TOPP 10 LISTINN MINN ÚR PENNANUM

HönnunÓskalistinnVerslað

Í gærkvöldi fór ég á ótrúlega vel heppnað konukvöld í Pennanum Skeifunni, mér brá reyndar smá að sjá mörg hundruð konur mættar til að freista gæfunnar í happdrætti og svo voru vissulega líka mjög góð tilboð og skemmtiatriði sem trekktu að. Ég vann ekki (!) en kom heim með áritaða bók sem mig hafði langað í ásamt Vitra snúningsbakkanum sem var á hlægilega góðu verði svo “ég varð” að kaupa mér einn. Það kom mér skemmtilega á óvart þegar ég kíkti aftur til þeirra í dag að tilboðin sem í boði voru á konukvöldinu verða í gildi út mánudaginn næsta svo þið getið enn nælt ykkur í hönnun á góðum afslætti. Í samstarfi við Pennann þá tók ég saman nokkrar uppáhalds vörur úr búðinni, flestar þeirra eru einmitt núna á afslætti fram yfir helgina, þar á meðal uppáhalds hillan mín Uten Silo sem ég einmitt keypti mér sjálf fyrir nokkrum árum síðan í Pennanum og nota á hverjum degi.

Ef þið smellið á vörurnar hér að neðan þá farið þið yfir í vefverslun Pennans. 

1. Uten Silo hillan frá Vitra er frábær undir smáhlutina sem eiga hvergi heima, okkar hillar er í anddyrinu og er minni týpan í hvítu. // 2. Artek Beehive ljósið er svo glæsilegt. // 3. Draumastóllinn minn í mjög langan tíma er Wire chair frá Vitra sem ég held að muni fullkomna stólasafnið mitt góða þegar ég eignast hann. // 4. Eames elephant eru sætir í barnaherbergið. // 5. Sunflower veggklukkan frá Vitra er með þeim allra glæsilegustu. // 6. Eames Hang it all þekkið þið líklega flest, ótrúlega klassískir og fallegir hankar sem til eru í nokkrum útgáfum. // 7. Lítill og sætur gylltur kertastjaki frá Vitra. // 8. Eames House bird í hvítu er sérstaklega flottur og mætti gjarnan eiga heima hjá mér. // 9. Rotary tray frá Vitra hannaður af Jasper Morrisson. // 10. Síðast en ekki síst er bókin Hönnun frábær í safnið fyrir hönnunaráhugasama.

Ein í lokin sem tekin var af okkur Þórunni Ívars á konukvöldinu í gær haha… mjög sáttar með kaupin okkar, snúningsbakka og bækur ♡

10 ÓSKIR FYRIR VETURINN

Óskalistinn

Áður en ég dembi mér í árlegu jólagjafahugmyndirnar þá mátti ég til með að setja einn óskalista saman fyrir mig – 10 óskir. Ég hef undanfarið verið nokkuð sparsöm og er orðin mjög passasöm upp á það hvaða hlutir bætast við heimilið okkar. Það er þó erfitt að vera sparsamur þegar manni vantar hreinlega hluti eins og í mínu tilfelli núna en þar má nefna krem, maskara, húfu, jógahandklæði og annað fínerí – sem er klárlega nauðsynlegt fyrir sálina eða er það ekki annars?

// Húfa frá COS, ég hef átt eins í bleiku en týndi henni því miður. // Svartar morgunverðaskálar frá Bitz sem ég er nýbyrjuð að safna, fást t.d. í Dúka, Snúrunni og Bast. // Kertastjaki og glervasi frá Ikea, sé fyrir mér að það sé fallegt að setja smá jólapunt ofan í. // Steingrá rúmföt frá Winston Living, sá líka svona kolsvört sem eru væntanleg – hrikalega flott. Sjá meira úrval hér. // Hvatningararmband frá Daniel Sword, ég gæti hugsað mér fleiri í safnið, Dúka. // Tyrkneskt handklæði frá TAKK home, sjá sölustaði hér. // Ég er lítið fyrir að prófa endalaust af snyrtivörum, ef ég finn eitthvað sem er gott þá vil ég nota það áfram. Clinique eru góðar vörur og eruð þið að sjá hvað þessar umbúðir eru fallegar á litinn♡// Mjúkur og loðinn púði frá Ikea. // Gyllt ígulker sem borðpunt, einstaklega fallegt og svo öðruvísi en við sjáum oft, frá Winston Living.

