Ég er almennt séð jákvæðu megin í lífinu og bíð því ennþá spennt eftir að þessi gula láti sjá sig hjá okkur á höfuðborgarsvæðinu og skoða myndir af fallegum svölum og veröndum í sumarbúning. Læt einnig út skrautpúða á mínar svalir aðeins til þess að það rigni á þá stuttu síðar…. en það er allt í góðu því við hljótum að eiga inni nokkrar svakalega sólríkar vikur. Þessar myndir eru af fallegum útisvæðum með léttu yfirbragði og veitir góðan innblástur fyrir komandi vikur, – úti.

Myndirnar hér að ofan eru af fallegu útisvæði hjá Daniella Witte þeirri sænsku smekkkonu, þið getið fylgst með henni hér.

Seinni myndin kemur frá Ikea Livet Hemma, falleg og notaleg útistofa því á sumrin þá teygir heimilið anga sína alla leið út í garð og stækkar fyrir vikið. Þar getum við átt okkar bestu stundir en þá er líka um að gera að hafa dálítið huggulegt, færa út smá punt, púða og værðarvoð ef skyldi kólna.

Núna er það bara að krossa fingur og tær í von um sólríkar stundir næstu daga! 

Marimekko er eitt helsta finnska hönnunarmerkið og er það þekktast fyrir einstök mynstur og mikla litadýrð. Ég heillaðist alveg af þessum myndum sem teknar voru í húsi hönnuðu af Alvar Aalto sjálfum (Villa Mairea) og eru af haust og vetrarlínu Marimekko, umhverfið er glæsilegt og svo er eitthvað við þessi fjölbreyttu mynstur sem draga mig að. Ég hef verið að safna mögulega minnst litríkustu línunni þeirra Siirtolapuutarha – já hún heitir þetta í alvöru. Svartar doppur á hvítum bakgrunni en þó er margt annað frá Marimekko sem ég er hrifin af og gæti hugsað mér að eignast. Fyrirtækið var stofnað árið 1951 og er í dag stolt finnskrar hönnunar ásamt iittala. Algjör klassík og mikil mynstur hafa verið að ryðja sér til rúms undanfarið og gefa heimilum mikinn sjarma. Það hefur líklega verið erfitt að mynda öll þessi mynstur saman á einu og sama heimilinu en einhverja hluta vegna þá gengur það alveg upp hér og útkoman er stórkostleg.

Þessar myndir eru alveg dásamlegar,

Hér að neðan má einmitt sjá fallegu Siirtolapuutarha línuna sem ég heillast svo af.

Þvílík mynstur og litadýrð! Ég er alveg heilluð og eigum við að ræða þessa púða á myndinni hér að ofan.

Bleikur er án efa heitasti litur ársins og skal engan undra enda einn fallegasti liturinn að mínu mati, ég vissulega sæki meira í ljósbleika tóna en heitir bleikir litir eru líka afskaplega smart en skera sig þó meira úr. Ljósbleikir litir eru þægilegir og ganga við nánast allt, ég var ekki í vandræðum að finna til fjöldan allan af myndum af bleikum eldhúsum hvort sem það séu þá bleikir veggir, bleikar innréttingar, bleikar flísar eða jafnvel bleik borðplata. Ég á að sjálfsögðu uppáhaldsbleikan lit en það er Svönubleikur sem hún Árný hjá Sérefni nefndi eftir mér en þann lit notaði ég á forstofuna okkar.

Smellið á myndirnar til að sjá þær stórar –

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

22.

23.

Ég vona að þessar myndir veiti ykkur innblástur, svo er gott að hafa í huga að það er alltaf hægt að mála aftur yfir ef liturinn hentar ekki þegar uppi er staðið. Það er mjög lítil áhætta falin í því að taka af skarið og prófa nýja liti á heimilinu og ekki svo kostnaðarsamt:)

Ég fæ reglulega fyrirspurnir um stofuskápa og þá sérstaklega hvaðan skenkurinn minn er sem sést stundum glitta í á heimilinu mínu. Þann skenk smíðaði hann Andrés minn og fæst því hvergi. Ég ákvað því að taka saman 10 flotta skápa og skenka úr öllum áttum enda eitt af þeim húsgögnum sem fáir vilja vera án. Ég get dundað mér dögunum saman að raða á skenkinn okkar fallegum hlutum og er einnig alltaf með augun opin eftir hentugum skáp undir stellið okkar. Að sjálfsögðu eru 10 skápar/skenkar aðeins lítið brot af úrvalinu sem er í boði og ég tala nú ekki um alla þá tekk skápa sem eru í umferð á sölusíðum á netinu.

