BAKVIÐ TJÖLDIN: KONUR ERU KONUM BESTAR

LÍFIÐ

 

Við erum svo þakklátar Aldísi Pálsdóttur fyrir myndirnar sem hún tók af okkur fyrr í vikunni. Aldís er fagmaður fram í fingurgóma og lætur manni líða svo vel fyrir framan vélina. Myndirnar hennar hafa birst í helstu miðlum landsins síðustu daga og auðvitað hér á Trendnet í póstinum þar sem ég sagði frá verkefninu, hér.
Fleiri myndir voru teknar þennan sama dag sem fanga stemninguna á setti á skemmtilegan hátt. Símamyndir í boði Andreu og mín – ykkur er velkomið að vera fluga á vegg með því að fletta niður póstinn.

 

Ég hlakka til að sjá ykkur sem flestar í dag þegar við loksins setjum bolina okkar í sölu. Ég hvet ykkur til að hjálpa til við að dreifa boðskapnum með því að merkja mynd af ykkur á Instagram undir #konurerukonumbestar. Sjáumst klukkan 17:00 á Laugavegi 72 – meira: HÉR
Konur eru konum bestar
– lít­il breyt­ing á setn­ingu en mik­il breyt­ing á hug­ar­fari.

xx,-EG-.

Elísabet Gunnars á Facebook – HÉR
&

Trendnet á Facebook – HÉR

SITGES:

FERÐALÖGLÍFIÐUPPÁHALDS

Síðasta laugardag fór ég til Sitges með fjölskyldunni. Sitges er sirka 30 mín fyrir utan Barcelona – en Sitges er æðislegur bær, hann er lítill & fallegur minnti mig smá á Grikkland. Við fjölskyldan gistum í æðislegir villu sem var “in the hills” í Sitges. Húsið var glæsilegt & var útsýnið meiriháttar!

Við eyddum dögunum í að skoða fallega bæinn, lágum í sólbaði & nutum lífsins. Við kíktum einnig til Barcelona & var verslað smá þar í nokkrum góðum skandinavískum búðum – en úrvalið kom mér töluvert að óvart en þar er hægt að finna ýmis góðar sneaker búðir & skandinavískar búðir.

Það var tekið mikið af myndum að sjálfsögðu & langar mig að deila brot af þeim bestu með ykkur – einnig er hægt að finna myndir úr ferðinni inn á Instagraminu mínu @sigridurr

  x

Endilega fylgist með mér á Instagram @sigridurr, & einnig á Snapchat undir nafninu siggamagga

KONUR ERU KONUM BESTAR

LÍFIÐSHOPTREND

Rakel Tómasdóttir, Andrea Magnúsdóttir, Elísabet Gunnarsdóttir og Aldís Pálsdóttir ljósmyndari

Gleðilegan Kvenréttindadag kæru lesendur. Ég átti góða stund með góðum konum fyrri part dags þar sem við tókum myndir af nýjum bolum sem fara í sölu seinna í vikunni. Um er að ræða hvíta stuttermaboli sem bera merkinguna: KONUR ERU KONUM BESTAR …hljómar það ekki miklu betur en þessi gamla leiðinlega lína sem við erum vanar að heyra?

Neikvæðni og slæmt umtal virðist vera orðið daglegt brauð í nútíma samfélagi og á netinu virðist fólk hafa leyfi til að ráðast á hvern sem er með orðum. Orð geta verið álög og þetta er eitthvað sem þarf að bæta og helst breyta. Við erum fyrirmyndir komandi kynslóða og þurfum að sýna meiri kærleik og virðingu gagnavart náunganum.

Merktir stuttermabolir með skilaboðum hafa aldrei verið vinsælli og þær vinsældir halda áfram út árið miðað við það sem hátískan sýnir okkur. Við AndreA deilum sömu ástríðu fyrir því að vilja breyta neikvæðu hugafari og gera þannig samfélagið okkar að betri stað. Við ákváðum því að fara þessa leið sem fyrsta skref í því átaki. AndreA selur íslenskum konum klæði hvern einasta dag og mínir lesendur eru 90% konur, þið eruð því einhverjar sem gætuð rekist á þessi skrif og myndir af stuttermabolnum sem minnir okkur á málefnið. Hér ættum við að ná til hóps sem vonandi er á sama máli og vill hjálpa okkur að dreifa boðskapnum enn frekar.

Framtíðin er björt: Magnea dóttir Aldísar, Alba dóttir mín og Ísabella dóttir Andreu.

