Rakel Tómasdóttir, Andrea Magnúsdóttir, Elísabet Gunnarsdóttir og Aldís Pálsdóttir ljósmyndari

Gleðilegan Kvenréttindadag kæru lesendur. Ég átti góða stund með góðum konum fyrri part dags þar sem við tókum myndir af nýjum bolum sem fara í sölu seinna í vikunni. Um er að ræða hvíta stuttermaboli sem bera merkinguna: KONUR ERU KONUM BESTAR …hljómar það ekki miklu betur en þessi gamla leiðinlega lína sem við erum vanar að heyra?

Neikvæðni og slæmt umtal virðist vera orðið daglegt brauð í nútíma samfélagi og á netinu virðist fólk hafa leyfi til að ráðast á hvern sem er með orðum. Orð geta verið álög og þetta er eitthvað sem þarf að bæta og helst breyta. Við erum fyrirmyndir komandi kynslóða og þurfum að sýna meiri kærleik og virðingu gagnavart náunganum.

Merktir stuttermabolir með skilaboðum hafa aldrei verið vinsælli og þær vinsældir halda áfram út árið miðað við það sem hátískan sýnir okkur. Við AndreA deilum sömu ástríðu fyrir því að vilja breyta neikvæðu hugafari og gera þannig samfélagið okkar að betri stað. Við ákváðum því að fara þessa leið sem fyrsta skref í því átaki. AndreA selur íslenskum konum klæði hvern einasta dag og mínir lesendur eru 90% konur, þið eruð því einhverjar sem gætuð rekist á þessi skrif og myndir af stuttermabolnum sem minnir okkur á málefnið. Hér ættum við að ná til hóps sem vonandi er á sama máli og vill hjálpa okkur að dreifa boðskapnum enn frekar.

Framtíðin er björt: Magnea dóttir Aldísar, Alba dóttir mín og Ísabella dóttir Andreu.

Sem mæður þá leist okkur ekki nógu vel á þann veruleika sem börn okkar alast uppí. Okkur ber skylda að reyna að bæta hann og vera fyrirmyndir og sjá til þess að okkar börn verði einnig góðar fyrirmyndir.
Samstarfið hlaut yfirskriftina ,,Konur eru konum bestar” og þau orð passa svo sannarlega við okkar hugmynd. Lítil breyting á gamalli setningu en risa breyting á hugarfari. Þetta eru hlutir sem við getum stjórnað og það þarf oft ekki mikið til að gera marga mun hamingjusamari. Letrið á bolunum er hannað af Rakel Tómasdóttur ofursnilling og allur ágóði af sölu mun renna til Kvennaathvarfsins.

Hvítum stuttermabolum er hægt að klæðast við öll tækifæri – hægt að dressa upp og niður eftir tilefnum og fyrir fínni tilefni þarf lítið annað en rauðan varalit til að ná heildarlúkkinu. Loréal slóst því með í málefnið og mun varalitur fylgja með öllum bolunum.

Bolurinn fer í sölu á fimmtudagskvöld og ég vona að ég sjái ykkur sem flest þar í góðu geimi. Meira um viðburðinn: HÉR

Ég yrði auðvitað þakklát ef þið gætuð flest deilt þessum bloggpósti með því að smella á “deila” hér að neðan.

Áfram Ísland!

xx,-EG-.

Elísabet Gunnars á Facebook – HÉR
&
Trendnet á Facebook – HÉR

English Version Below

Munum við allar klæðast loðnum sandölum í sumar? Miðað við áhugann sem ég hef fengið á mínum nýju skóm þá virðist allt benda til þess. Skórnir voru keyptir fyrir mig í London og eru frá merki sem ég þekki ekki til – DUNE.
AndreA Boutiqe mun vera með einhverja svipaða (betri segir hún) í sölu í vor og einnig frétti ég af sambærilegum sem eru væntanlegir í Focus eða GS skó. Það er því greinilegt að sama lúkk verður í boði í íslenskum verslunum þegar líða fer á vorið.

River Island, Céline, Puma x Rihanna, Asos og fleiri bjóða líka uppá skemmtilega kosti af þessu nýja trendi eins og sjá má á myndunum að neðan.

