Gleðilegt sumar!

Ég fagnaði Sumardeginum fyrsta með vinkonum mínum á Snaps. Þó að það sé ekki beint komið sumar hér heima þá er ég samt sem áður spennt fyrir sumrinu & komandi tímum..

x

Endilega fylgist með mér á Instagram: @sigridurr, & einnig á Snapchat undir nafninu siggamagga

Í dag fór ég ásamt vinkonu minni í brunch á The Coocoo’s Nest. Þetta er fyrsta skiptið sem ég prófa The Coocoo’s Nest en ég gjörsamlega féll fyrir staðnum. Maturinn var æðislegur & hönnunin á staðnum er ótrúlega falleg & sérstök.

The Coocoo’s Nest er staðsett á Granda í Grandagarði 23, 101 Reykjavík.

Mæli með Egg Flórentine að hætti Coocoo’s! & svo eru bláberjapönnukökurnar frá þeim virkilega góðar einnig!

x

Endilega fylgist með mér á Instagram: @sigridurr, & einnig á SnapChat undir nafninu siggamagga

 English Version Below

Ég er svo heppin að eiga fullt af góðu fólki í kringum mig. Rósa er ein af þeim en hún bauð í besta brunch á Slippfélaginu fyrr í dag. Þvílík veisla … nákvæmlega svona eiga sunnudagar að vera og ég er alltaf að minna ykkur á það :)

… sundays með “tærnar uppí loft” , og nóg af svona brúnum bollum ..

Til vinstri: Buxur/Denim: Levis vintage, Skór/Shoes: Bianco (verða notaðir endalaust þessir .. )
Til hægri: Buxur/Denim: River Island, Skór/Shoes: River Island (ég veit, ótrúlegt .. Þeir eru æði!!)

//

Perfect Sunday. One of my favorite friends, Rósa, invited me to brunch at Slippbarinn. I can really recommend it for those of you who are visiting Reykjavik.

xx,-EG-.

Elísabet Gunnars á Facebook – HÉR
&
Trendnet á Facebook – HÉR

Fyrir nokkrum sunnudögum síðan náðum við nokkrir Trendnet meðlimir að hittast í sunnudags kósýheit á Slippbarnum þar sem við spjölluðum um heima & geima meðan við gæddum okkur á dýrindis bröns. Við vorum því miður örfá í þetta sinn, ég tók ekki upp myndavélina(sökum blaðurs) fyrren Hildur var farin á brott en náði þó nokkrum af okkur Andreu Röfn & Svönu á þessum fallega degi. Myndirnar eru teknar með FUJIFILM X30 sem ég er enn að læra handtökin á en ég held svei mér þá að ég hafi aldrei verið jafn sátt með myndavélakaup.

Alltaf yndislegt að hitta þessar elskur!

Annars mæli ég eindregið með helgarbröns á Slippbarnum, frábær matur & stórgott úrval.

..

Few of us bloggers here at TRENDNET met up some Sundays ago over a delicious brunch @ Slippbarinn and some catching up. The weather was beautiful and few shots were taken with my new FUJIFILM X30 I think it might be my favorite camera to date!

PATTRA

Það er alltaf ljúft að hitta vini sína og svo sannarlega þegar góður matur er í spilinu! Við á Trendnet (sem komumst) hittumst í dýrindis brunch á Apótekinu á síðasta sunnudag og nutum þess að borða svo ótrúlega góðan mat, spjalla, slúðra og hlæja okkur máttlaus. Það eru forréttindi að fá að vera partur af svona stórskemmtilegum hópi sem hittist því miður alltof sjaldan – en þegar við hittumst þá er sko fjör, ég vona alla vega að við höfum ekki truflað mikið fólkið í kringum okkur :)

Apótekið opnaði nýlega niðrí bæ og byrjaði fyrir ekki svo löngu síðan að bjóða uppá brunch matseðil um helgar og bauð okkur á Trendnet að koma og bragða á matnum. Ég og Aðalsteinn fórum reyndar fyrir stuttu síðan líka til að prófa enda mikið brunch áhugafólk og þá eins og núna síðustu helgi fór ég bókstaflega rúllandi út – maturinn er svo góður þarna og allt svo vel útilátið og ég get ekki annað en mælt heils hugar með því að þið sem hafið gaman af góðum brunch skellið ykkur þangað ekki seinna en næstu helgi!

