Ljósin heima

FRAMKVÆMDIRHEIMILIÐ MITT

Seint koma sumir en koma þó (þið kannski munið samt eftir þessari færslu)! Ég sýndi ykkur þessi ljós á snapchat á sínum tíma en þau eru frá kubbaljos.is (& er færslan unnin í samstarfi við þau). Þau eru ótrúlega flott en mér fannst ég verð að brjóta upp lýsinguna með einhverjum hætti. Við erum með halogen ljós með hvítum ramma í öllu húsinu, nema á þessum þremur stöðum. Okkur þótti nauðsynlegt að fá smá tengingu úr loftinu við handriðið & borðplötuna. Eins og ég sagði um daginn í þessari færslu, að þá finnst mér lýsing af lömpum fallegri en af loftljósum en það er ekki þar með sagt að loftljósin skipti ekki máli. Þau skipta öllu máli og því fannst mér nauðsynlegt að brjóta upp halogenið með þessum, upp á tenginguna við einstaka fasta hluti (eins handriðið). Við settum dimmer sem mér finnst algjör nauðsyn, allavega í ákveðnum rýmum. Ljósin eru úr málmi en þau eru sprautuð með svart mattri áferð. Þau eru mjög vönduð eins og sést á fyrstu myndinni.

Ég tók nánast alla lausamuni úr eldhúsinu fyrir myndirnar.. það er vanalega ekki svona tómlegt :)

Við settum upp sex kubbaljós, þá í eldhúsið, svefnherbergisálmuna og í forstofuna. Við vildum til dæmis að svefnherbergisgangurinn væri með temmilega lýsingu svo við ákváðum að hafa tvö ljós en ekki þrjú (svo er líka stór og nánast gólfsíður gluggi við enda gangsins sem gefur mikla birtu). Við erum mjög sátt með útkomuna.. þessir litlu detailar skipta miklu máli :) Fyrir áhugasama þá má nálgast facebooksíðu Kubbaljos.is hér.

Nýtt: Motta í stofuna

HEIMILIÐ MITT

Ég svíf um á hamingjuskýi en þau hjá Ásbirni Ólafssyni buðu mér að koma í heimsókn á lagersöluna í Holtagörðum (opið frá 12-18) sem stendur nú yfir en henni lýkur 19. nóvember – sem er eftir þrjá daga. Ég mátti velja mér mottu en mér fannst hálf merkilegt að fá þetta boð því ég hef verið að leita af mottu í stofuna í nokkra mánuði. Ég þáði boðið og rauk af stað og fann fullkomna mottu fyrir stofurýmið (ég sýndi hana á snapchat í gær og fékk ótrúlega jákvæð viðbrögð). Mottan er akkurat það sem ég sá fyrir mér.

Mottan er frá The Rug Republic og er sko ótrúlega vegleg. Hún á að kosta margfalt meira & það sést.. hér erum við að tala um gæða mottu! Eins og þið sjáið vildi ég stóra mottu sem næði undir helming sófans sem og helming stöku sófanna. Þetta kemur svo æðislega út að ég er alsæl og mjög montin með þetta nýja lúkk á stofunni! Mér finnst hún hafa innrammast enn frekar..

Mottan mín heitir Medanos Charcoal og er 290*190cm. Það eru til fleiri litir ásamt ýmis konar öðrum mottum.. margar mjög flottar! Ég mæli með að hafa hraðar hendur og kíkja, það er ekki oft sem svona gersemar bjóðast á svona góðu verði :)

Takk kærlega fyrir mig… mér finnst “nýja” stofan mín algjört æði.


.. annar draumavasi frá nytjamarkaði

HEIMILIÐ MITT

Þessi vasi var falinn bakvið stólahrúgu á nytjamarkaði. Bakvið hrúguna situr hann einn upp í stórri hillusamstæðu. Ég nánast hljóp til að ná honum þrátt fyrir að enginn annar hafi verið að eltast við hann. Við erum hreinlega að tala um það að þennan vasa hlýt ég að hafa secret-að til mín. Ég hef verið að leita af vasa með nákvæmlega þessu formi, í túrkíslit en þó með grófri og mislitaðri blágrárri áferð. Hvernig má vera að eitthvað sem ég sá nákvæmlega fyrir mér, með mjög detailuðum hætti.. hafi ratað í hendurnar á mér. Ef ég sæti í sálfræðitíma og myndi kasta þessum pælingum mínum í kennarann yrði mér eflaust hent út.. en mér finnst þetta ótrúleg tilviljun engu að síður.

