.. smekkbuxur fyrir barnið

BARNAVÖRUR

Ég fór aðeins í Igló+Indi um daginn á Skólavörðustíg. Stelpurnar sem vinna þar eiga hrós skilið, buðust strax til að hjálpa mér inn með vagninn.. og á meðan ég skoðaði fötin léku þær við Snædísi. Nei, þetta er góð þjónusta.. ég veit ekki hversu oft ég hef labbað úr verslun án þess að skoða en núna var lítið mál að virða allt fyrir sér.

Ég keypti tvo pífuboli á hana fyrir næsta sumar, þeir voru á útsölu. Það er nóg til á útsölunni.. en ég rak svo augun í svakalega flottar smekkbuxur hjá þeim sem eru úr nýju línunni. Alveg er ég viss um að þær eigi eftir að seljast vel.. ég kaupi þær næst – ég var óvart búin að kaupa of mikið þennan daginn, þið kannist kannski við það :)

Efnið var svo geggjað.. hafiði ekki komið við bómularefni og bara ahhhmmmm.. langaði að koma lengur við það. Svo las ég aðeins um buxurnar en framleiðsluferlið er til fyrirmyndar. Buxurnar fást hér og eru til í þremur litum.

Annars sá ég líka þessi sett á síðunni þeirra sem eru væntanleg (ég veit þó ekki hvenær).. þau eru líka ótrúlega sæt! Það sést hreinlega á myndunum hve góðar þessar buxur eru. Stroff að neðan og hátt mitti klikkar ekki :)

Hazy grey

BARNAVÖRUR

Vinkonur mínar gáfu okkur Tripp Trapp stól en við ákváðum að gefa hvor annarri þannig stól með fyrsta barn. Við keyptum ungbarnasætið líka, en það er fyrir 0-6 mánaða börn. Ungbarnasætið hefur nýst mér og okkur svo ótrúlega vel og ég hefði ekki, sko alls ekki, viljað sleppt þeim kaupum. Það léttir á svo miklu.. en aðal kostur þess er að hafa hana í minni hæð. Hún nær að fylgjast með öllu og líður þar af leiðandi vel. Ég gef ungbarnasætinu fullt hús stiga.. en ég mæli frekar með sæti sem er með stuðningspúðum fyrir höfuðið á beislinu (sjá myndir). Með stólnum fylgir stöng (þessi hvíta) sem maður festir á stólinn.. það er hægt að hengja hvaða dót sem er á hana. Vert er að taka það fram að ungbarnasætið fer aðeins við Tripp Trapp stóla sem eru framleiddir eftir júnímánuð árið 2008.

Svo elska ég litinn sem ég valdi… Hazy Grey… en stóllinn er bæsaður í gráum lit. Ég er að vonast til að það sjáist minna á honum en þeim sem eru sprautaðir vegna hreyfingarinnar í viðnum.

Get ekki annað en mælt með þessu sæti alveg fram í fingurgóma. Ég keypti ýmsa aðra fylgihluti með.. en allt keypti ég á mothercare.co.uk og lét senda til fjölskyldumeðlims þegar hann bjó í Englandi. Ég ákvað að kaupa allt úti.. en í dag er verðið orðið nánast svipað hér heima svo það er eflaust ákjósanlegra að versla heima og spara sér vesenið. Þeir eru til í Epal.

Stóll: Hazy Grey
Ungbarnasæti: Í beige lit.
Uglan: Keypt í Kanada
Froskur – naghringur: Frá MAM fyrir fjögurra mánaða

 

Hvað er í skiptitöskunni?

BARNAVÖRUR

Ég sagði ykkur einhvern tímann frá því að ég keypti bakpoka fyrir skiptitösku (sjá hér, æ úbbs.. eða bleyjutösku). Ég sé ekki eftir því.. en ég reyndar skipti um tösku. Ég átti annan bakpoka fyrir sem okkur þótti hentugri einfaldlega því hann opnast “upp á gátt”… ég áttaði mig ekki á því hve “lokaður” Hunter bakpokinn var. Oft þarf maður að rífa allt upp úr töskunni á núll einni og því var hin taskan málið.