Mig langaði að deila nokkrum myndum með ykkur og sjá hvort ég geti ekki fengið smá vatn til að flæða um munninn ykkar, það kæmi mér alla vega á óvart ef það tækist ekki hjá mér…

Nýkreisti appelsínusafinn er algjört sælgæti!

Matseðillinn er dáldið öðruvísi en á mörgum öðrum stöðum og gaman að fá enn meira úrval í brunch bransann sem ég vil meina að við fjölskyldan höldum uppi…

Eins og síðast valdi ég Morgunmatinn – pulsur, beikon, bakaðar baunir, egg, súrdeigsbrauð og ferskt salat.

Theodóra fékk sér Humar Benný – þennan smakka ég um leið og barnið kemur í heiminn – get ég pantað svona uppá Kvennadeild!

Linnea fékk sér Laxa Benný – hún er nýjasta viðbótin á Trendnet ásamt Evu Laufey og ég persónulega elska bloggin þeirra og mæli með lestri!

Skál!

Eftirréttur er ómissandi – hér eru það pönnukökur..!

Ég fékk mér svo French Toast – sjitt hvað þetta var gott, ég gat ekki einu sinni klárað mitt… mér fannst það ömurlegt :)

Yndislega fólkið mitt…

Það var sko mikið um myndatökur á staðnum og enginn gat byrjað að borða fyr en allir voru búnir að taka mynd af mat allra – svona erum við þessir óþolandi bloggarar, Aðalsteinn þolir þetta alla vega ekki í mér við eigum enn eftir að fara eitthvert út að borða þar sem myndavélin kemur ekki við sögu ;)

Takk kærlega fyrir okkur Apótekið – ég kem aftur við fyrsta tækifæri – ég myndi helst vilja skella mér núna í hádeginu…

EH

Þessi dagur ætlar svo sannarlega að verða dásamlegur dagur á byrjun nýrrar vinnuviku. Ég fékk að sofa aðeins út í morgun og svo vorum við búin að bjóða bróður mínum og konunni hans að koma og borða með okkur brunch. Ég ákvað að gera hann svona aðeins í hollari kantinum, ég hef verið að prófa mig áfram með boosta með alls kyns hollum fræjum og góðu innihaldi og svo gerði ég sjúklega gott granóla og lék mér aðeins með það í morgun.

Ég skellti í heimagert granóla í síðustu viku að hætti vinkonu minnar Evu Laufeyjar. Ef þið hafið ekki tékkað á nýju þáttunum hennar á Stöð 2 þá eruð þið að missa af miklu. Uppskriftin sem ég fór eftir er úr fyrsta þættinum og þið finnið hana á blogginu hennar HÉR. Ég reyndar vissi ekki hvernig þurrkuð trjönuber litu út svo ég keypti goji ber og svo setti ég agave sýróp en ekki hunang en vá þetta bragðast dásamlega og betur en nokkur múslí sem ég gæti keypt útí búð!

Fyrir brunchinn í morgun dreif ég fram fínu Ultima Thule desertskálarnar, setti sykurlausa hindberjasultu í botninn – dreifði vel úr henni, setti létta AB mjólk yfir, setti svo vænan slatta af granólanu, smá meira agave sýróp yfir til að draga úr súra bragðinu af mjólkinni og fersk jarðaber. Ég gæti sko borðað svona í öll mál þetta var dásamlegt!

