Við Trendnetingar áttum virkilega góða stund saman í kvöld, en við hittumst því miður alveg sárasjaldan og við ákváðum því að gera það almennilega og hittast á nýja veitingarstaðnum Kopar í late dinner. Ég er einstaklega hrifin af því sem hönnuðurinn Leifur Welding gerir og því var ég spennt að sjá þennan nýja stað sem opnaði fyrir nokkrum vikum við Gömlu Höfnina í Reykjavík, en það eru þær Ásta Guðrún Óskarsdóttir og Ylfa Helgadóttir sem standa að baki veitingarstaðarins.
Staðurinn er í hlýlegum iðnaðarstíl og er mjög töff, iðnaðarljós hanga úr loftinu og stórt graffíti verk prýðir vegg á neðri hæðinni. Leifur virðist hafa einstakt lag á því að finna til einstaka hluti og húsgögn og skapa flotta stemmingu sem passar fullkomnlega við þann stað sem hann hannar að hverju sinni.
Við fengum okkur 8 rétta ævintýraferð af og við rúlluðum næstum því öll út, en þó alveg ótrúlega sátt og sæl. Það er fátt betra en góður matur í góðum félagsskap.
Þetta ótrúlega huggulega heimili er til sölu hér fyrir áhugasama. Staðsett í Svíþjóð en ekki hvað.. heimilið er ótrúlega sjarmerandi á sinn skandinavíska hátt, þar sem hvítt er allsráðandi með dassi af viðarlit og grænum plöntum til að setja punktinn yfir i-ið. Er það ekki annars rétta uppskriftin?
Núna í kvöld er framundan skemmtilegur Trendnet hittingur á veitingarstaðnum Kopar, ég fæ svo að deila myndum með ykkar af þeim flotta stað! Og þið sem hafið sent mér tölvupóst undanfarna daga um ráðleggingar, þá mun ég svara asap.
Mig langar að benda ykkur á íslensku vefverslunina KRÚNK sem þið finnið á facebook hér. Hún Elva vinkona mín er snillingurinn á bakvið þessa verslun ásamt æskuvinkonu sinni, Stellu. Þær selja vörur eftir nokkra danska hönnuði, en merkið Studio Snowpuppe er í sérstöku uppáhaldi hjá mér/eða geómetrísku og litríku Moth ljósin frá því merki.
Sumarleg & sæt ljós.
Ég mæli svo sannarlega með þessari verslun ásamt því að eiga viðskipti við eina ljúfustu stelpu sem hægt er að finna.
Þetta er í annað sinn sem að ég birti myndir frá heimili dönsku listakonunnar Ninu Bruun, en hún býr í Christianhavn ásamt kærasta sínum í þessari 53 fermetra íbúð. Fyrra innlitið (aðrar myndir) er hægt að skoða HÉR.
Það er gaman að skoða svona litlar íbúðir þar sem öllu hefur verið komið haganlega fyrir, en það er alls ekki auðvelt að koma sér fyrir í litlum íbúðum. Oftar en ekki er ekkert geymslupláss og því eru allir hlutir sem maður á til sýnis sem skapa oft einhverskonar óreiðu og það er lítil “ró” á heimilinu. Ég tala algjörlega af reynslu þar sem minn æðsti draumur í dag er að eignast heimili með geymslu! -Stórir draumar haha
Ég eignaðist fallega Buffaló hauskúpu í gær, en þið sjáið mynd af henni hér til hliðar → → →
Hún er ekki enn komin upp á vegg, og hvort hún fari yfir höfuð upp á vegg í þessari íbúð er spurning…íbúðin okkar er mjög lítil og það er ekki hátt til lofts svo ég efast um að hún muni njóta sín mjög vel. Við hjúin látum okkur reyndar reglulega dreyma um að flytja svo þetta fær að koma í ljós. Myndin hér að neðan er í miklu uppáhaldi hjá mér og ég skoða hana reglulega, svona íbúð gæti ég alveg hugsað mér ásamt innanstokksmunum:)
Núna þarf ég reyndar aðeins að fara að passa mig… ég er mögulega komin með of mikið af dýrum+hauskúpum hingað heim, og það vill enginn eiga “creepy” heimili:)
