JÓLAGJAFALISTINN MINN:

HUGMYNDIRLISTIÓSKALISTINNTÍSKAUPPÁHALDSWANT

Þar sem í dag er fyrsti í aðventu er nú tilvalið að deila með ykkur jólagjafalistanum mínum en nú fer að styttast í skemmtilegasta tíma ársins & þar að leiðandi deili ég með ykkur mínum árlegum desember færslum eins &; jólagjafalistann fyrir hann/hana, leitin af jólakjólnum/áramótakjólnum, Kim K flottustu look yfir árið & margt fleira! Listinn í ár er í aðeins dýrari kantinum en þar má finna vörur frá GUCCI, LOUIS VUITTON, BALENCIAGA & fleira. Hlakka til að deila fleiri hugmyndum að jólagjöfum með ykkur!

Í kvöld dreg ég úr jólagjafaleiknum á Instagraminu mínu – ert þú ekki örugglega búin að taka þátt?


English version
Since it is December 3 today I want to share with you guys my Christmas wish list. I am really excited for Christmas & I would say that this is the best time of the year – it is just such a wonderful time & I am so excited to go home & see everybody & just spent good quality time with my family & friends. Every year in December I share with you guys; Christmas wish list list for him/her, Christmas/New Year’s Eve dress ideas, Kim K best outfit looks over the year & more! This years Christmas wish list is bit  expensive but on the wish list there are products from GUCCI, LOUIS VUITTON, BALENCIAGA  & more. I really look forward to share with you guys more Christmas wish lists!

Tonight I will announce the winner of my Christmas giveaway – have you already participated? 

x

Louis Vuitton – POCHETTE METIS 

Þessi taska er búin að vera á óskalistanum lengiiii (sjá færslu) enda er hún alveg æðisleg!/ This bag from Louis Vuitton has been on my wish list for a loooong time – I love it!

Louis Vuitton – ESSENTIAL V BRACELET

Það er stutt síðan ég féll fyrir þessu geggjaða armbandi frá Louis Vuitton – en það er bara eitthvað við það sem heillar mig/ I just recently fell for this beautiful bracelet from Louis Vuitton – it looks so good!

DOUBLE G WITH PEARLS KEY RING frá GUCCI

Þessi geggjaða lyklakippa myndi sko lífga upp á lyklana – en gullið & perlunar passa svo einstaklega vel saman/ This keychain looks so good – the gold & pearls fit so well together!

GUCCI BLOOM EAU DE PARFUM

Ég er alltaf að verða meira & meira hrifnari af þessari nýju lykt frá GUCCI & svo eru umbúðirnar ekki í verri kantinum/ This new perfume from GUCCI is getting better & better everytime I smell it & the packaging of this product is something that I would not throw away!

PRO FILTR SOFT MATTE LONGWEAR FOUNDATION frá FENTY BEAUTY BY RIHANNA 

Ég hef heyrt ótrúlega góða hluti um þennan farða en þessi lína er eftir Rihönnu sem er algjör plús/ I have heard so many good things about this foundation from Fenty Beauty but this collection is made with Rihanna which is a plus!

OFF-WHITE INDUSTRIAL BELT IN WHITE 

Ég er orðin virkilega hrifin af stuffinu sem Virgil Abloh er að gefa frá sér & þ. á m. þetta geggjaða belti/ I really like the stuff that Virgil Ablo is designing for example this gorgeous belt!

BALENCIAGA – FUR STOLE 

Balenciaga er að gera góða hluti núna en þessi geggjaði trefill er á óskalistanum í ár/ Balenciaga is doing really well right now & this scarf looks amazing!

YEEZY BOOST 350 V2 BLUE TINT 

Ég á tvö pör en þau eru bæði svört & finnst mér vanta eitt par í ljósum lit en þessir droppa í desember/I have two pairs but they are both black & I really want one in a lighter color, the Blue Tint drops in December!

CHANEL 3 – BOOK SLIPCASE 

Áhugasöm bók til að bæði lesa, skoða & einnig mjög falleg sem skraut/ This book is both interesting to read & to look at!

HELGAR DRESS:

HUGMYNDIRINNBLÁSTURTÍSKA

Nú fer að styttast í helgina & þar af leiðandi deili ég með ykkur fallegum helgar dressum! Góða helgi!

Now that the weekend is just round the corner & I want to share with you guys these beautiful outfits for this weekend! Have a nice weekend!

x

Kjóll/Dress: Alexander Wang
Skór/Shoes: Balenciaga
Veski/Pouch: Balenciaga
Armband/Bracelet: Chanel
Ilmvatn/Perfume: Chanel

Kjóll/Dress: Fleur Du Mal
Jakki/Jacket: Jeremy Scott

Skór/Shoes: MM6 Maison Margiela
Veski/Pouch: ChanelBolur/T-shirt: Givenchy
Buxur/Pants: Levi´s
Skór/Shoes: Barneys New York

Veski/Bag: Gucci

Toppur/Top: H&M
Buxur/Pants: Zeynep Arcay
Jakki/Jacket: Weekday
Belti/Belt: Off-White

Skór/Shoes: Balenciaga
Veski/Bag: Off-White

My Travel Essentials

HárvörurLaugar SpaLífiðSnyrtivörurÚtlit

Í tilefni þess að sumarið er komið og mikið af ferðalögum framundan ákvað ég að taka saman mínar “travel essentials” – eða þær andlits-, húð- og hárvörur sem ég nota mest og tek alltaf með mér þegar ég ferðast og þá sérstaklega í sólarlöndum.