BÓKIN TIL AÐ EIGNAST: LÍFIÐ Í LIT

BækurÓskalistinn

Ein af fallegustu instagram síðunum sem ég fylgist með er hjá Guðrúnu Láru @gudrunlara en þar deilir hún með fylgjendum sínum einstökum myndum frá daglegu lífi, heimilinu sínu, myndum af fallegum blómvöndum og ýmsu öðru sem þykir fallegt – ég mæli svo sannarlega með því að fylgja henni. Það kom því skemmtilega á óvart að bókin sem situr efst á mínum óskalista í dag, Lífið í lit er einmitt þýdd af Guðrúnu Láru en bókin kom út á dögunum og fæst í flestum bókaverslunum landsins ásamt því að fást í Sérefni. Lífið í lit fjallar um liti, mikilvægi þeirra fyrir manninn og hvernig nota megi þá til að skapa gott og notalegt umhverfi. Hljómar aldeilis vel en undanfarið hefur verið mikil vakning um notkun lita á heimilum og hvíti liturinn er ekki ennþá allsráðandi eins og var fyrir nokkrum árum síðan, virkilega jákvæð og skemmtileg þróun.

“Í þessari bók ræðst litasérfræðingurinn Dagny Thurmann-Moe til atlögu við sífellt grárri tilveru okkar. Hún sýnir hvernig samfélagið, sem áður var litríkt og örvandi, hefur smám saman orðið litaleysinu að bráð og bendir á leiðir til að græða það lit að nýju. Dagny fjallar um litafræði og skoðar litanotkun á byggingum og opinberum stofnunum. Einnig kemur hún með dæmi um hvernig hægt er að nota liti inni á heimilinu og í klæðnaði og útskýrir hvers vegna litir eiga alltaf við, óháð stíl og tískustraumum.”

Það er eitthvað svo ótrúlega girnilegt við myndirnar sem Guðrún Lára tekur. Myndirnar hér að neðan fékk ég á instagram síðunni hennar @gudrunlara. Þessi færsla átti í upphafi aðeins að fjalla um bókina sem ég er svo spennt fyrir en ég get ekki annað en deilt þessari fegurð með ykkur í leiðinni.

Bókin verður mín á næstu dögum og ég hlakka til að sýna ykkur betur frá henni, þangað til þá getið þið kíkt yfir á instagram síðu Lífið í lit og hjá Guðrúnu Láru fyrir áhugasama.

Eigið svo góða helgi kæru lesendur,

Á ÓSKALISTANUM : ALVAR AALTO SKÁLAR Í RÓSAGULLI

HönnunÓskalistinn

Rósagylltu Alvar Aalto skálarnar frá iittala eiga hug minn allan þessa dagana. Fyrst þegar ég sá að þær voru væntanlegar fékk ég fiðring í magann því fallegar voru þær en á sama tíma var ég alveg róleg því ég hafði ákveðið að þær yrðu svo agalega dýrar að ég þyrfti engar áhyggjur að hafa að ég myndi láta freistast. Þær eru alveg ekta borðpunt eða “centerpiece” ef svo má kalla, og ekki skemmir fyrir að svo megi bera fram salat í þeim svona fyrir spariboðin – það er jú vissulega plús að puntið hafi notagildi. Skálarnar voru kynntar fyrr í haust sem partur af nýju Alvar Aalto línunni, en í henni mátti einnig finna skálar og vasa í nýrri útgáfu sem svipa til Savoy vasanna frægu og koma með ferskan andblæ í þessa klassísku línu. Alvar Aalto og iittala kynntu þó blómalaga formið uppúr árinu 1930 sem kom mér skemmtilega á óvart. Það eru jú alveg stórar fréttir þegar nýjar vörur bætast við í dag undir nafni meistara Aalto – eða það þykir mér að minnsta kosti. Hér er nefnilega á ferð klassík framtíðarinnar.