Er hann ekki einstaklega fagur? Smekkur fólks er greinilega misjafn en ég skil ekki hvernig einhver tímdi að gefa hann til nytjamarkaðar :)

.. hagstæð og öðruvísi kaup!

HEIMILIÐ MITT

Góða hirðinn heimsæki ég af og til.. yfirleitt geng ég tómhent út en það kemur fyrir að ég finni einn og einn hlut. Í fyrra sumar keypti ég vasann sem sést á myndinni fyrir klink en mér finnst hann alveg outstanding flottur. Hann er veglegur.. frekar þungur og svo lúkkar hann mjög hrár. Önnur hlið vasans, eða sú sem sést hér að neðan er brúnleit en hin hliðin er örlítið út í grátt.. ég sný honum við öðru hvoru upp á tilbreytinguna.

Kertastjakann keypti ég nýlega í Boston.. í Marshalls. Hann er úr nautshorni en endi þess er skorinn af. Það voru tveir stjakar í hillunni og ég sé svo eftir því að hafa ekki gripið hinn með. Ég ákvað að taka bara annan þeirra þar sem mér fannst hann svo massívur… en æ, ég gat nú alveg splæst í hinn líka… hann kostaði nú bara 12$.

Það er fátt skemmtilegra en að gera flott kjarakaup í búðum sem þessum.. Ég elska Marshalls.. eins og þið vitið :)

… rautt eucalyptus

HEIMILIÐ MITT

Mamma var með endalaust af eucalyptus í kringum miðjan tíunda áratug 20. aldar.. hahaha.. nei ég var nú aðeins að grínast með lýsinguna.. en þegar ég var um 10-14 ára var heimilið hlaðið rauðu eucalyptus. Ég spurðist fyrir um þá tegund í nokkrum verslunum hér heima en hún var hvergi til. Vinkona mín bauðst til að kaupa handa mér búnt í NYC sem ég þáði að sjálfsögðu. Ég átti pínu bágt með að þiggja boðið, enda ekkert sérstaklega gaman að þramma um NY yfir sumartímann með blómabúnt!? Sjálfri finnst mér lítið mál að gera öðrum greiða en að þiggja hann er annað mál.

Rauðfjólublái liturinn er extra fallegur og passar vel inn til mín. Mig langaði ekki í grænan því hann myndi einhvern veginn falla of mikið inn í umhverfið þar sem veggirnir eru gráir. Búntið er það stórt að ég kom greinunum fyrir í þremur vösum og nú prýða trjágreinarnar baðherbergið, borðstofuna og eldhúsið.

Stærðin á greinunum er ekkert grín, eflaust rúmur hálfur metri. Ég þyrfti helst að saxa aðeins neðan af greinunum en eins og sjá má á neðstu myndinni er þetta kannski örlítið of langt (“.)..

Ódýr vasi fær makeover

DIYHEIMILIÐ MITT

Hvar hef ég verið? Það er góð spurning. Ég var löglega afsökuð, enda margt búið að vera í gangi hjá mér.. sumt jákvætt, annað frekar neikvætt og tók vel á andlegu hliðina. En ég er öll að braggast, en á meðan maður stendur í erfiðleikum finnst mér gott að draga mig til hlés og vera í kringum fjölskylduna.

Ég keypti ódýran vasa um daginn í svipaðri verslun og Góði Hirðirinn. Mér finnst æðislegt að fara í svona vintage verslanir, enda finnur maður gjarnan hluti sem sjást ekki annars staðar. Ég keypti vasann fjólubláan, með það í huga að mála hann í sama lit og við erum með á allri íbúðinni. Sá litur heitir Sandur og er eftir Rut Káradóttur arkitekt.

Vasinn er stór, eða um 30 cm hár þó myndirnar bendi til annars. Það sjást penslaför á vasanum en það kemur vel út. Satt að segja kom vasinn betur út en ég bjóst við.. og mér finnst alveg extra flott að hafa hann í sama lit og er á veggjunum!

Annars tíndi ég klófífu síðastliðið sumar og sá vöndur lifir enn og heldur fegurð sinni. Klófífuna var ég með í öðrum vasa sem ég keypti einmitt í Góða Hirðinum (ég kannski sýni ykkur hann bráðlega). Þar sem mér finnst klófífan alveg brjálæðislega flott ætla ég að tína í annan vönd og lita hann svartan eða bleikan.