Ég fór til Hawaii um páskana og tók þar myndir af því sem ég tók með mér en ég ferðast mjög mikið, bæði í frí og vegna vinnu, en þessar vörur er ég með í snyrtitösku sem á “heima” í ferðatöskunni.

Við vorum á æðislegu hóteli á Hawaii þar sem þjónustan var framúrskarandi. Ég er algjör snyrtipinni og mjög skipulögð og var því virkilega ánægð með room service á hótelinu sem raðaði öllum snyrtivörunum mínum svona líka vel upp – alla daga!

xx

Andlit

Chanel Vitalumiére Loose Powder: Þetta lausa púður frá Chanel keypti ég mér í fyrsta skipti fyrir rúmlega ári og hef notað alla daga síðan. Ég nota venjulega ekki hyljara en skelli alltaf smá af púðrinu undir augun og á t-svæðið með burstanum sem fylgir með og ég sver það, þetta púður virkar einsog “real-life photoshop”. Áferðin er létt og falleg og þurrkar ekki upp húðina. Púðrið er með SPF 15 sólarvörn. (Ég nota púðrið venjulega í lit 020 undir augun en á lit 010 ef ég er mjög hvít og 040 ef ég set yfir allt andlitið)

Guerlain Terracotta Sun Serum: Ég er svo heppin að eiga frænku sem er förðunarmeistari og er dugleg að kynna mig fyrir spennandi vörum og gefa mér prufur. Ég fékk sun serum tan booster dropana að gjöf áður en ég fór út en þeir eru ætlaðir til þess að virkja og viðhalda melanin (brúnku) framleiðslu húðarinnar þegar maður er í sól auk þess að vera mjög rakagefandi. Ég byrjaði að nota dropana á Hawaii og blandaði saman við andlitskremið mitt en frænka mín mældi líka með að blanda þeim út í bodylotion þar sem það má einnig nota serumið á líkamann.

Guerlain Météorities Baby Glow & Sensai Bronzing Gel: Vinkona mín kynnti mig fyrir þessari blöndu nýlega og hef ég ekki notað annað á andlitið síðan. Baby Glow er mjög léttur fljótandi farði sem hentar mér mjög vel þar sem ég vil ekki mikla þekju og fýla betur að húðin sé létt og glóandi eða “no makeup-makeup” look. Ég blanda brozing gelinu svo út í en þá verður áferðin ennþá léttari. Þetta hentaði vel úti þar sem Baby Glow er með SPF 25 sólarvörn.

MAC Fix+: Það kannast held ég flestir við Fix+ andlitsspreyið en þessa týpu keypti ég nýlega. Ég held að þetta sé special edition en spreyið er með kókoslykt – fáránlega frískandi og passaði fullkomlega á Hawaii.

Laugar Spa FACE Day&Night Cream & Facial Gel Cleanser: Ég nota nánast eingöngu Laugar Spa húðvörurnar – bæði vegna þess að mér finnst þær dásamlegar, eru lífrænar, náttúrulegar, handunnar og cruelty free EN einnig vegna þess að elsku mamma mín hannaði og þróaði vörulínuna. Ég hef mikið fengið að vera með í því ferli og erum við alltaf að prófa nýja og spennandi hluti til að bæta við línuna. Þegar ég ferðast tek ég oft meira af vörunum með mér en í þessu ferðalagi lét ég þessar tvær duga. Andlitskremið nota ég kvölds og morgna alla daga og svo hreinsa ég húðina alltaf með gelhreinsinum á kvöldið, hvort sem ég er máluð eða ekki. Gelhreinsirinn inniheldur lemongrass sem er virkilega frískandi. Venjulega er ég líka með serumið frá Laugar Spa en ákvað að geyma það heima þar sem ég tók Sun Serumið með mér.

xx

Hár

Vörurnar fékk ég að gjöf frá Moroccan Oil og Maria Nila á Íslandi.

Moroccan Oil Luminous Hairspray: Ég byrjaði að nota hárspreyið frá Moroccan Oil fyrir tveimur árum og hef ekki snert annað síðan. Það gerir hárið ekki of glansandi eða stíft og lyktin er dásamleg. Upphaflega notaði ég það bara fyrir greiðslur eða þegar ég var að fljúga en núna nota ég það nánast daglega, t.d. alltaf til að festa “babyhárin” þegar ég er með tagl eða snúð.

Moroccan Oil Dry Shampoo: Þurrsjampó er minn besti vinur þar sem ég æfi nánast alla daga og vil ekki þvo hárið of oft í viku. Ég hef sömu sögu að segja af Moroccan Oil þurrsjampóinu en eftir að ég prófaði það hef ég ekki notað annað. Sama dásamlega lyktin af því og öðrum vörum MO og svo er það ótrúlega létt og gerir hárið ekki stíft eða þykkt. Light tones útgáfan er með fjólubláum blæ sem lýsir rótina og losar hárið við gulan tón sem á það oft til að myndast í ljósu hári – þá sérstaklega í sól.

