fbpx

AF HVERJU ALLT BLEIKT?

FÓLKMUSIC

Tónlistamaðurinn Emmsjé Gauti gaf á dögunum út sína sjöttu breiðskífu, sú nýja ber nafnið “Bleikt Ský”.

Bleikt Ský og bleikt allt annað?  Það hefur verið áhugavert að fylgjast með Gauta síðustu mánuði því hann virðist hugsa út í hvert smáatriði  í tónlistarsköpun sinni sem er miklu meira en bara tónlistin. Hann hefur til dæmis klæðst bleikur frá toppi til táar sem vekur upp athygli og áhorf, ég fékk að heyra örlítið betur um pælinguna á bakvið bleika þemað. Myndirnar sem birtast í færslunni tók hin hæfileikaríka Saga Sig.

Umfangið í kringum nýja tónlist hjá þér virðist vera meira en bara tónlistin, þú setur upp sýningu, hvers vegna?

Mér finnst sjónræni hluti tónlistar vera jafn mikilvægur og það sem fer inn í eyrað á fólki. Þetta spilar allt saman á endanum. Eitt gott tónlistarmyndband getur til dæmis breytt öllum fíling í kringum lag. Ég hef gaman að því að gera sem mest úr hlutunum og sýningin er stór partur af því.

Skiptir klæðaburður miklu máli í þínum geira?

Ég held að allir þættir spili hlutverk í listsköpun. Tíska er stór partur af menningunni í kringum músík svo ég held ég verði að segja að klæðaburður spili stóra rullu í þessu öllu saman. Það er þó nauðsynlegt að reyna að finna sinn eigin stíl og vera ekki endalaust að elta það sem er vinsælt. Það er skemmtilegra að vera trendsetter en fylgjandi.

Afhverju allt bleikt í þetta skiptið?

Lagið Bleikt ský varð til einhverstaðar í ferlinu og mér fannst eitthvað svo þægilegt og heillandi við bleika litinn. Svo þegar ég heyrði í Sögu Sig varðandi myndatöku fyrir plötucoverið þá varð þessi bleika litaþema endanlega staðfest.

Besta lagið á plötunni ef þú yrðir að velja eitt?

Ég held mikið upp á alla plötuna í heild en ef ég ætti að velja eitt lag þá væri það lagið ÞRÁ sem ég samdi með Þormóði vini mínum. Ástarlag sem hittir beint í hjartað.

Ég mæli með að fólk fjölmenni á útgáfutónleika Gauta í Gamla Bíó næstu helgi. Áhugasamir finna betri upplýsingar HÉR
Takk fyrir spjallið Gauti. Áfram Ísland.
xx,-EG-.
 

DRESS

DRESS

Það hafa margir verið áhugasamir um buxur sem ég klæddist á HönnunarMars. Ég klæddist þeim við Arket skyrtu sem Gunni átti einu sinni en ég er búin að eigna mér þessa að mestu. Er þessi frá Noomi ekki svolítið svipuð?
Ég kann vel að meta að klæðast sama litnum frá toppi til táar en það er lika tilvalið þegar þú hefur lítinn tíma til að taka þig til,  eins og í mínu tilviki á þessu augnabliki.

AndreA er í trylltasta leður suiti Íslands, frá hennar eigin merki AndreA, skoðið betur HÉR 

Skyrta: Arket, Buxur: Weekday (fást á útsölu núna sá ég), Skór: Zara, Blazer: Acne

Svo skemmtileg vika …

xx,-EG-.

@elgunnars á Instagram

MÓÐIR JÖRÐ

LÍFIÐ

Ég er búin að upplifa svo marga fallega nýja staði á ferðalagi mínu um landið í sumar. Einn af þeim sem fékk mikil viðbrögð á Instagram er dásamlegur grænn og góður bær, Vallanes sem er rétt við Egilsstaði. Það var hún Bergný vinkona mín (ferðamálafræðingur sem veit allt) sem mældi með honum við okkur og það gleður mig að mæla með honum við ykkur.

