Dröfn og dró ég hana út af handahófi að sjálfsögðu.

Takk kærlega fyrir þátttökuna og Halla Dröfn! Hafðu samband ♡

svartahvitu-snapp2-1

IKEA ART EVENT 2017: VELDU ÞÉR LISTAVERK AÐ EIGIN VALI

Ikea

*Uppfært* Búið er að draga út vinningshafa! Þær sem höfðu heppnina með sér og hljóta plakat/plaköt að eigin vali eru: Sigríður Helga Gunnarsdóttir, Ása Magnea, Sigríður Alla, Dagrún Íris, Helga M. Sigurbjörnsdóttir, Hildur Sif, Anna F. Jónsdóttir og Gyða Lóa, 

Í samstarfi við IKEA ætla ég að gefa 12 heppnum lesendum plakat að eigin vali úr væntanlegri IKEA Art event línunni sem kemur í mjög takmörkuðu upplagi í sölu þann 31.mars.

Ikea Art event línan hefur komið út á hverju ári frá árinu 2015  með ólíku þema á hverju ári, fyrst var það götulist, svo nútímalist og núna í ár fengu þau til liðs við sig 12 ólíka listamenn sem allir eru þekktir á alþjóðlegum vettvangi og eiga það sameiginlegt að tjá sig með teikningum. Tilgangur Ikea art event er að gera list aðgengilega öllum og tekst það aldeilis vel því hvert verk kostar ekki nema 1.990 kr. og koma þau í veglegri stærð, 61 x 91 cm og eru prentuð á þykkan og fallegan pappír.
Ég fékk allt fyrsta upplagið (12 stk) með mér heim og skellti tveimur í ramma í morgun sem mér finnst vera æðisleg, þau eru reyndar nokkur þarna sem höfða vel til mín en ég er hrifin af því hversu fjölbreytt línan er svo það er eitthvað fyrir alla, fyrir stofuna en líka í barnaherbergið / unglingaherbergið.

17274451_10155875468363332_748561459_n

Þetta ævintýraplakat er teiknað af þeim Micha Payer og  Martin Gabriel, algjör draumur.

screen-shot-2017-03-14-at-15-26-19

 

ikea1

Seinna plakatið sem ég rammaði inn er teiknað af japanska listamanninum Yasuto Sasada og er þvílíkt flott, minnir mig örlítið á Erró en það gerir líka plakat númer 7 en ég er mikill Erró aðdáandi.

1

 

 

“Við erum með sterka og einfalda sýn varðandi list hér í Ikea, og það er að list á að vera á viðráðanlegu verði – hún á að vera aðgengileg fleira fólki – og list á heima á heimilum, ekki aðeins í galleríum og listasöfnum.” segir listrænn stjórnandi Ikea Art event 2017.

Plakötin verða aðeins fáanleg í nokkrar vikur eða á meðan birgðir endast, en þess má geta að það koma aðeins 12 myndir af hverri svo ég myndi hafa hraðar hendur ef þú ert með augun á sérstöku plakati.
// Ef þú vilt vera með þeim fyrstu sem eignast verk úr Ikea Art event línunni sem er ekki enn komin til landsins skildu þá eftir athugasemd hér að neðan með því númeri á plakati sem þú óskar þér. Ég dreg út 12 heppna sem hljóta plakat að eigin vali í lok vikunnar, föstudaginn 17.mars.
Ef þú vilt eitt í stofuna og annað í barnaherbergið veldu þá tvær! 
Fyrir áhugasama þá sýndi ég örlítið frá plakötunum á snapchat í dag þar sem ykkur er velkomið að fylgjast með!
svartahvitu-snapp2-1

AÐVENTUGJÖF #4

ÍSLENSK HÖNNUNSHOP

–  UPPFÆRT –

Váháhá!! Takk kærlega fyrir frábærar viðtökur við fjórðu aðventugjöfinni hér á blogginu. Með hjálp random.org fékk ég upp heppin lesanda til að gleðja rétt fyrir jólin.

Kæra Steiney Snorradóttir þú ert sú heppna að þessu sinni. Sendu mér línu á eg@trendnet.is fyrir frekari upplýsingar.

