Ég hefði vel getað skipt þessari færslu niður á tvær góðar en ég er svo spennt yfir þessum “DIY” verkefnum að ég verð hreinlega að sýna ykkur þau strax! Við erum að tala um nokkuð vinsæl húsgögn, töffaraleg tímaritahilla og draumasófaborðið mitt á hjólum nema að Ikea bloggið var að sýna hvernig útfæra megi þessi húsgögn úr borðplötum frá þeim – algjör snilld. Sófaborð á hjólum hefur verið í um tvö ár á “to do” listanum mínum langa nema helst með glerplötu, ég er þó að hallast að því að svona svört viðarplata sé alveg málið og það gæti einnig leyst vandamálið sem ég sá við það að vera með glerborð + barn!
Einfaldari gerast varla heimatilbúin húsgögn! Hér er einfaldlega keypt borðplata (Säljan) og í þessu tilfelli með marmaraáferð og síðan eru myndarammahillur festar á. Þessar hillur eru draumur fyrir þann sem hefur gaman af því að raða…
Myndir : Karl Andersson via Ikea
Og þá er það sófaborðið sem brátt verður mitt – ég veit vel að ég hef margoft talað um svona borð og ég á það til að endurtaka mig ansi oft með vissa hluti. En þetta borð er jafnvel orðið einfaldara en mig hefði grunað, því þau hjá Ikea einfaldlega límdu hjólin við plötuna (Ekbacken) – ekkert vesen að bora! Ef ég hendi mér ekki í þetta verkefni núna þá veit ég ekki hvað:)
Myndir : Ragnar Ómarsson via Ikea
Algjör draumur til að stilla upp uppáhalds bókunum í bland við smá punt – LOVE IT!
Þá er loksins komið að fleiri fréttum af vinum mínum þeim Örnu og Sigvalda sem hafa verið að taka í gegn sína fyrstu íbúð. Núna er eldhúsið loksins orðið tilbúið og er útkoman glæsileg, það er ótrúlega gaman að skoða núna fyrstu myndirnar frá því að þau keyptu íbúðina og sjá eldhúsið sem var áður – rosaleg breyting. Breytingarnar á heimilinu hafa verið gerðar í skrefum en þau helltu sér ekki í það að rífa allt út strax heldur spara fyrir næsta skrefi sem er mjög skynsamlegt en það eru nokkuð stór verkefni að kaupa nýtt gólfefni á íbúð ásamt því að skipta út eldhúsi og baðherbergi. Ef þið smellið hér að neðan á taggið “Arna & Sigvaldi” þá getið þið lesið allar færslur sem birst hafa um breytingarnar frá upphafi og þau eru aldeilis ekki hætt.
En kíkjum á fyrir og eftir myndirnar,
Hér má sjá eldhúsið fyrir breytingar, mjög þröngt og illa skipulagt og þessi græni litur er einnig ekki að skora mörg stig það má alveg viðurkennast. Á þessari mynd má einnig sjá dúkinn sem var áður á gólfinu en núna hefur verið lagt fallegt parket og má sjá færsluna um það hér.
Það að rífa út eldhúsið “stækkaði” íbúðina töluvert og ég tala nú ekki um hvað svona breytingar hækka einnig verðgildi íbúða. Þau gerðu allar breytingarnar sjálf og fengu til liðs við sig fjölskyldu og vini til að aðstoða við ýmislegt svo kostnaður hélst í lágmarki.
Segðu okkur aðeins frá eldhúsinu Arna?
Þegar við Sigvaldi skoðuðum íbúðina okkar fyrst fyrir kaupin sáum við rosalega mikið tækifæri í breytingum á eldhúsinu. Eldhúsið var áður lokað af með millivegg á milli þess og borðstofunnar sem gerði bæði eldhúsið mjög lítið og þröngt sem og nánast engin lýsing komst í eldhúskrókinn. Eftir að við keyptum var fyrsta skrefið okkar að brjóta niður millivegginn og opna þannig rýmið. Við erum bæði mjög skotin í opnum rýmum en ekki öllu hólfuðu niður.
Og þá eru það eftir myndirnar, VÁ!
