BECCA x Iceland

Snyrtivörur

Í gærkvöldi fór ég á virkilega flottan og skemmtilegan viðburð í tilefni þess að BECCA förðunarvörurnar eru komnar til landsins!

xx

Ég átti fyrir tvær vörur frá BECCA sem ég keypti mér á Spáni fyrr á þessu ári en það eru tveir highlighterar: Opal og Moonstone. Ég notaði þá að sjálfsögðu í förðun kvöldsins.

Ein vinsælasta vara BECCA er einmitt highlighter í litnum Champagne Pop en ég er mjög spennt að prófa fleiri vörur frá merkinu – sérstaklega eftir kynningu gærkvöldsins!

BECCA fer í sölu í dag, föstudag, kl. 16 í Lyf og heilsu í Kringlunni.

Viðburðurinn hófst með fordrykk og kynningu, síðan lá leiðin í BECCA Masterclass undir handleiðslu Hörpu Kára og þar á eftir fengum við ljúffengan dinner. Andrea Röfn okkar var módel kvöldsins og Guðrún Sørtveit var að sjálfsögðu einnig á staðnum. Ég leyfi nokkrum “snöppum” frá kvöldinu að fylgja.

Takk fyrir mig BECCA á Íslandi.

xx

Birgitta Líf

instagram & snapchat: birgittalif

Á ÓSKALISTANUM: VB X ESTÉE LAUDER

ÓSKALISTISNYRTIVÖRUR

VB X ESTÉE LAUDER

Mig dreymir um þessa fallegu línu.. en þetta er snyrtivörulína sem Estée Lauder gerði í samstarfi við Victoriu Beckham. Ég er ekki búin að geta hætt að hugsa um snyrtivörurnar úr þessari fallegu línu en Victoria hefur áður komið út með línu í samstarfi við Estée Lauder en ég er miklu spenntari fyrir þessari. Mér finnst allar vörurnar útpældar og margar af þeim sem ég hef ekki séð áður eða klassískar vörur sem hún er búin að gera að sínu. Þessi lína kemur einungis í takmörkuðu magni og hugsa ég að hún komi ekki til Íslands.. en ef hún kemur þá læt ég ykkur strax vita!

Í fyrsta lagi er þessi lína gullfalleg, pakkningarnar og vöruúrvalið. Mér finnst einstaklega gaman að sjá hvað Victoria lagði mikla vinnu í þessa línu, allar vörurnar eru útpældar og litaúrvalið skemmtilegt. Hún segist hafa viljað ögra sjálfum sér og örðum með litavalinu. Hún er sjálf mikið fyrir “nude” tóna liti en núna vildi hún breyta til. Hún valdi til dæmis ekki þessa klassísku hlýju tóna einsog er svo mikið núna heldur bláan og gráan.

Mig langaði að sýna ykkur nokkrar vörur sem eru efst á óskalistanum mínum úr þessari línu..

BRONZER IN SAFFRON SUN

Þetta er matt sólarpúður sem gefur fallegan hlýjan lit yfir andlitið og eru pakkningarnar gullfallegar. Þetta er örugglega frábært þegar maður er að ferðast því það er stór spegill og hægt að nota þetta líka sem augnskugga.

EYE KAJAL IN BLACK SAFFRON/VANILLE

Þetta er vara sem mér finnst að allir ættu að eiga en þetta er augnblýantur með svörtum blýanti einum megin og ljósum hinum megin. Þetta er mjög kremaður blýantur sem blandast auðveldlega en helst vel á augunum.

AURA GLOSS

Mér finnst þetta mjög áhugaverð vara en er eflaust ekki fyrir alla en þetta er gloss sem hægt er að nota allsstaðar á andlitið. Til dæmis á augnlokin, varirnar eða kinnbeinin og eflaust hægt að leika sér endalaust með þessa vöru.

EYE FOIL IN BLONDE GOLD

Þetta er krem augnskuggi með metal áferð sem auðvelt er að blanda út en þornar síðan og helst á augnlokunum. Ég er búin að heyra einstaklega góða hluti um þessa vöru og hún virðist vera ótrúlega falleg.

EYE MATTE DUO IN BLEU ÉLECTRIQUE/NUDE

Þetta er alls ekki eitthver palletta sem ég myndi yfirleitt vera mjög spennt fyrir en það er eitthvað við þessa liti. Ég á ekkert sem er í líkingu við þessa pallettu og eru margar skemmtilegar farðanir sem mig dettur í hug að gera með henni.