Þangað til næst, sem verður vonandi sem fyrst!
xxx

Stofudetails

HEIMILIÐ MITTHÖNNUN

Bleikt púðaver hefur verið á listanum í einhvern tíma.. ég sá til að mynda einn trylltan púða í Feldi um daginn – eða okay janúarmánuði – sem mig langaði ótrúlega að eignast. Yfirþyrmandi flottur… hann var svona nokkurn veginn “stuck on my mind” & endaði með að fara aftur í Feld en þá var hann auðvitað seldur.

Ég rakst svo fyrir tilviljun á fölbleikan lambapúða í Osló – hann á aftur á móti ekki roð í þann sem ég sá í Feldi en ég er engu að síður alsæl með hann. Ég er með blæti fyrir bleikum eins og meðbloggari minn Svana en á aftur á móti ekki mikið í bleiku. Í kaupbæti fékk ég einhvers konar dauða pöddu.. ég lá í sófanum.. og fann hana þegar ég strauk fingrunum í gegnum púðann. Oj! Ég veiddi hana úr með gaffli og var skíthrædd við hana þrátt fyrir ekkert lífsmark í blessuninni.. (“.)

Fyrr í vetur eignaðist ég draumateppið eða Fox Blanket frá Scintilla.. jú, það er örlítið bleikt í því líka. Litasamsetning á því er svo djúsí og setur smá twist á svartan sófann. Teppið er svo humongous og djúsí að það liggur við að Davíð finni mig ekki þegar ég nota það. Þetta er mögulega mesta lúxusteppið.. en það er framleitt í Skotlandi, á sama stað og ullarvörur Louis Vuitton eru framleiddar.. og mögulega ullarvörur Hermés ef ég man rétt? Leiðréttið mig endilega ef ég fer með rangt mál.

   
Púði: Fæst hér (bleiki uppseldur)
Teppi: Fæst hér
Kaffibolli: Fæst hér .. smá grín.. en ég elska þennan bolla svo þetta fær að fljóta með

… fullkomnun

HEIMILIÐ MITTHÖNNUN

No joke.. it’s puurfect!

Kerti og nóg af þeim.. það er ég. Ég á svo mörg kerti að ég þurfti að gefa þeim heila hillu í eldhússkápnum. En ekkert kerti getur toppað þetta sem ég fékk í vikunni (lyktin er líka sööömþin’ else). Ég mætti alveg eyða peningnum í skynsamari hluti en kerti í orlofinu, en þegar kertaskálin lýsir upp hið svartasta skammdegi og veitir manni yfirborðskennda hamingju í tvo daga… þá er þetta í lagi. Ég er auðvitað að ýkja aðeins en bah, hjálp – f a l l e g t. Svo var blómavasinn líka búin að röfla í mér út í eitt.. að biðja um systkini og ég ákvað að gefa undan. Nú er bræðurnir orðnir tveir (sjá hér). Meðvirk og ljúf móðir sem ég er.

Ég henti Jónatan ofan á Kim.. ég hef fengið nokkra gesti í heimsókn sem hafa klórað sér í hausnum og velt því fyrir sér af hverju ég vilji eiga þessa bók. Samt kíkja allir í hana – og allir eiga það sameiginlegt að staldra sérstaklega við á svörtu blaðsíðunum. Mér finnst þetta skemmtilega grilluð bók (sem ég tengi þó sérstaklega lítið við) en það er gaman að hafa hana á borðinu.. ætli ég kaupi ekki líka seinni útgáfuna sem kom út fyrir einhverjum mánuðum?


Barstólarnir mínir: About a stool

FRAMKVÆMDIRHEIMILIÐ MITTHÚSGÖGN

Þegar við tókum eldhúsið (og allt hitt) í gegn fóru miklar pælinar í gang um hvernig eldhúsrýmið ætti að vera. Við vildum stórt eldhús – nóg af skápaplássi – mikið flæði og nægt vinnupláss sem þýddi bara eitt: stór eyja. Við felldum niður vegg í eldhúsinu og inn í borðstofurýmið. Í borðstofurýminu stendur nú eyja sem er alveg ótrúlega stór (204×110) og satt að segja í miklu uppáhaldi. Ég var alveg staðráðin í því hvaða barstóla ég myndi fá mér við eyjuna.. sérstaklega eftir að ég sá þá heima hjá vinkonu minni. Þeir eru nefnilega margfalt flottari í heimahúsi en í sýningarrýminu í Epal. Ég sýndi stólana á snapchat þegar ég sótti þá – sem er reyndar frekar langt síðan.. og þar fékk ég nokkrar fyrirspurnir. Æskuvinkona mín var svo hrifin af þeim að hún fór og keypti nokkra við sína eyju.