Inniskór fyrir veturinn, sandalar fyrir sumarið – ég hugsa að ég reyni að fá mér annað par. Mínir eru því miður ekki alveg nægilega þæginlegir.

//

I have had a lot of questions about my new fluffy sandals. They were bought for me in London and are from the brand DUNE, which I have never heard of before.

It seems like we will be seeing a lot for this trend soon – I collected some photos from different brands above. I am afraid that I will have to buy a new pair because mine are not comfy enough.

xx,-EG-.

Elísabet Gunnars á Facebook – HÉR
&
Trendnet á Facebook – HÉR

English Version Below

Ég eignaðist svo fallega eyrnalokka í síðustu viku. Systir mín færði mér lokkana frá Íslandi en það hefur ekki farið framhjá ykkur sem fylgið mér á Instagram story. Ég hef notað þá daglega frá því að þeir urðu mínir.

Fyrir tveimur árum talaði ég um áberandi eyrnalokka í tískubabbli mínu fyrir Fréttablaðið, hér. Þá grunaði mig ekki hvað þetta trend myndi halda velli í langan tíma … eða fór það kannski og kom svo aftur?

Lokkarnir eru frá verslun Andreu Boutiqe þar sem þeir seljast á verðbilinu 1990,- 3.990,-. Það var ómögulegt að velja á milli því úrvalið er mjög mikið af fallegum týpum.
Laugardagslúkkið á þessum bænum. Einföld og ódýr leið til að lífga uppá dressið.

//

My sister brought me these beautiful earrings last week when she came for a visit. I really love the look and have been wearing them since.
They are from Andrea Boutique in Iceland and you should go and have a look the different types she has. The price is good which is a big plus.
The statement earrings trend seems to continue through the summer – a good “finish” for every look, casual or evening.

xx,-EG-.

Elísabet Gunnars á Facebook – HÉR
&
Trendnet á Facebook – HÉR

Þetta er útsýnið í augnablikinu. Glamour skilaði sér loksins inn um lúguna og í þessum mánuði á ég þrjár síður í blaðinu. Síðurnar tvær á myndinni innihalda fimm dönsk fasjóntrend sem við megum búast við að sjá meira af í haust. Ég er strax byrjuð að taka þátt í mörgum þeirra en hettur og merktir bolir er eitthvað sem við sjáum í verslunum nú þegar.

Lesið um mína upplifun af tískuvikunni í Kaupmannahöfn – það mátti finna margar hliðstæður hjá hönnuðum sem sýndi mér betur hvað koma skal.

1. RAUTT
Dönsku hönnuðirnir eru sammála um að rautt sé litur haustsins. Rauðir skór voru áberandi og þá mátti sjá rautt frá toppi til táar í klæðaburði. By Malene Birger, Won Hundred, og Ganni sýndu öll stígvél í þessum eldheita rauða lit. Allt eru þetta merki sem sem fást í íslenskum verslunum.

2. STATEMENT T SHIRT
Kannski besti staðurinn til að koma skilaboðum á framfæri? Merktir stuttermabolir voru áberandi og mátti finna frá flestum hönnuðum. Þetta er trend sem einnig má finna í sumarlínum hönnuða og auðvelt er að taka þátt í. Það þarf ekki að kosta mikinn pening og getur verið nóg að gramsa eftir gömlum hljómsveitarbolum í geymslunni.

3. HETTUR
Hettupeysan hefur verið áberandi undanfarið og sú tíska virðist vera að ná hámarki. Hönnuðirnir sýndu okkur peysuna í ólíkum útfærslum á pöllunum en þetta var líka sú flík sem gestir tískuvikunnar klæddust hvað mest.
Klæðum hettupeysuna upp og niður eftir tilefnum, yfir rómantíska kjóla, undir kápuna sem við kaupum í yfirstærð eða eina og sér. Alveg pottþétt vinsælasta flík ársins!

4. VÍÐAR SKÁLMAR
Niðurþröngar skálmar hafa átt langan líftíma en nú fögnum við víðum skálmum og mittissniði. Malene Birger, Henrik Vibskov, Baum Pferdgarten eru dæmi um hönnuði sem sýndu eingöngu þetta snið í sínum línum. Það getur tekið tíma að venja sig við þessa breytingu og því þarf að sýna henni smá þolinmæði.