EYE METALS EYESHADOW IN BLONDE GOLD

Þetta er augnskuggi sem er með metal áferð og gæti ég hugsað mér að hann yrði flottur í innri augnkrók eða yfir allt augnlokið. Síðan yrði þetta ótrúlega fallegt í snyrtibuddunni eða á snyrtiborðinu.

MATTE LIPSTICK IN VICTORIA

Þessi varalitur á að vera frekar kaldur og ekki of rauður né of gulur heldur hin fullkomni “nude” litur. Það þarf ekki mikið meira til þess að selja mér þennan en ég elska að prófa nýja “nude” varaliti.

LIP PENCIL

Það sama gildir um þennan varablýant en hann á að vera mjúkur á vörunum og er hinn fullkomni “nude” varablýantur.

MORNING AURA ILLUMINATING CREME

Rakakrem og primer saman í einu en þetta á að gefa fallegan ljóma. Þið vitið vonandi nú þegar að ég elska allt sem er ljómandi eða gerir húðina mína ljómandi þannig þetta er efst á lista.

 

Ég sá þetta myndband á instagraminu hjá Victoriu og finnst það mjög skemmtilegt, sýnir hvernig henni finnst best að nota vörurnar sínar..

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

Laugar Spa kampavínsbröns

Laugar SpaLífiðSnyrtivörurÚtlit

Í gær héldum við kampavínsbröns til að fagna því að tvær nýjar vörur voru að bætast við Laugar Spa snyrtivörulínuna, FACE BODY HOME. Nýju vörurnar eru báðar í BODY flokknum en það eru Body Mist og Shower Oil sem við mamma erum svo stoltar af og eru loksins komnar í sölu eftir rúmlega ár hjá okkur í þróun. Vörurnar koma báðar í tveimur ilmum; seiðandi sweet amber/patchouli og frískandi lemongrass/verbena.

BODY Shower Oil:

  • Sturtuolía sem gefur húð þinni næringu, vellíðan og ljóma.
  • 50% af blöndunni inniheldur næringarríkar olíur.
  • Fullkomin blanda sem þurrkar ekki yfirborð húðar og stuðlar að jafnvægi PH stigs.
  • Varan er lífræn með viðbættri náttúrulegri blöndu. Að mestu unnin úr lífrænu grænmeti, ávöxtum og jurtum.
  • Inniheldur engin aukaefni og er án: parabena, litarefna, bindiefna, bensíns og allra jarðolía, gervi-ilmefna, allra pega.
  • Varan er ekki prófuð á dýrum.

BODY Mist:

  • Milt Body Mist.
  • Ilmur sem hentar öllum aldurshópum og báðum kynjum.
  • Frábært að nota á eftir líkamslínunni til þess að ýkja ilminn.
  • Hægt að nota sem herbergisilm fyrir andrúmsloftið.
  • Varan er lífræn með viðbættri náttúrulegri blöndu. Að mestu unnin úr lífrænu grænmeti, ávöxtum og jurtum.
  • Inniheldur engin aukaefni og er án: parabena og litarefna.
  • Varan er ekki prófuð á dýrum.

 

 DJ Dóra Júlía hélt uppi stemningunni og í boði voru veitingar og djúsar frá Joe & the JuiceMoët kampavín, makkarónur og fleira góðgæti. Partývörur  hjálpuðu okkur að skreyta salinn með gullfallegum blöðrum, fánum og borðskrauti sem settu punktinn yfir i-ið. Allir gestir fengu svo að útbúa sinn eigin gjafapoka með því að velja sér ilm af nýju vörunum auk vöru að eigin vali úr línunni sjálfri.

Viðburðurinn heppnaðist ótrúlega vel og áttum við yndislega stund í góðum hópi – takk fyrir komuna! x

xx

Birgitta Líf
instagram & snapchat: birgittalif

TAX FREE MUST HAVES

NaglalakkSNYRTIVÖRURTAX FREE

Halló! Það er Tax Free dagar um helgina í Hagkaup og mig langaði að deila með ykkur nokkrum vörum sem ég mæli 100%.