Það tók okkur dágóðan tíma að velja hvernig við vildum nákvæmlega hafa eldhúsið en vorum bæði á sömu blaðsíðu með að hafa það hvítt, höldulaust og stílhreint. Við kíktum í margar verslanir og enduðum með að nýta okkur þá frábæru ráðgjöf sem okkur var veitt hjá HTH (Ormsson). Rakel sem aðstoðaði okkur þar var strax á sömu blaðsíðu og við og kom með fullt af góðum punktum sem betrumbætti okkar sýn á hönnunina. Við vildum t.d. ekki hafa neina efri skápa á lengri veggnum svo hún kom með mjög góða lausn á hvernig nýta mætti best allt skápapláss og bættum við svo hillum í hornið sem er mjög þægilegt að hafa fyrir fínni glösin og kaffikönnurnar án þess að það sé of áberandi. Aðal kosturinn við það að hafa valið HTH innréttingu er að við þurfum ekki að setja hvern einasta skáp eða skúffu saman – það kemur nefninlega uppsett og þá þarf maður „bara“ að pússla og passa uppá að mælingar séu 100% . Við fengum með okkur vin sem er húsgagnasmiður og mælum eindregið með því að þeir sem ætli að setja þetta upp sjálfir í fyrsta skipti fái einhverja aðstoð því þetta er mjög mikil vandvirknisvinna (takk Andrés). Annar kosturinn við að versla hjá HTH er að það seljast líka raftækin í sama húsnæði s.s hjá Ormsson. Við nýttum okkur það og versluðum AEG vörur sem við erum hæst ánægð með, sérstaklega fallega helluboðið því við vildum hafa það eins stílhreint og hægt væri, s.s ekki með útistandandi tökkum eða merkingum á heldur er það alveg svart og mjög auðvelt í notkun.
Breytingarnar á íbúðinni eru örugglega hvað mestar eftir að við tókum eldhúsið í gegn sem við erum hæst ánægð með. Það er virkilega þægilegt í eldamennskunni að hafa þetta allt svona opið og nóg af borðplássi, tala nú ekki um að hafa ofninn í vinnuhæð (s.s að þurfa ekki að beygja sig niður til að setja steikina inn).
Í lokin ákváðum við að setja upp meiri lýsingu fyrir ofan eldhúsbekkinn og völdum við ljós frá Rafkaup. Það að setja upp lýsingu var smá basl því við vorum ekki með neitt tengi á veggnum og vildum ekki fara í það að brjóta upp og leggja rafmagn heldur var alltaf ætlunin að gera þetta eins einfalt og hægt er. Þá var okkur bent á eina mestu snilld sem við höfum uppgötvað og það er þráðlaus rofi. Við gátum þannig samtengt ljósin inná þráðlausan ljósarofa sem tengdur er í rafmagn og erum þá með sér slökkvara til þess að slökkva og kveikja á þeim ljósum sem eru fyrir ofan bekkinn sem er meira að segja með dimmer, sem við erum alls ekki að hata!
Hvað er þá næst á dagskrá?
Núna er svo bara að finna fallegar myndir í ramma til að bæta á langa vegginn og þá ætti eldhúsið nokkurnveginn að vera tilbúið. Þar á eftir tekur við final breytingin á baðinu sem okkur hlakkar rosalega til að komast í. Við gerðum þarna í fyrra smá breytingar á baðinu til að hafa til bráðabirgða og nú loksins munum við breyta baðherberginu alla leið. Við erum byrjuð að skoða í verslanir og skoða á fullu á Pinterest og Instagram hugmyndir af fallegum baðherbergjum. Við skoðum það reglulega til að fá hugmyndir, kannski ekki Sigvaldi jafn mikið og ég hehe, en það er ábyggilega sniðugasta leiðin til að byrja á ef maður er í framkvæmdarhugleiðingum því það er hægt að fá svo hrikalega margar góðar og flottar hugmyndir sem eru oft ekki jafn flóknar í framkvæmd og maður heldur.