Ég er ein af þeim sem get endalaust á mig bætt þegar kemur að heimilinu – jafnvel þegar ég er búin að lofa Andrési mínum að núna hætti ég að koma heim með fleiri hluti fyrir heimilið. Haha – og hann trúði mér…

ÓSKALISTINN : SEPTEMBER

HönnunÓskalistinn

Óskalistinn að þessu sinni er stuttur – þó svo að ég geti auðveldlega fyllt heila bók af hlutum sem ég hef augun á. Stundum birti ég sömu vörurnar nokkrum sinnum sem mér finnst virka sem ágætis áminning fyrir mig sjálfa, það þýðir sumsé að hluturinn er mjög ofarlega á listanum. Það á einmitt við um plakatið eftir Kristinu Krogh sem ég ætla að panta á næstu dögum ásamt því að röndótt Pappelina motta frá Kokku hef ég lengi ætlað að næla mér í. Ég keypti tvær Pappelina mottur í bústaðinn í vor og gat ekki leyft mér kaup á þeirri þriðju í sömu ferð en þessi hvíta fær pláss í eldhúsinu þegar hún verður mín.

Hinsvegar er ég orðin hrikalega spennt fyrir nýju Aalto línunni frá Iittala sem er væntanleg og þessar koparskálar eru eitthvað sem ég verð að skoða betur. Þvílík dásemd sem þær eru, ég kem til með að sýna ykkur svo alla línuna í heild sinni. Nýr Flower Pot lampi er einnig á listanum eftir að minn svarti skemmdist í tjóni, en þar sem svartur er hættur í framleiðslu hef ég ekki skipt honum út vegna valkvíða um nýjan lit – þessi úr stáli er líklegur til vinnings. Að auki verð ég að nefna fallegu Gloria geómetrísku kertastjakana frá Winston Living en ég kíkti nýlega til þeirra í heimsókn á Snapchat þar sem ég sýndi ykkur þessa stjaka. Og síðast en alls ekki síst er þessi unaðslegi kolkrabba kertastjaki frá sænsku versluninni Artilleriet, ég elska hvað hann er óvenjulegur og skrítinn og yrði svo glöð ef hann rataði heim til mín einn daginn í framtíðinni.

Er eitthvað hérna sem er einnig á þínum óskalista? Ég veit ekki hvað það er en ég elska að setja saman svona lista og láta mig dreyma…

NÝTT Á ÓSKALISTANUM & INNLIT Í WINSTON LIVING

Mæli meðÓskalistinnVerslað

Ég kíkti um helgina í langþráða heimsókn í verslunina Winston Living sem flutti nýlega úr Kópavoginum yfir í miðbæ Reykjavíkur á besta stað bæjarins við Hljómalindartorg. Við fjölskyldan sátum á torginu í dágóða stund á Menningarnótt og það er sjaldan sem ég hef upplifað jafn mikla “útlanda” stemmingu og einmitt þarna, falleg hús sem umkringja torgið, góður matur í úrvali ásamt glæsilegum verslunum. Winston Living heillaði mig alveg upp úr skónum en þið voruð mörg sem fylgdust með heimsókninni á Svartahvitu snapchat og voruð sum hver agndofa yfir þessum fallegu vörum sem þarna var að finna. Tvær vörur rötuðu beina leið á óskalistann minn sem eru algjörir gullmolar, annars vegar var það gordjöss bleik glerkanna ásamt gylltum trylltum geómetrískum Gloria kertastjaka. Eigum við síðan eitthvað að ræða þennan bleika stól á gylltu löppunum sem mætti einnig vel rata heim til mín einn daginn?!

