Þetta er í annað sinn sem að ég birti myndir frá heimili dönsku listakonunnar Ninu Bruun, en hún býr í Christianhavn ásamt kærasta sínum í þessari 53 fermetra íbúð. Fyrra innlitið (aðrar myndir) er hægt að skoða HÉR.

Það er gaman að skoða svona litlar íbúðir þar sem öllu hefur verið komið haganlega fyrir, en það er alls ekki auðvelt að koma sér fyrir í litlum íbúðum. Oftar en ekki er ekkert geymslupláss og því eru allir hlutir sem maður á til sýnis sem skapa oft einhverskonar óreiðu og það er lítil “ró” á heimilinu. Ég tala algjörlega af reynslu þar sem minn æðsti draumur í dag er að eignast heimili með geymslu! -Stórir draumar haha

:)

Heimili listakonunnar Anne Bundgaard veitir mér mikinn innblástur í dag, -litríkt, nóg af myndlist á veggjum og persónulegur stíll hennar setur svip á heimilið, hún Anna er líka augljóslega hrifin af bleikum lit eins og ég.

Via Bolig Magasinet. 

 Svo veitir reyndar nýjasta tölublað Nude Magazine mér mikinn innblástur… aðeins öðruvísi innblástur þó, en þar er áherslan á hreyfingu og ræktina sem er akkúrat það sem ég nenni að lesa þessa dagana:)  -HÉR.

Góða helgi kæru lesendur

Þetta fallega og rúmgóða heimili er staðsett á Gamla Staan í Malmö. Einstaklega bjart og opið en innanhússstílistinn Emma Persson Lagerberg sá um alla hönnun þess.

 Þetta litríka og hressandi heimili sá ég rétt í þessu á heimasíðu Bolig Magasinet. Það er öðruvísi en við erum flest vön, skræpóttar flísar prýða eldhús og baðherbergið og himinblár litur setur sterkann svip á heimilið.

Þetta hlýlega og fallega heimili rakst ég á í hinu eina sanna Bo Bedre, en það sem einkennir það eru án efa öll listaverkin sem skreyta veggina. Þarna býr Metta Helena Rasmussen sem er innanhússstílisti, listakona og eigandi netverslunarinnar Retro Villa, og augljóslega líka mikil smekkkona.

Ótrúlega fallegt mix af flísum í eldhúsinu.

Þetta heimili er algjör draumur, en það sem heillar mig mest við það er hversu vel allt er raðað og hvernig hver hlutur virðist eiga sinn stað. Ég hef þó reyndar ekki nokkra trú á því að heimilið sé alltaf svona, eins með öll heimili í öllum tímaritum sem við lesum. Ég vil allavega trúa því að það séu öll heimili með drasli flesta daga vikunnar.. ekki bara mitt.

Heimili arkitektsins og listakonunnar Önnu Boysen er ótrúlega fallegt, það er stútfullt af fallegri hönnun og skemmtilegum hugmyndum fyrir heimilið.

Listaverk eftir Önnu, Jong Form sófi, HAY púðar, AJ standlampi, Kubus kertastjaki, Svanastóll, Ferm Living teppi, Montana hillur, Sjöur, Bouroullec veggskraut frá Kvadrat og svo margt margt fleira fallegt.

Litrík listaverkin eftir Önnu gera ótrúlega mikið fyrir heimilið þar sem að flest húsgögnin eru í neutral litum.

Staflanlegar hillur sem Anna smíðaði sjálf, Svartur plasthundur frá Magis og Eames fuglinn…

Hvítar leðurklæddar Sjöur, Verner Panton Globe, Kubus kertastjaki, Stelton kaffisett og hlóðeinangrandi veggskraut eftir Bouroullec bræður frá Kvadrat.

Uten Silo vegghilla, Gulur stóll frá HAY ásamt tilraunastarfsemi listakonunnar…

Ég er komin aftur heim eftir langþráð frí með tilheyrandi blankheitum, nýjum freknum og ótrúlega góðum minningum. Ég leyfði mér líka þann lúxus að fá mér frí frá öllu því sem tilheyrir internetinu og kem því endurnærð tilbaka til að sinna blogginu og öðrum verkefnum. Stundum verður jú bara að ýta á pásu:)

Hér er eitt gullfallegt heimili sem að mig langar að deila með ykkur, en það sá ég á vefsíðu  Nordic style mag, en kemur það upphaflega frá sænsku fasteignasölunni Stadshem. Það er eitthvað einstaklega róandi við litapallettuna sem er hvít, brún, svört og fölbleik og margar fallegar hugmyndir er að finna þarna. Takið sérstaklega vel eftir múrsteinaveggnum sem hefur verið opnað að á einum stað, ásamt viðarveggfóðrinu og scrapwood borðinu eftir Piet Hein Eek í eldhúsinu. -Svo fallegt!

Hvernig finnst ykkur þetta heimili?

Þetta ótrúlega huggulega heimili rakst ég á til sölu á sænsku fasteignasölunni Fantastic Frank.

Fallegir flöskukertastjakar á náttborðinu.

Þessi fasteignasala er algjört brill, en þau mæta á staðinn og stílisera allt frá a-ö. Þessi litlu smáatriði, mjólk í glösum, rúmið óumbúið og skór á miðju gólfi, ekki beint hvernig íbúðir eru venjulega þegar von er á ljósmyndara í heimsókn:)

Heimili hinnar hæfileikaríku Therese Sennerholt birtist í nýjasta Residence Magzine og var það myndað af Kristofer Johnson. Therese er þekktust fyrir ýmis plaköt með flottum kvótum á sem seljast eins og heitar lummur, en það má þó sjá furðulega lítið af þeim á hennar eigin heimili. Stílstinn var svo engin önnur en hin sænska Lotta Agaton, en hægt er að sjá myndir af heimili hennar sem ég birti hér til að bera saman. Heimili Therese og Lottu eru í rauninni ekki svo ólík, mikið af jarðlitum og nokkuð hrár stíllinn, einnig eru þær með álíka margar plöntur á heimilinu -áhugavert! Ég er einstaklega hrifin af þessu heimili, draumavasinn minn frá Jamie Hayon er á stofuborðinu, marmari í eldhúsinu, hvíttuð gólf og fallegar ljósmyndir á veggjum.

Þvílík fegurð.

Mikið er gott að vera komin heim! Heima er alltaf best þrátt fyrir að Boston hafi verið yndisleg. Ég ætla að taka saman smá lista yfir þær verslanir sem mér þótti vera skemmtilegastar úti og birti hann eflaust á morgun, vonandi einhverjum til gagns. Ég drösslaði ágætis magni af dóti með mér heim og því endaði kvöldið í tiltekt til að koma fyrir nýju hlutunum…allt af sjálfsögðu alveg bráðnauðsynlegt;)

I never read. I just look at pictures plakatið fékk sinn stað í kvöld og bleika dagatalið fékk því að fjúka. ( er samt eftir að negla rammann upp). Á myndinni sést einnig hvernig svefnherbergið okkar er aðskilið frá stofunni á þennan frábæra hátt -með kögurhengi… hver þarf svosem hurð haha.

xxx