Þetta er útsýnið í augnablikinu. Glamour skilaði sér loksins inn um lúguna og í þessum mánuði á ég þrjár síður í blaðinu. Síðurnar tvær á myndinni innihalda fimm dönsk fasjóntrend sem við megum búast við að sjá meira af í haust. Ég er strax byrjuð að taka þátt í mörgum þeirra en hettur og merktir bolir er eitthvað sem við sjáum í verslunum nú þegar.
Lesið um mína upplifun af tískuvikunni í Kaupmannahöfn – það mátti finna margar hliðstæður hjá hönnuðum sem sýndi mér betur hvað koma skal.
1. RAUTT
Dönsku hönnuðirnir eru sammála um að rautt sé litur haustsins. Rauðir skór voru áberandi og þá mátti sjá rautt frá toppi til táar í klæðaburði. By Malene Birger, Won Hundred, og Ganni sýndu öll stígvél í þessum eldheita rauða lit. Allt eru þetta merki sem sem fást í íslenskum verslunum.
2. STATEMENT T SHIRT
Kannski besti staðurinn til að koma skilaboðum á framfæri? Merktir stuttermabolir voru áberandi og mátti finna frá flestum hönnuðum. Þetta er trend sem einnig má finna í sumarlínum hönnuða og auðvelt er að taka þátt í. Það þarf ekki að kosta mikinn pening og getur verið nóg að gramsa eftir gömlum hljómsveitarbolum í geymslunni.
3. HETTUR
Hettupeysan hefur verið áberandi undanfarið og sú tíska virðist vera að ná hámarki. Hönnuðirnir sýndu okkur peysuna í ólíkum útfærslum á pöllunum en þetta var líka sú flík sem gestir tískuvikunnar klæddust hvað mest.
Klæðum hettupeysuna upp og niður eftir tilefnum, yfir rómantíska kjóla, undir kápuna sem við kaupum í yfirstærð eða eina og sér. Alveg pottþétt vinsælasta flík ársins!
4. VÍÐAR SKÁLMAR
Niðurþröngar skálmar hafa átt langan líftíma en nú fögnum við víðum skálmum og mittissniði. Malene Birger, Henrik Vibskov, Baum Pferdgarten eru dæmi um hönnuði sem sýndu eingöngu þetta snið í sínum línum. Það getur tekið tíma að venja sig við þessa breytingu og því þarf að sýna henni smá þolinmæði.
5. HLÉBARÐAMUNSTUR
Það er komið aftur, fyrr en okkur grunaði. Við bjóðum hlébarðamunstrið velkomið á ný. Við fegnum að sjá það í mismunandi myndum, t.d. í kjólum og yfirhöfnum. Oftast var það parað við látlausari liti. Trend sem mikilvægt er að para rétt saman að mati undiritaðrar.
// I had three pages in the newest Glaomur Magazine in Iceland. I wrote about the main trends I saw on Copenhagen Fashion Week. The top five fashion trends were: The color RED, Statement T-shirts, Hoodies, Wide leg jeans and leopard pattern.
xx,-EG-.
Elísabet Gunnars á Facebook – HÉR & Trendnet á Facebook – HÉR
Tískuvikan í París kláraðist í gær en ég fylgdist með úr fjarska. Dries Van Noten er mjög ofarlega í huga mér með sín dásamlegu klæði, stíliseruð til fyrirmyndar. Belgíski hönnuðurinn er þekktur fyrir að nota steka liti og munstur og það var aftur raunin í þetta skiptið. Punkturinn yfir i-ið var síðan valið á fyrirstætunum sem gengu pallinn. Van Noten notaði þekktustu andlit 90’s tímabilsins og fagnaði þannig 100 sýninga afmæli sínu. Margar af gömlu fyrirsætunum þekkjum við í öðrum hlutverkum í dag.