Ég get vel mælt með heimsókn í verslunina þeirra við Hljómalindatorg (margir sem þekkja það sem Hjartagarð). Sjá frekari upplýsingar í vefverslun þeirra hér.

ÚTSKRIFTAR & BRÚÐARGJAFIR

ÓskalistinnVerslað

Núna er útskriftar og brúðkaupstímabilið aldeilis að hefjast – nokkrar útskriftir eru þegar búnar (til hamingju) en stærsti hlutinn enn eftir og yfir mig rigna fyrirspurnir um gjafahugmyndir. Ég er vön að taka saman ýmsar gjafahugmyndir fyrir ykkur en í þetta sinn ætla ég að bregða út af vana og í samstarfi við verslunina Snúruna var ég beðin um velja nokkrar af mínum uppáhalds vörum sem ég tel að muni slá í gegn sem útskriftar eða brúðargjafir. Ég ákvað að taka saman hluti á breiðu verðbili enda vinsælt að slá oft saman margir í gjöf við stórt tilefni. Ég sjálf er á leið í útskrift hjá góðri vinkonu eftir rúma viku en það vill svo til að hún er að vinna í Snúrunni svo þessi listi nýtist mér sjálfri ólíklega haha.

Ég vonast til þess að þessar hugmyndir komi ykkur vel að notum og neðst í færslunni má finna tengil inn á hverja vöru í vefverslun Snúrunnar þar sem finna má frekari upplýsingar. Eins og alltaf þá vel ég eingöngu hluti sem henta mínum persónulega stíl og er það sem ég myndi sjálf versla fyrir mig, í gjafir eða er jafnvel nú þegar búin að fá mér. Kvenlegt, smá glamúr, svart, hvítt og að ógleymdum bleikum – þannig vil ég hafa hlutina.

//1. Teppi frá TAKK HOME sem nota má sem rúmteppi eða sófateppi. //2.  Gyllt og fallegt kælifat undir vínflöskur frá ByON. //3. Ballroom ljós frá Design by us er draumur. //4. Dásamlega leirstellið frá danska Bitz er falleg brúðargjöf sem hægt er að halda áfram að safna í. //5. Glæsilegur spegill frá Reflections. //6. Mette Ditmer handklæði í minimalískum stíl. //7. Moscow Mule koparbolli fyrir sumarboðin. //8. Honkadonka vasinn frá Finnsdóttir er vinsæll – líka til svartur og gordjöss. //9. Nordstjerne blómavasi eins og ég sjálf á – fullkominn undir rósirnar. //10. Bleikur kristals kertastjaki frá Reflections. //11. Velúr púði frá Semi Basic. //12. Einstakt textílverk eftir Elvu Dögg. //13. Íslenskt ilmkerti frá Urð – Stormur er minn uppáhalds ilmur. //14. Stockholm kertastjaki frá ByOn. //15. Mette Ditmer rúmteppin eru góð gjöf – ég á eitt slíkt og elska það. – Til í nokkrum litum. //16. Fyrir þá sem eru stórtækir þá er þetta speglaborð frá Reflection hrikalega fallegt. //17. Handklæði eru klassísk brúðargjöf og tilvalið að óska sér fallegt sett af slíku. //18. Fiðrildastóllinn klassíski sem margir hönnunarunnendur elska. Þessi er frá sænska ByOn og er úr Buffalo leðri. 

Það er svo skemmtilegur tími framundan sem einkennist af nóg af veislum og ólíkum tilefnum ♡ Þið hikið svo ekki við að senda á mig línu eins og áður ef þið eruð með spurningar eða vantar ráðleggingar.

