DRAUMAHEIMILI Í UNDRALANDI

HeimiliÍslensk hönnun

Undraland er mögulega fallegasta götuheiti landsins og er núna til sölu þar stórglæsilegt heimili mikils smekkfólks. Algjört draumaheimili að mínu mati og mikið lagt í innanhússhönnun þess með fallegum innréttingum og smekklegum lausnum. Hér hefur verið nostrað við hvert rými og hafa húsráðendur augljóslega góðan smekk og áhuga fyrir hönnun. Þrátt fyrir að húsið sé mjög stórt þá er mjög hlýlegur andi hér inni sem getur verið vandasamt verk í stóru húsi, allir hurða og gluggakarmar hafa verið málaðir svartir sem er hrikalega smart og ásamt dökkum innréttingum gerir það heimilið hlýlegra. Gömul tekk húsgögn með sál í blandi við vel valda hönnun og plöntur verður útkoman svona líka frábær, kíkjum í heimsókn!

0df4719a9926199990fb9f20d1290f5582d1dfc1 ed64b38dc8404b0130717e54e28da98785c5a6051e783c022deea89bfedb60e034c774b6b6c98a65 c5a6ef0b036eb02af1b22798d4d9fadcce4e67b155af49d4c9a67379994ec15278943ded778000f2a13185e56be8a44019db3d02695335a4036f29ca     85a87557a24b458de8360c1a074a1c7fb6403f23   742c1126acb1f30f2bb2d70d37ba77c7c220b376    d8a042d8515ecb8372eb91d0974f768458fc761e96568d4d512713af746d232a43da03a4d9014a23 4622411c48da555cef11aa340d9299c15f199edd

Baðherbergið er sérstaklega fallegt , með innréttingar í stíl við eldhúsið ásamt marmaraplötu. Takið eftir litlu smáatriðunum sem gera svo mikið fyrir heildar lúkkið, lítill vasi með blómum, ilmstangir og fallegar sápur.

57809492030f7cc325e3064bfee1321c52e658e1   618c0be244f4eea431ffe13b9f1308a143c4cffe   d3275219bf73bcf0436adb094e7a39fc496680ad

Hrikalega flott og skemmtileg barnaherbergi.

eeb958e8b7b98da7c86673e96cb8dfd907981fc789d01098451176f91a3c485658b8bf2a25d5594e

Myndir via Mbl.is/fasteignir

Fyrir áhugasama þá má finna fleiri myndir ásamt upplýsingum hér! Ég gæti hugsað mér að pakka niður strax í dag og flytja í þetta dásamlega hús, ég er alveg bálskotin.

svartahvitu-snapp2-1

SÍÐASTA INNLIT ÁRSINS // ÞÓRUNN HÖGNADÓTTIR

HeimiliÍslensk hönnun
Aldrei áður hef ég upplifað jafn sterk viðbrögð við neinu sem ég hef gert – fyrr en að ég opnaði SVARTAHVITU snappið, viðbrögðin hafa verið alveg hreint ótrúleg og öll svo jákvæð og frábær. Takk kærlega fyrir mig.
Í dag fór ég í síðasta innlit ársins og tók fagurkerinn Þórunn Högnadóttir vel á móti okkur á sínu glæsilega heimili. Þórunn er ritstýra Home Magazine sem er væntanlegt aftur á nýju ári og munu þær fréttir án efa gleðja marga lesendur, þangað til er hægt að fylgjast með Þórunni á Instagram – ThorunnH71.
Innlitið er aðgengilegt á SVARTAHVITU snappinu til kl. 14:00 þann 1. janúar 2017.
// Ef að þið smellið á myndirnar þá stækka þær, en ég tek fram að þær voru aðeins teknar á síma. 

 

svartahvitu-snapp2-1

FYRSTA SNAPCHAT INNLITIÐ: SVARTAHVITU

HeimiliÍslensk hönnun

Mig hefur langað í dálítinn tíma að stíga örlítið út fyrir þægindarhringinn minn og stækka Svart á hvítu bloggið í leiðinni. Bæði fyrir mig til að staðna ekki, því bloggið er jú orðið 7 ára gamalt og einnig til þess að ég – sem starfa sem einyrki hitti oftar fólk! Niðurstaðan var Snapchat! 