Takk þið öll fyrir þáttökuna.

Hlýjar hátíðarkveðjur yfir hafið

____________

Ég trúi því ekki að það sé kominn fjórði í aðventu … tíminn flýgur!

Það er komið að síðustu Aðventu gjöfinni minni hér á blogginu og hún er sko ekki af verri endanum.
Mínir lesendur vita að 66°Norður er í miklum metum hjá mér enda birtast vörur frá þeim reglulega á blogginu. Fyrirtækið hefur tískuvæðst ótrúlega hratt síðustu árin og virðist alltaf vera með hlutina á hreinu heima á Íslandi en líka hérna megin við hafið. Á mjög stuttum tíma er til dæmis í mikilli tísku að klæðast 66°Norður í Kaupmannahöfn – ekki slæmt!
Er ekki við hæfi að við látum sjóklæðagerðina sjá um síðasta glaðninginn í desember? Mér finnst það ..

Ný yfirhöfn kom í sölu í vikunni og ég er hrifin! Heppinn lesandi mun hljóta þennan fallega anorakk – Suðureyri Anorak. Flíkin er nútíma útgáfa af hinum klassíska sjóstakk sem er ein af einkennis flíkum fyrirtækisins.

Ég fíla þetta lúkk í botn. Úlpan er í herrasniði, en ég vel mér oftast herraúlpur í minnstu stærðunum og hér að neðan sjáið þið bæði dömu og herra klæðast henni. Svona eiga úlpur að vera – stórar, hlýjar og fyrir vikið meira kósý.

Þessi myndaþáttur að neðan hittir líka í mark. Er kúl út í gegn, hrár og sýnir okkur krefjandi íslenskar aðstæður – SELT.

Leikreglurnar finnið þið neðst í póstinum … megi heppnin vera með ykkur.

66n-0021 66n-0083 66n-0511 66n-0531 66n-0614 66n-0056 66n-0068

Langar!!

LEIKREGLUR

  • Smellið á deila eða tweet hnappinn neðst til hægri í færslunni.
  • Skiljið eftir komment við færsluna með stærð sem þið óskið eftir  (XS-L)
  • Ég er @elgunnars á Instagram – follow me! (ekki skilyrði til að komast í pottinn)

 

xx,-EG-.

Elísabet Gunnars á Facebook – HÉR
&

Trendnet á Facebook – HÉR

HEIMILI Á LEIÐ Í JÓLABÚNING

Hönnun

Í gær fór ég í fyrstu heimsóknina af mörgum í eina af fallegustu verslunum landsins sem tekur þátt í risa jólagjafaleiknum hér á blogginu, Snúruna. Og haldið þið ekki að fyrsti aukavinningurinn sé mættur á Snapchat, fallegur “jóla” kertastjaki frá Finnsdóttir, hann er þó of fallegur til að ég geti hugsað mér að pakka mínum niður eftir jól. Ég keypti mér sjálf svona kertastjaka fyrir nokkrum vikum síðan og varð því mjög glöð þegar Rakel í Snúrunni vildi gefa einum heppnum sama kertastjaka. Dálítið í anda Bing & Grøndahl sem ég held mikið upp á.

15388744_10155522023098332_477887691_o15409684_10155522031808332_1165475505_o

Ég hafði hugsað mér að nýta helgina til að jólast dálítið og mögulega baka! En þið? Ég vil endilega benda áhugasömum á það að gjafaleikurinn á snapchat rennur út í kvöld, það eina sem þarf að gera er að taka skjáskot af mynd sem ég birt þar af vinningnum.

svartahvitu-snapp2

VINNUR ÞÚ 240.000 KR. GJAFABRÉF Í FALLEGUSTU VERSLUNUM LANDSINS?