Ég ætla ekkert að spara það en ég er nokkuð viss um að ég hefði ekki getað keypt betri barstóla. Ég verð að taka saman nokkra kosti þeirra:

Þægilegir
Léttir (mikill kostur fyrir barstól)

Auðvelt að þrífa þá
Fæturnir eru ekki úr stáli/króm (mér finnst sjást svo vel á því)
Einfaldir í útliti og stílhreinir
Taka ekki mikið pláss
Það er hægt að ýta þeim undir borðplötuna (ef mig vantar plássið)
Þeir njóta sín þegar þeir eru dregnir út (ég vil hafa þá útdregna því þeir eru svo fallegir :)
Stöðugir.. þeir haggast hreinlega ekki á gólfinu. 
Tímalausir & gæjalegir… jebb, ég mun eiga þá forever.
Ekki of plássfrekir á athygli en setja samt punktinn yfir i-ið.

screen-shot-2017-03-12-at-11-51-07-amscreen-shot-2017-03-12-at-11-51-15-amscreen-shot-2017-03-12-at-11-50-05-amscreen-shot-2017-03-12-at-11-50-46-amscreen-shot-2017-03-12-at-11-50-31-amscreen-shot-2017-03-12-at-11-50-22-amscreen-shot-2017-03-12-at-11-51-49-am

screen-shot-2017-03-13-at-1-32-01-pm

Ég ætlaði að vera búin að skrifa þessa færslu fyrir einhverju síðan en þar sem eyjan var ekki tilbúin þá fannst mér alveg ómögulegt að taka myndir með hálftilbúna innréttingu. Það þarf nefnilega alltaf eitthvað að fara úrskeiðis, allar hliðarnar á eyjunni komu í vitlausum málum og því þurfti allt heila klabbið að fara aftur til smiðsins.

Finnst ykkur þeir ekki sjúúúklega flottir? Þeir heita About a Stool og eru frá HAY. Ef ykkur langar að skoða stólana þá eru þeir á efri hæðinni í Epal Skeifunni. Færslan er unnin í samstarfi við Epal.

karenlind1

Montana vs. EKET

HEIMILIÐ MITT

Montana hillur mega sko alveg verða mínar.. en ég var ekki að fara eyða svo miklum pening í tvær fyrirferðalitlar hillur, sem henta jafnvel bara akkurat núna í þetta rými. Kannski myndi ég kaupa þær fyrir framtíðarhúsnæðið.. kannski bara aldrei… allavega kaupi ég þær alls ekki þegar ég finn svona fínar frá IKEA sem líta nánast eins út. Auðvitað eru gæðin talsvert lakari. En þegar kemur að tveimur saklausum hillum þykir mér algjör óþarfi að eyða 110 þúsund krónum í þær. Ég keypti þessar tvær í IKEA og setti þær í forstofuna. Við geymum lykla í öðrum skápnum.

screen-shot-2017-02-18-at-4-57-05-pmscreen-shot-2017-02-18-at-4-56-36-pm screen-shot-2017-02-18-at-4-56-45-pm screen-shot-2017-02-18-at-4-56-53-pm

Blómapottinn keypti ég í IKEA, plöntuna í Garðheimum og glerhausinn keypti ég í Bandaríkjunum. Vinur minn hann Eyjó var með mér þegar ég keypti hann. Ég var ólétt og því hélt hann á honum fyrir mig ásamt öðru dóti. Það kom því ekki annað til greina en að skíra glerhausinn Eyjó. Ég rauk að glerhausnum í búðinni.. mér fannst hann geggjaður. Ég er svo sem ekki viss um að Eyjó hafi þótt hann jafn flottur. En mikið sem við hlóum… eflaust var þessi glerhaus búinn að vera til í einhverja mánuði án þess að einhver liti við honum.

Með hurð: fæst hér.
Án hurðar: fæst hér.

karenlind1