Pattra S.

ÍBÚÐARKAUP

DESIGNHEIMAIcelandInspiration of the dayInstagramUncategorized

Hæ&hó, október var ofsalega viðburðarríkur mánuður sem útskýrir hálfpartinn fjarveru mína hér ásamt því að barnaundirbúningsstressið ”kikkaði”verulega inn(deili því kanski með ykkur síðar!). En við hjúin vorum sem sagt að fjárfesta í okkar fyrstu íbúð á Íslandi og síðasta Íslandsheimsóknin mín fór því alfarið í stúss í kringum hana. Við náðum að gera & græja ansi mikið á stuttum tíma og hér er nokkrar skemmtilegar símaminningar.

Fyrsta nóttin í íbúðinni var afar skrautleg á þessari vindsæng. En fyrsti áfangastaðurinn eftir að við lentum á klakanum var Rúmfatalagerinn til þess að fjárfesta í vindsæng sem við ætluðum að sofa á í eina nótt. Við rétt náðum að henda vinsænginni inn í íbúð áður en við þurftum að bruna í þrítugsafmæli og þegar við komum heim um nóttina uppgötvuðum við að þetta var alls ekki rafmagnsloftdýna sem við héldum að við hefðum keypt og engar pumpur fylgdu með henni. Úr varð skemmtileg tilraun til þess að blása í hana og síðan ferð í Hagkaup að kaupa hjólapumpu klukkan að ganga 4:00 um nótt, skemmtileg minning! Annars var Elmar duglegur að koma heim á milli landsliðaæfinga og setti saman allskyns mublur, búið að koma ánægjulega á óvart hvað hann getur verið handlaginn svona þegar hann tekur sig til.

img_6388

img_6386

Ég var líka með yndis meðhjálpara sem hjálpaði mér að velja þetta kúaskinn úr IKEA Borðið & Stólarnir keyptum við í ILVA

Mottur geta gert svo mikið fyrir rýmið en ég er algjör mottuperri, þessi sem við erum með í svefnherberginu er einnig úr IKEA.. En ólétta konan var mjög sátt með sig þegar hún náði að koma mottunni fyrir undir rúminu og hengja upp þessar gardínur ein síns liðs!

img_6395img_6383
Uppgötvaði verslunina Heimili & Hugmyndir og varð yfir mig ástfangin af henni. Fjárfestum í stærri gerðinni af þessari mottu og erum ekkert smá sátt með hana í stofunni.

img_6382img_6381

Krúttheimsókn! Keyptum okkur velour sófa í Habitat eftir miklar vangaveltur og erum rosalega sátt með kaupin.
img_6380
Borð & sjónvarpsskenkur úr Rúmfatalagernum.

Hlakka til að gera ennþá meira fyrir hana og smella kannski almennilegum myndum í næstu Íslandsheimsókn sem verður reyndar ekki alveg í bráð. Næsta verkefnið verður víst að koma einu stykki barni í heiminn!:)

Áhugasamir geta fylgt mér á Instagram undir nafninu Trendpattra
..
Elmar & I bought our first apartment in Iceland recently and here are some sneak peaks of our new home!

PATTRA

ASOS KIMONO DRESS

My closet

Ég var nýverið í brúðkaupi og birti mynd af mér á Instagram í betri gallanum eins og gengur og gerist. Í kjölfarið fékk ég nokkrar spurningar varðandi kjólinn sem ég klæddist en ég pantaði hann frá ASOS sérstaklega fyrir brúðkaupið og var mjög sátt með kaupin. Hafði ímyndað mér að svona ”wrap” dress myndi henta óléttu dömunni vel en ég á leiðinni aftur í brúðkaup eftir nokkra daga og er búin að kaupa mér annan kjól í svipuðu sniði, sem sagt mjög óléttuvænt snið!

IMG_3328 asoscollegeIMG_3118IMG_3123
Hrakfallabálkurinn lenti auðvitað í hremmingum bókstaflega korter fyrir bryllup sem snapchat vinir mínir höfðu mjög gaman af.. Ég var tilbúin löngu en áætlað var(met!) og ætlaði aðeins að ganga frá áður en ég yfirgaf hótelherbergið, missti ég ekki flösku af farða á óútskýranlegan hátt yfir mig og út um allt gólf. Veggirnir voru útataðir í meik!! Ég sem var búin að eyða 30.min í að strauja en sem betur fer sást ekki mikið á kjólnum en meikið náðist því miður ekki alveg af í hreinsun. Að sjálfsögðu tók ég ekki með mér auka kjól en þetta slapp samt og ég mætti á réttum tíma í kirkjuna í blautum krumpuðum kjól, flottust.

asos

Fór svo í kjólinn yfir samfesting í þrítugsafmæli núna síðasta helgi, hef líka notað hann sem náttslopp -fínasta kaup! Ég er nefnilega áhugakona mikil þegar kemur að því að kaupa ekki þessar týpísku ólettuflíkur á meðgöngunni.

..

Bought this kimono dress @ ASOS for a wedding in September and have been able to use it for other occasions, as well as a rope, a great buy! If you are pregnant and looking for a nice dress to wear,
go for wrap dresses.