 

Sem mæður þá leist okkur ekki nógu vel á þann veruleika sem börn okkar alast uppí. Okkur ber skylda að reyna að bæta hann og vera fyrirmyndir og sjá til þess að okkar börn verði einnig góðar fyrirmyndir.
Samstarfið hlaut yfirskriftina ,,Konur eru konum bestar” og þau orð passa svo sannarlega við okkar hugmynd. Lítil breyting á gamalli setningu en risa breyting á hugarfari. Þetta eru hlutir sem við getum stjórnað og það þarf oft ekki mikið til að gera marga mun hamingjusamari. Letrið á bolunum er hannað af Rakel Tómasdóttur ofursnilling og allur ágóði af sölu mun renna til Kvennaathvarfsins.

Hvítum stuttermabolum er hægt að klæðast við öll tækifæri – hægt að dressa upp og niður eftir tilefnum og fyrir fínni tilefni þarf lítið annað en rauðan varalit til að ná heildarlúkkinu. Loréal slóst því með í málefnið og mun varalitur fylgja með öllum bolunum.

Bolurinn fer í sölu á fimmtudagskvöld og ég vona að ég sjái ykkur sem flest þar í góðu geimi. Meira um viðburðinn: HÉR

Ég yrði auðvitað þakklát ef þið gætuð flest deilt þessum bloggpósti með því að smella á “deila” hér að neðan.

Áfram Ísland!

xx,-EG-.

Elísabet Gunnars á Facebook – HÉR
&

Trendnet á Facebook – HÉR

DRESS: 17 júní

DRESS

Gleðilega hátíð kæru lesendur. Það hefði eflaust verið betra að koma með dresspóst í byrjun dags en ekki svona rétt fyrir svefninn á þjóðhátíðardegi okkar Íslendinga. Ég hefði þurft að benda ykkur á að við klæðumst auðvitað í stíl við fánalitina ;) Allavega ég, en alveg óvart samt ..

//

Today is the Independence day here in Iceland – 17th of June. Today’s dress is of course in the Icelandic flag colors ;)

 
 Samfestingur: Gina Tricot
Buxur: H&M Trend
Skór: Calvin Klein

Vonandi áttuð þið góðan dag í ágætu íslensku rigningunni.

xx,-EG-.

Elísabet Gunnars á Facebook – HÉR
&

Trendnet á Facebook – HÉR

GÓÐAN DAGINN

LÍFIÐ

English Version Below

Góðan daginn!
Þessi mynd var tekin í morgun þegar ég hellti uppá bolla númer þrjú eftir svefnlitla nótt. Það getur tekið á að vera “einstæð” móðir í útlöndum þegar mikið gengur á. En maður gerir bara gott úr því eins og öðru. Get – ætla – skal ! Ég sit enn á sama stað og vinn mig niður “To-Do listann” sem er langur  þessa vikuna. Það gengur ágætlega :)
Betri helmingurinn er í landsliðsverkefni í Tékklandi (mæli með að allir horfi á mikilvægan leik strákanna okkar á morgun á RÚV og í höllinni á sunnudag).

Útsýnið/View:


Bolli, blað og ferðatölva. Ekki óalgeng sjón nema hvað að nýjir skór sem áttu að vera notaðir fínt eru alveg óvart orðnir að inniskóm. Þeir eru mjög þægilegir!
Frá: Bianco

//

I am alone with the kids these days as my better half is travelling with the national team. I am trying to go through the long To-Do list this morning and coffee is keeping me going – already on my third cup.

I just got the shoes, the idea was to use them on the right occasions but they are so comfortable so I have started using them at home – from Bianco.

xx,-EG-.

Elísabet Gunnars á Facebook – HÉR
&

Trendnet á Facebook – HÉR

ÚT AÐ HLAUPA

FRÁ TOPPI TIL TÁARLÍFIÐ

UPPFÆRT
TAKK allir fyrir þáttökuna hér að neðan. Getum við stofnað hlaupahóp og farið allar saman hring við tækifæri?
Með hjálp random.org hef ég loksins dregið út vinningshafa og er sú heppna Dóra Sif Sigtryggsdóttir

“Dóttir mín, Hulda Björg Hannesdóttir eða “aldamótarbarnið”eins og íþróttafréttamenn kalla hana, spilar fótbolta með Þór/KA á Akureyri – æfir mjög mikið þannig að þvottavélin hefur vart undan – myndi vilja gefa henni þetta dress ekki skemmir að hún er sjúk í NIKE

_________________

Þetta æfingadress getur orðið þitt!

 

Ég elska þennan tíma árs þegar kemur að hreyfingu. Útihlaup í blíðviðri er mín uppáhalds hreyfing og ég nýti hvert tækifæri til slíks. Ég hef áður rætt það á blogginu hvað hlaup gerir mikið fyrir andlega þáttinn. Þar hreinsa ég höfuðuð og nýt þess að vera til. Á hlaupum fæ ég líka mínar bestu hugmyndir.