Moroccan Oil Dry Texture Spray: Þessi vara kom í fyrra og hún gefur hárinu stífleika og þykka áferð sem hentar vel fyrir snúða, flugfreyjugreiðsluna og bara til að gefa hárinu meiri fyllingu þegar þess er óskað. Lyktin er sú sama og áferðin er mjög þægileg og gerir hárið auðvelt meðferðar.

Moroccan Oil Treatment LightÞetta er klassíska argan olían en hana set ég alltaf í hárið eftir sturtu og hef gert í mörg ár. Ég nota light útgáfuna.

Maria Nila True Soft Shampoo&Conditioner: Ég hef verið að nota Maria Nila sjampó og næringu í rúmlega hálft ár og þá aðallega Silver línuna sem er ætluð fyrir ljóst hár til að næra það og losa við gula tóna. Hárið mitt hefur held ég aldrei verið betra og henta þessar vörur mér mjög vel en þegar ég var að fara út mældu þau í Maria Nila með því að ég notaði True Soft á meðan ég væri úti þar sem hárið þyrfti extra mikinn raka í sólinni.

xx

Húð

Vörurnar fékk ég að gjöf frá Moroccan Oil á Íslandi og Hawaiian Tropic á Íslandi

Hawaiian Tropic: Það er nauðsynlegt að verja húðina vel þegar ferðast er til sólarlanda en ég fékk ýmsar sólarvarnir frá Hawaiian Tropic áður en ég fór út. Mér finnst lyktin af Hawaiian Tropic vörunum alltaf jafn góð en ég notaði þessar tvær vörur mest. Satin Protection með SPF 30 á líkamann en áferðin á kreminu er mjög þægileg og auðvelt að dreifa úr því auk þess sem það er með smá “shimmer” sem gefur fallegan gljáa. Ég bar svo alltaf á mig Face Hydration yfir andlitskremið mitt og undir farða ef ég málaði mig.

Moroccan Oil Sun: Þegar þau hjá Moroccan Oil vissu að ég væri að fara út voru þau svo yndisleg að gefa mér þessar prufur úr Sun línunni. Vörurnar eru ekki enn komnar í sölu en ég vona svo sannarlega að þær geri það fljótlega! Sólarolían er létt og þægileg, klístrast ekki og er með smá “shimmer” í. Ég notaði hana meira yfir daginn eftir að hafa sett sterkari vörn á mig til að viðhalda vörn og raka. After-Sun mjólkina bar ég svo á mig alla daga eftir sturtuna en hún er í spreyformi og því ótrúlega auðvelt að skella henni á allan líkamann og dreifa úr. Lyktin af báðum vörunum er sjúúúklega góð!

xx

Birgitta Líf
instagram: @birgittalif
snapchat: birgittalif

Trend: Rauðar neglur

FallegtFW15neglurStíllTrend

Mér hefur alltaf fundist rauðar neglur alveg sérstaklega heillandi, það er eitthvað sem er svo svakalega elegant og kvenlegt við þær og fágða. Ég sjálf á reyndar alveg svakalega erfitt með að vera með rauðar neglur, ég veit ekki alveg hvað það er mér finnst það stundum ekki fara mér kannski. Sem er skrítið þar sem ég elska að sjá aðrar konum með fallega rauða liti á nöglunum og sérstakaklega svona hárauða liti.

Sjálf hef ég tekið eftir því að rauðar neglur eru að verða meira og meira áberandi og ég spái því rauðum nöglum sem einu af naglatrendum haustsins og vetrarins framundan. Eins og þið sjáið hér fyrir neðan þá eru rauðar neglur alveg fullkominn fylgihlutur við hvaða dress sem er og möguleikarnir eru endalausir….!

4691a3516ec9d46973d80cce7cbab3a0

Ég tók saman myndir af nokkrum fallegum rauðum naglalökkum sem gætu eflaust heillað einhverjar ykkar.

rauðarneglur

Frá Dior: Rouge nr. 999 og Massai nr. 853.
Frá essie: Really Red, Bordeaux og niðri sjáið þið Shearling Darling.
Frá Maybelline: Color Show Power Red og Color Show Candy Apple.
Frá OPI: Gimme a Lido Kiss og Amore at the Grand Canal.
Frá Chanel: Ecorce Sanguine nr. 671 og Chataigne nr. 669 – báðir úr haustlínu Chanel.

Nú þarf ég bara að fara að æfa mig að vera með rauðar neglur og bara alls ekki vera hrædd við það. Ég held ég byrji á dökku litunum og færi mig svo smám saman yfir í þessa hárauðu – held það góð lausn!

EH

Ilmvatnsglös með sögu og sjarma

ChanelIlmirInnblásturLífið Mitt

Ég er óttalegur kjáni stundum og fólk getur alveg ranghvolft augunum þegar ég fer að ræða um ilmvötn. En ef það eru einhverjar vörur í snyrtivöruheiminum sem vekja hjá mér gæsahúð þá eru það ilmvötn og þá sérstaklega þessi sögufrægu sem hafa tekið þátt í því að móta heim ilmvatna og veita ilmvatnsgerðarmönnum um allan heim innblástur í sínu starfi.