Ég hef því ákveðið að ég ætla að halda úti öflugustu Snaphat heimilis & hönnunar rás landsins, nei nei við ætlum ekkert að gera þetta í neinum hálfkæringi – þannig verður það aldeilis ekki. Í dag var fyrsta innlitið á Svartahvitu snappinu og var það inn á eitt fallegasta heimili landsins hjá HAF hjónunum þeim Karitas Sveinsdóttur og Hafsteini Júlíussyni hönnunargúrúum.

Hér að neðan eru nokkrar valdar símamyndir – það er svo mikið mikið meira að sjá á Snapchat sem verður inni næstu 22 klukkustundirnar.

15682008_10155567450883332_1817102055_o

Þið hafið séð mig fjalla um HAF hjónin reglulega í gegnum tíðina og gáfu þau út fyrir jólin kertastjakann Stjaka sem ég er ástfangin af. Við sýnum ykkur kertastjakann vel og vandlega á snappinu. Karitas er án efa ein smekklegasta kona landsins og það var dásamlegt að fá að kíkja í heimsókn til hennar og fá að sýna ykkur heimilið sem er að sjálfsögðu einstaklega fallegt.

Mig langar þó til þess að biðja ykkur um eitt, til þess að ég geti sinnt þessu af alvöru þá vil ég hafa ykkur sem flest inni á Svartahvitu snappinu og langar mig til að biðja ykkur um að dreifa orðinu ef ykkur líkar við efnið og ef þið viljið sjá meira af svona.

15681823_10155567451453332_1043120347_o15696512_10155567451928332_816207254_o 15681826_10155567452113332_1778703078_o-2 15682437_10155567437573332_2011160936_o

Ég byrjaði þó daginn á heimsókn til Andreu (AndreA Boutique) og Heiðdísar Helgadóttur (teiknisnillingur) vinkvenna minna sem voru að opna Pop up verslun á Laugavegi 72, ég hvet ykkur til þess að kíkja á þær stöllur á Laugavegsröltinu.

P.s. Því fleiri sem við erum á Svartahvitu Snapchat þá verður efnið meira. Ég verð ykkur mjög þakklát ef þið viljið aðstoða mig við þetta.

Jólakveðja, Svana

svartahvitu-snapp2

NÝTT & ÍSLENSKT: NOSTR VEGGSPJÖLD

Íslensk hönnun
Plaköt er eitthvað sem ég fæ seint nóg af, þau eru ódýr og vinsæl leið til að skreyta heimilið sitt með og svo er einfalt að skipta út plakötunum eftir stemmingu og hvíla þá nokkur á meðan ný eru hengd upp. Ég á að minnsta kosti ágætan bunka af fallegum plakötum sem ég hef sankað að mér í gegnum tíðina, og ofan á það skemmti ég mér reglulega við það að búa til ný í tölvunni sem herbergi sonarins fær oftast að njóta. Sjáum hvort þið fáið að sjá þau síðar…
Ég rakst hinsvegar á þessi fallegu íslensku plaköt nýlega frá Nostr sem er hugarfóstur vinkvennanna Kolbrúnar Pálínu Helgadóttur og Þóru Sigurðardóttur. Saman deila þær mikilli ástríðu fyrir fallegum heimilum, hönnun og vel rituðu máli.

“Hugmyndin að baki nostr.is er að sameina alla þessa þætti með vönduðu veggjaprýði. Móðurhjörtun fundu sig knúin til að byrja á veggjum barnaherbergjanna enda mikilvægt að litla fólkinu líði vel í sínu umhverfi, en þær stöllur eru mæður fjögurra frábærra barna. Þó ekki saman. Þær vildu umvefja sig hvetjandi og sterkum orðum… Ekki er minna mikilvægt að fullorðna fólkinu líði vel innan veggja heimilisins og því verður áherslan ekki síður á að gleðja augu og hjörtu þeirra með fallegum plaggötum frá Nostr.”