Þetta vorið hleyp ég í nýjum hlaupaskóm frá H verslun sem ég heimsótti í byrjun árs. Einhverjir fylgdust með þeirri heimsókn á Instagram story hjá mér.  H verslun er netverslun sem áður hét Nike verslun en skipti um nafn þegar vefsíðan H Magasín opnaði fyrir nokkru síðan.

Þó það hljómi kannski skringilega þá er það staðreynd að maður er duglegri að æfa þegar maður klæðist nýjum æfingafatnaði. Það er eitthvað við það sem gefur smá auka kraft og gleði. Ég ætla því að gefa einum heppnum lesanda tækifæri á að upplifa það.

Í samstarfi við Nike á Íslandi gef ég eitt heildarlúkk – frá toppi til táar – í stíl við það sem ég hef verið að hlaupa í undanfarið. Persónulega vel ég einfaldann íþróttafatnað – beisik er best þar eins og annarsstaðar ;)
Ég valdi úr netverslun hárbönd, aðhaldstopp, hlýrabol, bestu buxur, hlaupaskó, sokka og brúsa. 7 Nike vörur að verðmæti 60.000 krónur (!!)

Sjálf á ég svarta bolinn og sömu skó sem ég get vel mælt með eftir að hafa hlaupið í þeim í nokkra mánuði núna.
Þið ættuð að hafa rekist á það hjá mér á Instagram story (@elgunnars).

 

LEIKREGLUR

1. Skrifaðu komment við færsluna að neðan – væri gaman að heyra hvort þú stundir hreyfingu? Og ef svo er hvaða hreyfing hentar þér best?
2. Smelltu á Facebook “deila” hnappinn niðri til hægri.
3. Ert þú að fylgja Elísabet Gunnars á Facebook: HÉR og á Instagram: HÉR (ekki skilyrði til að vera með en mér þætti vænt um að sjá ykkur þar)

Ég dreg út heppinn lesenda á föstudag (16.júní) <3

xx,-EG-.

Elísabet Gunnars á Facebook – HÉR
&

Trendnet á Facebook – HÉR

DRAUMALOKKAR

DRESS

English Version Below

Mig var búið að dreyma lengi um þessa dásamlegu eyrnalokka áður en þeir urðu loks mínir. Lokkarnir eru frá SORU JEWELLERY og eru til dæmis vinsælir meðal kóngafólks ;) .. Ég keypti þá hjá Hlín Reykdal úti á Granda og held að það sé eini staðurinn sem selur þá á Íslandi. Leiðréttið mig ef ég hef rangt fyrir mér þar.

 

Þetta er fylgihluturinn sem setur punktinn yfir i-ið við hvaða dress sem er. Nú er ég á leið í útskrift og blogga því í beinni um lúkk kvöldsins. Dressið er með öllu móti afslappað en þó gera lokkarnir allt fyrir heildarlúkkið að mínu mati. 
Ég held að það þetta sé mögulega útskriftagjöfin í ár? Skoðið fleiri týpur: HÉR

//

These earrings have been on my wish-list for a while and now they are finally mine. Perfect finish for your evening outfit. They are from Soru Jewellery and most of the time I choose wearing them is with a simple and relaxed outfit – the earrings “make” the outfit.

xx,-EG-.

Elísabet Gunnars á Facebook – HÉR
&

Trendnet á Facebook – HÉR

GALLAPILS

LÍFIÐ

Ég birti þessa mynd í vikulega “Sundays” póstinum mínum á Instagram um síðustu helgi. Á þessum degi vöknuðum við í Malmö í hamingjukasti yfir sænskum sigrum. Sólríka útsýnið á 19.hæð Clarion Hotels í Malmö var ágætis byrjun á deginum.

Gallapilsið er eitt af trendum sumarsins og ég er mjög ánægð með þessi ódýru skyndikaup sem ég gerði á dögunum.

//

The photo is from my regular “Sundays” post on Instagram. Nice morning in Malmö wearing a jeans skirt from H&M. One of this summer trends.

Ég klæðist þessu pilsi aftur í dag. Það er líklegt að þetta sé í síðasta sinn í nokkra daga sem ég er berleggja … rigningarspá framundan hérna megin við hafið.

 

Bolur: &OtherStories, Pils: H&M

 

Góðar stundir!

xx,-EG-.