– Virkilega flott breyting og þvílíkur munur á íbúðinni með svona bjart og fallegt eldhús. Núna er ég orðin mjög spennt að sjá hver útkoman með baðherbergið verður og hvernig væri nú ef ég kíkti bara í heimsókn með snappið og skoðum breytingarnar live! Hann Andrés minn hjálpaði eitthvað til með að setja upp eldhúsið þeirra og ætla ég því að fá Sigvalda lánaðann í nokkur verk þegar ég kemst einn daginn yfir svona íbúð sem þarfnast breytinga haha:) Þetta hlýtur að vera alveg ótrúlega skemmtilegt verkefni að breyta heimilinu svona mikið en á sama tíma mjög krefjandi. Ég er búin að kíkja í heimsókn til þeirra eftir að eldhúsið varð klárt og er mjög hrifin af þessum innréttingum, hrifnust er ég af því að fella ískápinn inn í innréttinguna og eigum við að ræða þessa tvo ofna? Eitthvað hlýtur nú að vera bakað og eldað á þessu heimili ♡
Þið sem hafið lesið bloggið lengi hafið af og til rekist á færslur um skreytingar drottninguna Þórunni Högnadóttur – sem bauð okkur einnig í heimsókn nýlega á Svart á hvítu snappinu. Hún er ein af þeim sem gerir allt fallegt í kringum sig alveg sama hvað það er. Fataskápurinn hennar er æðislegur, heimilið er gullfallegt og ofan á það er hún með sérstakan áhuga á því að skreyta veislur og hef ég áður sýnt ykkur myndir frá skírnarveislunni hjá dóttur hennar, ásamt babyshower fyrir tengdardótturina. Núna er komið að 1 árs afmælinu og sýnist mér á öllu að frú Þórunn Högna hafi toppað sig enn og aftur, hér eru ófáar hugmyndir – njótið!
Var þetta stór veisla? Nei, ekkert svo stór, með fjölskyldu og vinum voru þetta um 35 manns.
Tók undirbúningurinn langan tíma? Ég byrjaði að undirbúa afmælið í maí 2016 og verslaði smá þegar ég fór til Washington síðastliðið vor. Ég var svo alltaf að dúllast þegar tími gafst eins og föndra hengið og líma á flöskur og fleira.
Hvað finnst þér skemmtilegast við að skreyta fyrir veislur? Bara allt, mér finnst þetta svo gaman, en skemmtilegast finnst mér að föndra eithhvað og skreyta borðið.
Er alltaf nægur tími til að gera veisluna fallega? Já, það held ég, ef maður skipuleggur sig þá er þetta lítið mál, ég hefði sko ekki viljað hafa minni tíma. Sérstaklega þegar ein lítil þarf alla athyglina.
Hvaðan eru svo hlutirnir? Dúskarnir og blöðrurnar voru pantaðir frá Etsy, ég nota þessa síðu mjög mikið. Glimmerdúkurinn er pappír sem ég keypti í Washington í versluninni Paper source, þessi búð er algjört æði og er heaven fyrir svona DIY skvísur! Hengið er heimatilbúið úr parketlista, hengi frá Partýbúðinni sem ég klippti niður ásamt kreppappir frá Søstrene Grene.
Takk fyrir okkur elsku Þórunn, ef þið hafið einhverjar spurningar varðandi veisluna eða veitingar þá skiljið þið bara eftir athugasemd hér að neðan. Ég vona að þið getið nýtt ykkur eitthvað af þessum frábæru hugmyndum. Skemmtilegast finnst mér að sjá hvernig hún nýtir glimmer innpökkunarpappír sem dúk, en þannig má auðveldlega poppa upp á veisluborðið á ódýran hátt.
Hún Pella vinkona mín Hedeby er sú allra smartasta ef ég hef ekki sagt ykkur það milljón sinnum áður. Hún starfar sem stílisti meðal annars fyrir sænska risann Ikea og gerir þar hverja snilldina á eftir annarri. Nýjasta verkið er heimatilbúinn höfðagafl sem er einfaldlega úr málaðri MDF plötu en mesta snilldin er að á bakvið gaflinn eru festar nokkrar myndarammahillur úr Ikea sem er fullkomin lausn fyrir bækur til að grípa í fyrir svefninn. Trixið er þó að mála höfðagaflinn í sama lit og vegginn til að ná fram þessari fallegu dýpt eins og sjá má á myndunum hér að neðan.
