MEST LESNU FÆRSLURNAR // 2016

Hitt og þetta

Það er alltaf gaman að líta yfir liðið ár og sjá hvað stóð upp úr og er ég þar engin undantekning. Í gær tók ég mig til og renndi í gegnum allar færslurnar sem ég skrifaði á síðasta ári og eru þær ófáar… ég hef mjög gaman af því að sjá svart á hvítu hvaða færslur það eru sem eru best lesnar og get út frá þessum tölum séð nokkuð vel hvað þið viljið lesa um og hvað ekki þó svo að ég fylgi bara mínu hjarta hvað varðar “ritstjórnarstefnu” hér inni (hóst) ég er ekki með neina fasta stefnu:) Það eru nánast allar færslurnar mínar mjög vel lesnar og er nokkuð jafn lestur yfir allt árið sem gleður mig mikið. En þó koma inn á milli færslur sem er deilt óvenju oft og verða þar af leiðandi gífurlega vel lesnar, hér að neðan má sjá nokkrar þeirra að undanskildum gjafaleikjum sem slá alltaf rækilega í gegn.

9a9fb5ee52a7e53ce44fd1fa0f4e1926390f32b9-620x413

Mest lesna færslan árið 2016 “Tjúlluð íbúð í Naustahverfi Reykjavíkur” kom mér ekki mikið á óvart en það voru fasteignarsölumyndir af einni skemmtilegustu og fallegustu íbúð sem ég hef séð. Mæli svo sannarlega með að kíkja aftur á þessa færslu fyrir brjálaðan heimilis-innblástur!

d3d9559624f3f6f5f8d26f7a637c46186045da57-620x413

“Fallegasta baðherbergi Íslands” varð einnig ein mest lesna færslan og skal sko engan undra enda fallegasta baðherbergi sem ég hef nokkurn tímann séð. Á þessu heimili býr innanhússarkitektinn Katrín Ísfeld og að sjálfsögðu hannaði hún baðherbergið sitt sjálf og var útkoman stórglæsileg!

12745741_1283071921706763_8301819837149587180_n-620x930

Ég virðist hafa það fyrir venju að lenda reglulega í einhverri vitleysu og sló ég öll met árið 2016 með Vitleysa dagsins: Lego geymsluhaus sem þið flest lásuð um og gátuð hlegið með mér. Í hitti fyrra þá gerði ég svipuð kaup á Montana hillu sem hægt er að lesa um hér – hlakka til að sjá hvað 2017 færir mér haha.

screen-shot-2016-08-29-at-14-15-33

Fröken Þórunn Högnadóttir virðist hafa eitthvað einstakt aðdráttarafl því allt sem ég hef skrifað um hana ratar beina leið á topplistann! “Skírnarveislan hjá Þórunni Högna” var uppfull af góðum hugmyndum og féll því vel í kramið.

12888687_10154091385734510_3849225879515508345_o-620x930

Við fengum að fylgjast með vinum mínum þeim Örnu og Sigvalda gera upp sína fyrstu íbúð og fengu allar færslurnar gífurlega mikinn lestur og áhuga, greinilega eitthvað sem ég má gera meira af:) Þau Arna og Sigvaldi er með sér “tagg” hér á blogginu og má því lesa allar færslurnar þeirra hér. 

screen-shot-2017-01-03-at-15-32-26

Ég og Ikea eigum í sérstöku ástarsambandi og ég veit að þið flest deilið Ikea áhuga mínum, ég held ótrauð áfram að kynna fyrir ykkur spennandi samstörf eða snilldar Ikea Hacks – ég sé vel að þið kunnið að meta slíkt og rataði m.a. færslan “IKEA SVARTAN: Óskalistinn” á topplistann.

screen-shot-2017-01-03-at-15-36-31

“Tips & trix” er ein af þessum færslum sem mig langar til að gera meira af og var færslan “Tips & trix fyrir eldhúsið” mjög vel lesin. Það fer vissulega mikil vinna í svona langar færslur en þegar uppi er staðið þá eru þær langskemmtilegastar til að líta á aftur og aftur.