Síðustu ár hef ég byrjað að safna sögufrægum ilmvatnsglösum sem ég nýti meira sem skraut fyrir heimilið en beint kannski sem ilmvötnin mín þó mér finnist líka gaman að nota þau af og til – þegar ég er í þannig fíling.

Mig langaði að deila með ykkur tveimur sérstaklega frægum…

ilmvatnsglös

Hér sjáið þið tvö af mínum allra uppáhalds glösum – bæði frá Chanel og þau standa hlið við hlið uppí hillu með kössunum og poka frá þessu sögufræga merki. Ilmirnir tveir eru meðal þeirra þekktustu um heim allan og annar þeirra hefur veitt ilmvatnsgerðarmönnum innblástur í fleiri áratugi!

ilmvatnsglös3

Coco Mademoiselle

Þessi er algjörlega æðislegur, ilmurinn sjálfur heillar mig uppúr skónnum en Coco Mademoiselle er einn af vinsælustu ilmunum frá Chanel hér á Íslandi. Nýlega var einmitt auglýsingaherferð hér á Íslandi fyrir ilminn m.a. á strætóskýlum – ég veit ekki hvað það er en ég elska að sjá svona flottar tísku auglýsingar á strætóskýlunum okkar. Það er Keira Knightley sem er andlit ilmsins en hún er í mínum huga og margra annarra hin einstaka Coco Mademoiselle.

Ilmurinn kom fyrst á markaðinn árið 2001 og er hannaður af Jacques Polge sem hefur unnið fyrir merkið frá árinu 1978. Ilmurinn er allt öðruvísi en t.d. sá klassíski N°5 og sjálf er ég hrifnari af þessum en þetta er virkilega ljúfur blómailmur sem einkennist af Jasmín og Maí Rós og ilmirnir af þeim blómm verða ríkari með Florentine Iris.

ilmvatnsglös2

Chanel N°5 eau premiére

Hér er auðvitað um að ræða eitt allra frægasta ilmvatn í heiminum. Mörgum þykir þessi ilmur of þungur og of gamaldags – mér finnst hann einstakur, yndislegur og alveg fullkominn. Þegar ég finn þefinn af honum sé ég Coco sjálfa fyrir mér að starfa með ilmvatnsgerðarmanni sínum að velja á milli hugmynda hans og velja að lokum sýnishorn nr. 5. Þetta er reyndar ekki klassíska útgáfan sjálf heldur Eau Premiére útgáfan sem kom út árið 2007 sem á að vera nýstárlegri útgáfa af ilminum upphaflega. Ilmirnir eru alls ekki ólíkir – eau Premiére heldur í allt það einstaka frá þeim upphaflega og fyrir stuttu kom hann í glasi þar sem búið var að breyta því aðeins svo það yrði líkara því upprunalega. Glasið var öðruvísi og fimman var ekki sýnileg. Mér finnst persónulega þetta miklu flottara. Andlit Chanel no°5 er Gisele Bundchen.

Ilmurinn er sem áður segir eins uppbyggður og sá upprunalegri, nema hann er léttari, ljúfari og mýkri og ef til vill hentar hann betur til daglegrar notkunar en sá allra fyrsti.

ilmvatnsglös4

Mig vantar samt alveg svakalega glas af Chanel no°5 eau de Parfum – þeim allra fyrsta – safnið verður aldrei fullkomnað án hans :)

EH

Vörurnar sem ég skrifa um hér fékk ég sendar sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit. 

Rakabomburnar mínar

BiothermChanelDiorÉg Mæli MeðHúðLífið MittlorealNýtt í snyrtibuddunni minniSnyrtivörur

Loksins, loksins, Reykjavík Makeup Journal er farið í prentun og ég er komin með fæturnar niður á jörðina og ég er bara alveg svakalega spennt fyrir útkomu blaðsins sem er í næstu viku :)

En blaðið einkennist af sumri, hlýju og brúðkaupum og ég lagði áherslu á að koma með góð ráð til að næra húðina í sól og hita hvort sem það er hér á Íslandi eða á strönd á Spáni. Það er þó um að gera að draga fram það besta í húðinni fyrir sumarið, náttúrulega glóð hennar og fyllingu og það finnst mér allaf best gert með nokkrum drjúgum rakabombum. Mig langaði að deila með ykkur mínum uppáhalds þessa stundina sem eru fullkomnar fyrir sumarið – þessar losa burt gráa og leiðnlega þreytutóna í húðinni og fylla hana af raka og ljóma!

rakabombur

1. Hydra Beauty Serum frá Chanel: Ég féll fyrir þessu serumi um leið og ég prófaði það fyrst. Í fyrsta lagi eru umbúðirnar alveg ótrúlega fallegar og glasið er glæsilegt uppá snyrtiborði. Í öðru lagi þá finnst mér eins og ég fái bara sannarlega rakabomdu í kerfið hjá mér þegar ég ber þetta á húðina. Formúlan er rík af Camellia Micro-Doplets sem er rakamikið efni sem gefur húðinni mikinn raka og fyllingu.

