LANGAR: RAKEL TOMAS

FÓLKFRÉTTIRÍSLENSK HÖNNUN

English Version Below

Efst á óskalista þessa dagana er verk á vegginn eftir Rakeli Tómasdóttur sem í gær opnaði vefsíðu með dásamlegum teikningum sínum. Ég hef fylgst lengi með þessari hæfileikaríku stúlku og tók hana meðal annars í létt spjall í Stílnum á Instagram hér um árið til að kynnast henni betur.
Rakel er ótrúlega flink í höndunum og hún gerði m.a. letrið á “Konur eru konum bestar” bolina. Ég vildi vita meira um nýju vefsíðuna og teikningarnar og sló á þráðinn til hennar.

Hver er Rakel Tómasdóttir?
24 ára listakona og grafískur hönnuður. Starfa sem Art Director hjá tímaritinu Glamour.

Hvar verða verkin til sölu?
Verkin eru aðeins til sölu í vefversluninni minni rakeltomas.com, en svo er aldrei að vita nema þau verði til sölu einhversstaðar annarsstaðar í framtíðinni.

Hvenær byrjaði listræni áhuginn?
Listræni áhuginn hefur alltaf verið til staðar og í rauninni aldrei minnkað heldur hefur formið sem ég hef unnið með breyst í gegnum tíðina. É g byrjaði að teikna þegar ég var pínu lítil, í grunnskóla kenndi ég mér á photoshop, fór síðan í grafíska hönnun í listaháskólanum þar sem ég kynntist leturhönnun. Í dag næ ég einhvernvegin að einbeita mér að þessu öllu. Svo er mjög gaman að blanda þessu saman.

Aðeins um innblástur ..
Það gefur kannkski auga leið, en mér finnst mannslíkaminn mjög skemmtilegt viðfangsefni. Líkamstjáning og hvernig fólk hreyfir sig veitir mér mikinn innblástur. En einnig hafa samskipti og sambönd mikil áhrif á hvað endar á blaðinu, sérstaklega þar sem nýjustu myndirnar mínar eru yfirleitt tvær manneskjur að blandast saman á mismunandi hátt.

Aðeins um túlkun …
Ég vil frekar leyfa fólki að túlka myndirnar mínar eins og það vill, frekar en að gefa útskýringar á því sem liggur að baki.
Myndirnar hafa flestar einhverja sögu fyrir mér. En það er skemmtilegra að leyfa fólki að sjá það sem það vill og tengja við þær á sinn hátt.

Ein að lokum … Hefur þú alltaf verið svona góð ?!!
Nei auðvitað ekki, mér finnst næstum pirrandi þegar fólk talar eins og þetta séu einhverjir meðfæddir hæfileikar. Þetta snýst allt um æfingu. Ég eyði miklum tíma í að æfa mig og er mjög gangrýnin á eigin verk. Það eru margir sem eru mjög skapandi sem börn en hætta svo að gefa sér tíma í það þegar þeir verða eldri, ég hélt bara áfram.

 

 

Myndirnar eru allar númeraðar og koma í litlu upplagi sem mér þykir mikill kostur – þið munuð því ekki sjá þær á öllum heimilum landsins eins og getur gerst á skerinu okkar góða. Eins og Rakel segir þá vinnur hún mikið með líkamstjáningu og líkamann. Myndinar eru kvenlegar og ég sé miklar tilfinningar í þeim. Verðin eru líka viðráðanleg og því getur þetta verið hentug gjöf. Langar …. Meira: HÉR

Takk fyrir spjallið Rakel og ég óska þér alls hins besta – þú átt framtíðina fyrir þér!

//

I loooove these pictures from the Icelandic artist and designer Rakel Tomas. Her illustrations explores human connection and emotions through manipulation of the female body. Rakel worked together with me and AndreA earlier this summer on our Konur eru Konur bestar collaboration.

 

xx -EG-

Elísabet Gunnars á Facebook – HÉR
&

Trendnet á Facebook – HÉR

GLAMOUR GÖTUTÍSKA

FASHION WEEKFÓLKMAGAZINE

Ég tók að mér smá vinnu fyrir Glamour á Íslandi þegar ég var stödd á tískuvikunni í Kaupmannahöfn á dögunum. Verkefnið var að fanga myndir og móment af þeim geggjaða götustíl sem finna má í dönsku höfuðborginni á þessum tíma árs. Blaðið kom inn um lúguna í morgun og ég var spennt að sjá myndirnar á pappír. Það var svo gaman hvað ég náði mörgum þekktum andlitum í stílinn að þessu sinni – allir liðlegir og til í að vera með.