Hér fyrir neðan sjáið þið mín uppáhalds lúkk frá sýningunni en ég átti erfitt með að velja á milli. Þessu myndi ég vilja klæðast strax í dag. Getum allavega byrjað á að draga fram rúllukraga og blazer í yfirstærð og náð þannig sama lúkki? Love …
Jamie Bouchert
Hannelore Knuts
Nadja Auermann
Emma Balfour
Caroline de Maigret
Guinevere Van Seenus
Alec Wek
Erin O’Connor
Kirsten Owen
Amber Valetta
Orange/rauða dragtin !! , gallabuxurnar og þetta fallega sjal/borði yfir skyrtuna. Yfirhafnirnar eru í stórum stærðum og beinu kvössu buxna sniðin. Allt sem ég kann mjög vel að meta.
Ég held að það sem heilli mig mest séu þessar eldri virðulegu konur sem bera klæðin, þau bæta miklum þokka í lúkkin.
I followed Paris Fashion Week from home. Dries Van Noten is a winner if you ask me .. I want to wear all that looks … right now!
And I also love the models – supermodels of the ’90s!!
xx,-EG-.
Elísabet Gunnars á Facebook – HÉR & Trendnet á Facebook – HÉR
Góðan daginn! Ég verð aðeins að koma með smá meira frá tískuvikunni í New York sem endaði með glæsibrag á óvenjulegum nótum í gær.
Marc Jacobs kann að velja skemmtilegt þema fyrir tískusýningar sínar og það breyttist ekki í ár þegar hann sýndi haustið og lokaði þannig tískuvikunni í New York.
Þemað í ár var “cool kids” – götutíska unga fólksins og undirituð elskar einmitt slíkt. Sjáið stemninguna hér að neðan, úti undir berum himni.
Herra Jacobs notaði lítið risa stóra rýmið (tískupallinn) innanhúss þar sem fyrirsæturnar tóku gesti með sér út á götu. Þar varð sýningarsvæðið heldur stærra og fyrir vikið urðu sýningargestirnir heldur fleiri – Geggjað!
Nú virðist sem hönnuðir keppi meira um að gera upplifunina sem besta fyrir gesti frekar en að leggja áherslu á að öll brot í klæðunum séu á réttum stað. Æ er það ekki bara svolítið skemmtileg þróun? Mér finnst það ..
//
Marc Jacobs FW17 – what a show! This is a perfect way you should close a fashion week. Outdoor in New York city.
Ég gekk bakdyramegin inn í danskt atvinnuhúsnæði þar sem upplýst bleik neon hjörtu tóku á móti mér í myrkrinu. Ástin var í loftinu hjá GANNI. Haustlínan er all about love og það skein svo sannarlega í gegn í öllum hornum þessarar heimsóknar.
A video posted by Elísabet Gunnars (@elgunnars) on
Í heild sinni var línan virkilega vel heppnuð með sínum rómantíska en samt töffaralega blæ – eitthvað sem aðeins Ganni kann upp á tíu og við hin lærum af.
Ganni er ein af mínum uppáhalds sýningum í ár og það voru margir á sama máli. Merkið hefur aukið vinsældir sínar utan Danmerkur og það var aðdáunarvert að sjá virðinguna sem það hefur frá erlendum blaðamönnum, sætisfélugum mínum í CPHFW rútunni sem ferjaði okkur á milli sýninga.
Ég elska að merkið sé selt á Íslandi og hlakka til að sjá hvað Geysir pantar inn fyrir haustið.
Þetta eru mín uppáhalds lúkk –
Línuna í heild sinni getið þið skoðað: HÉR
Ditte Reffstrup, creative director, hafði þetta að segja um línuna við blaðamann Vogue:
“I was in New York shortly after the election and I was feeling very depressed. It was a sad time even for me who is not from there—I wanted to make my Fall collection all about love.”
sem segir okkur að tíska og pólitík er alltaf að tengjast meira með árunum.
Og eitt enn. Þetta hár !!
Fegurð.