Ljósmyndir: Ragnar Ómarsson via Ikea
Myndirnar birtust á Ikea blogginu / Ikea Livet Hemma sjá hér. Alveg fullkomið heimaföndur ekki satt? Hvað segið þið var ekki einhver hér að leita sér að næsta DIY verkefni:) Skiljið endilega eftir athugasemd eða smellið á like hnappinn ef ykkur líkaði færslan.
Ég er ástfangin af mynda & bókaveggnum á heimili Ninu sem heldur úti blogginu Stylizimo, daman er auðvitað smekkleg með eindæmum og allt sem hún gerir á heimilinu sínu verður yfirleitt alveg stórkostlegt að mínu mati. Ég hef fylgt henni frá upphafi og verð alltaf hálf veik fyrir að breyta heima hjá mér þegar hún breytir til hjá sér, – smá vandræðalegt ég veit. Núna nýlega tók hún sig til og málaði vegginn og vegghillurnar í stofunni sinni í dásamlegum grágrænum lit sem tónar svo fallega við viðarlitaða rammana og svart hvítar myndir.
Hvernig væri nú að fá sér svona fallegan vegg og raða upp uppáhalds bókunum og listaverkum?
Áður en hún málaði var veggurinn málaður svartur og var nokkuð töff á meðan að grái liturinn er meira afslappaður og leyfir myndunum og litnum að njóta sín betur.
Hvort eruð þið að fíla betur, gráa eða svarta? Það má nú aldeilis útbúa svona smart vegg með klassískum myndahillum frá elsku Ikea en aðaltrixið er að mála þær í sama lit og vegginn.
Ivar skáparnir frá Ikea eru klassík en Ivar línan er þó miklu meira en bara þessir skápar sem við sjáum oftar, Ivar er nefnilega heilt hillukerfi þar sem hægt er að raða saman og bæta við hillum og skápum á óteljandi máta bæði upp og til hliðanna. Skáparnir hafa orðið æ meira áberandi undanfarið þrátt fyrir að vera vissulega ekki nýjung frá Ikea en einir og sér eru þeir mjög smart á meðan að hillurnar úr sömu línu eru ekki mikil stofuprýði að mínu mati (fínar í geymsluna). Besta skáparnir virðast fá meiri athygli hér á landi og þekkjum við þá líklega flest öll enda ótrúlega vinsælir skápar sem koma í nokkrum útgáfum á meðan að Ivar kemur aðeins í gegnheilli og ómeðhöndlaðri furu sem gæti verið ástæða þess að fleiri kjósi fyrri kostinn. Það tekur þó ekki langan tíma að finna nokkrar flottar myndir sem sýna Ivar í nýju ljósi – málaðann og ég er heilluð!
Hér má sjá skápinn í sinni upprunalegu mynd, ég er reyndar mjög hrifin af honum svona náttúrulegum og ljósum. En með tíð og tíma þá gulnar furan svona ómeðhöndluð.
Ég er hrifnust af þeim upphengdum en ekki á fótum,
Hrifnust er ég af Ivar svartmáluðum, ég gæti vel hugsað mér að skipta út mínum Besta skenk fyrir einn svona!
Ein í mynd í lokin sem er í uppáhaldi af Besta skápum, en það er uppstillingin sem heillar mest ásamt ljósunum sem eru æði!
Það er aldeilis kominn tími á eitt DIY verkefni hingað inn og í þetta sinn er það svo auðvelt að hver sem er getur búið þessa hillu til. Við höfum séð þessa hugmynd margoft áður en þó alltaf fínt að fá áminningu að suma hluti er skemmtilegt að búa til sjálfur sérstaklega þegar það er ekki of tímafrekt. Svona hillur á leðurböndum eru fínar undir smá punt og geta komið vel út við rúmgaflinn, í barnaherberginu, á baðherberginu eða jafnvel í stofunni. Þó myndi ég ekki mæla með að setja marga þunga hluti en þetta er alltaf bara spurning um smá common sense.