//

You can see my work in the Icelandic Glamour, September issue. When visiting the European Fashion weeks I get my most inspiration from the people on the streets. In Copenhagen they surely know how to dress. Thank you for letting me take some photos to share here and in Glamour Iceland this month.

 

Ég fékk leyfi til að birta textann hér á blogginu:

Í byrjun ágúst fór fram tískuvika í Kaupmannhöfn og Glamour lét sig ekki vanta. Einn af útsendurum okkar var tískubloggarinn Elísabet Gunnars sem fangaði smekklega gesti á filmu. Gefum henni orðið.  

Það er heillandi að fylgjast með tískupöllunum á tískuvikunum. Að baki liggur ótrúleg vinna frá mörgum aðilum, allt frá hönnuninni til undirbúnings sýningarinnar. Markmiðið er að fanga athygli áhorfandans þessar örfáu mínútur sem sýningin sjálf fer fram og smáatriðin skipta máli.
Eins og alltaf er alveg jafn spennandi að skoða fólkið á götunni, gestina sem eiga það sameiginlegt að lifa og hrærast í tískuheiminum. Á tímum samskiptamiðla hefur götustíllinn stolið töluverðri athygli og leggja tískuhúsin ekki síður áherslu á að áhrifavaldar klæðist hönnun þeirra á götum borgarinnar á meðan tískuvikan fer fram. Útvöldum er boðið í sérstök sýningarherbergi þar sem þeir velja sér föt til að klæðast í von um að rétta fólkið festist á filmu hjá götutískuljósmyndurum stóru miðlanna.
Í Kaupmannahöfn voru gestir óhræddir við að klæðast áberandi litum, sem gladdi augað. Götutíska dönsku höfuðborgarinnar bauð upp á fjölbreyttar hugmyndir sem auðvelt er að leika eftir.
Ég fæ minn helsta innblástur frá fólkinu á götunni og var því með vélina á lofti til að deila því með lesendum Glamour. Ég mæli með að gera sér ferð á tískuvikur, setjast á vel valið horn á góðri göngugötu og fylgjast þannig með tískufyrirmyndum í beinni. Það gefur ekki síður innblástur en heimsóknir á sýningarnar sjálfar.

 

Rósa hin fagra í Ganni dragt –

Aðstoðarritstjóri Euroman –

Ellen – AndreA  – Rósa & ég –

Sokkar og hælaskór – tilvalið á klakanum.

Tískufólk –

Alveg með þetta! –

Litir voru áberandi –

Föt með skilaboðum halda áfram inn í næsta tímabil –

Þessi stígvél! –

Styleby bloggarinn Hanna Mw

Sænski gleðigjafinn og Elle bloggarinn Hanna Stefansson –

Fallegu smáatriði –

Ég vildi að ég þekkti öll nöfnin – en þessi heillaði okkur upp úr skónum!

Hin fagra og ávallt flotta Pernille Teisbæk –

Þið þekkið þetta þríeiki! Strákar: bleikar buxur samkvæmt ritstjóra Euroman –

Rauðu stígvélin og draumakápa –

Litir – ég elska bleikt við brúnt!

Tískusystur –

Í stíl! Báðar í Malene Birger klæðum –

Sneaker við rifnar skálmar –

Gucci bags for the win –

Adidas hittir Nike –

Moments –

Topp team –

 

 

Takk fyrir mig Kaupmannahöfn og Glamour Ísland.

xx,-EG-.

Elísabet Gunnars á Facebook – HÉR
&

Trendnet á Facebook – HÉR

 

STÍLLINN Á INSTAGRAM: DÓRA JÚLÍA

FÓLKSTÍLLINN Á INSTAGRAM

Uppáhalds íslenski plötusnúðurinn minn, Dóra Júlía, situr fyrir svörum í Stílnum á Instagram að þessu sinni. Um er að ræða litríka og ljúfa stúlku sem stefnir langt í lífinu og veitir mér innblástur í hvert sinn sem ég sé hana – bæði í daglegu lífi og á samskiptamiðlum.

Hver er Dóra Júlía?
Fer eftir skapi og dögum! En í hnotskurn 24 ára gömul stelpa sem er stöðugt að uppgötva nýja hluti í lífinu, hef áhuga á ótrúlega mörgu og vinn sem DJ.

Hversu mikilvægur er klæðaburður í þínu fagi?