Í Vallanesi er fyrirtækið Móðir Jörð sem ræktar og framleiðir íslensk matvæli úr jurtaríkinu í sátt við náttúruna.  Þeirra helstu framleiðsluvörur eru bygg og heilhveiti, hrökkbrauð, sultur, ferskt grænmeti og margt fleira. Einhverjir þekkja líklega til merkisins sem er selt í matvöruverslunum landsins, en ég sem “útlendingur” þekkti það ekki endilega áður en ég heimsótti þennan stað.

Við borðuðum máltíð þarna með tengdaforeldrum mínum og drukkum svo kaffi og borðuðum eftirétt í þessu drauma gróðurhúsi sem passaði einstaklega vel við rómantíska dressið sem ég klæddist þennan dag.

Sjáið þið þessa fegurð …

Halló,  má ég eiga heima hérna?

Hamingjukast ..

Toppur og  stuttbuxur: Monki,  Strigaskór: Acne

Fyrir áhugasama þá fann ég heimasíðuna þeirra HÉR

Góða helgi. Kaupið blóm, það er það sem ég hugsaði þegar ég skoða þessar myndir haha.

xx,-EG-.

@elgunnars á Instagram

SUNNUDAGUR Á SEYÐISFIRÐI

LÍFIÐ

Æi ég elskaði svo mikið að vakna hér í dag.

View this post on Instagram

Sundays .. ⛰

A post shared by Elísabet Gunnars (@elgunnars) on

Sunnudagur á Seyðisfirði og hér drakk ég fyrsta bolla dagsins, ekki slæmt útsýnið og við tókum sólina með okkur. Hún er að reyna að brjótast í gegnum skýin þegar þessar myndir voru teknar. Þið sem fylgist með hér á Trendnet vitið hversu mikið Helgi okkar Ómars hefur dásamað uppeldis bæinn sinn, Seyðisfjörð, og ég var því mjög spennt að fá að koma hingað í fyrsta sinn. Við bókuðum gistingu á Hótel Aldan og vöknuðum mjög óvænt við fallegasta útsýni bæjarins, eða hvað? Ó sú fegurð.

Mjög stutt stopp hér að þessu sinni en við Gunni erum sammála um að koma hingað aftur sem allra fyrst. Þá mögulega með tölvurnar til að eiga hér langa vinnuhelgi eða viku … hér er orkan mikil.

HÆ FRÁ HÚSAVÍK

LÍFIÐ

Ó það hamingjukastið að labba upp úr sundi að þessu sinni. AndreA sagði að þetta væri algjörlega málið og mikið er ég sammála henni!

Íslenska hjartað mitt veit ekkert betra en að heimsækja íslenskar sundlaugar og það þarf ekkert alltaf að vera með svona útsýni …. en það sannarlega gerir það ekki verra.

Fyrsta heimsókn í GEOSEA perlu Húsavíkur. Ekki missa af því að heimsækja þennan stað ef þið eigið leið hjá.

Ísland ég elska þig.

Ég er á smá ferðalagi um langið. Fylgist endilega með ferðum mínum HÉR @elgunnars á Instagram

xx,-EG-.

SELF CARE SUNNUDAGUR

BEAUTYHEILSAÍSLENSK HÖNNUNSAMSTARF

Færslan er unnin í samstarfi við Bláa Lónið

Vinsælasta húðvara Bláa Lónsins, Silica Mud Mask, fagnar 25 ára afmæli sínu um þessar mundir og í tilefni þess er maskinn á 40% afslætti í netverslun, HÉR

 

Ef við flettum upp í eldgömlum bloggfærslum hjá mér þá finnum við einmitt  þennan maska sem var sá fyrsti sem ég notaði frá íslensku húðvörumerki. Hann er minn uppáhalds frá Bláa Lóninu því hann er ekki of kraftmikill fyrir mína húð. Hentar því eflaust flestum húðgerðum.