2. Skin Perfection Eye Cream frá L’Oreal: Ég er fyrir löngu síðan farin að nota augnkrem, ég gæti bara ekki lifað án þeirra inní húðrútínunni minni en að mínu mati eru þetta vörurnar sem vekja það mikilvægasta en það er augnsvæðið – það gefur alltaf upp hvort við séum þreyttar eða ekki. Þetta krem er bara einfalt, algjörlega stútfullt af raka og næringarríkt svo húðin verður svo áferðafalleg og ljómandi. Dökkir baugar og þroti hverfur algjörlega, hér er engin beint virkni en bara mikill raki og mikill ljómi. Augnkrem er síðast í rútínunni minni ég set fyrst serum, svo rakakrem og svo augnkrem.

3. Skin Perfection Anti Tiredness Cream L’Oreal: Þreytubaninn, maður verður sko að eiga einn svona. Hér er á ferðinni ljómandi fallegt litað dagkrem sem er þó ekki beint litað. Það er litlaust en þegar það kemst í snertingu við húðina springa út léttar ljómandi litagnir sem blandast fallega saman við húðina og gerir áferð hennar jafna, ljómandi og náttúrulega. Þetta er t.d. mjög flott eitt og sér í sumar eða sem grunnur undir aðra farða. Passið þetta er ekki primer og ég myndi í raun notað það fyrst, svo primer – til að tryggja það að húðin mín fái raka frá kreminu en primer lokar yfirleitt á það t.d. eins og með farða svo þeir endist betur. Svo ef ég set primer á eftir þessu kremi tryggi ég það að húðin mín fái fullt af raka yfir allan daginn án þess að hún drekki í sig raka úr farðanum mínum.

4. Hydra Beauty Hydration Protection Radiance Mask frá Chanel: Uppáhalds rakamaskinn síðan ég prófaði hann fyrst, það sem ég elska við þennan er hversu léttur hann er svo ef mig vantar t.d. bara rakabúst fyrir húðina þá set ég bara þunnt lag af þessum á húðina fyrir nóttina og leyfi honum bara að vera á. Mér finnst þó best að nota fyrst góðan skrúbb eða hreinsimaska og setja þennan svo á. Hydra Beauty línan frá Chanel er alveg dásamleg en nýjasta varan í snyrtibuddunni frá merkinu er einmitt varanæring úr þessari línu sem ég hlakka til að prófa betur og segja ykkur frá;)

5. Hydra Life Sérum Sorbet frá Dior: Nýjasta varan í snyrtirútínunni minni, þetta er líka alveg nýtt rakaserum inní úrvalið hjá Dior. Ég er búin að vera að nota það í svona viku svo ég get kannski ekki beint sagt nákvæmlega hvað mér finnst eða hver árangurinn er en mér líst svakalega vel á þessa vöru so far. Það er alveg svakalega frískandi að bera þetta á húðina á morgnanna en það er svona létt og köld tilfinning sem húðin fær. Formúla serumsins leitast við að örva rakastig húðarinnar og framleiðslu hennar á náttúrulegum raka.

6. Aquasource rakagel frá Biotherm: Þetta er eitt það allra klassískasta frá Biotherm. Ég kann vel við svona rakagel því þau eru svo kælandi og fara mjög hratt inní húðina. Mér finnst þau alltaf gefa húðinni minni svo ofboðslega frískandi og góðan raka. Ég veit fátt betra en góð kælandi gel á sumrin fyrir húðina – þetta er líka eitt það allra besta til að setja á sig fyrir förðun því gelið er svo þunnt og það fer allt inní húðina og skilur eftir sig slétt og fallegt yfirborð.

7. Hydra Life Créme Sorbet Pro-Jeunesse frá Dior: Eins og serumið er hér um frekar nýlega vöru að ræða, en kremið er ekki alveg nýtt heldur er bara búið að betrumbæta formúlu þess. Ég nota þetta þessa dagana á eftir seruminu og formúla kremsins er alveg svakalega mjúk og þægileg fyrir húðina, kremið er svakalega drjúgt og mér líður svo vel í húðinni eftir að ég hef borið það á mig. Sem manneskja með þurra húð hef ég alltaf verið hrifin af Hydra Life vörunum frá Dior og þessi flotta nýja tvenna er frábær viðbót.

8. Aquasource Cocoon frá Biotherm: Eins og hér fyrir ofan þá er þetta gel sem gefur bara samstundis góðan og jafnan raka. Aðalmunurinn er þó sá að þetta er fyrir þurra húð en hitt fyrir normal/blandaða. Hitt finnst mér mjög basic og gott en þegar ég þarf meiri næringu þá finnst mér frábært að grípa í Cocoon kremið. Gott að hafa það á hreinu að grænt er fyrir normal/blandaða og bleikt fyrir þurra/viðkvæma.

Allt sannarlega frábærir rakagjafar sem henta konum á öllum aldri og öllum húðtýpum – hér ættuð þið allar að geta fundið næringu við ykkar hæfi ég passaði sérstaklega uppá það ;)

En að lokum langar mig að segja frá þeim heppna sem fær dásamlega fallega sumarstellið frá Múmín! Ég dró algjörlega af handahófi…

Screen Shot 2015-05-20 at 2.02.33 PM

Innilega til hamingju Saga! Snabbinn þinn tryggði þér þetta fallega sett fyrir sumarið – sendu mér línu á ernahrund(hjá)trendnet.is svo ég geti sagt þér hvar þú getur nálgast vinninginn.