5. HLÉBARÐAMUNSTUR
Það er komið aftur, fyrr en okkur grunaði. Við bjóðum hlébarðamunstrið velkomið á ný. Við fegnum að sjá það í mismunandi myndum, t.d. í kjólum og yfirhöfnum. Oftast var það parað við látlausari liti. Trend sem mikilvægt er að para rétt saman að mati undiritaðrar.

//
I had three pages in the newest Glaomur Magazine in Iceland. I wrote about the main trends I saw on Copenhagen Fashion Week.
The top five fashion trends were:
The color RED, Statement T-shirts, Hoodies, Wide leg jeans and leopard pattern.

xx,-EG-.

Elísabet Gunnars á Facebook – HÉR
&
Trendnet á Facebook – HÉR

English Version Below

Þegar Glamour spurði mig út í heitasta götutískutrendið í Kaupmannahöfn var ég ekki lengi að hugsa mig um. Hettupeysur eru svo sannarlega málið miðað við hvernig fólk klæddi sig á fremstu bekkjum tískuvikunnar. Þetta er flík sem hefur verið áberandi uppá síðkastið en heldur velli áfram miðað við það sem pallarnir sýndu. Það gleður mig að sjá að Andrea Röfn virðist vera sammála mér, en hún var hinn álitsgjafinn í þessari föstudags grein.

Hettupeysan hefur verið áberandi undanfarið og miðað við götustílinn á tískuvikunni þá virðist þetta trend vera að ná hámarki.
Smekklegir gestir klæddu peysurnar upp og niður, á mismunandi hátt og við mismunandi ólíkar flíkur sem var mjög áhugavert að sjá.
Það verða hettupeysur undir allt núna og fram á vor og árfam inní haustið.

WoodWood // Húrra Reykjavík

BOB Reykjavík

Topshop

Kaup helgarinnar? Ég held það …  segi ég og skrifa í minni ágætu BOB peysu sem ég hef notað svo mikið síðustu mánuði, sú er í algjöru uppáhaldi.

Glamour er með vikulega fasjón síðu í Fréttablaðinu á föstudögum.

//

Glamour asked me about the most prominent street style trend at Copenhagen Fashion Week. I said hoodies. Everyone was wearing it and I love it. Now I am wearing mine from Bob Reykjavik – Check it out: HERE

xx,-EG.-

Elísabet Gunnars á Facebook – HÉR
&
Trendnet á Facebook – HÉR

English Version Below

Þetta er mynd frá því í morgun. Ég og Manu að gera okkur klár í daginn … bæði í Adidas Stan Smith skóm. Þessir eru með hörðum botni og litli maðurinn kann ekki alveg nógu vel á þá. Ég var því að panta mjúka frá sænskri netverslun – koma vonandi í vikunni.  Alba hefur átt nokkur pör og pabbinn líka en hann var smá trendsetter þegar hann hermdi eftir sjálfum Marc Jacobs á sínum tíma. Ég sagði ykkur “hér” árið 2013 að þetta gæti orðið næsta IT dæmið. Skemmtilegt að sjá að það gekk svo upp. 
Það má segja að þessi týpa séu fjölskylduskórnir á heimilinu í þessa dagana.

Adidas er INN og það fer ekki fram hjá nokkrum manni þessa dagana. Þýska merkið hefur sannarlega sótt í sig veðrið á tískusviði og nú má sjá Adidas útum allt hjá alls konar týpum. Ég á nokkrar flíkur frá merkinu en passa mig hér eins og annarsstaðar að taka þátt með hlédrægum hætti. Passið ykkur að “missa það ekki” í trendum – Adidas á adidas á adidas á adidas er ekki málið fyrir minn smekk.

Ég tók saman smekklegar myndir sem veita innblástur. Adidas fasjón fólk – gjörið þið svo vel –

//

My and my little baby boy are getting ready for the day, both wearing our Stan Smith’s. Now the whole family have a pair – the family shoes these days. I told you 3 years ago, when I saw Marc Jacobs wearing the shoes at a Coke Light event, that it could be the next IT item and it is fun to see that it became a fact.