Það þarf ekki mikið til í verkið en leðurbönd eða leðurbútur sem þú klippir eru númer eitt á listanum og fæst t.d. í Hvítlist eða jafnvel í föndurbúðum. Einnig þarf að hafa til taks gatatöng til að gera gat í leðrið ásamt skrúfum. Síðast en ekki síst þarf hillu sem fæst t.d. ódýr hér, eða afgangsviðarplötu sem þú átt til heima. Og voila þá er hillan reddý!
Það er kominn tími til að endurvekja DIY dálkinn hér á blogginu en það er þema sem ég var mjög dugleg að vinna með hér í denn. Það var að sjálfsögðu DIY æði sem gekk hér yfir en það er alveg eitthvað sem mætti blása aftur lífi í enda ótrúleg hugarró sem fylgir því að dunda sér á kvöldin í smá föndri fyrir heimilið.
Áfram höldum við að fylgjast með þeim Örnu og Sigvalda sem eru á fullu að standsetja fyrstu íbúðina sína, þau eru nú þegar búin að taka baðherbergið í gegn, skipta um gólfefni fyrir glæsilegt parket og eru núna búin að koma stofunni í flott stand með nýjum sófakaupum og svartmáluðum gluggakörmum. Miðað við lestrartölurnar á þessum færslum þar sem ég hef sýnt frá þessu ferli þá virðist vera alveg gífurlegur áhugi fyrir svona efni og þessvegna ákvað ég að taka stöðuna á þeim enn einu sinni:)
Jæja Arna segðu okkur núna hvað er nýtt að frétta af heimilinu? Það er helst að stofan er orðin tilbúin, eftir að hafa tekið niður vegginn inní eldhúsi þá voru við komin með mjög stórt og opið rými miðað við hvernig þetta var allt áður og eftir að hafa málað og sett glæsilega parketið okkar var íbúðin björt og hlýleg. Með því að hafa ljósa parketið gátum við leikið okkur frekar með dekkri liti í húsgögnum og vildum við því einhvern fallegan en þægilegan sófa í stofuna því við erum jú ekki með sér sjónarpshol í íbúðinni.
Við þurftum því að leita af frekar stórum sófa sem væri samt snyrtilegur og þægilegur til að liggja í. Við fórum í milljón verslanir og skoðuðum allt milli himins og jarðar. Vinkona mín benti mér á að kíkja í Pier því hún átti sófa þaðan sem hún sagði að væri uppáhalds húsgagnið sitt heima hjá sér. Leið okkar lá því í Pier og vorum við ofsalega heppin með afgreiðslustelpu sem sökk sér alveg í það með okkur í pælingum og útfærslu, mér leið í smá stund eins og hún væri líka að kaupa sófann með okkur sem var góð tilfinning:) Sófinn sem við völdum heitir Polo en hann passar svo ótrúlega vel heima því hann er með 2 tungum svo hann lokar pínulítið af rýmið en ekki þannig að það minnki neitt rýmið. Við getum því núna tekið vel á móti gestum án þess að allir sitji ofaní hvor öðrum og svo fá allir sitt pláss til að horfa á sjónvarpið. Við völdum dökkgrátt áklæði aðalega upp á þrif og fleira að gera en við fengum fljótt áskorun með þann part þegar nágrannaköttur skreið inn eina nóttina og hafði það huggulegt í sófanum og skyldi eftir hálfan feldinn og skítug fótspor um sófann hahaha … sem betur fer var auðvelt að ná þessu úr með blautri tusku og smá sápu:)
Hvað kom til að þið máluðuð gluggakarmana svarta? Þeir voru hvítir, en eftir að rýmið opnaði svona mikið langaði okkur að gera eitthvað öðruvísi við gluggana. Ég lá á Pinterest og rambaði þar á íbúð sem var með svörtum gluggakörmum og þá var ekki aftur snúið. Þetta var auðvitað smá áhætta að mála svart því ef þetta hefði misheppnast þá tekur um 3-4 umferðir að ná aftur hvíta litnum. En sem betur fer erum við rosalega ánægð með gluggana og finnst þeir skerpa smá heildarlúkkið í þessu rými, gera hana aðeins meira kósý og öðruvísi.