Eða eins og segir á vefsíðu Lónsins: 

Vissir þú að kísill Bláa Lónsins hjálpar til við að endurnýja ysta lag húðarinnar, styrkir hana, mýkir og þéttir?
Kísilmaskinn er fyrsta húðvara Bláa Lónsins sem kom á markað árið 1995 og er enn þann dag í dag ein vinsælasta húðvaran. 

Ég held að self care sunnudagur sé eitthvað sem við ættum öll að lifa eftir. Það er ekkert verra að upplifa slíkt heima hjá sér. Ég mæli með!  Fæst: HÉR

xx,-EG-.

@elgunnars á Instagram

Minn HönnunarMars

ÍSLENSK HÖNNUN

Hönnunarmiðstöð tók mig tali og fékk að heyra hvaða sýningar ég ætla að sækja í ár. Dagskráin telur um 80 sýningar og 100 viðburði sem breiða úr sér um bæinn og því vel  við hæfi að fá smá leiðsögn.

ÍSLENSK FLÍK

Eins og ég sagði ykkur HÉR þá finnst mér verkefnið ÍSLENSK FLÍK passa einkar vel við ástandið þetta árið.

Verkefnið sem er unnið af félagi íslenskra fatahönnuða heillar mig. Hugmyndin er frábær og í anda nútímans að nota almenning með í verkið (ég elska allt með perrsónulega tengingu). Gestir hátíðarinnar eru hvattir til að klæðast íslensku og merkja #íslenskflík á samfélagsmiðlum. Ég mun klárlega taka þátt og sem Íslendingur búsett erlendis þá reyni ég ávallt eftir fremsta megni að bera íslenska hönnun. Ég er alltaf svo ótrúlega stolt ef ég er spurð útí mínar flíkur ef ég get sagt frá íslenskum uppruna þeirra.

Farmers Market x Blue Lagoon

Þegar ég sagði ykkur frá #ÍSLENSKFLÍK þá klæddist ég einmitt Farmers Market x Blue Lagoon flík en þó ekki þeim sem eru til sýnis á Hönnunarmars. Hlakka til að skoða nánar það nýja.

Spennandi verkefni þessara tveggja áberandi íslensku fyrirtækja sem eru ekki að leiða saman hesta sína í fyrsta sinn. Samstarfslína þar sem áhersla er lögð á liti lónsins og svæðisins í kring. Ég held að við getum flest verið sammála um að litirnir eru einstaklega fallegir og á sama tíma svo íslenskir – hlakka til að sjá afraksturinn.

Hildur Yeoman – Cheer up

Ég elska Hildi Yeoman sem listamann og fatahönnuð og læt mig aldrei vanta á  hennar sýningar. Nýja línan hennar er litrík og sumarleg eins og hún hafi vitað að HönnunarMars yrði óvart í júní þetta árið.

Það sem það er ólíklegt að sólin leiki við okkur á Hönnuarmars (held samt ennþá í vonina) þá er hægt að sækja sumarið og sólina í klæðin og ég held að Hildur hjálpi okkur þar.

 

Gleðilega íslenska Hönnunarhelgi. Sjáumst á ferðinni!

xx,-EG-.

@elgunnars á Instagram

Kynntu þér dagskrá HönnunarMars á heimasíðu hátíðarinnar hér

 

DAGSINS DRESS: ÍSLENSK FLÍK

DRESSLÍFIÐ

Gleðilegan HönnunarMars sem hefst í dag. Eins og nafnið gefur til kynna þá er þessi mikilvæga íslenska hönnunarhátíð yfirleitt í mars en útaf svolitlu þá var hún færð þangað til núna. Það eru spennandi dagar framundan með um 80 sýningum og 100 viðburðum víða um höfuðborgarsvæðið. Ég hvet ykkur til að skoða dagskránna í heild sinni HÉR, á vefsíðu Hönnunarmars.

Eitt af fjölmörgum áhugavörðum verkefnum á hátíðinni í ár er verkefni Fatahönnunarfélags Íslands sem hvetur okkur til þess að klæðast íslensku næstu daga og merkja dressið #íslenskflík á samfélagsmiðlum.