//
One of my favorites on the Fashion Week in Copenhagen was definitely Ganni. The collection was all about LOVE and I loved it!
You can see my favorite looks above and you will find the whole collection HERE.
xx,-EG-.
Elísabet Gunnars á Facebook – HÉR & Trendnet á Facebook – HÉR
Á næst síðustu sýningu tískudagsins í Kaupmannahöfn (þær voru alls 10 !) stóð ég baksviðs hjá HAN Kjøbenhavn og smellti í sjálfu. Eitthvað sem ég hafði ekki hugsað út í fyrr en þarna, orðin þreytt og þrútin og fötin orðin krumpuð ;)
Myndavél: Canon G7X / Nýjerji
Blazer: H&M Trend, Skyrta: Lindex, Harness: Darkmood, Buxur: Oroblu ofnot, Kápa á hendinni: Norse Projects, Taupoki: Team Trendnet, Skór: Won Hundred
Rétt áður en ljósin voru slökkt. Ciao …
Nú sit ég á gráum sunnudegi og fletti í gegnum myndir frá deginum – flestar eru af fasjón fólki, tískupöllum og innblæstri fyrir næsta haust. Það er kominn tími á mitt “best of” frá dönsku tískuvikunni. Stay tuned.
xx,-EG-.
//
I was wearing casual clothes (with a twist) on my long fashion day in CPH – I went to 10 shows. The pictures above were taken backstage at HAN Kjøbenhavn. The shirt is new from Lindex and my accessory is a favorite from icelandic designer Hildur Sumarliðadóttir, Darkmood.
Elísabet Gunnars á Facebook – HÉR & Trendnet á Facebook – HÉR
Þegar Glamour spurði mig út í heitasta götutískutrendið í Kaupmannahöfn var ég ekki lengi að hugsa mig um. Hettupeysur eru svo sannarlega málið miðað við hvernig fólk klæddi sig á fremstu bekkjum tískuvikunnar. Þetta er flík sem hefur verið áberandi uppá síðkastið en heldur velli áfram miðað við það sem pallarnir sýndu. Það gleður mig að sjá að Andrea Röfn virðist vera sammála mér, en hún var hinn álitsgjafinn í þessari föstudags grein.
Hettupeysan hefur verið áberandi undanfarið og miðað við götustílinn á tískuvikunni þá virðist þetta trend vera að ná hámarki. Smekklegir gestir klæddu peysurnar upp og niður, á mismunandi hátt og við mismunandi ólíkar flíkur sem var mjög áhugavert að sjá. Það verða hettupeysur undir allt núna og fram á vor og árfam inní haustið.
Glamour asked me about the most prominent street style trend at Copenhagen Fashion Week. I said hoodies. Everyone was wearing it and I love it. Now I am wearing mine from Bob Reykjavik – Check it out: HERE
xx,-EG.-
Elísabet Gunnars á Facebook – HÉR & Trendnet á Facebook – HÉR
Ég ákvað að skella mér einn dag á sýningar hinu megin við landamærin og sé ekki eftir því. Hæ héðan frá tískuvikunni í Kaupmannahöfn.
Dagurinn var mikil keyrsla en ég var í beinni á mínu Instagram story (@elgunnars) og með takeover á @glamouriceland. Sjáumst þar! .. þangað til að ég sýni ykkur ítarlegar frá deginum mjög fljótlega.
Tískuhjartað er sátt með sitt að sinni. Danirnir kunna þetta!
//
Hi – from Copenhagen Fashion Week. I decided to visit the city for one day. I was active on my Instagram account (@elgunnars) and had a takeover on Glamour Iceland (@glamouriceland). So, check me out there!
My fashion heart is warm after a good day!
xx,-EG-.
Elísabet Gunnars á Facebook – HÉR & Trendnet á Facebook – HÉR
Hæ ég heiti Elísabet og er SKAM sjúklingur. Já, loksins er ég með á nótunum.