Ég er ekki með neitt sérstaklega mikið í töskunni.. eflaust mjög svipað og aðrir foreldrar.. en þetta er svona það sem mér finnst nauðsynlegt að hafa með mér á ferðinni.

Bakpoki: Galleria Reykjavik Marc by Marc Jacobs

Skiptidýna: Mér finnst allir þurfa að eiga svona.. sérstaklega barnsins vegna en svo líka hreinlætisins vegna. Ég keypti þessa í Target en ég hef séð þessari skiptidýnur í öllum stærðum og gerðum. Fæst í öllum helstu barnavöruverslunum á Íslandi.

Water Wipes: Hands down… þetta eru algjörlega bestu blautþurrkurnar (aukaefnalausar, bara tvö innihaldsefni = vatn og dropi úr grape ávextinum. Kíkið á innihaldslýsinguna, hvernig er ekki hægt að kaupa þetta?). Ljósmæðurnar mæltu með blautþurrkunum við mig.. þær höfðu rétt fyrir sér :) Fást m.a. í Bónus og Nettó.

Bleyjur: Libero bleyjurnar eru þær bestu að mínu mati (ekki skamma mig, ég er með mikið samviskubit yfir því að nota bleyjur). Fást m.a. í Bónus.

Desitin: Ótrúlega gott zink krem fyrir bleyjusvæðið ásamt öðrum stöðum, t.d. handarkrika og fellingar. Fæst m.a. í Target.

Saltvatnsdropar: Algjör nauðsyn að hafa í töskunni ef nebbinn stíflast. Fæst í öllum Apótekum.

Hýdrófíl: Rakakrem sem ljósmæðurnar mæltu með. Lyktarlaust og mjög gott. Fæst í apótekum.

Locoid: Þetta á svo sem ekki við marga.. en þetta er vægt sterakrem við exemi sem ég hef þurft að bera á hana síðastliðna daga. Fæst í öllum apótekum.

Snuddutaska og snuð: hvort tveggja frá MAM.. ég á tvær svona töskur, aðra sem ég nota á vagninn en þessi er í skiptitöskunni. Mjög sniðugt.. bæði upp á að hafa þær á sínum stað og eins heldur þetta þeim hreinum.. eða hreinni sbr. ef þær væru lausar í töskunni. Fæst m.a. í Nettó.

Leikfang: Þessi margfætla eða könguló er heldur betur búin að slá í gegn. Svo virðist samt vera sem miðarnir á leikfanginu séu farnir að vinna vinsældarkeppnina.. hvað er málið með börn og miða?

Naghringir: Frá Life Factory úr sílikoni (sem er kostur því það smitar ekki óæskilegum efnum til barns). Þessir hringir eru æði!

Froskurinn: Frá Mam. Dóttir mín er æst í þennan frosk. Skær liturinn er extra spennandi. Ég er annað hvort með froskinn eða naghringinn í töskunni.

Andlitsklútar: Ég hef verið með þvottapoka eða nýja vöru sem ég hef verið að prófa frá WaterWipes (sama innihaldsefni og í blautþurrkunum frá þeim). Þar sem dóttir mín er svo þurr í framan er ég að elska andlitsklútana frá WW. Þeir veita húðinni raka sem er akkurat sem hún þarf. Reyndar eru þær ætlaðir mér en ég get líka notað þá á hana eftir matartíma :)

Að lokum er ég með taubleyju og líka auka sett af fötum!

Gjafabolir og fleira.

BARNAVÖRURKATIE MÆLIR MEÐ

Í upphafi meðgöngunnar hélt ég að meðgöngufatnaður væri óþarfi. Ég sá alveg fyrir mér að ég kæmist í boli og annað slíkt.. þeir yrðu kannski í mesta lagi örlítið þröngir. Neibb. Ég þurfti bókstaflega að pakka fataskápnum mínum niður og kveðja fötin í langan tíma. Ég er ekki enn búin að taka sum upp, einfaldlega því ég passa ekki í þau.