Það var að koma nýtt merki til landsins en það er sænska A2 sem einbeitir sér að hönnun á húsgögnum. Þessi fallegi skápur fæst í Dúka.

Þessir tveir eru líka frá A2 en hægt er að skoða allt úrvalið hér.

A2  

Þessi fallegi skenkur heitir Reflect og er frá Muuto sem fæst í Epal.

Fabrikor frá Ikea er nýkominn í stórri stærð en sá minni sem er einfaldur hefur notið vinsælda.

Berg skápurinn frá House Doctor er skemmtilegur með grafísku mynstri. House Doctor fæst m.a. í Fakó Húsgögn.

Það hefur lítið farið fyrir Bylassen húsgögnum en heldur betur meira farið fyrir smávörunum (Kubus). Frame eru mjög flottir skápar sem hægt er að raða saman að vild, litir, stærðir, upphengt eða með fótum. Bylassen fæst í Epal.

Hér er einn mjög klassískur og fallegur úr smiðju danska Bolia.

Superfront er snilldarmerki sem ég hef áður skrifað um en þar er hægt að sérsníða skápa frá Ikea og bæta við fótum, hurðum og höldum. Alls ekki ódýrt en þó skemmtilegur möguleiki.

Hér sést glitta í okkar fína skenk sem ég er svo hrifin af, hann er heldur styttri en margir skenkar eru sem gerir hann smá krúttlegan. Ég hef engan sambærilegan skenk fundið þegar ég er beðin um hugmyndir, en þessi hér frá Línunni er í svipuðum stíl fyrir utan gylltu höldurnar.

Löng helgi framundan og þá er tilvalið að nostra smá við heimilið – sérstaklega ef litið er út um gluggann á veðrið þá lítur út fyrir að við verðum eitthvað inni í kósýheitum. Á föstudögum þá á ég til að kippa með mér heim blómum til að setja í vasa, það er allur gangur á því hvaðan þau eru, oft eru það ódýrir vendir úr matvörubúðinni. En það er ótrúlegt hvað blómin gera mikið fyrir heimilið, það er nánast að það þurfi ekki einu sinni að taka til eða þrífa á meðan fallegur blómvöndur standi í vasa í miðju herbergi, enginn mun taka eftir ryki! Og þetta er mögulega eina þrifaráðið sem ég luma á haha…

Mynd via Oh.eight.oh.nine

Myndir via Svartahvitu á Pinterest

Við fjölskyldan ætlum enn eina ferðina að kíkja í bústaðinn góða og taka stöðuna þar um helgina. Það styttist vonandi í að við getum gist þar fleiri en bara foreldrar mínir. Kannski er þó ástæða fyrir því að það sé bara búið að standsetja eitt svefnherbergi en ekki hin tvö? Að gamla settið vilji bara hafa það huggulegt tvö í koti en engin börn og barnabörn með læti…

Yfir í annað – það fór varla framhjá ykkur #Bykotrend leikurinn sem ég fjallaði um hér og hér. Vegna mikillar þátttöku í leiknum ákváðu þau hjá Byko að gefa tvo minni aukavinninga, og voru það þær Auður og Margrét sem hljóta hvor um sig 35.000 kr. inneign í Hólf & Gólf. Hér að neðan má sjá myndirnar af baðherbergjunum þeirra en eins og sjá má þá þurfa þær aldeilis á þessum vinningum að halda:) Það gladdi mig mikið að heyra að fleiri fengu verðlaun enda fátt skemmtilegra að geta glatt aðra. Til hamingju stelpur!

Eigið góða og ljúfa helgi x

Ég veit ekki með ykkur en ég á alltaf til óskalista í huganum þar sem ég læt mig dreyma um ýmislegt sem mig langar í, suma hluti á óskalistanum kaupi ég mér fljótlega sjálf og svo eru aðrir hlutir sem ég set á langtímalista eins og t.d. sem brúðargjafir þó brúðkaup sé ekki á stefnunnni í nánustu framtíð – kallið mig klikkaða. En ég þori að veðja að ég sé ekki ein um þessa hugarleikfimi:) Iittala Aarre er einn af hlutunum sem ég hafði sett á langtíma óskalistann minn en við fyrstu sýn þá varð ég ástfangin. Aarre eru munnblásnir vegghankar úr smiðju Iittala og eru óður til hins þekkta Oiva Toikke sem er einn af gömlu meisturunum hjá Iittala og jafnframt einn merkilegasti finnski hönnuðurinn. Ég hef margoft dásamað fuglana hans Toikke en þeir sitja sem fastast á langtímalistanum góða. En þeir verða biðarinnar virði – ójá ♡

Aarre skreyta vegginn á ganginum hjá okkur en á þá get ég hengt hvað sem er t.d. trefla og veski en ég er hrifnust af þeim einum og sér enda algjör listaverk.