eldhus-620x448

marni-kitchenwide

“Hvað er svona merkilegt við Aalto vasann” var að sjálfsögðu vel lesin enda erum við Iittala þjóð með meiru, við elskum að safna Iittala vörum og elskum einnig að lesa um fréttir og fróðleik frá þessu ástsæla finnska hönnunarmerki. Ég mæli með að lesa færsluna ef hún fór framhjá þér á sínum tíma, sagan á bakvið Aalto vasann fræga er nefnilega mjög áhugaverð!

screen-shot-2017-01-03-at-15-46-46

Síðast en ekki síst þá varð færslan “Fyrsta snapchat innlitið” strax rosalega vel lesin, þrátt fyrir að hafa aðeins verið skrifuð fyrir nokkrum vikum síðan. Svartahvitu snappið hefur nánast eignast sitt eigið líf þrátt fyrir að ég sé enn að reyna að koma mér í gírinn að sjást þar reglulega, ég er eins og ég hef áður komið inn á mjög snortin yfir viðbrögðunum sem ég hef fengið á þessum nýja vettvangi og hlakka mikið til að kanna þennan vettvang betur. Fyrsta snapchat innlit ársins er einnig væntanlegt.

15681823_10155567451453332_1043120347_o-620x1102

Takk fyrir mig 2016 ! Ég get ekki beðið eftir að sjá hvað 2017 færir mér !

P.s. svona í tilefni þess að ég var að taka saman best lesnu færslurnar þá megið þið endilega skilja eftir handa mér línu með tipsum um hvað þið viljið sjá meira af eða jafnvel bara hvað ykkur þykir skemmtilegast að lesa um. Er opin fyrir öllum hugmyndum og kann alltaf rosalega vel að meta þegar þið skiljið eftir orð.

x Svana

svartahvitu-snapp2-1

SUMMER MOOD

Hitt og þetta

Ég eyddi deginum úti á svölum að vinna í tölvunni, það er ekki annað hægt í svona bongó blíðu. Fyrsti dagurinn í dag í sumarfríi hjá litla beibí og núna hefst svo sannarlega púsluspil hjá mér á milli vinnu og frítíma, það er jú einstaklega erfitt að vinna þegar restin af fjölskyldunni er úti að leika í blíðunni og ég sem verktaki á ekkert sumarfrí inni. Ég ákvað að taka saman nokkrar dress myndir í færslu dagsins, því ef það er eitthvað sem ég hef vanrækt lengi þá er það fataskápurinn minn ég er hreinlega alltaf í sömu fötunum:)

Screen-Shot-2015-04-23-at-22.38.421111

SIGRÍÐUR ERLA & A2 HÁTALARINN

Hitt og þetta

Það er alveg ótrúlega skemmtilegt að fá að gefa af og til svona veglegar gjafir hér á blogginu, þó svo að þetta sé nú ekki beint úr mínum vasa heldur sáu vinir mínir hjá Bang & Olufsen alfarið um þennan vinning:) Það var hún Sigríður Erla sem hafði heppnina svo sannarlega með sér og nældi sér í fallega A2 þráðlausa hátalarann sem ég hef svo oft dásamað og í dag fór hún og sótti vinninginn.

Hér er kommentið hennar sem dregið var úr stóra pottinum : “Þetta er draumahátalarinn minn, fyrir utan hljómgæðin þá er hann náttúrlega ótrúlega fallegur eins og allar vörur frá B&O. Þar sem ég hlusta á tónlist á nánast hverri einustu mínútu sólarhringsins þá myndi hann nýtast vel og njóta sín enn betur á mínu heimili. Takk fyrir enn einn gjafaleikinn, þeir eru alltaf jafn flottir!!:)”

20160331_171812_resized

Til hamingju Sigríður Erla og takk fyrir að lesa xx

Screen-Shot-2015-04-23-at-22.38.42111

♡ BRIDGET JONES 3

Hitt og þetta

Ég veit að þetta er ekki það sem ég er vön að fjalla um en eftir að ég sá fréttirnar að það sé von á framhaldsmynd um uppáhalds vinkonu mína hana Bridget Jones þá varð ég hreinlega að deila því hér á blogginu. Ég hef ekki töluna á því hversu oft ég hef horft á hinar tvær myndirnar og það sem ég varð glöð að sjá að mc.Dreamy hafi bæst við hópinn! Þessi verður klassík…

Ég minni einnig á gjafaleikinn þar sem hægt er að næla sér í Bang & Olufsen A2 þráðlausan hátalara, -skilyrði leiksins eru breytt og því geta allir skráð sig í pottinn. 