Núna ligg ég með fætur uppí loft og nýt þess aðeins að slaka á meðan feðgarnir eru útí labbitúr. Við bumban áttum 20 vikna samveruafmæli í gær og á morgun liggur leið okkar í 20 vikna sónar. Eins og þið vitið kannski nú þá ætlum við ekki að fá að vita kynið svo ég er alveg pollróleg fyrir þessum sónar tíma ekkert eins og síðast. Vegna veikinda síðustu viku er ég líka búin að fá að kíkja tvisvar í auka sónar svo ég veit að allt er í góðu ástandi. En það verður gaman að fá nýjar myndir – ef til vill af litlum tásulingum.

Í gær sendi ég svo Aðalstein í blómabúð fyrir mig til að kaupa páskaliljur, ég elska þessi fallegu blóm – þessar og túlípana. Það er eins gott að ég geti haft uppá túlípönum fyrir brúðkaupsdaginn því ég vil helst að vöndurinn verði gerður úr hvítum túlípönum – sjáum hvernig það mun ganga þarna í janúar (jább komin ný dagsetning!). Maðurinn minn var svo dásamlegur og keypti tvö búnt svo nú er fíni Iittala vasinn troðfullur af páskaliljum og ég er ástfangin. Fíni Eiffelturninn er svo flottur þar við hliðiná svo myndin að ofan sameinar tvennt uppáhalds páskaliljur og París.

Ég vona að þið eigið yndislegan dag í dag. Ég ætla aðeins að halda áfram í leti, byrja svo að vinna næsta Reykjavík Makeup Journal og klára færslu með leyndarmálum makeup artistans sem birtist hér í kvöld.

Njótið!

EH

Það var dáldið pínlegt að vakna í morgun og líta útum gluggann – við áttum svo dásamlegan dag í gær við tókum strætó niðrí bæ, fengum okkur að borða og röltum þar um og skelltum okkur svo í Gaflaraleikhúsið á frumsýningu Bakaraofnsins. Ég mæli eindregið með þessari stórskemmtilegu sýningu fyrir krakka á öllum aldri alla vega skemmtum við þrjú okkur konunglega og Gunni og Felix fóru á kostum að sjálfsögðu. Svo þegar heim var komið tók við að sópa stéttina fyrir utan heima og taka aðeins til í bílnum og manni fannst einhvern vegin vorið liggja í loftinu. Svo þegar við vöknuðum í morgun þá sást varla útum gluggana hjá okkur fyrir snjó!

En ég get þó huggað mig yfir því að við áttum frábæran dag í gær, hér sjáið þið nokkrar myndir og dress dagsins…

Eins og ég sagði ykkur fyrir helgi þá var ég virkilega spennt fyrir sendingunni sem við áttum von á inní Vero Moda fyrir helgina. Ég lenti sjálf í miklum valkvíða þegar kom að því að velja á milli þeirra sem voru á mínum óskalista. Ég er virkilega sátt með þær sem ég valdi og þær voru alveg þónokkrar en þennan dag skartaði ég eiginlega bara flíkum úr þessari sendingu – það er bara alltaf aðeins of gaman að bæta nýjum flíkum inní fataskápinn og ég get sjaldan staðist það.

Feldur: Feldur Verkstæði fæst í Geysi, þessi gersemi kom uppúr pakkanum frá unnustanum og hann hef ég borið á nánast hverjum degi síðan þá. Ég fæ hrós fyrir hann í hvert einasta skipti og ég get svo svarið að þetta er einn sá fallegasti fylgihlutur sem ég hef nokkru sinni átt!

Jakki: Vero Moda, einn af þessum glæsilegu úr nýjustu sendingunni. Ég féll fyrir honum um leið og ég sá hann, efnið er veglegt, hann er léttur alveg fullkominn vorjakki. Svo eru litirnir líka tilvaldir því svart og hvítt passar jú við allt.