Uppáhalds

*Uppfært*

Þvílík gleði   Í gær, þann 19. desember afhenti ég vinningshafanum 240 þúsund króna gjafabréf í fallegustu verslunum landsins. Hjartað mitt er yfirfullt af gleði og mikið sem vinningurinn rataði á góðan stað. Vigdís Hauksdóttir er sú allra heppnasta og fékk ég kærastann hennar með mér í lið til að koma henni á óvart og sjá má viðbrögðin á facebook síðu Svart á hvítu.
Ég vil þakka ykkur öllum fyrir ótrúlegar og jákvæðar móttökur í leiknum sem og á Snapchat rás Svartahvitu  Ég vildi óska þess að ég hefði getað glatt ykkur öll – en það kemur kannski síðar.
Einnig vil ég þakka mínum kæru samstarfsaðilum fyrir að gera þennan frábæra leik að veruleika – þið eruð best 

**

Þá er komið að stærsta gjafaleik í sögu Svart á hvítu bloggsins sem fagnaði nýlega 7 ára afmæli sínu. Ég er full þakklætis fyrir ykkur, þennan risavaxna og trygga lesendahóp sem bloggið mitt hefur eignast á undanförnum 7 árum og ég er jafnframt þakklát fyrir samstarfsaðila mína sem gera mér kleift að sinna því sem ég hef ástríðu fyrir, að blogga. Til að sýna ykkur þakklæti efni ég til eins glæsilegasta gjafaleiks sem haldinn hefur verið.

Uppáhaldsmánuðurinn minn á árinu er án efa desember og það virðist vera orðinn órjúfanlegur partur af aðventunni að halda jólagjafaleik og mikið sem ég er hrifin af þeirri jólahefð, það er jú sælla að gefa en að þiggja og það erum við líklega flest sammála um. Í þetta skiptið á einn heppinn lesandi von á því að næla sér í 240.000 kr. gjafabréf í mínum uppáhalds verslunum sem eiga það sameiginlegt að vera fallegustu verslanir landsins. Í þeim má finna það allra besta þegar kemur að hönnun fyrir heimilið og er þetta gjafabréf draumur fyrir alla fagurkera.

Verslanirnar sem um ræðir eru Aurum, Epal, Kokka, Kúnígúnd, Línan, Lumex, Módern, Myconceptstore, Norr11, Rökkurrós, Scintilla og Snúran sem gefa samtals 240.000 kr. gjafabréf.

Ég tók saman brot af mínum uppáhaldsvörum frá verslununum til að þið getið byrjað að leyfa ykkur að dreyma um 240.000 kr. gjafabréfið. Á næstu dögum mun ég einnig heimsækja verslanirnar og sýna á Snapchat @svartahvitu jólagjafahugmyndir ásamt því hvað hægt er að fá fyrir gjafabréfið glæsilega.

// Vinsamlegast lesið færsluna til enda til að sjá leikreglur.

 

aurum

Aurum er ein af skemmtilegri verslunum landsins með fjölbreytt úrval af hönnun frá öllum heimshornum og vekur verslunin gjarnan athygli fyrir fallegar gluggaútstillingar og bíð ég alltaf spennt eftir jólaglugganum. Verslunin í Bankastræti er tvískipt: Aurum skart og Aurum Hönnun & Lífsstíll og er því hér að finna eitthvað fyrir alla, stóra sem smáa og unga sem aldna.

// Aurum er á Facebook, Instagram og einnig á Pinterest

epal1

Í Epal búa nokkrir af frægustu hönnuðum heims og sérhæfir verslunin sig í úrvali af gæðahönnun frá Norðurlöndum og víðar. Hér má einnig finna brot af því besta af íslenskri hönnun. Epal má finna í dag á fjórum stöðum, í Skeifunni, Laugavegi, Kringlunni og í Hörpu.

// Epal er á Instagram, Facebook og á Snapchat @epaldesign
kokka1

Kokka á Laugavegi er ein besta verslun miðborgarinnar og er hreint ótrúlegt hve mikið vöruúrval kemst fyrir á fáum fermetrum. Kokka sérhæfir sig í öllu því sem þig gæti mögulega vantað í eldhúsið og leggja þau áherslu á vel hannaðar og vandaðar vörur. Kokka er einn af mínum uppáhalds og tryggustu samstarfsaðilum og fagnaði verslunin í ár 15 ára afmæli sínu.