Meðgöngufatnaður er ótrúlega góður. Það fyrsta sem mér dettur í hug þegar kemur að fatnaði á meðgöngu er orðið þægindi. Úff, allt sem þrýstir á (brjóstahaldaraspöng, þröngar buxur, þröngir bolir etc.) er bókstaflega HISTORY! Hælaskór? Bless. Jú sumar eru í þessu en ég set stórt spurningamerki við það. Ég gat ekki verið í neinu sem flokkaðist ekki undir kósíflokkinn.

Þegar ég áttaði mig á því að mín föt væru bara alls ekki að virka.. þá fór ég á fullt að reyna að finna meðgöngufatnað í Target og H&M. Það gekk svo illa.. að ég fann ekkert (nema gallabuxur).. og ég endaði með því að kaupa einn kjól í Marshalls sem var ekki einu sinni meðgöngukjóll. Hann var bara í extra large deildinni.. en ég þurfti að hætta að nota hann á 32. viku vegna óþæginda.

Jess. Ég átti ekkert.. nema hvað, þær hjá Tvö Líf höfðu samband við mig og buðu mér í heimsókn eins og ég hef áður skrifað um (sjá hér). Þær sögðu að ég yrði hreinlega að eiga gjafaboli.. sem var hárrétt hjá þeim. Ég er ennþá að nota þá!

screen-shot-2017-03-15-at-9-52-30-pm
screen-shot-2016-10-04-at-7-57-46-pm

Á efri myndinni er ég í þessum bol sem þær gáfu mér. Það sést ekki mikið í mig, enda var ég orðin eitthvað myndavélafælin undir lokin. Bjúguð fyrir allan peninginn. En ég fór í þessum bol á fæðingardeildina.. og heim af fæðingardeildinni. Liturinn er æðislegur og svo er efnið eitthvað extra mjúkt. Þær eiga bolina til í nokkrum litum. Ég mun geyma þennan bol fyrir næstu meðgöngu því hann er frábær. Fæst hér.

large-18

Eins fékk ég annan bol frá þeim.. en hann er of lógískur fyrir brjóstagjöfina. Toppstykkið sem hylur brjóstin er nefnilega flíseraður að innan. Fyrir þær sem ekki vita þá má manni alls ekki verða kalt á brjóstunum. Örlítill hrollur getur leitt til þess að maður missi brjóstamjólkina. Það vil engin nýbökuð mamma. Þessi “sweatshirt-bolur” er í enn meira uppáhaldi enda dúnmjúkur. Ég er bókstaflega búin að ofnota hann! Fæst hér.

505_black_02_01_lr_500_500_3

… ég er enn að nota meðgöngunærbuxurnar líka. Sorry, hljómar kannski illa fyrir suma.. en ég held ég noti þær bara út lífið. Allavega á nóttunni :)

screen-shot-2017-03-15-at-11-00-57-pm 16195368_1347253481962737_5818197619881891520_n

Svo langar mig að mæla sérstaklega með silkihúfunum frá þeim.. ég fékk eina í gjöf frá frænku minni & svona húfu verður hver einasta mamma/foreldri með ungabarn að eiga. Þær halda svo vel að.. svo haldast þær líka á sínum stað, hylja eyrun og ennið og lofta mjög vel að þau svitna ekki með hana. Ég nota hana oft eina og sér þegar hún fer í vagninn. Það þarf ekki meira – enda eru þær úr 100% silki. Ég hefði viljað vita af þessum húfum áður en ég átti hana, því ég fékk hana þegar hún var sex vikna og var í bölvuðum vandræðum með aðrar húfur fram að því.