“#íslenskflík er verkefni Fatahönnunarfélags Íslands sem miðar að því að kynna íslenska fatahönnun og vekja athygli á því framúrskarandi hugviti og þeim fjölbreyttu vörum sem hér er að finna.”

Lesið meira um málið á íslenskflík.is

Ég er stödd í smá foreldrafríi þegar þetta er skrifað og ákvað að taka þátt í verkefninu með því að fá þessa fallegu íslensku slá að  láni frá Farmers Market, heppin að þau láni gestum hótelisins því þetta var einmitt það sem gaf mér punktinn yfir i-ið í notalegheitunum hjá okkur hjónunum seinnipartinn í gær.

Svo kósý og passa vel inn í rýmið ..

Sjáumst vonandi á HönnunarMars, ég mun reyna að mæta eins mikið og ég get. Hlakka mikið til.

Áfram Ísland.

xx,-EG-.

@elgunnars á Instagram

HALLÓ ÍSLAND

LÍFIÐ

Halló Ísland!

Mikið var það sérstakt að fara í gegnum Kastrup sem var eins og draugabær að þessu sinni. Í Danmörku var ég nánast búin að gleyma ástandinu – þar sem búið er opna veitingastaði og kaffihús og lífið hægt og rólega að komast á svipað ról og áður. Þetta ferðalag var þó heldur betur áminning og var smá eins og við værum dottin inní einhverja hamfara bíómynd. Fyrir ykkur sem eruð á ferðinni þá er ágætt að geta þess að það er bókstaflega ALLT lokað á Kastrup og því mikilvægt að undirbúa nóg af nesti.

Það er svo góð tilfinning að vera lent á klakanum eftir þetta sérstaka ferðalag til landsins, sem gekk þó mjög vel. Ísland er svo sannarlega til fyrirmyndar þegar kom að Covid skimun á Keflavíkurflugvelli og þetta gekk vel og hratt fyrir sig.

Það er dásamlegt að geta knúsað fólkið sitt loksins – þó það sé í rigningu og 10 gráðum eins og staðan er þegar þetta er skrifað.

Gunni: Skór: Stan Smith, Buxur: Han Kjøbenhavn, Bolur: Mr. Porter, Gríma: frá augnlækninum
Ég: Skór: Arket, Hjólabuxur: Weekday (mjög gamlar, allavega 10 ára) , Skyrta: Arket (af Gunna), Pungur: Prada (Ný kaup)

Sjáumst á ferðinni! Kannski HÉR í kaffi og Croissant í dag?

xx,-EG-.

@elgunnars á Instagram

GÓÐAN DAGINN

LÍFIÐ

Við ætlum að gera heiðarlega tilraun til að koma okkur í flug til Íslands í kvöld. Svo þessi morgunbolli í garðinum verður sá síðasti í bili og ég er svo þakklát fyrir þessa stund, hér og nú.

Ég setti inn mynd á Instagram fyrr í dag en það vakti upp einhvern misskilning um það að við værum að flytja frá Danmörku –  það er ekki raunin svo því sé haldið til haga.

Ef allt gengur upp og við komumst að knúsa fólkið okkar, þá verður þetta hin árlega sumarheimsókn í eina handboltafríinu sem Gunni fær yfir árið.  Ég veit að hann er spenntastur fyrir því að komast loksins heim í kaffi-vinnuna en ég ætla að gera allt sem í mínu valdi stendur til að ná honum í smá sumarfrí út á okkar einstaka land og ég hlakka svo til!

Kaffi og Croissant er það besta í heimi ef þið spyrjið mig! Ég mun standa vaktina með Sjöstrand í Epal á laugardaginn og við bjóðum upp á þetta combo, vei.
Betri upplýsingar HÉR fyrir áhugasama.

Sjáumst vonandi næst á Íslandi.

xx,-EG-.

@elgunnars á Instagram