Ég hef þó sjaldan fengið jafn mikinn valkvíða og þegar ég var að velja en ég er ótrúlega skotin í hönkunum mínum og finnst þeir smellpassa saman. Ég er reyndar líka bálskotin í ferskjubleika ferhyrnta Aarre sem þið sjáið hér að ofan svo hver veit nema Aarre fjölskyldan mín stækki í framtíðinni en nýlega bættist sá þriðji við sem kallast Koralli (glæri), en fyrir átti ég Simpukka (svarti) og Seseli (blái).

Yfir í annað, þá hef ég verið virk á Instagram undanfarið og ykkur er að sjálfsögðu velkomið að líta þar við í heimsókn. Þið finnið mig undir nafninu @svana.svartahvitu

Það var þó ekki planið að hafa Iittala á öllum myndunum en ég er þó að safna ýmsum munum frá þeim svo það er ekkert óeðlilegt að rekast á þessa klassísku hönnun í nánast hverju horni á mínu heimili. Í gær gerði ég einnig kjarakaup á vintage Iittala Kide glösum sem þið ólíklega hafið heyrt um en þau eiga skilið sérfærslu svo falleg eru þau. Það er nefnilega dálítið skemmtilegt við þetta merki að þrátt fyrir að ykkur finnist “allir” eiga suma hluti – þá eru aðrir sem mjög fáir eiga og varan eða liturinn mögulega hættur í framleiðslu eins og á t.d. við um fjólubláa/bleika stóra Aalto vasann minn á neðstu myndinni sem ég fékk í 25 ára afmælisgjöf frá foreldrum mínum.

Eins og þið hafið eflaust tekið eftir þá er Ikea í miklu uppáhaldi, ekki bara það að ég hafi efni á nánast öllu þar inni (það er alltaf plús) þá elska ég að vafra um “bloggið” þeirra Livet hemma þar sem fallega stíliseraðar myndir fá að njóta sín. Nýjustu myndirnar eru algjör draumur í dós og fá mig til að setja tvær vörur á listann minn langa sem ég hafði ekki mikið spáð í áður en Ikea PS línan kom í verslanir fyrir tæpum tveimur mánuðum síðan og eru þessar vörur úr þeirri línu.

En ræðum núna þennan dásamlega galvaníseraða stálskáp sem ég get þó ekki ímyndað mér hvað ég ætli að gera við haha en hrikalega er hann töff!

Og þessi dökkblái og bjútífúl gólflampi!

Ég er reyndar líka mjög skotin í hægindarstólnum (þessi sem er til bæði grár og svo bleikur) og síðan er sjálfvökvandi blómapottur eitthvað sem ég þarf að kynna mér nánar enda algjörlega óhæf að vökva blómin mín rétt.

Elsku Ikea… hvernig ferðu að þessu ♡

Fyrir stuttu síðan rættist mjög gamall draumur minn þegar fjölskyldan mín eignaðist lítinn og krúttlegann sumarbústað. Ég hef alltaf verið mjög heilluð af þeirri hugmynd að eiga eitthvað athvarf þar sem ég get farið í smá frí út úr bænum með fjölskyldunni minni og haft það notalegt í nokkra daga, mér finnst í rauninni fátt vera jafn kósý. Við Andrés höfum reyndar verið mjög dugleg undanfarin ár að leigja okkur bústaði út og suður um landið og í gegnum hin ýmsu félög og hafa þeir aldeilis verið í misgóðu ástandi og fæstir þeirra hafa verið nálægt því huggulegir. Það hefur því verið mjög góð tilfinning að hugsa til þess að það styttist í að við getum farið í “okkar” bústað og haft það gott hvenær sem okkur hentar. Undanfarnar vikur hafa því farið í allskyns bústaðarpælingar og er þetta eftir að verða mjög skemmtilegt fjölskylduverkefni en þetta er bara mamma, pabbi, systir mín, ég ásamt mökum og börnum og það má alveg viðurkennast að við erum mjög náin fjölskylda. Núna er búið að rífa út parketið, eldhúsinnréttingu og búið að mála allan bústaðinn að innan í einum fallegasta lit sem ég hef séð. Mamma er frekar fyndin týpa þegar kemur að allskyns kaupákvörðunum og hún ákveður aldeilis ekkert í flýti (andstæða við dóttur sína) og vill helst hugsa um öll kaup í nokkra daga. En þegar við fórum í málningarleiðangur í Sérefni að skoða PRUFUR þá fundum við ótrúlega fallegan lit sem heitir Soft Sand og þá var ekki aftur snúið og engin þörf á að prófa hann neitt. Þessi litur skyldi fara á allan bústaðinn og hananú!