Takk enn og aftur fyrir mig Tvö líf. Ég er enn að njóta :)

karenlind1

Target: Fyrir ungabörn

BANDARÍKINBARNAVÖRUR

Jæja.. ég á nú að verða fimm mánaða barn og mig langar að minnast á nokkra hluti sem nýttust mér vel úr Target. Ég hef áður sagt, og segi það aftur.. að ég vil eiga sem minnst. Þessi listi virðist kannski vera langur en það er hægt að kaupa svo miklu meira en þetta. Það er ótrúlegur léttir að eiga lítið af hlutum, hvað þá hlutum sem tengjast barninu. Ég myndi missa vitið ef húsið væri hlaðið þessu og hinu. Listinn miðast við ungabörn en svo hendi ég inn nokkrum hlutum sem ég keypti sem munu nýtast þegar hún er eldri. Ég vona að þessi færsla nýtist einhverjum því ég er búin að hanga inn á target.com í þrjá klukkutíma að finna þessa hluti.. svei mér þá, ef þetta kallast ekki metnaður :)

screen-shot-2017-02-12-at-11-00-27-pm

Ég held að maður fái ekki betra “zink” krem. Ótrúlega græðandi og hefur verið okkur ómissandi. Ég keypti tvær stórar túbur, aðra til að hafa heima og hina fyrir skiptitöskuna. Tilvalið á fellinga- og bleiusvæði.

screen-shot-2017-02-12-at-11-06-58-pm screen-shot-2017-02-12-at-11-07-07-pm

Eddie Bauer skiptidýna. Nauðsynleg í skiptitöskuna. Ég nota hana í heimsóknum… en ég finn mest fyrir notagildinu þegar við notum almenningssalerni. Fyrirferðalítil skiptidýna og mjög auðvelt að brjóta hana saman með annarri hendinni (barnið er víst í hinni).

screen-shot-2017-02-13-at-12-51-10-am

Ég er nýfarin að nota þessar blautþurrkur. Þær eru rosalega góðar og innihaldið er nánast bara vatn. Ég keypti, að ég hélt, sömu þurrkurnar hér heima en þær eru allt öðruvísi. Ég myndi kaupa nóg af þessu.. en fyrstu tvo mánuðina myndi ég einungis nota water wipes eða heimagerða klúta.

screen-shot-2017-03-07-at-11-07-13-pm

Water Wipes eru líka til.. þær eru dýrar hérna heima – og svo sem úti líka.. en ef þú hefur tök á því að kaupa þær myndi ég dúndra þeim í einhverju magni í innkaupakerruna. Það er ótrúlegt hvað saxast af þessu daglega. Kannski er samt ekki alveg málið að reyna að spara sér hundraðkallana.. en þetta eru bestu blautþurrkurnar.

 

screen-shot-2017-03-07-at-10-53-55-pm

Ég lenti sem betur fer ekki í neinu veseni með brjóstagjöfina en ég keypti engu að síður Lansinoh brjóstakremið. Það var reyndar gott að nota það til að byrja með – það eru smá viðbrigði að vera allt í einu með barn á brjósti. Nú, ef maður þarf ekki á því að halda má nota kremið sem varasalva eða á önnur viðkvæm svæði.

screen-shot-2017-03-07-at-10-59-20-pm

Munchkin skeiðar.

Fæðunet.. ég þekki bara til þeirra sem eru vinstra megin en ég myndi frekar kaupa það sem er hægra megin (boon pulp silicone feeder). Það hlýtur að vera auðveldara að þrífa það, og svo fær það líka betri endurgjöf. Ég var að sjá þau fyrst núna þegar ég ráfaði um heimasíðuna.

screen-shot-2017-03-07-at-11-00-42-pm

Lansinoh brjóstapúðarnir. Ég gat ekki verið án þeirra fyrstu vikurnar. Ég myndi kaupa einn kassa, það var yfirdrifið nóg fyrir mig.

screen-shot-2017-03-07-at-11-03-02-pm

Spegill á höfuðpúðann… ég keypti þannig ásamt…..

screen-shot-2017-03-07-at-11-04-56-pm

Sólhlífum í gluggana :-)

screen-shot-2017-03-07-at-11-09-36-pm

Taubleyjur frá Carter’s. Það er eflaust ekki hægt að eiga of margar.. ég myndi kaupa 12 stk. Jafnvel meira.

