Skráning á líkamsmyndarnámskeið: The Body Project

TILKYNNINGAR

Ákall til stúlkna í framhaldsskólum!

Screen Shot 2015-10-02 at 8.26.41 PM

Þá er komið að líkamsmyndarnámskeiðinu The Body Project en Dove sjóðurinn veitti styrk til verkefnisins. Fljótlega munu námskeiðin fara af stað en þau er haldin í öllum framhaldsskólum höfuðborgarsvæðisins. Námskeiðin miða að því að efla gagnrýna hugsun gagnvart ríkjandi fegurðarviðmiðum og auka sátt við eigin líkamsvöxt.

Það sem eykur traust mitt til námskeiðsins er að það hefur verið rannsakað ítarlega og er efni þess talið vera það árangursríkasta á umræddu sviðu. Niðurstöður rannsókna sýna jákvæð áhrif á líkamsmynd og eins hefur tekist að fækka átröskunartilfellum. Íslenska útgáfa námskeiðsins hefur verið í þróun í fimm ár, hvorki meira né minna, og hafa niðurstöður hér heima verið í samræmi við fyrri rannsóknir.

Allar upplýsingar:

Verð: Ókeypis
Aldur: 18+ (einstaklingur þarf að vera sjálfráða)
Fjöldi skipta og lengd námskeiðs: Tvö skipti og hvert námskeið er tvær klukkustundir.
Hvenær: Í lok skóladags.
Nánar: Sjá plaköt sem hengd hafa verið upp á veggjum skólanna.
Námskeiðshaldarar: Þjálfaðir fagaðilar, annars vegar í sálfræði og hins vegar í félagsráðgjöf.
Skráning: likamsmynd@gmail.com

Það er engin spurning hvað stúlkur í framhaldsskólum höfuðborgarsvæðisins eigi að gera. Þær eiga að sjálfsögðu að skrá sig á þessi námskeið og hvetja hver aðra til að gera slíkt hið sama. Þetta er frábært tækifæri sem ég hefði að sjálfsögðu viljað fá sjálf á sínum tíma. Bendið frænkum, vinkonum, dætrum á – sýnið samstöðu og standið með sjálfum ykkur. Mætið á námskeiðin og verið sterkari fyrir vikið. Verið teinréttar í baki, með báðar fætur á jörðinni og verið stoltar. Hlakka til að sjá viðbrögðin og vonast að sjálfsögðu til að þessi hópur stúlkna fylli námskeiðin.

Endilega sendið spurningar og ég reyni að svara þeim eftir bestu getu.

Kærar kveðjur..

karenlind

 

Kastljós í kvöld: Heiða Hannesar

TILKYNNINGAR

Nú væri ég rosalega til í að sem flestir horfðu á Kastljós í kvöld kl. 19.35. Í þættinum verður rætt við Heiðu sem hlaut víðtækan heilaskaða eftir langt hjartastopp sem hún lenti í vegna mikils kalíumskorts. Hann kom til vegna alvarlegrar átröskunar og áralangrar misnotkunar á vatnslosandi lyfjum sem hún notaði til að halda sér grannri. Hvorki hún né fjölskylda hennar gerðu sér grein fyrir alvarleika átröskunarsjúkdómsins sem hún glímdi við frá unga aldri en vegna afleiðinga af honum er Bjarnheiður nú bundin við hjólastól og getur lítið tjáð sig (tekið af FB síðu Kastljóss).

BH

Screen Shot 2015-02-23 at 3.40.21 PM

Verum meðvituð um hve röng skilaboðin eru sem við fáum í gegnum þessa helstu miðla sem við notum. Það eru eflaust fleiri en ég orðnir þreyttir á þessum skilaboðum. Pressan er ekki aðeins að koma frá tískutímaritunum, það nægir að teygja sig í símann og opna Instagram sem dæmi.

Hugum að heilsunni… heilsunnar vegna, orkunnar vegna, langlífsins vegna. Eruði ekki sammála? :)  Umræðan er nauðsynleg og því hvet ég ykkur til að horfa á Kastljós í kvöld.

Kastljós
19.35

Kærar kveðjur,

karenlind