ÓSKALISTINN: GORDJÖSS & SVART HOLLUSTU STELL

HönnunÓskalistinn

Það er reyndar orðið dálítið langt síðan að þessar elskur bættust á óskalistann minn langa en það er eitthvað ótrúlega heillandi við svart stell. Þegar ég var að leita af nokkrum myndum í færsluna endaði ég alveg óvart með nokkrar myndir af hönnuðinum sjálfum honum Christian Bitz en agalega er hann myndarlegur maðurinn! Hann er reyndar sjónvarpsstjarna í Danmörku, menntaður sem næringarfræðingur, er metsöluhöfundur og sendiherra Rauða Krossins – þarf ég eitthvað að segja meira? Hans ástríða er síðan sú að fá fólk til að borða hollann mat og stunda heilbrigðan lífstíl og ein leiðin hans virðist vera – að mér skilst þó svo ég skilji dönskuna ekkert alltof vel – að stellið hans er hannað þannig að þú eigir auðveldara með að fá skilning á skammtastærðum og það að lifa hollum lífstíl eigi að vera skemmtilegt og auðvelt og augljóslega líka smart! Ok ég var heilluð fyrir en núna er ég alveg seld.

325de14a6b0da8aaff333d09b59be211

Mikið agalega er þetta nú lekkert!

screen-shot-2016-10-12-at-14-28-32

Þessi hér að ofan er reyndar ekki Bitz en ég var búin að vista hana fyrir löngu, mér þykir hún svo smart.

Og bara nokkrar myndir með að herra myndarlegum – jiminn ég veit varla hvort er fallegra stellið eða hann? Ég er líka dálítið hrifin af því að blanda saman ljósa stellinu og halló gylltu hnífapör – be mine!

En þess má geta að þennan svarta óskalista hér að neðan setti ég saman á nóvember og það eru enn nokkrir hlutir þarna á óskalistanum mínum, þar með talið Bitz drauma stellið. Sjá færslu hér.

 

svart2

Varðandi Bitz stellið góða þá sýnist mér á öllu að það fáist núna í Borð fyrir tvo, Snúrunni, Álfagull (Hfj) og Motivo (Selfoss). Það að stellið fáist núna í næstu götu við mig (Strandgatan í Hafnarfirði) er það ekki merki um að ég þurfi að eignast það?

P.s. ef það er einhver sem fær mig til að minnka skammtastærðirnar þá er það þessi sjarmör haha.

svartahvitu-snapp2-1

SÓFADRAUMUR : IKEA SÖDERHAMN

IkeaÓskalistinn

Þó svo að sófakaup séu ekki efst á forgangslistanum mínum í dag þá kemur það ekki í veg fyrir að ég spái í mínum næstu sófakaupum. Söderhamn frá Ikea hefur verið á óskalistanum mínum í nokkur ár en hann var að koma út rétt eftir að ég fékk mér minn Karlstad sófa sem er einnig frá Ikea, ég hefði annars mögulega valið þann fyrrnefnda enda afar flottur að mínu mati, minimalískur, stílhreinn og töff – ég tala nú ekki um þann möguleika að hægt er að kaupa fölbleikt áklæði á hann þrátt fyrir að ég fengi það seint í gegn. Söderhamn er einingasófi og því hægt að bæta við sófann að vild, sætum, legubekk, armpúða eða skemil. Ég sé fyrir mér þriggja sæta + legubekk í gráu áklæði þar sem hvítt er alltof ópraktískt fyrir mitt heimili.
Living-room_above_760

Living-room_stylizimo_760

Ég hef margoft skoðað þennan sófa og það kom fyrst á óvart hversu þægilegur hann er þrátt fyrir að sætispúðarnir séu þynnri en við erum vön að sjá. Þetta er nefnilega algjörlega sófi til að kúra í yfir bíómynd!Bunadspledd_Andreas-Engesvik_760