Orðið nostr er stytting af sögninni að nostra enda fátt notarlegra en að nostra við hlutina, heimilið, matinn og í raun bara hvað sem er – þegar tími gefst.

lifdu_njottu_vertu-600x600vertu_thu_sjalfur-600x600aedruleysi-600x600 ast_nytt-600x600
Þetta plakat hér að ofan er sérstaklega skemmtilegt, svo skemmtilegt að ég og mín besta, Rakel Rúnarsdóttir ætluðum fyrir um ári síðan í framleiðslu á svipaðri hugmynd:) Það er svo áhugavert hvað góðar hugmyndir rata í ólíka kolla á sama tíma um allan heim – ég get endalaust velt mér uppúr slíkum hugleiðingum. Bjartur minn og Rakel eiga þó í dag plakat útfrá þeirri hugmynd – sýni ykkur það líklega síðar. En þetta plakat er hinsvegar mjög flott!
stafrof_hvitt1_rum-600x600
Þið kannist líklega flest við þær stöllur, en saman hafa þær Kolbrún og Þóra viðamikla reynslu úr íslenskum fjölmiðlum, dagblaða, tímarita, handrita- og sjónvarpsgerðar, bókaskrifum og meira til. Deila þær því dálæti sínu á íslensku máli og vilja halda heiðri þess á lofti með þessu fagra formi.
umokkur-1024x512
“Segja má að veggmyndirnar séu afleiðing af alvarlegu týpógrafíublæti. Ég hef mikið verið að brjóta um bækur og hanna og hef ódrepandi þráhyggju fyrir letri, letursetningu, leturbili… eiginlega bara öllu sem viðkemur því hvernig stafir fara á blað. Þegar rithöfundurinn blandar sér síðan í málið er útkoman yfirleitt mjög skemmtileg og þegar Kollan mætir með sína yfirburðar andlegu tengingu getur þetta ekki orðið neitt annað en nærandi fyrir augað og sálina,” bætir Þóra við. –  Sjá meira á Nostr.is 
svartahvitu-snapp2

POSTULÍNA x NORR11

Íslensk hönnunJóla

Eitt af mínu uppáhalds jólaskrauti eru hvítu postulíns jólatrén frá Postulínu sem ég byrjaði að safna í fyrra. Í ár koma trén einnig í glæsilegum svörtum lit sem verða í takmörkuðu upplagi og koma aðeins til með að fást í NORR11. Línan heitir Svartiskógur sem hæfir vel þessum dularfullu og drungalegu jólatrjám. Virkilega falleg lína sem kemur auðvitað ekki á óvart þegar kemur að þeim Postulínu stöllum Ólöfu Jakobínu og Guðbjörgu Káradóttur.

15193684_1329135303786559_7403897035518318853_n-2

Svartiskógur mætir í NORR11 þann 1.desember. Ég myndi leggja það á mig að standa í röð fyrir þessar elskur.

skrift2

ÓSKALISTINN: ANGAN HÚÐVÖRUR

Íslensk hönnunÓskalistinn

Það er ekki oft sem að vinkonur mínar gefa út húðvörulínu en slíkt gerðist á dögunum þegar hún Theodóra Mjöll Skúladóttir Jack gaf út húðvörulínuna ANGAN ásamt vinkonu sinni Írisi Ósk Laxdal. Þvílíkt dream team hér á ferð því útkoman er stórkostleg og vörurnar eru dásamaðar af þeim sem hafa prófað. Ég sjálf get ekki beðið eftir að komast yfir mínar fyrstu ANGAN vörur en ég get heldur ekki beðið lengur með að segja ykkur meira frá þessu flotta verkefni. 