Diskarnir á veggnum er örugglega uppáhalds “hornið” mitt í stofunni. Báðar ömmur mínar voru með þessa diska heima hjá sér þegar ég var lítil og var ég alltaf að spá í þeim og hafa þeir því mikið tilfinningalegt gildi hjá mér. Við vildum ekki alveg fara í það að raða þeim eins og ömmur mínar gerðu og örugglega fleiri á þeim tíma (í beinni línu efst á veggnum) og var því farið í rannsóknarvinnu á Pinterest að sjálfsögðu. Við skoðuðum nokkar útgáfur sem við vorum sammála um og prófuðum að raða eins og eftir okkar höfði með þvi að teikna diskana á pappír og þá líma pappírinn á veginn til þess að finna út hvað okkur fannst flottast. Litirnir í diskunum gera mikið fyrir íbúðina en við vorum svolítið dottin í svart, hvítt og grátt og kemur þá þessi blái rosalega vel með sem “auka” litur og erum við því núna að skoða fleiri bláa hluti til að setja inná heimilið til að tóna við vegginn.
Vegna fyrirspurna um parketið þá læt ég fylgja með aftur upplýsingar um það:
Hvaðan er parketið? Við vorum bæði mest skotin í parketum frá Birgisson en þau eru með ekkert smá mikið úrval af parketum og í öllum verðflokkum. Um leið og við gengum inn var tekið vel á móti okkur og fengum góða fræðslu um hvernig parket við ættum að skoða útfrá okkar aðstæðum, en við vildum einmitt parket sem við gætum sett á alla íbúðina og líka inn í eldhús. Útfrá því fór starfsmaðurinn með okkur yfir svona helstu staðreyndir um þau parket sem við vorum búin að gjóa augum að sem var mjög þægilegt þar sem við vissum lítið sem ekkert um þetta.
Hvað fannst þér mikilvægt að hafa í huga við valið? Parketið sem við völdum okkur var á viðráðanlegu verði en samt svo fallegt og tók það okkur ekki langan tíma að staðfesta kaup á því. Parketið er s.s 10mm harðparket og heitir Vermont Oak White, en þetta er glæsilegt alhvíttað eikarlíki. Okkur fannst skipta máli að hafa parket sem myndi endast vel og ekki rispast auðveldlega en við erum stundum með fósturhundinn okkar hana Birnu og viljum geta leikið við hana án þess að vera að stressast með gólfið.
Stofan er orðin hin glæsilegasta og ég er ekki frá því að þau eigi skilið smá pásu frá framkvæmdunum áður en ráðist verður í eldhúsframkvæmdir en það er víst næst á dagskrá! Efst í færslunni er að finna linka yfir í færslurnar sem sýna allt ferlið og myndir af íbúðinni fyrir framkvæmdir. Ef ykkur líkar við svona verkefni þá megið þið endilega smella á like hnappinn hér að neðan, ég er nefnilega að fylgjast með annari vinkonu minni taka baðherbergið sitt í gegn á ódýran og “auðveldan” hátt:)
Það er aldeilis kominn tími til að taka aftur stöðuna á þeim Örnu og Sigvalda sem hafa verið að gera upp íbúðina sína. Síðan síðast þá hafa þau skipt út gólfefnum fyrir fallegt parket ásamt því að fjárfesta í nýjum sófa. Það er orðinn þvílíkur munur á íbúðinni þó svo að enn sé nóg eftir af verkefnum, en næst verður það eldhúsið. Ég ásamt svo mörgum öðrum hef einstaklega gaman af því að fylgjast með svona framkvæmdum og er sannfærð um að þessar færslur geti komið mörgum að góðu gagni sem eru eða ætla að skella sér í framkæmdir á heimilinu.
Segðu okkur hvað þið hafið verið að gera síðan síðast? Þegar við Sigvaldi keyptum íbúðina var hún með brúnum dúk á gólfinu en það var einmitt þar sem við sáum sem mestu möguleikana. Við fórum strax að skoða okkur um í helstu parketverslunum hér á höfuðborgarsvæðinu og fengum endalaust af prufum og upplýsingum. Við vorum sem betur fer bæði sammála um að við vildum ljóst en hlýtt parket svo það var fínt upphaf á leitinni.