Klæðaburður hefur alltaf verið mikilvægur fyrir mér og ég held að það hafi miklu frekar með það að gera hver ég er heldur en það við hvað ég starfa. Hinsvegar er mjög gaman að vinna einhversstaðar þar sem maður hefur frjálsar hendur þegar kemur að klæðnaði. Mér hefur alltaf fundist ótrúlega gaman að fatastíllinn minn sé á stöðugri þróun samhliða mér sem manneskju og eftir að ég byrjaði að DJa hef ég leyft mér að fara nýjar og ýktari leiðir en áður, þá sérstaklega í litum og skrauti.

Áttu þér einhverja tískufyrirmynd?

Frá því ég var unglingur hef ég verið mjög hrifin af Kate Moss því það er bara eitthvað við hana sem ég dáist að, þó ég geti ekki endilega ákveðið nákvæmlega hvað það er. Annars finnst mér allir sem eru samkvæmir sjálfum sér og leyfa sér að klæða sig eins og þau langar tískufyrirmyndir útaf fyrir sig.

Must have flík í þínum skáp?
Allt sem er bleikt. Og pallíettur og fjaðrir. Svo mikil gleði í því.

Hefur þú einhver tískutips fyrir ungar stúlkur? Wear whatever you feel like.

Hvað er á döfinni?
Allskonar skemmtilegt! Er búin að bóka slatta af áhugaverðum giggum núna í vetur sem ég hlakka mikið til. Svo er ég að fara til Parísar yfir 25 ára afmælið mitt með mömmu og mig langar svolítið að gefa sjálfri mér bleika chanel tösku í afmælisgjöf úti. Svo fer ég til LA í október í smá frí og ég og kærastinn minn stefnum á að fara til Costa Rica um jólin að læra að surfa, sem er eitthvað sem mig hefur lengi langað til. Þannig mega stuð framundan og good vibes only.

________

Persónuleikinn skín í gegnum stílinn hennar Dóru og mikið sem ég kann að meta slíkt í fari fólks. DJ Adora spilaði í afmælinu mínu á dögunum og í brúðkaupi helgarinnar og í bæði skiptin stóð hún sig virkilega vel. Áhugasamir getið bókað hana hér: djdorajulia@gmail.com.

Takk fyrir að leyfa okkur að kynnast þér betur @dorajulia – Áfram þú!

 

xx,-EG-.

Elísabet Gunnars á Facebook – HÉR
&

Trendnet á Facebook – HÉR

#konurerukonumbestar

FÓLKINSTAGRAMÍSLENSK HÖNNUN

Nú er mánuður liðinn frá því að við settum í sölu góðgerðabolina fínu. Við fengum ótrúlegar viðtökur og bolirnir sem aðeins áttu að seljast í 100 eintökum seldust margfalt upp !!! Við erum allar í sama liði og ég er svo þakklát fyrir það.

Það hefur verið svo ánægjulegt að sjá ykkur deila myndum á samskiptamiðla og hjálpa þannig til við að dreifa boðskapnum – klappliðið stækkar hratt og örugglega. Við kunnum svo vel að meta allar góðu heimsóknirnar sem við fengum á Laugaveginn, símtölin, snöppin, story og myndirnar á Instagram merktar #konurerukonumbestar.

Verkefnið stendur fyrir jákvæðni og ástríðu fyrir því að vilja breyta neikvæðu hugafari í samfélaginu okkar. Við viljum að konur (og karlar) standi saman og haldi með hvort öðru þegar vel gengur. Áfram við öll! Verum fyrirmynd fyrir okkur sjálf og næstu kynslóð á eftir.

Ég fékk að “stela” þessum Instagram mómentum hér að neðan – TAKK!

Áfram gakk.

xx,-Elísabet Gunnars & AndreA.-

Elísabet Gunnars á Facebook – HÉR
&

Trendnet á Facebook – HÉR

 

BAST FATASALA

FATASALAFÓLK

Hafrún Karlsdóttir og Kristín Dahl Bast skvísur ásamt ljósmyndaranum Sögu Sig –

Ég á það til að segja ykkur frá fatasölum sem mér finnst spennandi og á morgun fer fram sú flottasta þetta sumarið. Það er tímaritið Bast sem stendur fyrir sölunni og að henni koma miklar smekkkonur sem við margar lítum upp til. Ljósmyndarinn Saga Sig er ein þeirra en hún hefur í gegnum árin sankað að sér draumaflíkum úr Second Hand verslunum og ég er í alvöru næstum því grátandi yfir því að komast ekki að næla mér í svoleiðis “písa”. 