Peysa: Vero Moda, þessi grófa prjónapeysa er mjög skemmtileg, síð að aftan og mun styttri að framan. Ég fékk svo svakalega fyrir henni og góða verðinu – 4590kr – svo ég fékk mér bæði þessa ljósu og í ljósgráu líka! Þessi verður mikið notuð enda stór í sniðinu og passar vel yfir kúluna.

Buxur: Fantasy Leggings frá Vero Moda, þessar fullkomnu óléttubuxur sem ég skrifaði um í myndafærslunni í gær. Ég er líka í þeim í dag enda svo þægilegar. Þær komu líka í gráu og ég vona að þær séu enn til í minni stærð inní búð svo ég geti átt báða liti.

Skór: Camilla Pihl fyrir Bianco, þessa hef ég ekkert viljað nota í slabbinu síðustu vikur þetta eru án efa fallegustu skórnir í safninu og því vildi ég engan vegin eiga hættu á að þeir myndu eitthvað skemmast. Svo fyrst allt var þurrt í gær fagnaði ég með því að skella mér í þá, þeir fá þó smá hvíld strax aftur miðað við núverandi veðurástand.

Eins og ég segi hér fyrir ofan þá áttum við dásamlegan dag í gær, við stoppuðum á Nora Magasin og fengum okkur smá að borða og Tinni Snær fór á kostum enda stórskemmtilegt barn þar á ferð ;)

Þegar við foreldrarnir sáum matinn hans Tinna Snæs sáum við eiginlega eftir því að hafa ekki pantað okkur eins svo girnilegur var hann en við fengum þó aðeins að narta í réttinn hans.

Hér sjáið þið brunchinn – Tinni Snær er mikill pönnukökukarl svo við skiptumst á frönskum og pönnukökum og vorum bæði mjög sátt með það!

Sæti minn!!***

Eftir matinn röltum við aðeins um bæinn, nældum okkur í góðan kaffibolla til að hlýja fingrunum og svo lá leiðin beint í leihús. Ég hef sjaldan átt jafn dásamlegan laugardag með mönnunum mínum og mikið hlakka ég til að eiga fleiri góðar vorstundir með þeim innan skamms.

Njótið dagsins í dag og til hamingju með daginn kæru konur***

EH

Í þessum skrifuðu sit ég í mínum uppáhalds brunch í þýska heimabænum. Sunnudagar eiga að vera til sælu – alltaf.
Notið þessar myndir að neðan til að fá innblástur fyrir ykkar brunch dagsins –

Sun-day í orðsins fyllstu hérna megin. Það gleður og gefur.

HÉR er ágæt uppskrift af lummum fyrir þá sem ætla að útbúa sinn brunch sjálf.

Eigið góðan (konu)dag.

xx,-EG-.

Elísabet Gunnars á Facebook – HÉR
&
Trendnet á Facebook – HÉR

Ég er mikil brunch manneskja og við Aðalsteinn erum ofur dugleg að fara á nýja staði og prófa brunchinn. Ég held að við séum liggur við búin að prófa nánast alla brunchana í bænum en betri helmingurinn fékk að prófa brunchinn á Nauthól um daginn sem hann hafði ekki enn fengið – bara ég!

Mig langaði að deila með ykkur mínum uppáhalds brunchum í bænum og ég mæli eindregið með þessum stöðum.

Nauthóll:

Ég nýt þess að sitja inná Nauthól í fallegu og róandi umhverfi þar sem maturinn er góður, þjónustan er frábær og þrátt fyrir að staðurinn hafi verið fullur var maturinn fljótur á leið til okkar. Mér fannst líka æðislegur barnabrunchinn sem við ákváðum að leyfa Tinna Snæ að fá – hann fékk nóg af vatnsmelónum sem eru í uppáhaldi og ostinn át hann upp til agna. Svo var litli maðurinn minn sem ég leyfi yfirleitt aldrei að fá appelsínudjús alsæll þegar þjónninn okkar rétti honum stórt glas af honum með röri. Hann var ekki lengi að taka fyrsta sopann og þjónninn fékk strax broskall í kladdann hans Tinna :)