screen-shot-2017-03-07-at-11-19-51-pm

Ég reyndar keypti ekki svona baðstól, en ó hvað ég þarfnast hans. Það tekur of mikið á bakið að halda á þeim og svo er líka örlítið vesen að skola af þeim.. allavega þótti mér og Davíð nauðsynlegt að vera saman í þessu ferli þegar hún fór í sínar fyrstu baðferðir. Það hefði verið svo þægilegt að eiga þennan baðstól.

screen-shot-2017-03-07-at-11-20-02-pm
Handklæði með hettu. Fyrir mitt leyti er nóg að eiga 2-3 stk.

screen-shot-2017-03-07-at-11-20-59-pm

Nagsmekkur. Mæli mikið með honum.

screen-shot-2017-03-07-at-11-26-39-pm

Ég keypti Sophie og hún er að nýtast mjög vel.. hún nagar vinkonuna alla daga.

screen-shot-2017-03-07-at-11-33-20-pm

Einhvers konar dót fyrir bílstólinn eða matarstólinn (t.d. new born settið frá TrippTrapp).

screen-shot-2017-03-07-at-11-35-04-pm

Vaselín fyrir hitamælinn.

screen-shot-2017-03-07-at-11-38-58-pm

Hvert einasta barn verður að eiga svona “blankie”. Snædís Lind elskar sitt og getur ekki sofnað án þess. Mjög krúttlegt.

screen-shot-2017-03-07-at-11-40-07-pm

Mér þótti mjög nauðsynlegt að eiga svona vatnsheldar skiptidýnur sem ég lagði ofan á skiptiborðið. Ef slys átti sér stað fór það aðeins á yfirlagið.. það er annað hvort að eiga þessar skiptidýnur hér að ofan… eða:

screen-shot-2017-03-07-at-11-43-17-pm screen-shot-2017-03-07-at-11-43-24-pm

Þessar sem eru einnota.

screen-shot-2017-03-07-at-11-46-40-pm

Ég á reyndar ekki “Sleep Sheap” en ég verð að eignast þennan bangsa. Jafnsuð (white noise) er búið að bjarga okkur frá því hún kom í heiminn. Hún sofnaði til dæmis við það í kvöld.. að verða fimm mánaða. Þessi krúttlegi lambabangsi virðist vekja ótrúlega lukku meðal flestra barna & fær mjög góða dóma.

screen-shot-2017-03-07-at-11-57-46-pm

Fyrsti tannburstinn. Systir mín hefur notað svona á sína stráka. Ég mun nota hann þegar hún fær sínar fyrstu tennur.

screen-shot-2017-03-07-at-11-57-31-pm

MAM snuðin. Auðvitað er misjafnt hvaða snuð barnið tekur, ef það tekur snuð yfir höfuð. Dóttir mín tók strax við MAM.. ég mæli með “glow in the dark” MAM snuðunum. Ég keypti fjögur snuð í stærð 0-6 mánaða og svo fjögur snuð í +6mánaða.

screen-shot-2017-03-08-at-12-01-12-am

Ég keypti tvö svona.. er þetta kannski algjört eitur?

screen-shot-2017-03-08-at-12-26-57-am

Einhvers konar næturlampa fyrir brjóstagjöfina. Ég notaði og nota enn LED kerti með tímastilli. Það er ekki hægt að vera án næturljóss í brjóstagjöfinni.

Það eru nokkrir hlutir sem ég setti ekki á listann, t.d. pela og eitthvað fleira. Dóttir mín tekur ekki pela svo þeir pelar sem ég keypti (Dr. Browns) eru enn ósnertir inni í skáp. Annað keypti ég hér heima, eins og hitamæli. Ég tek það fram að þessi listi er alfarið settur saman út frá sjálfri mér og mínu barni. Börn eru ótrúlega misjöfn og því er eflaust eitthvað á þessum lista sem hentar ekki öðrum.. en þið getið allavega notað hann til hliðsjónar ef þið hafið tök á því að komast í Target.