Í bland við second hand gersemarnar verða mikið af merkjafatnaði á góðu verði.
Ásamt Sögu verða þær Anna Sóley, Eva Dögg, Hafrún Karls, Helga Lilja, Hulda Halldóra, Hulda Katarína, Júlía Tómas, Ylfa Geirs, Katrín Alda og Kristín Dahl. Ég gæti talið upp endalaust af því merkilega sem þessar konur eru að gera í lífinu en ég lofa allavega miklu og góðu úrvali af fallegum fatnaði og fylgihlutum.  Allar eiga þær það sameiginlegt að hafa unnið í kringum tísku í mörg ár. Hafrún Karlsdóttir er til dæmis International Sales Manager hjá VALD agency sem sér um merki eins og sænska Hope sem við erum svo margar hrifnar af. 


Hér að neðan má sjá þær myndir sem finna má í viðburðinum á Facebook.

 

 

Hvar: Loft Hostel, Bankastræti 7

Hvenær: 15. júlí 

Tími: 13:00 – 17:00

Meira: HÉR


 

 

Skilið frá mér góðri kveðju!
Happy shopping!

xx,-EG-.

FALLEGRI KAUP: EMPWR PEYSUR

FÓLKÍSLENSK HÖNNUNSMÁFÓLKIÐ

Vinir mínir hjá iglo+indi í samstarfi við UN Women á Íslandi hafa síðustu mánuði unnið að samstarfsverkefni sem nú hefur litið dagsins ljós. Empwr peysan fer í sölu á morgun (fimmtudag).

Peysan er hönnuð bæði fyrir börn og fullorðna og er þetta í fyrsta sinn sem iglo+indi gefur út flík fyrir fullorðna. Allur ágóði sölunnar rennur til reksturs griðastaða UN Women fyrir konur á flótta og er því málefnið virkilega mikilvægt.

Prentið á peysunum er unnið úr mynstri sprottið frá Kamerún þar sem UN Women starfrækja griðastaði fyrir konur á flótta. Þar hljóta konurnar áfallahjálp, nám, atvinnutækifæri, öryggi, kraft og von.

Pressið á play hér að neðan –

PIPAR\TBWA og DÓTTIR gáfu vinnu sína við undirbúning átaksins auk þess sem hljómsveitin East of my Youth lánaði átakinu lagið Stronger.

TEAM iglo+indi öll klædd í EMPWR peysur
Karitas Diðriksdóttir, Höskuldur, Baldvin, Viktoría, Indí og Helga Ólafsdóttir

 

Í tilefni verkefnisins verður slegið upp partýii á Geira Smart og í portinu (gamla Hjartagarðinum) ef veður leyfir. Þar verður peysan seld í fyrsta sinn. Meira: HÉR

Ég hvet sem flesta til að leggja málefninu lið og styðja þannig í leiðinni við bakið á konum á flótta.
Gangi ykkur vel iglo+indi og UN Women.

Áfram Ísland!

xx,-EG-.

Elísabet Gunnars á Facebook – HÉR
&

Trendnet á Facebook – HÉR

UNGUR OG UPPRENNANDI – BERGUR GUÐNASON

FÓLKÍSLENSK HÖNNUN

Bergur Guðnason, leggið nafnið á minni. Ég held nefnilega að hann muni ná langt í sínu fagi.
Bergur er einn af útskriftanemendum Listaháskólans í Fatahönnun þetta árið. Ég hef fylgst með honum í nokkur ár og séð hversu brennandi áhuga hann hefur á tísku og trendum – heillandi.

Ég hreifst af lokalínu Bergs sem nýlega var sýnd í Hörpu og ákvað því að kynna mér málið betur og hafði sambandi við hönnuðinn. Rauður er áberandi litur í línunni en Bergur segir það hafa verið uppáhalds lit afa síns sem línan er tileinkuð. Afi hans hefur greinilega verið með hlutina á hreinu því það er líka sá litur sem er hvað mest áberandi hjá hátískunni þetta tímabilið. Ég tók Berg í létt spjall sem þið getið lesið hér að neðan en meðfylgjandi sjáið þið myndir frá ferlinu og af fatalínunni í heild sinni. Ferlið er langt og strangt þegar hanna á heila fatalínu og krakkarnir sem útskrifuðust í ár gerðu það með miklum sóma. Framtíðin er björt!

Bergur eldri, afi fatahönnuðarins – red on red on red …

Bergur fór til London að kaupa efni ..