ANGAN er íslenskt, sjálfbært og handgert húðvörumerki. Vörumerkið er skapað af vinkonum, arkitekt og vöruhönnuði sem deila sýn á fullnýtingu náttúrulegra hráefna ásamt því að hvetja til vitundarvakningar á eiginleikum þeirra. 
Markmið þeirra er að vinna með náttúrunni og skapa einfaldar og áhrifaríkar húðvörur sem gefa húðinni raka, mýkt og dásamlegan ilm og trúa þær því að náttúran hafi allt það sem þarf til að búa til bestu húðvörur sem völ er á.

screen-shot-2016-11-22-at-00-08-10

Hér er á ferð tvær ofur öflugar konur sem hafa brennandi áhuga fyrir því sem þær gera og eru jafnframt fagmenn fram í fingurgóma. Mér finnst þær eiga stórt hrós skilið ekki aðeins fyrir það að koma þessari frábæru hugmynd í verk, heldur einnig að gera það svo vel að hugsað er út í hvert einasta smáatriði. Vörurnar eru gerðar úr gæðaefnum og öll innihaldsefni þeirra brotna niður í náttúrunni eftir notkun og stuðla þannig að jákvæðri hringrás manns og náttúru. Öll grafík, logo gerð og almenn hönnun á umbúðunum er frábær og ekki má sleppa að þær fá til liðs við sig bestu ljósmyndara sem völ er á. Heildarútkoman er því svo einstaklega falleg að eftir því er tekið hvar sem er, bravó!

screen-shot-2016-11-22-at-00-07-19  screen-shot-2016-11-22-at-00-07-38  screen-shot-2016-11-22-at-00-07-59  screen-shot-2016-11-22-at-00-08-30

Myndir: Gunnar Sverrisson

Fyrstu vörurnar í línunni eru saltskrúbbur og þarabaðsalt og má búast við því að vörumerkið stækki í framtíðinni. Fyrir áhugasama þá fást ANGAN húðvörur m.a. í Snúrunni og Hrím hönnunarhúsi. Hamingjuóskir elsku Theodóra og Íris Ósk, megi ykkur ganga sem allra best ♡
 skrift2

FLOTTASTI AÐVENTUSTJAKINN

Íslensk hönnunJóla

Það styttist í fyrsta sunnudag aðventu og er því tilvalið að draga fram fyrsta kassann af jólaskrauti í vikunni og að sjálfsögðu að huga að aðventustjakanum í ár. HAF hönnunarhjónin þau Hafsteinn Júlíusson og Karitas Sveinsdóttir hafa hannað glæsilegan kertastjaka sem ég sé fyrir mér sem hinn fullkomna aðventustjaka í ár sem má síðan nota allan ársins hring. Stjaki er minimalískur og töff svona óskreyttur en einfalt er að sjá fyrir sér endalausa möguleika að skreytingum, ég veit að minnsta kosti hvernig ég myndi skreyta hann.

“Stjaki er einfaldur en margnota kertastjaki sem hannaður er bæði fyrir venjuleg kerti og sprittkerti. Stjaki er hugsaður fyrir öll tilefni og gaman er að skreyta hann eftir árstíðum. Passa þarf uppá að fara aldrei frá honum með logandi kertum, líkt og við á um aðra kertastjaka. Stjaki er gerður úr stáli sem er pólýhúðað og hönnun og öll framleiðsla fer fram á Íslandi.” HAF.

15178978_10154708022779104_5583984488549961763_n 15109566_10154708023534104_2317840859238863648_n 15181618_10154708024399104_155334887542344806_n

Ljósmyndir: Gunnar Sverrisson

Fyrir áhugasama þá fæst Stjaki í Epal og í Rammagerðinni.

skrift2

GULLFALLEG LISTAVERK EFTIR ELVU DÖGG

Íslensk hönnunList

Fyrir stuttu síðan kíkti ég í heimsókn í Snúruna og rakst þar á ein fallegustu textíl listaverk sem ég hef séð. Listakonan á bakvið verkin heitir Elva Dögg og er menntuð sem textílhönnuður frá Myndlistaskólanum í Reykjavík. Hún heillast af íslenskri náttúru og öllum einkennum hennar, til dæmis mosagrónum steinum, trjám og svörtum ströndum. Verkin eru unnin með blandaðri tækni, Elva byrjar á því að taka myndir af náttúrunni sem hún síðan vinnur og velur úr, næst eru þær prentaðar á bómullarefni í bestu gæðum sem hægt er og að lokum saumar hún út í myndina sem gefur verkunum svona Vá áhrif. Verkin hafa mikla dýpt og ég átti erfitt með að snerta þau ekki til að finna efnið, enda erfitt að átta sig á því fyrst hvernig verkin eru gerð. Það væri gaman að sjá myndir af verkunum hennar Elvu inni á heimili, en ég læt fylgja með nokkrar myndir frá facebook like síðu Elvu ásamt einni frá Snúrunni.