// Kokka er á Facebook, Instagram og á Snapchat @kokkarvk

kunigund

Kúnígúnd er sérverslun á Laugavegi, Kringlunni og á Akureyri sem býður upp á vandaða gjafavöru og ber þar hæst vörur frá dönsku hönnunarfyrirtækjunum Georg Jensen, Royal Copenhagen, Holmegaard og Bing & Gröndal. Kúnígúnd er ein af eldri og glæsilegri verslunum landsins og þarf vart að kynna hana fyrir ykkur né ömmu ykkar.

// Kúnígúnd er á Facebook, Instagram og á Snapchat @kunigund.island

 

linan1

Línan var stofnuð árið 1976 ótrúlegt en satt, en það eru ekki nema nokkur ár frá því að ég uppgötvaði þennan demant í Kópavoginum og kolféll fyrir versluninni enda úrvalið sérstaklega skemmtilegt. Hér má finna úrval af gjafavöru og húsgögnum og má nefna þekktu merkin House Doctor og Voluspa sem eru meðal vörumerkja.

// Línan er á Facebook, Instagram og sjá einnig á Pinterest

lumex

Í Lumex býr einn ástsælasti hönnuður allra tíma, Tom Dixon sjálfur sem tekist hefur að heilla upp úr skónum flesta hönnunaraðdáendur um heim allan. Lumex sérhæfir sig í lýsingu fyrir fyrirtæki og heimili en er einnig með fallega smávörudeild sem er heimsóknarinnar virði.

// Lumex er á Facebook og einnig á Pinterest

modern

Húsgagna- og lífstílsverslunin Módern fagnaði nýlega 10 ára afmæli sínu og hélt upp á þann áfanga með því að flytja sig yfir í stórt og glæsilegt húsnæði í Faxafeni. Í Módern má finna tímalausa hönnun eða framúrstefnulega hönnun eins og hún gerist best hverju sinni með áherslu á gæði og má hér finna vörumerki á borð við sígilda ítalska Minotti og vinsæla Kähler.

// Módern er á Facebook

myconseptstore

Myconceptstore er falleg verslun á Laugaveginum sem lætur mér alltaf líða eins og ég sé að rölta um stræti Parísarborgar. Hér er lögð jafn mikil áhersla á fallegt umhverfi og fallegar vörur og er það viss upplifun að heimsækja verslunina. Hér fást sérvaldar vörur fyrir heimilið, dásamlegar úlpur, skart, bækur og margt fleira.

// Myconceptstore er á Facebook 

norr11

Danska hönnunar- og húsgagnafyrirtækið Norr11 er með glæsilegan sýningarsal og notalega verslun á Hverfisgötu beint á móti Þjóðleikhúsinu. Norr11 er ungt merki sem einsetur sér að búa til falleg húsgögn sem standast tímans tönn. Í Norr11 má einnig finna vinsæl merki á borð við Frederik Bagger og Playtype.

//Norr11 er á Instagram og á Facebook

rokkurros

Rökkurrós er einn af földu demöntum Reykjavíkur og er þessi fallega verslun staðsett í verslunarkjarnanum Grímsbæ. Rökkurrós er lífstílsverslun sem selur fatnað, fylgihluti og hönnunar- og gjafavöru. Vintage, bohemian og nútímalegar hönnunarvörur eru samblandan sem Rökkurrós hefur upp á að bjóða og má þar m.a. finna vinsæla merkið Love Warriors.

// Rökkurrós er á Instagram og á Facebook

scintilla

Scintilla hefur verið fastagestur á Svart á hvítu blogginu undanfarin ár og verið lengi eitt af mínum uppáhaldsmerkjum. Scintilla er íslenskt hönnunarhús sem sérhæfir sig í hönnun og framleiðslu á textíl og gjafavöru fyrir heimili, hótel og fyrirtæki.

// Scintilla er á Instagram og á Facebook

snuran

Snúran er ein af glæsilegri verslunum landsins og jafnframt rekin af vinkonu minni Rakel Hlín sem ég kynntist í gegnum bloggið. Snúran er verslun í Síðumúla 21 sem kappkostar að bjóða upp á spennandi og fallegar vörur sem prýða heimilið. Ath. Snúran ólíkt hinum verslununum gefur 20.000 kr. gjafabréf fyrir Bitz leirstelli sem ég hef áður dásamað og dreymir sjálfri um að eignast.