Sumarkveðjur!

EH

Vörurnar sem ég skrifa um hér keypti ég eða fékk senda sem sýnishorn. Það hefur þó engin áhrif á álit mitt á vörunum og eins og alltaf veiti ég hreinskilið álit

Bjartar og fallegar varir með Chanel

ChanelÉg Mæli MeðFallegtNýjungar í SnyrtivöruheiminumNýtt í snyrtibuddunni minniSS15Varir

Ég er búin að fá þónokkrar fyrirspurnir um skemmtilega varaliti frá Chanel sem ég er búin að lauma inní nokkrar færslur með loforði um að segja betur frá þeim í sér færslu – nú er loksins komið að því!

chanelrouge2

 

Varalitirnir eru af tegundinni Rouge Coco og hér er á ferðinni glæný formúla af varalitum sem hafa verið vinsælir í gegnum tíðina hjá merkinu. Litirnir í línunni eru fjölmargir, örfáir klassískir litir sem hafa verið til áður en auk þess fullt af æðislegum glænýjum litum sem heilla. Formúlan hefur verið betrumbætt á þann hátt að hún er mýkri, næringarmeiri og með meiri glans – varalitirnir renna mjúklega þvert yfir varirnar áfallalaust og áferðin er silkimjúk og fullkomlega jöfn!

Eins og áður er það hin yndislega fallega Keira Knightley sem er andlit varalitanna en leikkonan fallega situr fyrir í svakalega flottum auglýsingum á vegum merkisins sem hafa verið áberandi hér á Íslandi síðustu vikur en þær voru staðsettar í strætóskýlum víðs vegar um Reykjavík fyrir stuttu. Ég veit ekki með ykkur en það að hafa svona fallegar hátískuauglýsingar á víð og dreif um borgina gerði það að verkum að mér leið miklu meira eins og ég ætti heima í hátískuborg á borð við London eða París – fleiri mættu taka sér Chanel til fyrirmyndar með þessa auglýsingaleið – ég er alla vega að fýla þetta í botn!

Ég fékk sýnishorn af fjórum litum sem mig langar að sýna ykkur betur. Tvo þeirra hafið þið nú þegar fengið að sjá í öðrum færslum þar á meðal dressfærslum en nú fá þeir að vera aðalhlutverkið!

Línan er skemmtilega sett upp en litunum er skipt upp í 5 flokka og hver litur ber nafnið á einstakling sem snerti líf hinnar einstöku Coco Chanel.

  • Rauðu litirnir eru hádramatískir og nefndir í höfuð elskenda Coco.
  • Nude litirnir eru óður til fjölskyldumeðlima Coco, þar er innblásturinn að þetta séu litir sem virka alltaf, passa við allt og maður getur alltaf treyst á þá.
  • Bleiku litirnir eru nefndir í höfuð vina Coco.
  • Kóral og orange tónar heita í höfuðið á einstaklingum sem veittu Coco innblástur á sinni ævi.
  • Dökku plómulitirnir eru nefndir í höfuðið á listamönnum sem snertu líf Coco.

Hér fyrir neðan sjáið þið svo litina sem ég fékk að prófa og smá um hvern og einn þeirra.

chanelrouge3

Edith nr. 424

Þessi dama er búin að vera í mjög mikilli notkun hjá mér. Liturinn þykir mér sannarlega fullkominn það er eitthvað við þennan lit sem heillar mig uppúr skónnum. Ég er búin að nota hann við hin ýmsu tækifæri og mér finnst hann bara svo bjartur og heillandi!

chanelrouge4

Arthur nr. 440

Þessi fallegi og bjarti rauði litur er ein af stjörnum línunnar en Keira er m.a. með hann á einni af myndunum úr auglýsingaherferðinni. Liturinn er svo sannarlega hátíðlegur og fangar athygli allra í kringum hann. Þetta er ekki svona típískur rauður tónn en hann er alveg tímalaus. Rauður er oft settur fram sem litur ástar og rómantíkur og því er nafnið hans vel við hæfi eins og þið getið lesið um hér fyrir neðan…

„A brilliant English businessman. Seductive and cultured. Mystically inclined. Arthur Capel, also known as ‘Boy’, was the great love of Gabrielle Chanel’s life. In 1913, he and Coco Chanel were drawn to coastal Deauville, France – and Mademoiselle chose the thriving international resort as the site of her first fashion boutique. Boy inspired her, challenged her and captured her heart.“

chanelrouge5

Ina nr. 450

Hér er á ferðinni ofboðslega bjartur og fallegur bleikur litur. Þetta er virkilega skemmtilegur og fjörlegur litur sem kom mér mikið á óvart þegar ég bar hann á varirnar. Þessi er sérstaklega skemmtilegur  hann er svona fullkominn vor- og sumarlitur og glansinn á honum gerir hann ekkert minna fallegan!