 

1. NAKED HEAT PALETTE – URBAN DECAY 

Ég ætla ekkert að segja ykkur of mikið frá þessari því ég gerði færslu um daginn og þið getið kíkt á hana hér. Í stuttu máli þá er þessi palletta æðisleg, ótrúlega fallegir litir og mikið notagildi í henni. Ég er búin að nota mína stanslaust síðan ég fékk hana!

 

2. WILD NUDES – ESSIE

Þetta er nýjasta línan frá Essie og er gullfalleg! Það er alltaf gaman að leyfa sér að kaupa eitt, tvö eða fimm naglalökk á Tax Free. Það eru til margir fallegir litir frá Essie en ef þið eruð mikið fyrir “nude” liti þá er þessi lína fyrir ykkur.

3. BRONZING GEL – SENSAI

Ég er líka búin að tala mikið um þetta bronzing gel en ég kynntist því í sumar og er ástfangin. Þetta er litað krem sem gerir mann ótrúlega ferskan. Ég nota þetta á nánast hverjum einasta degi, annaðhvort blanda þessu við aðrar vörur eða nota bara eina og sér. Það er í frekar dýrari kanntinum en algjörlega þess virði og því tilvalið að kaupa þetta á Tax Free.

4. A PERFECT WORLD – ORIGINS

Þetta er dagkrem frá Origins sem inniheldur hvít te, þannig kemur kannski engum á óvart að ég elski þetta dagkrem. Þetta er mjög rakagefandi og verndar húðina gegn mengun frá umhverfinu. Þetta er sérstaklega gott fyrir þá sem ferðast mikið vegna þess að þetta er með 40 í sólarvörn, verndar húðina gegn mengun og innrauðum geislum.

5. FULL THROTTLE EYESHADOW PALETTE – NYX PROFESSIONAL MAKEUP

Þetta er augnskugga palletta frá NYX PROFESSIONAL MAKEUP og er æði til þess að hafa með sér í snyrtibuddunni. Það eru til allskonar litir, þeir blandast mjög vel og eru litsterkir. Hún er líka á mjög góðu verði og því tilvalið að kippa henni með sér á Tax Free.

6. NAKED SKIN Weightless Complete Coverage Concealer

Þessi hyljari er æðislegur, þekur mjög vel og endist lengi. Þetta er hyljari sem ég vil alltaf eiga hjá mér og litavalið er líka mjög gott.

7. GLOWSTARTER – GLAM GLOW

Ég er alltaf að nota þetta krem og get ekki mælt nógu mikið með því. Þetta gefur ótrúlega fallegan ljóma og góðan raka. Ég nota þetta alltaf undir farða eða létta BB krem og húðina verður ljómandi og falleg.

8. 24/ GLIDE-ON LIP PENCIL

Varablýantarnir frá Urban Decay eru einir af mínum uppáhalds en þeir eru mjög auðveldir í notkun og endast á vörunum endalaust. Það er hægt að nota þá eina og sér eða undir aðra varaliti. Litirnir sem eru í uppáhaldi hjá mér eru 1993 og Naked2.

9. MON PARIS EAU DE TOILETTE – YSL

Þessi ilmur er æðislegur, ég ætla ekki að reyna að útskýra hann fyrir ykkur því það er bara alltof erfitt haha en ég mæli með að fara og kíkja á þennan fallega ilm.

LA NUIT DE L’HOMME EAU ÉLECTRIQUE

Síðan verð ég bara að fá að mæla með þessum líka en ég gaf kærastanum mínum þetta ilmvatn frá YSL fyrir nokkrum mánuðum og þetta er besta lykt sem ég hef fundið. Þannig ef þið eruð að leita af gjöf eða fyrir ykkur sjálf, þá mæli ég með þessum.

10. BIG SHOT MASCARA – MAYBELLINE

Mér finnst maskarar frá Maybelline aldrei klikka og þessi er engin undantekning. Hann þykkir mjög vel og smitast ekki á augnlokið, það er það eina sem ég bið um í maskara.

11. CREME PUFF BLUSHER – MAX FACTOR

Ég er nýlega búin að kynnast þessum kinnalitum frá Max Factor og er ótrúlega skotin í þeim. Þetta eru bakaðir kinnalitir og gefa frá sér fallegan ljóma.

12. BOLD METALS NR.100 – REAL TECHNIQUES

Ég elska þennan bursta.. ég nota hann í farða, hyljara og krem bronzer. Síðan er hann líka bara svo ótrúlega fallegur á snyrtiborðinu.