Ég er ein af þeim sem gef mér aldrei tíma til að horfa á sjónvarpsþætti EN ég gaf undan og prufaði SKAM. Jahérna hvað ég er húkt!
Þessa dagana stendur tískuvikan yfir í Stokkhólmi og ég fylgist með að heiman. SKAM stjörnurnar eru á allra vörum og það þótti aldeilis fréttnæmt að William vinur okkar var auðvitað kominn á fremsta bekk. Honum var auðvitað bara flogið yfir landamærin fyrir þetta tilefni en sænskir hönnuðir voru sammála um að það væri málið til að koma merkjum sínum enn frekar á kortið. Líklega rétt!
Til hamingju með daginn ykkar kæru bændur. Er ekki við hæfi að kíkja aðeins á mitt uppáhald í herratískunni í Frakklandi á þessum ágæta degi.
Töskurnar voru mitt uppáhald úr línunni.
Herratískuvikan í Parísarborg stendur nú yfir. Louis Vuitton sýndi vetrarlínu næsta árs með óhefðbundnu sniði þegar hátískuhúsið sýndi samstarf sitt við Supreme. Samstarfið fór eins og eldur í sinu um samskiptamiðla þar sem ég rakst á það og var bara nokkuð hrifin. Sigríðurr sagði ykkur meira hér í gækvöldi. Hlakka til að sjá hvort þetta sé eitthvað sem tískuhúsið mun halda áfram með næstu árin. Vel gert Kim Jones!
En það var ekki bara sýningin sem slík sem heillaði mig. Eins og svo oft áður pæli ég einnig í gestum og gangandi og það má segja að fremsti bekkur hafi verið ansi vel setinn með David Beckham og Kate Moss sem sessunauta – þau stálu athygli minni.
David klæddist LV peysu úr vetrarlínu merkisins og LV skóm – afslappað lúkk í anda sýningarinnar.
Sjá þessi tvö … 40+ og fabulous með meiru.
HÉRmá sjá línuna í heild sinni. Allt öðruvísi stílisering en við erum vön að sjá hjá franska tískuhúsinu.
//
The french Louis Vuitton made a bold move with their collaboration with the street style brand Supreme. It was all over social media and I think that was the goal – well done! I really like it and look forward to see if we will see more of this from LV.
But that didn’t steel my attention – the front row did. David Beckham and Kate Moss next to each other, two of my favorites. Over 40 years old and so fabulous.
xx,-EG-.
Elísabet Gunnars á Facebook – HÉR & Trendnet á Facebook – HÉR
Ég vaknaði upp við ansi ótrúlegar tískufréttir þennan daginn. Crocs komnir á tískupallana (!) hjá sjálfum Christopher Kane (!!) .. ég sá þetta alls ekki fyrir.
Herra Kane fer sínar leiðir og á pottþétt eftir að sannfæra einhverja um ágæti skóna. Ég þarf aðeins að ná mér niður áður en ég fer að mynda mér skoðun á þessu.
Christopher Kane SS17
Svo skreytum við þá með steinum. Já já, ég veit ekki.
Hingað til hef ég átt mjög erfitt með þessa vinsælu hönnun. En það virðist sem tískan komi manni sífellt á óvart? Allavega miðað við þetta.
Tískuhúsin virðast leggja áherslu á að reyna að sjokkera smá markaðinn í von um mikla umfjöllun. Það virkaði vel hjá Kane í þetta skiptið. Ég er viss um að Crocs sjáist á götunum næsta sumar. Þó ég hafi litla trú á að mínar tásur rati í par þá er jákvæðasti punkturinn sá að ég hef heyrt að þeir séu mjög þægilegir.
//
I do not have many words about this shocking fashion news that I woke up to this morning (!) The models at Christopher Kane walked the catwalk wearing Crocs. I need to calm down before I tell you my thoughts on this. Will people be wearing Crocs next summer? I did not see this one coming …
xx,-EG-.
Elísabet Gunnars á Facebook – HÉR & Trendnet á Facebook – HÉR