chanelrouge6

Catherine nr. 410

Þessi litur er sannarlega skemmtilegur hann er nude en með léttum orange undirtóni svo hann einhvern vegin dregur ekki alveg allt úr manni og passar því flott við létta og náttúrulega förðun. Stundum finnst mér ekki passa að vera með nude varir við þannig förðun því það er eins og það vanti alltaf eitthvað. En orange tónninn fullkomnar varirnar. Þennan hafið þið séð áður hjá mér í dressfærslu réttara sagt í páskadress færslunni. Þetta er einn af þessum litum sem mér finnst að langflestar konur ættu að eiga – fallegur sumarlitur sem fer öllum og sérstaklega sólkysstri húð!

chanelrouge

Litirnir eru ofboðslega léttir og fallegir, maður finnur nánast ekkert fyrir þeim á vörunum sem mér finnst mjög mikil kostur. Liturinn er kannski ekkert svakalega pigmentaður en mér þykir það frekar kostur en galli því pigmentin eru þannig að það er auðvelt að byggja þau upp með nokkrum umferðum. Mér finnst það skemmtilegur eiginleiki því það býður uppá mikið notagildi. Auk þess eru pigmentin björt og falleg og gefa mjög þéttan lit sem dreifist mjög jafnt.

Þetta eru virkilega fallegir varalitir og ég hvet ykkur til að fara og skoða þá og jafnvel fá að prófa. Nýja formúlan er einstaklega rakamikil og falleg og mér finnst þeir gefa mínum þurru vörum virkilega góða og drjúga næringu sem mýkir varirnar og gefur þeim meiri þæginda tilfinningu. Ég mæli alla vega með þeim og þá sérstaklega henni Edith – ég fæ ekki nóg af þessum varalit og mér finnst hann fara mér bara virkilega vel eiginlega best af þessum 4 litum :)

EH

Vörurnar sem ég skrifa um hér fékk ég sendar sem sýnishorn Það hefur þó engin áhrif á álit mitt á vörunum og eins og alltaf veiti ég hreinskilið álit.

Annað dress: páskadress!

Annað DressFashionLífið MittMeðgangaShopVero Moda

Ég hef alltaf kunnað virkilega vel við páskana… þeir einkennast af slökun og rólegheitum og maður nær einhvern vegin að hlaða batteríin svo vel. Þetta er ekki alveg eins og um jólin þar sem það er alltaf eitthvað smá stress sama hvort maður sé búin að öllu snemma.

Við erum búin að hafa það mjög ljúft um páskana, þeir hafa helst einkennst af mikilli samveru, afslöppun, svefni og glápi á bangsann Paddington sem er í uppáhaldi hjá Tinna Snæ.

Það er smá síðan síðasta dressfærsla birtist en hér sjáið þið Páskadagsdressið sjálft sem var fyrst og fremst sett saman með þægindi í huga og klassískar og tímalausar flíkur úr fataskápnum fengu að njóta sín.

páskadress6

Kúlan fína er nú orðin 21 viku gömul og hún er alveg ótrúlega finnst mér. Hún er aldrei eins, einn daginn er hún pínulítil og þann næsta er eins og ég sé komin á steypin! Hér er hún í svona ágætis meðalstærð og svona frekar stór miðað við síðustu daga. Þessi hefur algjörlega sinn eigin vilja og barnið inní henni virðist hafa hann líka því það er sko alls engin regla á hreyfingunum innanborðs.

Nú fer að styttast í að mamman losni við gifsið – vona ég alla vega. En nú hefur tekið við sérstaklega áköf sjúkraþjálfarameðferð en grindin fór sannarlega ekki vel útúr fallinu á svellinu og ég er helst stressuð yfir því þessa dagana að geta ekki unnið jafn lengi og ég vil helst – sem er svona sirka fram að fæðingardeginum… ;)

En þið fáið góða meðgöngufærslu von bráðar, ég er með eina sérstaka í vinnslu sem er svona smá losun á áhyggjum fyrir mig – snúum okkur nú að dressinu og fleiri bumbumyndum!

Skór: Bianco – áttuð þið von á einhverju öðru;) Vegna grindarinnar einkennist skóbúnaður þessa dagana af góðum flatbotna og gæðamiklum skóm. Þessar gersemar komu með nýjustu sendingunni. Ég var búin að sjá þá í auglýsingum fyrir línuna og vonaðist reyndar eftir því að þeir kæmu í hvítu en svörtu eru að sjálfsögðu mjög klassískir. Ég er hrifin af því hvernig er brotið uppá skónna með gatinu og það er auðvitað sérstaklega skemmtilegt þá að vera sokkalaus í þeim eða jafnvel í sokkum í skemmtilegum lit eða jafnvel glimmersokkum. Skórnir eru festir með frönskum rennilás og þeir eru úr ekta leðri að innan og utan sem gerir þá mjög þægilega til að vera í. Einnig finnst mér botninn í þeim svo mjúkur, þeir eru alls ekki harðir sem myndi gjörsamlega gera útaf við grindina mína eins og staðan er núna. Ég finn fyrir miklum stuðningi og get vel mælt með þeim fyrir konur í sömu sporum og ég er nú!

páskadress4

Jakki: YAS frá Vero Moda, ég sat um búðina í Smáralind þegar það var von á þessum í hús. Hann er úr haustlínu YAS merkisins sem er svona fína merkið okkar inní Vero Moda. Ég hef notað hann nógu mikið til að geta sagt að hann hefur sko borgað sig upp á mjög stuttum tíma. Ég dýrka hann útaf lífinu sérstaklega nú þar sem hann passar yfir gifsið. Flott að eiga einn svona til að henda yfir svartan alklæðnað og poppa aðeins uppá heildarlúkkið.