 

Þetta var nú ansi langur listi hjá mér en það eru bara svo margar flottar snyrtivörur í boði. Ég vona að þetta hafi hjálpað ykkur eitthvað, happy shopping!

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 

SEPHORA MUST HAVES

SNYRTIVÖRUR

Ég fæ oft spurningar um hverju ég mæli með frá Sephora eða hvað sé svona “must have”. Sephora er risa stór snyrtivöruverslun og fást þar allskonar vörur sem ekki er hægt að fá á Íslandi. Mér finnst ótrúlega gaman að fara í Sephora og kynnast nýjum snyrtivörum en það eru nokkrar vörur sem ég myndi hiklaust kaupa mér aftur og aftur.

1. TOO FACED “I WILL ALWAYS LOVE YOU” BLUSH

Ég er búin að halda mikið uppá þennan kinnalit og nánast ekki búin að nota annan síðan að ég fékk hann. Þetta er ótrúlega fallegur ferskjulitaður kinnalitur með smá “shimmer”-i en alls ekkert áberandi, heldur verða kinnarnar ljómandi og ferskar. Hann blandast ótrúlega vel og helst lengi á kinnunum, ég hef aldrei verið mikið fyrir kinnaliti en þetta var ást við fyrstu sýn og I will always love you (hehe)!

2. MILK MAKEUP – MATTE BRONZER

Mér líður eins og bilaðari plötu en ég er alltaf að tala um þennan krem bronzer frá Milk Makeup. Þessi formúla er svo æðisleg, blandast vel við alla uppáhalds farðana mína og er ótrúlega fallegur á húðinni. Það er hægt að nota hann dagsdaglega eða með flottri kvöldförðun. Ég er orðin ótrúlega skotin í þessi merki og hlakka til að prófa fleira frá þeim.

3. MILK MAKEUP – MATCHA STICK TONER

 

Já önnur vara frá Milk Makeup en þetta er toner í föstu formi og sá fysti sinnar tegundar á snyrtivörumarkaðinum. Hann inniheldur Matcha, sem verndar húðina, kombucha sem hreinsar úr svitaholum og önnur efni sem róa húðina.

Ég keypti hann nýlega, aðallega bara útaf forvitni og varð svo ótrúlega hrifin. Hann er auðveldur í notkun og mér finnst hann mjög kælandi, sem er sérstaklega þæginlegt á morgnana. Síðan er líka æðislegt að ferðast með þetta því þú þarft ekki að hafa áhyggjur að þetta leki og ekkert mál að taka þetta með í handfarangur.

4. TOO FACED – LIP INJECTION

Ég hef áður skrifað um þessa vöru en hún var í Sephora Haul-inu mínu fyrr í sumar. Þetta er vara sem gerir varirnar manns þrýstnari og stærri. Þetta er serum sem hægt er að nota á daginn og kvöldin, mér finnst æðislegt að nota þetta áður en ég set á mig varaliti. Ég þarf klárlega að fara komast aftur í Sephora því minn er alveg að verða búinn.

5. NARS SHEER GLOW FOUNDATION

Ég var mjög sein að prófa þennan farða en betra seint en aldrei. Þessi farði er mjög vinsæll og var ég búin að sjá hann oft hjá mínum uppáhalds Youtube-erum áður en ég keypti mér hann. Hann er algjörlega biðinnar virði, gefur ótrúlega fallega og ljómandi áferð. Síðan myndast hann líka mjög vel en eini gallinn sem mér finnst við þennan æðislega farða er að það er enginn pumpa.

6. BECCA SHIMMERING SKIN PERFECTOR

 

Highlighter-arnir frá Becca eru æðislegir og mæli ég með að fá sér einn slíkan. Það eru til allskonar litir og því vel hægt að finna lit sem hentar manni. Þeir eru ótrúlega kremaðir og gefa húðinni gullfallegan ljóma. Síðan er algjör snilld að nota þá sem augnskugga.