Café Flóra:

Að sitja á Flóru er bara eins og að sitja í paradís! Við höfum farið þangað nokkrum sinnum í sumar og yfirleitt endum við göngutúrana okkar um fallega hverfið okkar með kaffi og köku á Flóru. Brunchinn þar er dásamlegur og í uppáhaldi er ávaxtasalatið sem er með melónum og eplum og til að draga úr sæta bragðinu er settur ferskur chilli með – syndsamlega gott! Svo er rauðrófuhummusinn algjör lúxus ofan á ost og um leið orkubúst fyrir líkamann. Ef þið hafið nú ekki þegar farið í brunch á Flóru drífið ykkur áður en sumarið er úti – annar kostur við Flóru er að það er alltaf gott veður þar!

The Coocoo’s Nest:

Þessi staður er án efa uppáhalds staður okkar fjölskyldunnar. Starfsólkið heilsar okkur alla vega eins og við höfum þekkst alla ævi og ég fer alltaf södd og alsæl þaðan út. Ég fæ mér alltaf eggjahræruna með pestoinu einfaldlega vegna þess að þarna fær maður besta pestóið! En næst er ég þó búin að ákveða að nú þurfi ég að fara að smakka eitthvað annað – mér finnst ommeletta helgarinnar yfirlett alltaf mjög girnileg svo ég er að plana að fá mér hana næst. Á Coocoo’s Nest er alltaf vinaleg og góð þjónusta og diskurinn er alltaf vel útilátinn. Svo ef þið farið ekki of södd útaf staðnum þá er tilvalið að splæsa í Valdís í eftirrétt.

Ég fæ bara vatn í munninn við að skrifa um uppáhalds brunch staðina mína og hvað þá þegar ég skoða þessar myndir – brunch er klárlega uppáhalds máltíðin mín;)

EH

Mæðradagurinn var alveg fullkominn í alla staði en þetta er eiginlega svona fyrsti dagurinn sem ég fæ útaf fyrir mig en á síðasta ári héldum við nafnaveisluna hans Tinna Snæs á mæðradaginn svo við mæðginin deildum honum.

Ég var vakin með pakka en ég fékk þessa fallegu hvítu peysu sem sonur minn valdi víst alveg sjálfur í versluninni Suit á Skólavörðustíg. Sjálf var ég í verkefni í gær og þeir feðgar kíktu í bæinn í buxnaleiðangur fyrir pabbann – sonurinn sá víst þessa peysu, greip hana og neitaði að yfirgefa verslunina án hennar, dáldið krúttlegt:)

Eftir smá morgunkúr lá leið okkar á Café Flóru í Grasagarðinum þar sem ég var búin að heyra af dýrindis brunch sem væri í boði þar. Við erum mikið brunch fólk og ég elska að prófa nýja staði – hingað til hefur The Coocoo’s nest verið okkar staður en nú veitir Café Flóra harða samkeppni og ég mæli með að fólk prófi brunchinn þar. Það er opið alla daga frá 10-22 og þessi staður er auðvitað algjör perla og ómissandi að kíkja í heimsókn á sumrin.

Ég keypti skýjadress á soninn hjá Petit.is – hrikalega kjút!

Appelsínumarmeðlaði – sýróp og rauðrófu hummus – slurp!

Tengdapabbi slóst í lið með okkur í Grasagarðinn – frábær félagsskapur:)

Fullkomin morgunstund með uppáhalds strákunum mínum og einum auka:)

Ég vona að allar mæður hafi átt dásamlegan gærdag – lífið varð svo miklu betra eftir að ég varð mamma – ég þreytist ekki við að segja það né skrifa og ég mæli hiklaust með þessu hlutverki. Til hamingju með gærdaginn mæður!

EH