Screen-Shot-2015-04-23-at-22.38.42111

JÓLAGJÖF SVART Á HVÍTU HLÝTUR…

Hitt og þetta

Hún er svo sannarlega lukkunnar pamfíll hún Anna Kristín Óskarsdóttir sem ég dró út rétt í þessu sem vinningshafa gjafaleiksins. Hlýtur hún því samtals 100.000 kr. gjafabréf í flottustu netverslunum landsins.

Cover

Verslanirnar sem um ræðir eru:

EPAL ESJA DEKOR HJARNHRÍMI AM HAPPYMINIMAL DEKOR

MJÓLKURBÚIÐPETITREYKJAVÍK BUTIKSNÚRAN

Ég vona svo sannarlega að gjafabréfið komi sér afskaplega vel fyrir hana Önnu Kristínu, ég hefði viljað geta glatt enn fleiri en þátttakan fór fram úr mínum björtustu vonum með um 3.000 þátttakendum.

Kæra Anna Kristín, sendu mér endilega póst á svartahvitu@trendnet.is

Ég þakka kærlega fyrir allar athugasemdirnar sem bárust og býð í leiðinni nýja lesendur velkomna og vonandi endurtökum við svona leik aftur seinna. Án ykkar væri þessa bloggsíða ekki neitt neitt:)

 Með bestu kveðju, Svana

DRAUMUR Í DÓS

Hitt og þetta

2014.3

Eruð þið búin að smakka jólalakkrísinn frá Lakrids by Johan Bulow… mig minnir reyndar að þetta sé sama bragð og í fyrra en örlítið öðruvísi gulllitur á kúlunum?

Nei ok, ég keypti mér tvær í fyrradag, eina fyrir mig og eina fyrir mág minn sem átti afmæli á dögunum og þær eru báðar búnar. ÚBBS.

Kveðja þessi í orlofinu;)

VINNINGSHAFI : KOPARVASI FRÁ SNÚRAN.IS

Hitt og þetta

…. Þá er instagram leik Snúrunnar.is & Trendnet lokið þar sem hægt var að næla sér í fallegt sett af koparvösum frá Skjalm P.

Sú heppna að þessu sinni er…

DSC05570_zps03244119-620x870 2471_1-620x618

Drífa Guðmundsdóttir

Til hamingju Drífa með þessa ofurfallegu vasa! Sendu endilega póst á snuran@snuran.is til að vitja vinningsins!

Takk allir fyrir þáttökuna, núna er það bara að reyna við lottóið annað kvöld;)

-Svana

PYROPET VINNINGSHAFINN

Hitt og þetta

Pyropet kisuleikurinn er án efa einn skemmtilegasti instagramleikurinn so far að mínu mati:) Ég skemmti mér mjög vel að fara í gegnum allar myndirnar og við Þórunn áttum mjög erfitt með að velja bara eina úr fjöldanum. Það bárust alveg fjölmargar myndir inn en ein varð að lokum kosin vinningsmyndin og það var…

Myndirnar hér að ofan eru bara brotabrot af þeim sem voru sendar inn:)

Screen Shot 2014-07-17 at 9.26.41 PM

 Stígvélaði kötturinn hennar Ingunnar Emblu og hlýtur hún í verðlaun Kisukerti hannað af Þórunni Árnadóttur:)

1GPC2QLAO-L-6d-uiwJSZQM1RnBAhZ9LZ5wVdQsiZ5o

Til hamingju Ingunn, sendu mér endilega póst á svartahvitu@trendnet.is til að vitja vinningsins.

Og takk allir fyrir þáttökuna, hún fór fram úr mínum björtustu vonum!

-Svana