Mig langar að koma við þessa fegurð. Rautt leður –

Teiknað á ferð og FLUGI – þegar mikið er að gera, þá er tíminn ansi dýrmætur –

Frá lokasýningu Listaháskólans sem fram fór í Hörpu –
Myndir: Stefán Pálsson

 

B/W baksviðsmyndir teknar af Daniel Ágústi Ágústssyni –

Stöð 2 tók hönnuðinn tali í lok sýningarinnar. Ég fylgdist með frá Svíþjóð og man mest eftir orðunum. “Ég er glaður en þreyttur” –

Red on red on red … I love.

Hver er Bergur Guðnason?

Bergur Guðnason er 25 ára strákur með athyglisbrest og skófíkn á háu stígi sem hefur brennandi áhuga á hönnun, tísku, íþróttum og tónlist.




Afhverju fatahönnun?

Síðan ég man eftir mér hef ég alltaf haft skoðun á hvernig föt eiga að líta út á fólki. Eftir menntaskóla munaði engu að ég hefði skráð mig í viðskiptafræði eins og allir voru að gera í kringum mig þótt að innst inni vildi ég fara í fatahönnun. Sem betur fer gerði ég það ekki heldur sótti ég um fatahönnun í LHÍ og komst inn og er nú að útskrifast. Ég held það sé hægt að komast ansi langt í lífinu ef maður trúir á sjálfan sig.

Hver var innblásturinn í hönnuninni á línunni?

Í stuttu máli var línan mín var byggð á afa mínum og alnafna. Ég og afi Bergur vorum nánir og samband okkar var einstakt. Afi var mikill töffari og með sterkan persónuleika. Afi var sjálfsöruggur og lét engan segja sér til. Hann var ákveðinn og með sterkar skoðanir. Markmið mitt með þessari línu var að reyna að láta fötin endurspegla persónuleika hans á sem skýrastan hátt. Rauður var mjög ríkjandi í línunni minni, það er einföld ástæða fyrir því að rauður var uppáhalds liturinn hans afa. Einnig notaðist ég við seinustu undirskriftina hans áður en hann lést sem logo.


Stóri draumurinn?

Það væri áhugavert að fara út í heim núna á næsta ári og reyna að koma sér á framfæri á einhvern hátt.  Þetta er erfiður bransi og erfitt er að komast að hjá tískuhúsunum en ég er bara bjartsýnn. Þegar ég hef verið að hanna línur í skólanum hef ég stundum hugsað hvað það væri mikil forréttindi að fá einn daginn greitt fyrir að hanna föt. Það er draumur að vera einn daginn á röltinu í Le Marais og rekast á manneskju í hönnun eftir mig. Það myndi fá mig til þess að brosa. Ekki það að ég brosi lítið.

Þessa dagana stendur yfir lokasýning nemenda frá Listaháskóla Íslands í Listasafninu. Mæli með að fólk geri sér ferð þangað og skoði fatalínur útskriftanemenda.

Áfram Ísland! Og áfram Bergur Guðna!

Elísabet Gunnars á Facebook – HÉR
&

Trendnet á Facebook – HÉR

FATASALA DAGSINS

FATASALAFÓLK

Ef þið viljið gera góð skvísukaup þá mæli ég með fatasölu dagsins. Sveinsdætur (sem margir muna eftir héðan af Trendnet) ásamt vel völdu smekkfólki hafa hreinsað til í skápunum og standa vaktina á Prikinu í dag.

Sveinsdætur ..

Irena

 

Karin

Hér að neðan er brotabrot af því úrvali sem boðið verður uppá –

Hverjir selja?

Karin Sveinsdóttir
Irena Sveinsdóttir
Hanna Soffía Skeggjadóttir Þormar
Stella Björt Bergmann Gunnarsdóttir
Vaka Alfreðsdóttir
Alexander Sigurður Sigfússon
Geoffrey Skywalker
Unnur Birna J. Backman
Þórsteinn Sigurðsson

HVENÆR: 7.MAÍ KL 13:00
HVAR: Í PORTINU Á PRIKINU
Meira: HÉR

Happy shopping!

xx,-EG-.

MET GALA: OLSEN SYSTUR

FÓLKINSPIRATION

Met Gala fór fram í New York í gærkvöldi. Ég er ekki mikill aðdáandi hefðbundinna galakjóla og er því ánægð að sjá hvernig nokkrar stjörnur klæða sig í takt við dagleg lúkk.