1 2 3 46

14606458_10154068818439506_6193289175902690708_n

skrift2

EINSTAKT HEIMILI KATRÍNAR ÓLÍNU

HeimiliÍslensk hönnun

Hafandi unnið við fjölmiðla í nokkur ár þá hef ég líklega haft samband við yfir hundrað manns og beðið um að fá að kíkja í heimsókn ásamt ljósmyndara fyrir tímarit eða annað. Ég hef því oft lista við höndina yfir aðila sem eru líkleg til að eiga mjög smart heimili og eitt nafn sem hefur lengi verið á listanum mínum er Katrín Ólína, sem er einn fremsti íslenski hönnuðurinn og þið kannist 100% við hennar verk (t.d. Tréð frá Swedese).

Það var svo í gær sem nýjasta innlitið hjá snillingunum á bakvið Islanders birtist og það er einmitt heima hjá Katrínu Ólínu, og það sem ég varð glöð að sjá þessar myndir. Heimili sem er ólíkt öllum öðrum, persónulegt, smá skrítið en alveg ofboðslega fallegt.

Stöllurnar á bakvið Islanders eru þær Auður Gná, innanhússhönnuður og Íris Ann ljósmyndari og fjalla þær um á vefnum sínum áhugaverð heimili Íslendinga á vandaðan hátt. Ég mæli með að þið skellið ykkur yfir á Islanders og lesið greinina og flettið í gegnum þessar geggjuðu myndir. Þær eiga hrós skilið fyrir vandaðar umfjallanir, textinn (á ensku) sem Auður Gná skrifar er sérstaklega vel gerður og gaman að lesa, og myndirnar hennar Írisar Ann eru dásamlegar.


8-2

9-2 18-3 30

// Myndir Íris Ann via Islanders.is

Það eru nokkrir hlutir sem finna má á heimili Katrínar sem sitja á óskalistanum mínum, þar má m.a. nefna postulíns kanínuna sem Katrín skreytti fyrir Rosenthal árið 2005, ásamt Cross lyfjaskápnum frá Cappellini sem ég skal eignast einn daginn (sjáið hann inni á baðherberginu). Þú þarft svosem að vera alveg ekta hönnunarnördi til að yfir höfuð spá í svona hlutum haha. Katrín Ólína er án efa ein af mínum uppáhalds hönnuðum, verk hennar eru mörg hver á mörkum hönnunar, myndlistar og myndskreytinga og það er svo sannarlega hægt að gleyma sér yfir þeim.

Eigið góða helgi !

skrift2

IGLO+INDI 8 ÁRA

Íslensk hönnunPersónulegt

Við mæðginin kíktum í afmælisboð hjá Iglo+Indi í dag í tilefni 8 ára afmælis þeirra (vá). Ég er kannski ekki sú duglegasta að mæta á opnanir eða í boðsveislur, það er einfaldlega ekki “mitt thing”. En Iglo+Indi eru svo góðir vinir okkar hér á Trendnet að ég gat hreinlega ekki sleppt því að samgleðjast með þeim ásamt því að það var tilvalið að geta tekið Bjart Elías með mér í þetta skemmtilega boð. Bjartur skemmti sér síðan alveg konunglega, fékk krakka tattoo, blöðrur og kleinu með súkkulaði og glimmeri og vildi helst ekki fara heim. Hljóp síðan hlæjandi um Smáralindina með tvær blöðrur í bandi og enduðum síðan í feluleik í fatahengjum í ónefndum tískuverslunum. Gott að enda daginn á þessum nótum.

Screen Shot 2016-09-29 at 21.22.3614536498_10155257939768332_850979372_o

Takk fyrir okkur í dag Iglo+Indi og hamingjuóskir með þennan risa stóra áfanga að verða 8 ára. Áfram íslensk hönnun!

Screen-Shot-2015-04-23-at-22.38.421111