Ég er orðin mjög spennt að kíkja við á jólasýningu Listvals sem opnar í Hörpu á morgun, laugardaginn 3. desember. Það er orðinn fastur partur af aðventu margra að kíkja við á listasýningar og jólasamsýningarnar eru fullkominn vettvangur til að kynnast rjómanum af íslenskri list á einum og sama staðnum ♡
Á sýningunni má finna yfir 300 verk eftir um 100 listamenn í fremstu röð. Þá fagnar Listval einnig eins árs veru í Hörpu en markmið Listvals hefur frá upphafi verið að auðvelda fólki að fjárfesta í myndlist og gera hana aðgengilegri. Á sama tíma og sýningin opnar í gallerínu verða öll verkin einnig til sýnis á heimasíðu Listvals. „Heimasíða Listvals er stór þáttur í því að auka aðgengi að myndlist en þar getur fólk setið heima, skoðað úrvalið og mátað verkin með sérstakri “skoða í eigin rými” virkni sem hefur slegið í gegn“ segir Helga Björg Kjerúlf. Frá opnun Listvals í Hörpu hefur Listval sýnt og selt samtímamyndlist eftir tugi listamanna. „Við finnum fyrir mikilli ánægju meðal almennings á starfseminni og aðsóknin endurspeglar það“ segir Elísabet Alma Svendsen. Sýningin stendur til 7. janúar en opið verður á virkum dögum frá 12-18 og milli 12-16 um helgar.”
Jólasýning Listvals í Hörpu opnar á morgun, laugardaginn, 3. desember kl. 12-17.
Hægt er að fylgjast með Listval á Instagram, @listval_, og skoða verkin inná á listval.is
Skrifa Innlegg