Kjóll: Nicoline frá Vero Moda, ég geri stundum sérstaklega góð kaup og ég gerði það þegar ég keypti þennan fína kjól. Hann er með 3/4 ermum og er úr tveimur mismunandi efnum en í efninu að framan er falleg satín áferð sem gerir hann fínlegan. Ég er búin að eiga minn síðan fyrir jól en hann var að koma aftur í búðirnar og ég mæli eindregið með honum ér er alla vega búin að nota minn það mikið!

Sokkabuxur: All Colors 50 den frá Oroblu. Þessar eru alltaf klassískt val og ég á þær í fjölmörgum litum og ábyggilega hátt í 10 pör í svörtu. Ég tek alltaf stærri stærðina því þær eru lengri, ná vel yfir kúluna núna en annars þá er liturinn alltaf þéttari ef maður tekur þær stærri. Ég þarf einmitt að fara að skoða nýju sumarlitina sem voru að koma og sjá hvort ég þurfi ekki að bæta einhverjum skemmtilegum litum við safnið fyrir sumarið!

páskadress3

Varalitur: Rouge Coco litur nr. 410 Catherine frá Chanel. Ég er búin að vera að prófa mig áfram með nýja og dásamlega fallega varaliti frá Chanel sem voru að koma í sölu hér á Íslandi. Hér sjáið þið litinn í orange tóninum sem ég fékk sendan. Þið fáið betri færslu um þá í vikunni en ég vona að þið hafið nú tekið eftir auglýsingaherferðinni fyrir varalitina hér á Íslandi – mér fannst svo gaman að sjá auglýsingar frá Chanel á strætóskýlum höfuðborgarsvæðisins!

Hálsmen: Vero Moda, það sést reyndar alls ekki nógu vel en þetta eru svartir kristallar í langri keðju. Hálsmenið keypti ég rétt fyrir páska en það er líka til með glærum/hvítum kristöllum og gylltri keðju. Fullkomin og minimalísk hálsfesti finnst mér og fer einhvern vegin með öllu.

páskadress5

Ég vona að þið hafið átt gleðilega páska með ykkar fólki og hafið náð að hlaða batteríin vel fyrir komandi vinnuviku sem er nú í styttri kantinum sem er alltaf ánægjulegt.

Það er svo margt ótrúlega spennandi framundan hjá mér í vikunni og ég er alveg svakalega spennt en ég ætla að segja ykkur betur frá því þegar nær dregur að þessum tveimur viðburðum sem ég er að taka þátt í. Eins ætla ég að kynna smá nýjung á síðunni en mig langar dáldið að breyta aðeins til svona af og til í sumar og fyrir komu næsta erfingja… Er að klára að útfæra þá hugmynd og deili henni með ykkur við fyrsta tækifæri!

EH

Gæsahúð á sunnudegi

Ég Mæli MeðFallegtFashionIlmirInnblástur

Í síðustu viku var ný herferð fyrir Chanel no 5 ilminn frumsýnd. Nýtt andlit ilmsins er fyrirsætan Gisele Bündchen en nýja Chanel mini myndin er leikstýrð af engum öðrum en Baz Luhrmann svo að sjálfsögðu er hún alveg stórkostleg og ég lofa gæsahúð – það var alla vega fyrsta tilfinningin sem ég upplifði….

#theonethatiwant

Ég er alveg sjúk í þessa útgáfu af einu af mínu uppáhalds lagi úr uppáhalds myndinni – The One that I want úr Grease – þið sem þekkið söguna á bakvið það hvernig við Aðalsteinn kynntumst ættuð að fatta tenginguna :) Söngvarinn kallar sig Lo-Fang og ég veit lítið sem ekkert um hann en þessi útgáfa af laginu er búin að vera á repeat hjá mér síðan ég sá auglýsinguna fyrst.

Það er hugsað fyrir hverju einasta smáatriði í auglýsingunni og hún hrífur okkur með sér  í einhvers konar Chanel draumaheim. Mér finnst svo magnað hvað eitt ilmvatn getur skilið eftir sig sterka arfleið en  það hefur einmitt þessi ilmur gert. Það er alltaf allt stórkostlegt í kringum hann.

Á blaðamannafundi sem var haldinn vegna frumsýningar auglýsingarnar sagði Baz ótrúlega fallega hluti um konurnar sem eru í aðalhlutverki þarna – Gisele og Coco – þetta sagði hann um Coco –

„It’s the spirit of Coco Chanel that has continued to influence the house. She’s about paradoxes in character – one minute she’s be in trousers on the beach, the next she’d be in a beautiful frock. That’s what I love most about Chanel – it comes from an actual person and the things that she felt and that were real to her. She really changed fashion.“
– Baz Luhrmann

Ég fæ bara gæsahúð aftur og aftur við að sjá þessa flottu, stuttu stuttmynd eða löngu auglýsingu – horfið endilega á hana :)

EH