 

Ég vona að þetta hjálpi ykkur eitthvað, því þessi verslun er ótrúlega stór og getur oft verið mjög yfirþyrmandi.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 

FIMM “MUST HAVE” SNYRTIVÖRUR FYRIR VERSLÓ

BURSTARFIMM UPPÁHALDSHreinsivörurSNYRTIVÖRUR

Núna fer að styttast í verslunarmannahelgina og margir eflaust búnir að gera plön. Það eru margir að fara í útilegu og langaði mig því að segja ykkur frá nokkrum snyrtivörum sem mér finnst algjört “must” að hafa með sér. Þetta eru allt snyrtivörur sem hægt er að nota á marga vegu og því fullkomar í útilegurnar.

 

1. MELTDOWN MAKEUP REMOVER – URBAN DECAY

Þessi vara er held ég fullkomin fyrir útlegur en þetta er sprey frá Urban Decay sem tekur í burtu farða. Þú einfaldlega spreyjar þessu í andlitið tekur síðan blautþurrku eða eitthvað annað sem þú ert með við höndina í útlegunni og tekur förðunina. Það þarf ekkert að skola þetta af með vatni eða slíkt, þetta er ótrúlega einfalt og algjör “must” að mínu mati!

 

2. HELLO FAB CAFFEINE MATCHA WAKE UP WIPES – FIRST AID BEAUTY

Ég er ekki mikið fyrir að nota blautþurrkur en það er leyfilegt einu sinni á ári að “hreinsa” á sér húðina með blautþurkkum. Það er hægt að nota þessar frá First aid beauty eftir að maður er búin að spreyja andlitið með Meltdown Makeup Remover og síðan er bara alltaf gott að vera með blautþurrkur við hendina í útilegum. Þessar blautþurrkur er  stútfullar af andoxunarefnum, vitamín C, aloe vera og orkumiklu koffíni. Tekur í burtu óhreinindi, olíu og farða. Þetta er því algjör snilld í útilegur og eru mjög góðar blautþurrkur.

Ég mæli samt með því ef þið hafið tök á því að hreinsa húðina einsog þið getið en auðvitað er það oft erfitt í útilegu þar sem er kannski ekki aðstaða til þess.

 

3. FACE CONTOURING PALETTE – THE BODY SHOP

Þessi palletta frá The Body Shop finnst mér æðisleg, hún er lítil og þægilegt að ferðast með hana. Það eru fjórir litir og hægt að nota þá á marga vegu. Það er til dæmis hægt að nota hana á andlitið í sólapúður, highlight, kinnalit og til þess að skyggja andlitið en hinsvegar er líka algjör snilld að nota hana á augun. Þannig það er hægt að nota hana á marga vegu og því algjör snilld í útileguna.

 

4. SETTING BRUSH – REAL TECHNIQUES

Þetta er einn af mínum uppáhalds burstum frá Real Techniques og fær því að fylgja mér allt sem ég fer. Það er hægt að nota hann í svo margt, til dæmis highlighter, augnskugga, hyljara, púður og svo margt fleira. Því finnst mér hann fullkominn í ferðalög og sérstaklega útilegur þegar maður vill ekki taka með sér of mikið.

 

5. NAKED 2 LIP LINER – URBAN DECAY

 

Mér finnst varablýantarnir frá Urban Decay æðislegir en þeir eru vatnsheldir og haldast ótrúlega vel á vörunum. Það er hægt að nota hann til þess að móta eða setja yfir allar varirnar og setja síðan annan varalit yfir þá helst allt miklu lengur. Síðan er auðvitað hægt að nota þá bara eina og sér sem varaliti.

 

Vonandi var þetta hjálplegt og þið skemmtið ykkur sem allra best um helgina. Munum bara að skemmta okkur fallega og ganga hægt um gleðinnar dyr xx

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

FÖRÐUNAR FRÉTTIR: HANN ER MÆTTUR

FÖRÐUNFÖRÐUNAR FRÉTTIRSNYRTIVÖRUR

LOKSINS! Já loksins er einn vinsælasti hyljari í heimi kominn til Íslands, þetta er að sjálfsögðu Age Rewind frá Maybelline. Það hafa eflaust margir beðið eftir þessu en þessi hyljari er búin að vera ótrúlega vinsæll um allan heim og það er góð ástæða fyrir því.

*Færslan er ekki kostuð

Hyljarinn þekur vel, dregur úr þreyttum baugum og dökkum litum í kringum augun. Það er sérstök formúla í hyljaranum sem einkennist af goji berjum og haloxyl sem dregur úr dökkum litum, þrota og fínum línum. Síðan er hann mjög auðveldur í notkun en maður snýr á háls hyljarans til þess að fá vöruna í svampinn og ber síðan á þá staði sem þú vilt hylja eða birta til.