Adidas has been growing fast the last years. The German sport brand has been breaking into the fashion world and it seems to be working. I have been wearing some items but it is not my style to wear Adidas on adidas on adidas …

Above you have some Adidas fashion – worn in a way that I like.

xx,-EG-.

Elísabet Gunnars á Facebook – HÉR
&
Trendnet á Facebook – HÉR

Auðvitað ákvað rigningin að láta sjá sig þegar við hjónleysin kíktum loksins út án barna eitt ágætt laugardagskvöld hér í sænska. Eins og sannur Íslendingur skyldi ég regnhlífina eftir heima og notaði því uppáhalds leðurjakkann sem hlíf yfir hárið – það má bjarga sér á ýmsa vegu. Laugardagslúkkið er frá því fyrir nokkrum vikum en vegna fjölda fyrirspurna um hvaðan þessar buxur væru ákvað ég að koma því að hér á blogginu.

Buxur/Denim: Levis 501 , Toppur/Top: Zara, Leðurjakki/Biker: Moss by Elísabet Gunnars/gamall

Þessar svörtu Levis 501 gallabuxur eru nokkura ára gamlar í mínum fataskáp, frá frönsku árunum. Ég nota þær óspart þessa dagana og mun líklega nota þær enn meira þegar fer að kólna. Það er eitthvað sem er svo sjarmerandi við einfaldleikann í beina stutta sniðinu.
Nú leita ég að hinum fullkomnu í bláum lit. Ég á einar en þær eru ekki jafn góðar og þessar að ofan. Maður þarf að vera þolinmóður í leit sinni að hinu einu réttu því þær eru jafn ólíkar og úrvalið er mikið í góðum second hand búðum. Ég veit að Spútnik er með mikið úrval fyrir áhugasamar stúlkur á Íslandi.

Þessar tískudívur veittu mér innblástur. Þær eru allar að vinna með sama lúkk og ég eeeelska það! Rétt upp hönd sem vill klæðast gallabuxum við allt í haust? Ég (!) ..

 
//

Finally I had a date with my fiancé without children. We went out for a dinner and of course the rain wanted to join us.
This was my dress that night – I had a lot of questions about the pants, which are vintage Levi’s. You really have to look for the perfect ones in the second hand shops because the pass form is so different between pants.
Now I am looking for the perfect ones in blue. The ladies above have already found them – lucky you!

xx,-EG-.

Verða það afaskór í alla pakka þessi jólin? Það er allavega vel við hæfi miðað við það trend sem ég tek fyrir í minni síðustu tískugrein fyrir Lífið, fylgirit Fréttablaðsins í bili.

Tískan virðist vera á þægilegu nótunum þessi misseri. Náttfata trendið lifir hæstu hæðum og nú virðast inniskórnir eiga að parast við.

Gucci FW15

Sérfræðingar voru á sama máli að Gucci hefði hannað “it” skó haustsins. Skórinn er opinn og minnir jafnvel smá á gamaldags inniskó frá afa. Hann er þó fíngerðari, með gullkeðju yfir ristina og loði í hælinn sem fullkomna lúkkið og þægindin á sama tíma.

Gucci voru fyrstir en margir hönnuðir fylgdu í kjölfarið á tískupöllum New York borgar fyrir næsta sumar. Þar má nefna Alexander Wang, Balenciaca og Victoriu Beckham.

Alexander Wang SS16

Balenciaga SS16

Gucci SS16

Victoria Beckham SS16

Inniskór eru því tilvalinn harður pakki undir jólatréð í ár. Við getum haft meðfylgjandi myndir í huga við val okkar. Með skónum sláum við tvær flugur í einu höggi. Þeir hlýja okkur innanhús gegn köldum gólfum á veturna og þegar vora tekur göngum við út í hlýjuna og verðum aldeilis með á nótunum.

Það er mjög líklegt að það verði mikið í þessum stíl sem muni birtast í stærri tískukeðjunum þegar nýjar vörur lenda fyrir sumarið. Kannski er betra að bíða og næla sér í par á viðráðanlegra verði? Undirituð er strax farin á stúfana eftir ódýrari lausnum með þá von að vopni að þeir nái í jólapakkann í næstu viku.

xx,-EG-.