Sunnudagur = lummudagur hér á bæ. En það hefur aldeilis skilað sér til ykkar sem fylgið mér á Instagram.
Ég hef nú þegar sent ykkur mörgum þessa einföldu hollu uppskrift sem ég hendi reglulega í á þessum besta degi vikunnar. Mig minnir að ég hafi líka sett hana á bloggið en ég fann hana ekki í fljótu bragði enda líklega nokkur ár síðan. Hún gæti líka hafa breyst svo það er allt í góðu að setja hana hingað inn aftur.
Bananalummur eru uppáhalds uppskriftin hér á bæ. Þær eru hollar með meiru en það má vissulega bæta óhollustunni við með því að smyrja þær með nutella súkkulaði, sem er algjört spari hjá okkur. Annars er það besta bragðið að borða þær með osti, skinku og fersku avakató – mmmm …
UPPSKRIFT
2 stappaðir bananar 1 egg Dass af höfrum Smá mjólk
Hráefni hrært saman og hellt á pönnu – voila!
Þetta er vissulega einfalt og það er ástæðan fyrir því að ég geri þær aftur og aftur.
Gleðilegan lummudag!
xx,-EG-.
Elísabet Gunnars á Facebook – HÉR & Trendnet á Facebook – HÉR
Góðan daginn !! … minn byrjaði sérstaklega vel þegar girnilegur pakki leyndist í póstkassanum. Gullhúðað konfekt í þessu fallega jólaboxi (fæst í Söstrene Grene), bakað hinu megin við hafið. Þetta kallar maður alvöru vinkonur – takk Margrét!!
Ég get fullvissað ykkur um að þetta er jólakonfektið í ár.
Útsýnið í augnablikinu er einhvernvegin svona –
Gyllt þema með desember útgáfu Glamour (sem þið getið eignast frítt hér í dag) og gylltum konfekt molum.
Margrét er hinn mesti listamaður í bakstri og það er hrein unun að fylgjast með henni í eldhúsinu. Hún heldur úti vefsíðunni KakanMín.com þar sem hún deilir dásamlegum uppskriftum – margir þekkja nú þegar síðuna en þið hin ættuð endilega að bæta henni á bloggrúntinn: hér
Eru einhverjir komnir með vatn í munninn?
Hér fáið þið uppskriftina af þessum molum …
250 g döðlur með lakkrísdufti 1 poki sterkar djúpur 1 poki Freyju Hrís (ca. 200 g)* 100 g smjör 100 g púðursykur 150 g súkkulaði (dökkt eða ljóst)**
Þessa dagana spretta upp veitingastaðir í borginni okkar og fólk virðist taka því misvel. Ég kann vel að meta það og er dugleg að heimsækja nýja staði í öllum mínum Íslands stoppum.
Ég er yfir mig hrifin af nýjum veitingastað í Reykjavík – Geira Smart. Ég heimsótti staðinn ásamt nokkrum smekkpíum í síðustu Íslandsferð og við urðum ekki fyrir vonbrigðum. Maturinn var góður og þjónustan til fyrirmyndar. Það sem setti þó punktinn yfir i-ið er hlýleg hönnun húsnæðisins en þó ekki bara á veitingastaðnum heldur einnig á hótelinu sem hýsir staðinn. Þarna var greinilega hugsað út í hvert smáatriði og það skilar sér fullkomlega.
– Matarklúbburinn GÆS –
Meðfylgjandi eru myndir af félagsskapnum og það er synd að ég hafi ekki tekið fleiri myndir af hönnun og stemningu staðarins sem ég fílaði svo vel. Þið verðið endilega að kíkja þangað við tækifæri þó það sé ekki nema bara í einn kaffibolla ;) Mér leið smá eins og ég væri í útlöndum – er það gott eða slæmt að ykkar mati?
Aldís – AndreA – Álfrún og Elísabet – Hvað eru mörg A í því? –
Staðsetningin er skemmtileg en hefur verið mjög umdeild ásamt uppbyggingu hótelsins sem hýsir staðinn. Mér þykir það þó hafa tekist nokkuð vel til og mun pottþétt gera mér leið þangað aftur. Mér þykir leiðinlegt að þurfa að taka það fram, en þessi póstur er ekki sponsaður á neinn hátt. Ég bara var að fíla staðinn og ákvað að deila því með ykkur. Vonandi kunnið þið bara vel að meta slíkt :)
Mig langar í þessar flísar hingað heim!! Fallegt –
I had a great evening with even greater company some weeks ago in Iceland. I went with good friends to the new restaurant, Geiri Smart. I really recommend it for those of you who want to try something new. Good food, good service and nice design.
xx,-EG-.
Elísabet Gunnars á Facebook – HÉR & Trendnet á Facebook – HÉR
Í þessum skrifuðu sit ég í mínum uppáhalds brunch í þýska heimabænum. Sunnudagar eiga að vera til sælu – alltaf.
Notið þessar myndir að neðan til að fá innblástur fyrir ykkar brunch dagsins –
Sun-day í orðsins fyllstu hérna megin. Það gleður og gefur.
HÉR er ágæt uppskrift af lummum fyrir þá sem ætla að útbúa sinn brunch sjálf.
Eigið góðan (konu)dag.
xx,-EG-.
Elísabet Gunnars á Facebook – HÉR & Trendnet á Facebook – HÉR
Við fjölskyldan lentum með hraði hér á klakanum daginn fyrir gamlárs. Fyrsta mál á dagskrá var að mæta í hitting með dásamlegum meðbloggurum á veitingastað í Austurstrætinu. Apotekið hefur þar vaknað til lífsins flottara sem aldrei fyrr. Ég fangaði mómentin á filmu. Passið ykkur að renna ekki í gegnum póstinn mjög svöng – það gæti orðið hættulegt.
Við fengum valkvíða á forréttamatseðlinum og pöntuðum því sitt lítið af hverju til að deila – það var góð hugmynd.
Ég er enn með vatn í munninum eftir gómsætan humar sem borinn var fram með einhverskonar “Crème brûlée” –
Ljósin í loftinu fönguðu augun, sem og önnur falleg hönnun sem prýðir staðinn.
Glerljósin heita: Never Ending Glory og kúluljósin eru héðan samkvæmt Svönu snilla á Svart á Hvítu –
Gulur rauður grænn eða blár? Smá sætt í lok kvölds –
Það vill oft verða smá stífleiki þegar farið er á fína veitingarstaði. Apotekið leyfir casual klæðnað í flottu umhverfi sínu og býður upp á létt andrúmsloft. Ég mætti í sneakers en leið samt ekkert underdressed. Einnig voru þjónarnir léttir í lund og með bros á vör. Maður fann að þeim finnst gaman í vinnunni – mikilvægt.
Í helgarblaði Morgunblaðsins gef ég mína uppskrift af bananalummum og boozti.
Fyrir ykkur sem eruð að fara að hafa það huggulegt í sunnudagsáti frameftir degi þá getið þið endilega nýtt ykkur mína aðferð. Ég mæli með því að þið hafið pönnuna á lágum hita svo að auðveldara sé að eiga við lummurnar. Mér finnst lang best að borða þær með osti og avakadó – gefur svo gott bragð og ég er alveg húkt á því. Í booztið prófaði ég í fyrsta sinn súrmjólk frá nýja mjólkurframleiðandanum Örnu, mjög gott.
Gleðilega morgunstund! Vonandi njótið þið dagsins vel með ykkar fólki.