// Snúran er á Facebook, Instagram og á Snapchat @snuran.is

 

Þá eru það mikilvægu atriðin:

Til að skrá sig í pottinn þarf að,

1. Skilja eftir athugasemd hér að neðan með fullu nafni (það þarf að skrolla mjög langt niður).

2. Fylgja Svart á hvítu á facebook.

3. Líka við og deila þessari færslu (stilla færsluna á public til að ég sjái að þú hafir deilt).

Á næstu dögum mun ég kíkja í heimsókn í verslanirnar og sýna góðar jólagjafahugmyndir  á Snapchat ásamt því að hver veit nema þar verði hægt að næla sér í aukavinninga – ég mæli því með að fylgjast vel með.

svartahvitu-snapp2

Ég dreg út einn heppinn vinningshafa mánudaginn 19. desember.

Ég vil þakka ykkur fyrir samfylgdina á árinu sem er að líða og óska ykkur gleðilegra jóla.

x Svana

AÐVENTUGJÖF #2

ÍSLENSK HÖNNUN

UPPFÆRT

Takk fyrir þáttökuna að þessu sinni … með hjálp random.org fékk ég fimm konur upp sem fá nýju MEMO línuna frá Reykjavik Letterpress.

Soffía Lára
Rut Rúnarsdóttir

Eydís Ögn

Erla Jónatansdóttir

Elsa Petra Björnsdóttir

________

img_0527img_0533img_0537

Þessar flottu konur hér að ofan tóku á móti mér þegar ég heimsótti vinnustofu úti á Granda á dögunum. Hildur Sigurðardóttur og Ólöf Birna Garðarsdóttir eru hönnuðirnir á bak við Reykjavík Letterpress. Fyrirtæki sem hefur gert mjög góða hluti hingað til, sem dæmi vinna þær reglulega með sænsku vinum mínum í IKEA (!)  – það verður ekki mikið stærra ;)

Aðal ástæðan fyrir heimsókn minni var að skoða nýjar vörur sem voru þá nýkomnar, heitar úr prentaranum – MEMO lína.
Um er að ræða þrjár ólíkar skipulags blokkir í fallegum litum. Ég fékk sýnishorn með mér heim og ég hef notað þær daglega síðan.

Um er að ræða blokk fyrir vikuna, daginn og svo basic “muna” listi. Mæli mjög mikið með!

Margir eru farnir að skrifa allt svona í símana sína en ég kann einhvern veginn betur við að skrifa þetta á gamla mátann, miklu meiri sjarmi í því og það hjálpar manni betur að muna.

Ég sá strax tækifæri í því að geta hjálpað til við að kynna nýju vörurnar. Mér finnst þetta nefnilega vera tilvalin hugmynd af vinkonugjöf um jólin. Ég er sjálf alltaf í vandræðum með slíkar gjafir þar sem það er yfirleitt eitthvað þak á verði og maður vill vera sniðugur að finna eitthvað sem gleður. Ég enda svo oft enda á þessum típisku stelpugjöfum – varalitur, flík eða kaffibolli hefur verið vinsælt hjá mér síðustu árin.

Þetta er daglegt útsýni hjá mér –

img_0601

Gunni, maðurinn minn, er lang ánægðustur með vikuna. Hér þarf að skipuleggja marga hluti og þessi blokk hefur hjálpað til við slíkt – bæði vinnulega og heimilislega. Ég hjálpa honum að skrifa inn á vikuna en er sjálf duglegust að nota hvern dag fyrir sig sem og “muna” blokkina.

Í samstarfi við Reykjavik Letterpress ætla ég að gleðja lesendur í aðventuleik númer 2 hér á blogginu. 5 vinkonur fá eitt sett af Memo línunni.

LEIKREGLUR

 

  • Smellið á deila eða tweet hnappinn neðst til hægri í færslunni.
  • Skiljið eftir komment við færsluna.
  • Ég er @elgunnars á instagram – follow me! (ekki skilyrði til að komast í pottinn)

 

Ætla fleiri en ég að vera skipulagðari á nýju ári?

xx,-EG-.

Elísabet Gunnars á Facebook – HÉR
&

Trendnet á Facebook – HÉR