Ég sem algjör förðunarfíkil er mjög sátt með þessar fréttir en þetta er ótrúlega góður hyljari á góðu verði.

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

SEPHORA HAUL

HreinsivörurMASKARSNYRTIVÖRUR

Mig langaði að sýna ykkur nokkra hluti sem ég keypti um daginn í Sephora. Fyrir ykkur sem vitið það ekki en þá er Sephora stór snyrtivöruverslun eða verslunarkeðja og þar fást allskonar snyrtivörur. Þetta er því algjör draumur fyrir mig! Mér finnst ótrúlega gaman að prófa nýjar snyrtivörur og þá sérstaklega frá merkjum sem ég hef kannski aldrei prófað eða heyrt um áður.

Ég ætla sýna ykkur vörurnar sem fengu að koma með mér heim..

 

1. CHARCOAL MAKEUP MELTER – BOSCIA

Þetta er einsog nafnið gefur til kynna, kola hreinsir sem tekur í burtu farða og augnförðun. Þetta er silkimjúlkt, minnir á kókosolíu en þegar maður nuddar þessu í andlitið þá bráðnar allt og síðan tekur maður allt af með þvottapoka. Þetta er fullkomið fyrir skref eitt í húðhreinsuninni og mæli með þessu 100%.

 

2. ALEXANDER – TOM FORD

Ég verð auðvitað alltaf að kaupa mér “nude” varalit þegar ég versla mér snyrtivörur en þessi heillaði mig alveg. Þetta er ótrúlega fallega nude litur og ekki skemmir fyrir hvað umbúðirnar eru fallegar.  Það eru samt eiginlega tvær ástæður afhverju ég keypti þennan varalit, númer eitt útaf því hann er fallegur og númer tvö er vegna þess að bróðir minn heitir Alexander. Þannig ég “varð” bara að kaupa hann.

 

3. MATTE BRONZER – MILK MAKEUP

Okei þessi krem bronzer eru ein bestu kaup sem ég hef gert. Það er ótrúlega auðvelt að blanda honum út, fallegur á húðinni og auðveldur í notkun. Ég ætla kláralega að kaupa mér þessa vöru aftur og mig langar að kynnast vörunum frá Milk Makeup betur. Þannig ef þið mælið með eitthverri vöru frá Milk Makeup þá megiði endilega skilja eftir athugasemd xx

4. LIP INJECTION – TOO FACED

Ég tók þessa vöru bara með í gamni en hún var hjá afgreiðslukassanum á leiðinni út (besta sölutrixið). Þetta á að gera varirnar aðeins þrýstnari eða gefa þeim meira “plump” og þetta virkar. Mér finnst æðislegt að nota þetta áður en ég set á mig varalit en mér finnst þetta gera varirnar heilbrigðari og ferskari.

 

5. MARINE BOOSTING MIST – TARTE

Mér finnst alltaf gaman að prófa ný rakasprey en ég nota rakasprey alltaf í gegnum alla förðunina mína. Þetta er mjög gott og æðisleg lykt af þessu. Þetta blandar öllu betur saman og gefur fallegan ljóma.

 

6. RUBBER MASK BRIGHT LOVER – DR. JART+

 

 

Þetta er gúmmí maski frá Dr. Jart+ en ég er búin að heyra góða hluti um það húðvörumerki. Maskinn er ótrúlega skemmtilegur og kemur í tvennulagi en maður setur fyrst krem undir sem fylgir með og síðan gúmmí yfir. Ég sá strax mun eftir að ég notaði hann og ekki skemmir fyrir hvað þetta er fyndið, gott fyrir andlegu hliðina.

 

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup 

 

 

My Travel Essentials

HárvörurLaugar SpaLífiðSnyrtivörurÚtlit

Í tilefni þess að sumarið er komið og mikið af ferðalögum framundan ákvað ég að taka saman mínar “travel essentials” – eða þær andlits-, húð- og hárvörur sem ég nota mest og tek alltaf með mér þegar ég ferðast og þá sérstaklega í sólarlöndum.

Ég fór til Hawaii um páskana og tók þar myndir af því sem ég tók með mér en ég ferðast mjög mikið, bæði í frí og vegna vinnu, en þessar vörur er ég með í snyrtitösku sem á “heima” í ferðatöskunni.