Hvaðan er parketið? Við vorum bæði mest skotin í parketum frá Birgisson en þau eru með ekkert smá mikið úrval af parketum og í öllum verðflokkum. Um leið og við gengum inn var tekið vel á móti okkur og fengum góða fræðslu um hvernig parket við ættum að skoða útfrá okkar aðstæðum, en við vildum einmitt parket sem við gætum sett á alla íbúðina og líka inn í eldhús. Útfrá því fór starfsmaðurinn með okkur yfir svona helstu staðreyndir um þau parket sem við vorum búin að gjóa augum að sem var mjög þægilegt þar sem við vissum lítið sem ekkert um þetta.
Hvað fannst þér mikilvægt að hafa í huga við valið? Parketið sem við völdum okkur var á viðráðanlegu verði en samt svo fallegt og tók það okkur ekki langan tíma að staðfesta kaup á því. Parketið er s.s 10mm harðparket og heitir Vermont Oak White, en þetta er glæsilegt alhvíttað eikarlíki. Okkur fannst skipta máli að hafa parket sem myndi endast vel og ekki rispast auðveldlega en við erum stundum með fósturhundinn okkar hana Birnu og viljum geta leikið við hana án þess að vera að stressast með gólfið.
“Þegar það kom að velja undirlag vorum við alveg útá túni og það var akkurat þar sem ég er þakklátust í dag fyrir ráðleggingarnar Óttars hjá Birgisson. Við vorum fyrst ekkert viss með að eyða eitthvað rosalega í undirlag þar sem það sést nú hvort eð er ekki en hann var alveg staðfastur á því að ef við ætluðum einvhersstaðar að spara að þá væri það ekki í undirlaginu. Við tókum hans ráðleggingum og tókum því gott undirlag og þar sem við búum í fjölbýli þá getum við ekki sagt að við sjáum eftir þeirri ákvörðun þar sem hljóðeinangrunin er miklu betri og mýktin varð einhvernveginn miklu betri við að ganga á gólfin.”
“Þegar kom að því að parketleggja þá var Sigvaldi sem betur fer búinn að gera þetta nokkrum sinnum áður og gátum við því gert þetta sjálf, en okkur fannst mjög mikilvægt að geta haft möguleikann á að gera þetta sjálf, þó ég mæli ekki með því nema að fólk kunni eitthvað fyrir sér í þessum málum. Eftir að við parketlögðum þá varð strax svo mikill munur á íbúðinni, en okkur finnst parketið alveg gera heildarsvipinn og gera íbúðina svo hlýja og fína.”
Hér er fallega parketið komið á gólfið og búið að mála gluggakarmana! Þvílíkur munur ♡
Mér fannst mjög áhugavert að heyra frá Örnu þetta með parketundirlagið og það að búa í fjölbýli, en það vill svo til að ég bý einnig í fjölbýli og er með plastparket á gólfinu en undirlagið er svo lélegt (ef það er nokkuð undirlag) að það heyrist svo gífurlega mikið á milli hæða að það er einn stærsti ókosturinn við það að búa hérna. Ég læt fylgja með eina detail mynd af parketinu hér að neðan, ég er mjög skotin í þessu þó svo að ég hafi núll vit á parketum:)
Ég tók svo mikið magn af myndum þegar ég kíkti í heimsókn til Örnu að þær komast ekki fyrir allar í einni færslu og því verður innlit í stofuna til þeirra birt í annarri færslu! En þvílíkur munur á íbúðinni eftir að dúkurinn var rifinn af, þetta hefði líka klárlega verið eitt það fyrsta sem ég hefði gert, að skipta út gólfefninu enda lítil prýði af brúnum dúk í stofunni hjá sér:)
Smellið endilega á like hnappinn ef þið viljið fylgjast betur með framkvæmdunum hjá Örnu og Sigvalda!
Þið kannist eflaust flest við Þórunni Högna, ritstýru Home Magazine og fagurkeri mikill en hún er einnig algjör drottning þegar kemur að skreytingum og dúlleríi fyrir heimilið. Fyrir nokkrum dögum síðan hélt Þórunn skírnarveislu fyrir dóttur sína sem hlaut fallega nafnið Leah Mist og það kom engum á óvart sem kannast við Þórunni að hún fór alla leið með skreytingarnar. Veislan var hin glæsilegasta og ég fékk að deila með ykkur nokkrum myndum sem gefa svo sannarlega góðar hugmyndir fyrir þá sem eru í veisluhugleiðingum.