Og vá hvað hann kom vel út! Við ætluðum varla að trúa því ♡

Ég leyfi einni krúttmynd að fylgja af þessum litla demant okkar, en hér er hann í allri sinni dýrð bara voða kósý eins og margir bústaðir eru og ég hef svosem ekkert út á hann að setja. En að sjálfsögðu er hægt að gera heilmikið og fyrsta skrefið var að mála!

Ein mynd af Svartahvitu snappinu sem ótrúlega margir tóku skjáskot af, enda erum við mamma ekki einar um að hafa heillast af Soft sand. Þetta er hinn fullkomni neautr

Sjáið hvað bústaðurinn gjörbreytist þegar búið er að mála allt ljóst! P.s. hér er ekki búið að klára að mála.

Hér er bara búið að grunna

Snillingarnir í Sérefni splæstu síðan svona fínum málningargalla á gamla

Hér sjáið þið litinn ágætlega þó svo að ég eigi eftir að taka mikið betri myndir þegar líður á allt ferlið. Og þarna átti einnig eftir að mála seinni umferðina!

Næsta verkefni er að parketleggja og flísaleggja ásamt því að skipta á út öllum gólflistum og gereftum, meira um það síðar. Ásamt því þá þarf að sjálfsögðu að mubbla upp allan kofann en bústaðir eiga að mínu mati að vera ofur kósý og erum við því eftir að finna til húsgögn og gersemar sem passa þeim stíl. Ég ætla að leyfa ykkur að fylgjast með framkvæmdunum og hef nú þegar sýnt frá tveimur heimsóknum í bústaðinn á Svartahvitu snappinu og kem til með að sýna meira þar þegar á líður. Þegar að helgarnar eru eini tíminn sem gefst í vinnu þá tekur svona verkefni að sjálfsögðu lengri tíma og ég hef varla séð foreldra mína síðan kaupin gengu í gegn haha.

Haldið þið ekki að þetta verði fínt hjá okkur?

Það er að verða æ algengara að sjá glerveggi notaða til að skilja að rými og það kemur sérstaklega vel út í litlum íbúðum því glerveggurinn leyfir birtunni að flæða í gegn. Ég tók saman nokkrar myndir sem ég hef vistað hjá mér undanfarið en ég er mjög hrifin af þessu trendi og vonast til að sjá meira um glerveggi á íslenskum heimilum. Við megum nefnilega varla við því að loka neina birtu úti ♡

Ég vil minna á að hægt er að smella á mynd og fletta þá í gegnum þær í stórum stærðum – og einnig er hægt að smella á Pinterest hnappinn til að vista þær myndir hjá ykkur sem þið viljið halda utan um. Mæli með því!

Af öllu því sem mig langar til að gera á heimilinu mínu þá er ofarlega á listanum að mála stofuna í einhverjum hlýjum og fallegum lit. Það hefur orðið mjög vinsælt undanfarið að hillur og veggir séu málaðir í  sama lit og útkoman er ekkert nema dásamlega falleg, það er svo mikil ró sem færist yfir annars yfirfullar hillurnar og hlutirnir og allt puntið nýtur sín töluvert betur fyrir vikið. Það hafa margir látið á þetta reyna og oftar en ekki með ódýrum Ikea hillum sem samstundis virðast vera sérsmíðaðar og elegant þegar að þær falla svona vel inn í umhverfið. Fróðir menn segja að þó sami litur sé valinn þá þurfi að nota sitthvora málninguna á veggi og hillur – sérstaklega ef þær eru plasthúðaðar eins og margar Ikea hillur eru.

Sjáið hvað stofan verður glæsileg og hlutirnir á hillunni njóta sín ótrúlega vel.

Nokkrir hafa breytt Välje hillunum frá Ikea, snúið þeim á hlið og svo málað í fallegum lit.

Hér er skenkurinn og hillurnar hafðar í sama lit og veggurinn, svo fallegt!

Hér hefur rúmgafl verið málaður í sama lit og veggurinn.

Og síðast en ekki síst þá er það þessi mynd úr fallegu barnarherbergi sænska bloggarans Emily Slotte, hér þarf að sjálfsögðu að veggfesta hillurnar en einnig er gott að spartla í hillugötin til að ná fram þessu sérsmíðaða fágaða útliti.

// Í færslu sem málningarverslunin Sérefni skrifaði um – sem veitti mér innblástur að þessari færslu- má sjá nöfnin á litunum á mörgum hillum sem sjá má hér að ofan ásamt því hvernig lakk og málningu er best að nota. Mæli með!