karenlind1

Í uppáhaldi: Snuggle Nest

BARNAVÖRUR

Ég skrifaði um Snuggle nest þegar ég var ófrísk, en mig dauðlangaði að eignast það fyrir dúlluna mína. Ég sé ekki eftir þeirri ákvörðun en þetta “rúm” er stórkostlegt ef ég á að lýsa því einhvern veginn. Það smellpassar í vögguna og því finnst mér vaggann extra kósí fyrir hana. Núna er ég til dæmis með rúmið upp á borðstofuborði á meðan ég skrifa þessa færslu, og hún sefur. Eins er það á milli okkar upp í rúmi á nóttunni. Það fer líka með í heimsókn því það er hægt að brjóta það saman og festa með frönskum rennilás. Það nýtist mér og okkur á svo ótrúlega marga vegu að ég get ekki annað en mælt með því. Það veitir mér mikla öryggistilfinningu að hafa hana í nestinu því hún getur ómögulega rúllað sér úr því. Þar sem hliðarveggir rúmsins eru úr neti er auðvelt að anda í gegnum þá, það róar mig líka því hún er eins og ormur og er yfirleitt klesst upp við þá. Svo er líka í boði að hafa upphækkun undir höfðinu sem er mikilvæg (ljósmæðurnar töluðu um það). Og það sem er í allra mesta uppáhaldi hjá henni er “White Noise” hljóðið en það er hægt að spila það á fimm mismunandi hljóðstyrkjum ásamt vögguvísu. White noise eða jafnsuð svæfir hana um leið.. það er hálf ótrúlegt.. augun lygnast aftur og hún er dottin í svefn stuttu síðar. Svo er dýnan vatnsheld og auðvelt er að taka allt efni af bæði dýnunni og rúminu og þrífa það.

screen-shot-2016-12-04-at-3-05-26-pm screen-shot-2016-12-04-at-3-05-34-pm screen-shot-2016-12-04-at-3-05-45-pm screen-shot-2016-12-04-at-3-05-57-pm screen-shot-2016-12-04-at-3-07-07-pm screen-shot-2016-12-04-at-3-07-15-pm

Svo gáfu eigendur Húsgagnaheimilisins okkur þetta teppi frá SKIP*HOP. Þetta er albesta teppið sem við eigum og það eru nokkrar ástæður fyrir því. Ég væri til í að eiga ca. fjögur svona teppi því ég er hlaupandi út um allt hús að leita af því (brjóstaþokan eða þreytan er að ganga frá mér)… svona án gríns, þá er ég leitandi allan daginn af hlutum þrátt fyrir að heimili mitt sé ekki fullt af dóti.. “hvar er snuðið, hvar er taubleian, hvar er teppið”.. kannist þið við þetta?

En allavega, teppið er mjög létt en hlýtt, það er teygjanlegt og því mjög gott að vefja henni inn í það. Það er þunnt og fyrirferðalítið..  Æ, þetta er svona sama tilfinning og þegar maður á uppáhalds bol sem er úr góðu efni.

Húsgagnaheimilið er troðfullt af vörum fyrir börn.. ég fékk líka skiptiborðið okkar þar sem er líka mjög praktísk lausn því ég vildi alls ekki vera með sér skiptiborð. Sýni ykkur það betur síðar :)

Húsgagnaheimilið á Facebook
Husgogn.is

karenlind1

Meðgöngu- og gjafahaldari er nauðsynjavara

BARNAVÖRURFÖT

Ég viðurkenni að stundum hef ég verið að sækja vatnið yfir lækinn, þ.e.a.s. að kaupa hluti í Ameríku sem eru svo bara til hér heima. Þegar ég var komin svona 14 vikur á leið fór ég í leiðangur í Bandaríkjunum og reyndi að finna meðgöngu- og gjafahaldara en það gekk ekki vel. Ég hef verið í höldurum sem eru ekki ætlaðir til meðgöngu og þetta eru mistök sem ég geri ekki aftur. Það er ekkert verra en að ganga í gegnum meðgöngu og að vera í þannig haldara. Það er svo margt sem verður óþægilegt á meðgöngu og það sem ég hef hvað minnst haft þolinmæði fyrir er undirfatnaður og fatnaður sem þrengir að. Þvílík og önnur eins köfnunartilfinning.