Segðu okkur aðeins frá undirbúningnum fyrir skírnina, varstu með þema? Undirbúningurinn hófst fyrir svona 3 mánuðum, ég skoðaði mikið Pinterest og fékk m.a. hugmyndir þaðan. Þemað var gull og bleikt.
Gerðir þú sjálf allar skreytingarnar? Já, ég gerði nánast allt sjálf. Ég lét t.d. prenta litlar myndir af henni í Pixel, sem ég setti svo á grein ásamt öðru dúlleríi, keypti allskonar skraut í Söstrene, eins og glimmerstafi sem ég setti á lítil hvít merkispjöld með nafninu hennar og hengdi upp með bleikum silkiborða. Krukkuna fyrir rörin gerði ég með föndurlími og glimmeri, mjög einfalt. Ég setti svo gullgarn utan um öll kerti og batt bleikar slaufur á kertastjkana, setti svo hvítar fjaðrir á greinina í hvíta vasanum ásamt myndum af henni. Dúskaskrautið, rörin, servíetturnar og diskana með nafninu hennar pantaði ég.
“Blöðrurnar eru frá Partýbúðinni en gull doppulímmiðana fékk ég líka í Söstrene, pappaglösin eru frá Allt í köku. Svo fannst mér algjört möst að hafa bleika miða á kókflöskunum, Vörumerking gerði miðana og svo setti ég slaufu og bleikan stein á Kristal flöskur.”
Ef þú horfir til baka, hefðir þú viljað gera eitthvað öðruvísi? Ég er bara nokkuð sátt við veisluna, auðvitað er alltaf eitthvað sem ég hefði viljað gera öðruvisi, en ég geri bara betur næst, er byrjuð að hugsa um 1 árs afmælið hennar sem er í Nóvember…..hef nokkra mánuði til að undirbúa það.
Lumar þú á ráði handa þeim sem eru að undirbúa veislu, hvað er gott að hafa í huga varðandi skreytingar? Það er hægt að gera svo mikið sjálfur þegar kemur að skreytingum, og þá líka verða skreytingarnar persónulegri. Svo er orðið svo mikið úrval í boði af allskonar fallegu skreytingardóti, skoðið myndir og notið hugmyndaflugið. Ég er t.d byrjuð að safna mér litlum flöskum (happ drykkir) sem ég ætla skreyta og nota í afmælinu hennar.
Leggur þú almennt mikla áherslu á skreytingar þegar þú heldur boð? Fjölskyldumeðlimum finnst ég oft aðeins of ýkt þegar kemur að veislum, bæði þegar kemur að veitingum og skreytingum. En mér finnst þetta alveg ofboðslega gaman og eitt það skemmtilegasta sem ég geri, hef verið langt fram á nótt að föndra eitthhvað. Væri til í að eiga auka bílskúr eða herbergi fyrir allt skrautið og föndurdótið mitt.
Hver gerði fallegu kökuna? Snillingurinn sem gerði kökuna heitir Ásdís Geirsdóttir, hana má finna á facebook. Mágkonan mín gerði æðislega kökupinna, og þær hjá 17 Sortir gerðu bollakökurnar. Tengdaforeldrar mínir gerðu svo rice krispís tertuna. Pallíettuefnið sem notað er sem dúk er frá Twill.
Hvernig veitingar voru í veislunni? Ég var með bæði snittur og heita rétti ásamt nokkrum gerðum af marens tertum.
Hvíti stafabannerinn er frá Petit.
Virkilega vel heppnuð veisla hjá Þórunni og persónuleg, og þvílíkur hafsjór af hugmyndum fyrir veislur:) Mér sjálfri þykir mjög gaman að skreyta fyrir svona veislur, hér má t.d. sjá gamla færslu þar sem ég dekkaði fermingarborð hér heima. Eins og Þórunn nefnir þá er frábær leið til að finna góðar hugmyndir að skoða Pinterest en ég er ekki frá því að það sé nóg af hugmyndum að sjá í myndasafninu hér að ofan. Takk fyrir spjallið Þórunn!