Við vorum á æðislegu hóteli á Hawaii þar sem þjónustan var framúrskarandi. Ég er algjör snyrtipinni og mjög skipulögð og var því virkilega ánægð með room service á hótelinu sem raðaði öllum snyrtivörunum mínum svona líka vel upp – alla daga!

xx

Andlit

Chanel Vitalumiére Loose Powder: Þetta lausa púður frá Chanel keypti ég mér í fyrsta skipti fyrir rúmlega ári og hef notað alla daga síðan. Ég nota venjulega ekki hyljara en skelli alltaf smá af púðrinu undir augun og á t-svæðið með burstanum sem fylgir með og ég sver það, þetta púður virkar einsog “real-life photoshop”. Áferðin er létt og falleg og þurrkar ekki upp húðina. Púðrið er með SPF 15 sólarvörn. (Ég nota púðrið venjulega í lit 020 undir augun en á lit 010 ef ég er mjög hvít og 040 ef ég set yfir allt andlitið)

Guerlain Terracotta Sun Serum: Ég er svo heppin að eiga frænku sem er förðunarmeistari og er dugleg að kynna mig fyrir spennandi vörum og gefa mér prufur. Ég fékk sun serum tan booster dropana að gjöf áður en ég fór út en þeir eru ætlaðir til þess að virkja og viðhalda melanin (brúnku) framleiðslu húðarinnar þegar maður er í sól auk þess að vera mjög rakagefandi. Ég byrjaði að nota dropana á Hawaii og blandaði saman við andlitskremið mitt en frænka mín mældi líka með að blanda þeim út í bodylotion þar sem það má einnig nota serumið á líkamann.

Guerlain Météorities Baby Glow & Sensai Bronzing Gel: Vinkona mín kynnti mig fyrir þessari blöndu nýlega og hef ég ekki notað annað á andlitið síðan. Baby Glow er mjög léttur fljótandi farði sem hentar mér mjög vel þar sem ég vil ekki mikla þekju og fýla betur að húðin sé létt og glóandi eða “no makeup-makeup” look. Ég blanda brozing gelinu svo út í en þá verður áferðin ennþá léttari. Þetta hentaði vel úti þar sem Baby Glow er með SPF 25 sólarvörn.

MAC Fix+: Það kannast held ég flestir við Fix+ andlitsspreyið en þessa týpu keypti ég nýlega. Ég held að þetta sé special edition en spreyið er með kókoslykt – fáránlega frískandi og passaði fullkomlega á Hawaii.

Laugar Spa FACE Day&Night Cream & Facial Gel Cleanser: Ég nota nánast eingöngu Laugar Spa húðvörurnar – bæði vegna þess að mér finnst þær dásamlegar, eru lífrænar, náttúrulegar, handunnar og cruelty free EN einnig vegna þess að elsku mamma mín hannaði og þróaði vörulínuna. Ég hef mikið fengið að vera með í því ferli og erum við alltaf að prófa nýja og spennandi hluti til að bæta við línuna. Þegar ég ferðast tek ég oft meira af vörunum með mér en í þessu ferðalagi lét ég þessar tvær duga. Andlitskremið nota ég kvölds og morgna alla daga og svo hreinsa ég húðina alltaf með gelhreinsinum á kvöldið, hvort sem ég er máluð eða ekki. Gelhreinsirinn inniheldur lemongrass sem er virkilega frískandi. Venjulega er ég líka með serumið frá Laugar Spa en ákvað að geyma það heima þar sem ég tók Sun Serumið með mér.

xx

Hár

Vörurnar fékk ég að gjöf frá Moroccan Oil og Maria Nila á Íslandi.

Moroccan Oil Luminous Hairspray: Ég byrjaði að nota hárspreyið frá Moroccan Oil fyrir tveimur árum og hef ekki snert annað síðan. Það gerir hárið ekki of glansandi eða stíft og lyktin er dásamleg. Upphaflega notaði ég það bara fyrir greiðslur eða þegar ég var að fljúga en núna nota ég það nánast daglega, t.d. alltaf til að festa “babyhárin” þegar ég er með tagl eða snúð.