Það er hálf merkilegt hvað ég fann lítið af flottum meðgöngufatnaði í Bandaríkjunum. Ég fann eiginlega ekkert – meira að segja í H&M risanum sjálfum. Ég þurfti mjög fljótlega að nota meðgöngufatnað eða frá og með 16. viku og því var þetta smá vesen eins og gefur að skilja.

En ég fékk mjög svo skemmtilegt e-mail frá versluninni Tvö Líf og þær buðu mér að koma í heimsókn. Eigandinn sá nú strax að ég þyrfti annan haldara & ég mátaði að mig minnir þrjá. Það var einn meðgöngu- og gjafahaldari sem sló hinum við í mínu tilviki, hann heitir Bravado Bliss. Ekkert nema þægindi og ég fann ekki fyrir honum. Veitir góðan stuðning og lagar sig að brjóstunum, aðskilur þau og er án spangar. Engar blúndur og ekkert vesen sem skerst í mann.. bara þægilegur. Ég vildi svo að ég hefði áttað mig á þessu í byrjun meðgöngunnar, ég meina það.

Screen Shot 2016-09-20 at 1.24.00 PM

Að mínu mati eru þægindi efst á lista hvað varðar meðgöngu – og þið sem eruð ekki að finna rétta haldarann og ætlið að pína ykkur í gegnum meðgönguna í einhverju sem þið eruð vanar að nota… ekki gera það. Það er hverrar krónu virði að kaupa góðan meðgöngu- og gjafahaldara. Þær í Tvö Líf eru með nokkrar tegundir af höldurum og auðvitað misjafnt hvað hentar hverri og einni.. það fór ekkert á milli mála hvað hentaði mér.

Hér að ofan má sjá mynd af Bravado Seamless haldaranum. Það sést á myndinni hve þægilegur hann er, eruði ekki sammála?

Heimasíða Tvö Líf
Facebook Tvö Líf
Bravado Bliss fæst hér.

karenlind1

Hunter bleyjutaska

BARNAVÖRUR

Þá er farið að síga á seinni hluta meðgöngunnar hjá mér.. ég er sko aldeilis varla búin að undirbúa eitt né neitt. Það er svo sem ákvörðun sem ég tók. Ég vil ekki eiga allt og hafa allt fullkomið. Það kemur sem kemur. Ein vinkona mín á þrjú börn og hún er ein afslappaðasta mamma sem ég veit um. Hún varaði mig við “first baby syndrome” og það eru bestu ráð sem ég hef fengið. Ég finn líka ekki fyrir neinni streitu eftir að ég ákvað að tækla þetta svona. Auðvitað verður þetta helsta keypt en ég reyni eftir fremsta megni að vera skynsöm.

Þess vegna keypti ég tösku sem nýtist bæði sem bleyjutaska og bakpoki síðar meir. Eins hentar útlit hans fyrir bæði kynin en það var krafa frá Davíð, enda verður hann líka með barnið. Ég fékk ráð um hvað væri best að vera með og tvær töluðu um bakpoka. Ég á annan bakpoka sem ég nota mikið og það munar miklu að vera ekki með þyngsli á annarri öxlinni eða höndinni.

Ég keypti bakpoka frá Hunter sem heitir Original Nylon Moustache Backpack, í svörtu. Ég skoðaði hann bara á netinu og fór eftir einkunnagjöf. Hann er mun veglegri en ég bjóst við og ég get ekki annað en mælt með þessum bakpoka.

-Vatnsheldur
-Úr mjög veglegu nylon efni
-Hliðarvasar og framanverður vasi
-Fóðraður
-Tölvuhólf
-Utanverður gúmmíbotn sem verndar töskuna
-Leðurströpp á rennilás
-Ótrúlega vegleg smella efst á töskunni. Eiginlega of vegleg (kallast parachute clip á vefsíðunni).
-Rúmgóð

Screen Shot 2016-07-26 at 10.27.06 AM Screen Shot 2016-07-26 at 10.27.19 AM Screen Shot 2016-07-26 at 10.27.26 AM Screen Shot 2016-07-26 at 10.27.43 AM Screen Shot 2016-07-26 at 10.27.57 AM

Bleyjutöskur geta verið frekar dýrar miðað við stutt notagildi. Þess vegna ákvað ég að blæða í tösku sem við getum notað næstu árin fyrir hvaða tilefni sem er (nema kannski brúðkaup). Gæjaleg taska með meiru sem ég er hæstánægð með.