Nina hjá Stylizomo blogginu hefur átt sinn Söderhamn í smá tíma og hefur prófað bæði ljóst og dökkt áklæði og komu báðir mjög vel út, mér finnst góður kostur að geta skipt um áklæði á sófa þá bæði til að þrífa en einnig til að breyta til. Því hver veit nema ég fái einn daginn að splæsa í bleika áklæðið á okkar framtíðarsófa. Allar myndirnar eru fengnar frá Ninu hjá Stylizimo.
b2bc85a477a7f6386e8d5626c88a70ba Ég viðurkenni að allir mínir sófar hafa verið frá Ikea, sá fyrsti var Klippan þegar ég var unglingur, næst komu sófarnir á okkar fyrsta heimili en það voru sömu sófar og mamma og pabbi byrjuðu að búa með nema þremur áklæðum síðar, týpan á sófunum hét Tibro en þeir lifa enn góðu lífi í dag 35 árum síðar. Næst var svo Karlstad sófinn góði og ég krossa fingur að ég komist yfir Söderhamn sófa núna í vor en það eru nokkrir hlutir sem sitja á óskalistanum mínum fyrir stofuna og þeir eru allir í stærra lagi.

svartahvitu-snapp2-1

JÓLAGJAFAHUGMYNDIR: FYRIR HANA

JólaÓskalistinn

Hóhóhó og allt það, mér hefur liðið dálítið eins og jólasveini undanfarna daga, þá aðalega út af risa gjafaleiknum sem núna er í gangi ásamt því að vera að gefa aukagjafir á svartahvitu snapchat og til að toppa það þá fær sonur minn í fyrsta skipti í skóinn í ár. Já það er aldeilis gjafagleði hér á bæ og þá er tilvalið að birta fyrsta jólagjafahugmyndalistann minn.

Ef það er eitthvað sem mér þykir extra skemmtilegt að gera fyrir bloggið eða tímarit þá eru það einmitt þessir óskalistar. Nokkrir hlutir á listanum hafa nú þegar ratað inn á mitt heimili á meðan að aðrir sitja sem fastast á óskalistanum fyrir seinni tíma, en eitt eiga allir þessir hlutir sameiginlegt – mér finnst þeir vera gordjöss. Vonandi kemur þessi listi að góðum notum fyrir ykkur sem eruð í jólagjafastússi.

jolin1

// 1. Fallegt veggspjald með ljósmynd Via Martine, Rökkurrós. // 2. Panthella mini sem mun einn daginn rata hingað heim, Epal. // 3. Hrikalega fallegur blómavasi á fæti frá Nordstjerne, Snúran. // 4. Mig dreymir um að byrja að safna bollum frá Royal Copenhagen í línunni Fluted Mega, Kúnígúnd. // 5. Litlir og sætir kertastjakar úr Ultima Thule línu Iittala, söluaðilar Iittala. // 6. Hafið þið séð jafn fínan hitaplatta? Þessi er extra fallegur og fæst í Kokku. // 7. Glerlína Omaggio frá Kähler er loksins mætt á klakann og þessi bleiki talar sérstaklega til mín. Ég ætla að gefa einn slíkann á snapchat á morgun – fylgstu með, Epal. // 8. Bleik handklæði er bæði mjúk og falleg jólagjöf. Snúran. // 9. Gylltur og glæsilegur blómapottur, Módern. // 10. Stelton hitakannan er klassík sem á heima á hverju heimili, Kokka. // 11. Bleikur púði í sófann, Línan. // 12. Fallegur hringur, Hlín Reykdal. // 13. Glam bolli eða jafnvel undir tannburstana (fleiri orð til), Norr11. // 14. Bitz skálar og diskar hafa átt hug minn undanfarna mánuði, Snúran. // 15. Eitt skópar er skylda á alla jólagjafalista hjá mér, ég á þetta par sjálf og elska það, Bianco. // 16. Ekta sófaborðsbók fyrir tískuunnandann, Myconceptstore.is. //

Fylgist vel með á snapchat á morgun þann 14. desember þar sem hægt verður að næla sér í fallega bleikann gler Omaggio vasa ♡

svartahvitu-snapp2