Moroccan Oil Dry Shampoo: Þurrsjampó er minn besti vinur þar sem ég æfi nánast alla daga og vil ekki þvo hárið of oft í viku. Ég hef sömu sögu að segja af Moroccan Oil þurrsjampóinu en eftir að ég prófaði það hef ég ekki notað annað. Sama dásamlega lyktin af því og öðrum vörum MO og svo er það ótrúlega létt og gerir hárið ekki stíft eða þykkt. Light tones útgáfan er með fjólubláum blæ sem lýsir rótina og losar hárið við gulan tón sem á það oft til að myndast í ljósu hári – þá sérstaklega í sól.

Moroccan Oil Dry Texture Spray: Þessi vara kom í fyrra og hún gefur hárinu stífleika og þykka áferð sem hentar vel fyrir snúða, flugfreyjugreiðsluna og bara til að gefa hárinu meiri fyllingu þegar þess er óskað. Lyktin er sú sama og áferðin er mjög þægileg og gerir hárið auðvelt meðferðar.

Moroccan Oil Treatment LightÞetta er klassíska argan olían en hana set ég alltaf í hárið eftir sturtu og hef gert í mörg ár. Ég nota light útgáfuna.

Maria Nila True Soft Shampoo&Conditioner: Ég hef verið að nota Maria Nila sjampó og næringu í rúmlega hálft ár og þá aðallega Silver línuna sem er ætluð fyrir ljóst hár til að næra það og losa við gula tóna. Hárið mitt hefur held ég aldrei verið betra og henta þessar vörur mér mjög vel en þegar ég var að fara út mældu þau í Maria Nila með því að ég notaði True Soft á meðan ég væri úti þar sem hárið þyrfti extra mikinn raka í sólinni.

xx

Húð

Vörurnar fékk ég að gjöf frá Moroccan Oil á Íslandi og Hawaiian Tropic á Íslandi

Hawaiian Tropic: Það er nauðsynlegt að verja húðina vel þegar ferðast er til sólarlanda en ég fékk ýmsar sólarvarnir frá Hawaiian Tropic áður en ég fór út. Mér finnst lyktin af Hawaiian Tropic vörunum alltaf jafn góð en ég notaði þessar tvær vörur mest. Satin Protection með SPF 30 á líkamann en áferðin á kreminu er mjög þægileg og auðvelt að dreifa úr því auk þess sem það er með smá “shimmer” sem gefur fallegan gljáa. Ég bar svo alltaf á mig Face Hydration yfir andlitskremið mitt og undir farða ef ég málaði mig.

Moroccan Oil Sun: Þegar þau hjá Moroccan Oil vissu að ég væri að fara út voru þau svo yndisleg að gefa mér þessar prufur úr Sun línunni. Vörurnar eru ekki enn komnar í sölu en ég vona svo sannarlega að þær geri það fljótlega! Sólarolían er létt og þægileg, klístrast ekki og er með smá “shimmer” í. Ég notaði hana meira yfir daginn eftir að hafa sett sterkari vörn á mig til að viðhalda vörn og raka. After-Sun mjólkina bar ég svo á mig alla daga eftir sturtuna en hún er í spreyformi og því ótrúlega auðvelt að skella henni á allan líkamann og dreifa úr. Lyktin af báðum vörunum er sjúúúklega góð!

xx

Birgitta Líf
instagram: @birgittalif
snapchat: birgittalif

VIKAN: MÍNAR UPPÁHALDS SNYRTIVÖRUR

FÖRÐUNSNYRTIVÖRUR

Jæja ný vika, margt nýtt og spennandi sem mig langar að segja ykkur frá. Mig langaði að byrja á að segja ykkur frá skemmtilegu viðtali sem ég fór í um daginn hjá Vikunni.

Þar var ég spurð um allar mínar uppáhalds snyrtivörur þessa stundina. Mér finnst alltaf gaman að fara í svona viðtöl og lesa svona viðtöl sjálf. Það er svo gaman að sjá hvaða gullmolar leynast í snyrtibuddunum hjá öðrum.

Ég mæli með að kíkja og sjá hvaða snyrtivörur leynast þarna og ef það eru einhverjar sérstakar snyrtivörur sem þið viljið að ég tali um hér þá megið þið endilega skilja eftir athugasemd.

Takk fyrir að lesa xx 

– Guðrún Helga Sørtveit 

Instagram: gudrunsortveit

Snapchat: gsortveitmakeup