Hún kostaði eitthvað rétt undir 30 þúsund krónur – fæst hér.

karenlind

 

Snuggle nest.. það besta fyrir nýbura?

BARNAVÖRUR

Frænka mín í Bandaríkjunum á von á barni og sendi mér snapchat af þessu fína Snuggle Nest eins og það kallast. Sjálf hef ég bara séð Baby Nest hér heima en leiðréttið mig ef ég hef rangt fyrir mér. Það er allt við Snuggle Nest sem mér finnst frábært. Hér eru nokkrir áhugaverðir punktar um Snuggle Nest… Þar sem ég er á mikilli hraðferð nenni ég ómögulega að þýða þetta yfir á íslensku en þetta er nokkuð auðskiljanlegt.

Snuggle Nest:

  • Use to create a more open and protective area for a baby sleeping in an adult bed
  • Sound & Light unit offers a soft light and soothing womb sounds and the relaxing melodies of Brahms’ Lullaby
  • Five-level volume control and automatic shut-off lets you create the perfect sleep environment for your little one
  • Two rigid, vented wall units separate baby and adult bedding and help prevent rollover
  • Side panels are filled with structural mesh for an air barrier between baby and adult bedding
  • Enjoy easy access to your baby across the flexible side panels
  • Removable 1.5″ molded incline wedge
  • Folds compactly for easy travel with room for a few small items inside
  • Also great as a travel bed or daytime napper
  • For breathability the quilted fashion cover features an airy mesh inlay along the interior
  • Waterproof foam mattress with a fitted, wraparound sheet
  • Washable for easy maintenance
  • Not for use in cribs and bassinets
  • Requires 2 AA batteries (not included)

Screen Shot 2016-06-29 at 12.52.48 PMScreen Shot 2016-06-29 at 12.52.56 PMScreen Shot 2016-06-29 at 12.53.03 PM Screen Shot 2016-06-29 at 12.53.11 PM Screen Shot 2016-06-29 at 12.53.18 PM Screen Shot 2016-06-29 at 12.53.26 PM Screen Shot 2016-06-29 at 12.53.34 PM

Það brýst saman svo það er auðvelt að ferðast með það. Það er með innbyggðu næturljósi og róandi tónlist fyrir barnið sem má hækka og lækka. Svo er líka mögulegt að hækka undir höfði barnsins. Dýnan er vatnsheld og auðvelt er að þrífa hana. Hljómar aðeins of vel og ég myndi halda að Snuggle Nest væri hverrar krónu virði.

Fæst m.a. á Babydelight.com og target.com

karenlind

Gjöf: Kardashian Kids

BARNAVÖRUR

Ég eignaðist litla frænku fyrir nokkrum dögum. Ég hef beðið spennt, enda við frænkurnar nánar. Ég var stjórnlaus þegar kom að því að panta föt á ungu dömuna. Ég er svo hrifin af Kardashian barnafötunum og það kom því fátt annað til greina en að panta af Babies R Us síðunni. Ég valdi buxur og toppa sem má para saman á mismunandi vegu. Sú verður sæt í þessum fötum. Eins sést að mér finnst skemmtilegt að klæða stelpur í annað en bleikt og fjólublátt. Hún verður dásamleg í þessum fötum.

Screen Shot 2015-04-28 at 12.16.24 PMScreen Shot 2015-04-28 at 12.16.33 PMScreen Shot 2015-04-28 at 12.16.51 PMScreen Shot 2015-04-28 at 12.16.42 PMScreen Shot 2015-04-28 at 12.17.00 PMScreen Shot 2015-04-28 at 12.17.10 PMScreen Shot 2015-04-28 at 12.17.19 PMScreen Shot 2015-04-28 at 12.17.26 PM

Kærar kveðjur..

karenlind