PATTRA

VIKA 27

SÆL veriði. Það er nokkuð ljóst að það hefur aldrei verið jafn erfitt að byrja bloggfærslu. Það eru komnir næstum 7 mánuðir síðan ég skrifaði síðast og í hreinskilni sagt þá var engin sérstök ástæða fyrir því nema ég bara ..hætti. Nei, það er eiginlega ekki hægt að segja að þetta hafi verið einhvers konar bloggpása, svo vandræðalega löng var hún. Svo hér er ég komin aftur, ný byrjun. Ég hef hugsað mig um vel & lengi (augljóslega) hvort ég eigi ekki bara að hætta þessu en komst að þeirri niðurstöðu að ég tími því ekki. Þessi færsla hefur verið erfið fæðing en góðvinkona mín hér á Trendnet (hæ Svana) sagði mér að ofhugsa ekki hlutina og hvatti mig áfram. Síðan líðu þó nokkrar vikur en hér er ég mætt!

Sumarið sem leið var ansi atburðarríkt en helst er þó að frétta að ég mæti hér ekki ein til leiks heldur gengin rúmlega 27 vikur með eldsprækan gutta undir beltinu. Ætli þetta blessaða blogg mitt taki ekki smávægilega stefnubreytingu í kjölfar þess sem gerir þetta svolítið skemmtilegt finnst mér. Annars hef ég verið einstaklega heppin með þessa meðgöngu og liðið frábærlega frá upphafi og hingað til (7-9-13). Það er nefnilega magnað hvað þetta getur verið mismunandi eftir einstaklingum og börnum sem inni þér býr, en þið hafið eflaust tekið eftir því að við erum nokkrar barnshafandi hér á Trendnet og á vægast sagt ólíkan hátt. Næstu vikurnar verða heldur betur spennandi!

Planið var að hafa þessa færslu stutta & laggóða samkvæmt snilldar ráðum en ég ætla að enda hana á því að deila með ykkur þeim ”bumbu”myndum sem hafa verið teknar af mér í gegnum þessar 27 vikur..

vika1616 vikur

vika20vika21

20-21 vikur Þarna fyrst byrjaði kúlan að myndast smátt & smátt

vika23

23 vikur

vika24

24 vikur

vika254

25+ vikur

vika27

Enda þetta svo á nýjustu myndunum frá því á mánudaginn þegar ég var gengin 27 vikur.

KV -Bloggryðgaða.
..

What can I say.. I’M BACK! And I’m not alone. It’s been almost 7 months since my last post and a whole lot has happened. Including the fact that I’m 27.weeks pregnant with a feisty little boy. Stay tuned, it’s going to get really interesting(at least for me!).

PATTRA

SUNNUDAGS FLÍKIN

My closetNew closet member

Þið hafið eflaust tekið eftir endurkomu rússkinsjakkans en maður virðist ekki getað stígið inn í fatabúð án þess að reka augun í einn slíkan. Ég hef reyndar lítið villst inn í fatabúðir síðan lok janúar þegar ég verslaði mér föt síðast en ég gerði ansi góð kaup á lokaútsölu hjá IRO & Saint Laurent í Kaupmannahöfn.

DSCF3332DSCF3307IRO jacket / YSL bag / Morgan turtleneck / Andrea by Andrea trousers / Céline sunglasses

Ég á sennilega eftir að nota þennan jakka mikið með vorinu en það var einmitt vorlykt í loftinu þegar ég klæddi mig fyrir heimsókn á listarsafn í gær og hliðartöskuna hef ég gengið reglulega með síðan hún var keypt. Tímalaus kaup að mínu mati og ekki verra að geta nælt sér í flíkur frá sínum uppáhalds merkjum á lægra verði en ég hrífst langmest af frönskum tískuhúsum. Það er nefnilega margt sem er vert að hafa í huga áður en maður fjárfestir í hlutum, ég mæli með því að þið lesið þessa grein eftir hana Linneu.

..

Suede jackets are having a big comeback this season and I manage to get my hands on a pretty darn nice one from IRO on sale back in January. Got the Saint Laurent crossbody bag at the same time, final sales in Copenhagen were really hard to resist this year! Timeless buy is a good buy though.

PATTRA

NIKE ÍSLAND ATHLETE SERIES

Inspiration of the day

   NIKE er eitt flottasta vörumerkið á Íslandi um þessar mundir að mínu mati, ég tek sterklega fram að þetta er mitt persónulega mat og þessi bloggfærsla er að sjálfsögðu líkt og allar mínar færslur ókostuð á alla vegu. Hins vegar er ég kanski ekki alveg hlutlaus þar sem ein besta vinkona mín er markaðsstjóri hjá Nike á Íslandi og stendur sig þar með einstakri prýði þar af leiðandi fæ ég oft fyrstu ”skúb” þegar eitthvað nýtt & spennandi er í gangi hjá merkinu.

Athele series er splúnkunýr & glæsilegur myndaþáttur hjá NIKE teyminu, þar sitja fyrir nokkur af fremstu íþróttafólki landsins en þau hafa öll það sameiginlegt að vera í toppklassa á sínu sviði. Verandi í sambúð með atvinnu íþróttamanni veit ég hversu mikil vinna og fórnir eru á bakvið hvern einasta feril og hef því mjög gaman af þessum myndum sem eru meira þeirra til heiðurs og fókusinn minna á flíkunum sjálfum. Ég veit ekki með ykkur en ég ætla að taka þennan hvetjandi myndaþátt til fyrirmyndar og skella mér annan daginn í röð í ræktina en jafnframt bara í annað sinn á þessu ári, einhvers staðar verður maður að byrja.HopmyndArna Fanndis2 Haukur 3 Haukur Helena 2 Helena Hilmar Arnarson 2 Hjordis 2 Hjordis Holmbert Holmbert2 Kolbeinn Oliver

 

Icelandic athletes doing it NIKE style.

PATTRA