Olsen systur voru lang best klæddu stjörnurnar í gærkvöldi þegar þær mættu óvænt á rauða dregilinn eftir að hafa haldið sig frá sviðsljósinu í töluverðan tíma. Þær klæddust “í stíl” en báðar skörtuðu þær kjólum frá sinni eigin hönnun, The Row, sem hefur fagnað góðu gengi síðustu árin.

Kjólarnir voru poppaðir upp með skemmtilegum hætti. Mary Kate bar gyllt hárband, áberandi hálsfesti og eyrnalokka á meðan Ashley klæddi sig í bróderaðan draumajakka með neon litaðan feld. Ef ég væri að fara að gifta mig þá myndi ég líklega reyna við annan hvorn kjólanna hér að neðan. Innblástur í meira lagi.

//

The Met Gala 2017 was yesterday with all its glamour. I am not the biggest fan of gala dresses but I like when the stars express their personal style.

The Olsen sisters came back to the spotlight after some pause from the attention. They were my favorite yesterday, dressed in their own design (The Row) with a little twist.

The wedding dress ??

 

xx,-EG-.

Elísabet Gunnars á Facebook – HÉR
&

Trendnet á Facebook – HÉR

SVALA: LÚKK KVÖLDSINS

DRESSFÓLKÍSLENSK HÖNNUN

English Version Below

Söngvakeppni sjónvarpsins fór fram um helgina og þjóðin toppaði sig í Eurovision klikkun. Tæplega 250.000 síma atkvæði bárust !! Mér finnst það frábært.

Svala Björgvinsdóttir fór með verðskuldaðan sigur af hólmi með lagið sitt, Paper. Ég er búin að fylgjast með Svölu á samskiptamiðlum síðustu daga og það er dásamlegt hvað hún er hlý og heil í sínu, vinnusöm út í gegn og auðvitað fagmenneskja fram í fingurgóma. Það mun koma henni langt.

Keppnin í ár var sterk en Svala var alltaf nokkrum skrefum á undan hinum. Þar spilar reynslan stóran þátt.
Lagið er frábært og flutningurinn óaðfinnanlegur. Vinnum við ekki bara í ár ;)

Svala bar einnig af í fatavali að mínu mati en hún er þekkt fyrir sinn persónulega stíl sem fangar augun og vekur athygli. Ég hef lengi fylgst með fatastíl söngkonunnar og birti meðal annars “Stílinn á Instagram” fyrir ári síðan þar sem hún svaraði léttum spurningum hér fyrir áhugasama.

Í atriði sínu um helgina klæddist hún hvítri dragt og klipptum topp með hárið sleikt í tagl. Skórnir kölluðu á umræðu og margir héldu að þetta væru gömlu “góðu” Buffalo mættir í allri sinni dýrð – það var ekki svo gott.

Svala segist elska jakkaföt og smókinga á konum og þar er ég henni sammála.

 “Ég hef alltaf dýrkað Grace Jones og Annie Lennox og var soldið að channela þær báðar svo er ég pínu tom boy í mér og elska að performa í buxum.”

“Ég klæddist Tuxedo frá Calvin Klein sem ég keypti í LA og toppurinn kom einnig frá sama merki. Skórnir koma frá YRU sem er þekkt skómerki í LA – ég á þannig skó í mörgum litum … ekki bara kúl heldur mega þægilegir.”

einarsvala
Hjónin og höfundar lagsins – Einar ♥ Svala

paper

 

Einblínum nú á alla þá smekklegu flytjendur sem stóðu stóra sviðið á laugardaginn og hættum að velta okkur upp úr kynni kvöldsins. RÚV mun pottþétt læra af reynslunni :)

Áfram Svala! Og áfram Ísland! Ég er bara orðin spennt. HÉR getið þið séð atriðið í heild sinni.

//

The Eurovision Song Contest has some tradition in Iceland and you can say that the whole country is following the competition.

We had a final night last here in Iceland last weekend the and the winner, Svala, will perform for Iceland. Her song, Paper, was without doubt the best one and she nailed it with her performance.

Svala is a style icon in Iceland, goes her own ways and not afraid to try something different. I was interested to hear more about the outfit she performed in so I contacted her.

She said that she has always had some tom boy in herself and loves to perform in pants. She loves women in smoking or suits and got inspired by Grace Jones and Annie Lennox.

Her tuxedo is from Cavin Klein as well as her top. The shoes are from the LA based YRU.

Go Svala and Go Iceland!
HERE you can see the performance from Saturday evening.

xx,-EG-.

Elísabet Gunnars á Facebook – HÉR
&

Trendnet á Facebook – HÉR