Elísabet Gunnars á Facebook – HÉR
&

Trendnet á Facebook – HÉR

YSTAD SALTSJÖBAD

LÍFIÐ

English Version Below

Ég er svo þakklát fyrir sólahringinn sem ég fékk í sænsku sælunni hér í suður Svíþjóð á dögunum. Fyrsta sinn án barna yfir nótt frá því að G.Manuel fæddist og mikið sem ég valdi réttan stað og stund. Blíðviðrið og dásamlegheitin voru með ólíkindum á spa hóteli sem ég bloggaði frá í beinni (hér). Það hafa nokkrir sent mér póst og viljað vita meira um þennan stað og það er skemmtilegt að margir af þeim póstum komu frá fólki sem býr líka í Svíþjóð eða Danmörku.

Hótelið liggur í um klukkutíma fjarlægð frá heimili mínu og einmitt líka í um klukkutíma fjarlægð frá Kaupmannahöfn.

Þegar tilefni gefst til reyni ég að hafa myndavélina með í för og þarna var kjörið tækifæri fyrir slíkt. Einnig gerði hótelið sérstaklega vel við mig og því er bara frábært að ég geti gefið tilbaka hér á blogginu.

Takk fyrir mig Ystad Saltsjöbad.

I am so thankful for the wonderful “one day off” I had earlier this month. The Swedish summer in the south is so nice on days like this. We had our first night without the youngest son Manuel and I could not think of a better place to spend it.

We were really in for a treat on a spa hotel which is located one hour from our home and I have already had some requests from readers that want to know more, most of them living in Sweden or Denmark. The hotel is actually one hour away from Copenhagen also.

I had the camera with me for this special occasion and tried to capture the memory. Hope you enjoy it – Ystad Saltsjöbad gets my greatest recommendations.

My program this weekend was like this:
Coffee time by the pool
Spa time
Dip in the ocean
Three course dinner with good wine
Hot tub
Sleep
Morning yoga
Walk on the beach
Breakfast
More spa time and enjoying the sun

Merci Ystad Saltsjöbad

xx,-EG-.

Elísabet Gunnars á Facebook – HÉR
&

Trendnet á Facebook – HÉR

MORGUNBLAÐIÐ: TÍSKA

FASHIONMAGAZINE
Hvað er í tísku í sumar?

Morgunblaðið gaf út sérstakt fylgirit sem leggur okkur línurnar um hvað koma skal í tísku og förðun í sumar. Hin glæsilega Saga Sig prýðir forsíðuna glæsilegu.

Ég var ein af álitsgjöfum sem situr fyrir svörum. Vert er að taka það fram að ég valdi ekki skóna, sundfötin og sólgleraugun sem sett eru meðfylgjandi í greininni en sundfötin mættu alveg verða mín þó skórnir og gleraugun séu ekki “minn stíll”.

Lesið viðtalið við mig í heild sinni hér að neðan en fleiri skemmtileg ráð í blaðinu: HÉR

Frábært framtak Morgunblaðsins og tilvalinn helgarlestur fyrir okkur öll.

Þegar Elísabet Gunnarsdóttir, viðskiptafræðingur og eigandi vefsíðunnar Trendnet.is, er beðin að lýsa stílnum sínum segir hún hann vera frekar mínimalískan, en þó með smá „twisti“. Þá segist hún eiga yfirhafnir í tonnatali, enda setji þær punktinn yfir i-ið þegar kemur að heildarútlitinu. Elísabet sat fyrir svörum, en hún er með puttann á púlsinum þegar kemur að sumartískunni.

Ég gæti vel hugsað mér að ganga í gallabuxum, stuttermabol og fallegum skóm alla daga, og skipta síðan bara um yfirhafnir. Það myndi auðvelda lífið mikið. Ég íhuga þetta,“ segir Elísabet kát, en hver skyldu nýjustu kaupin vera?

„Samsoe Samsoe stuttbuxur, röndóttur síðermabolur með stórum ermum úr Monki og dásamlegir eyrnalokkar sem hafa lengi verið á óskalista frá Soru Jewellery. Lokkana fékk ég hjá Hlín Reykdal úti á Granda.“

Elísabet segir að fátt vanti í fataskápinn, þótt hana langi að sjálfsögðu í ansi margt.

„Þessa dagana er ég að leita mér að strigaskóm fyrir sumarið. Ég er eitthvað hrifin af „old school“ Adidas og held að Gazelle Super verði fyrir valinu. Þetta úrval af strigaskóm er samt orðið bilað, og ekki svo auðvelt að velja. Ég mæli með www.nakedcp- h.com fyrir stelpur sem vilja skoða og pæla á netinu. Svo er Húrra Reykjavík með langmesta úrvalið á Íslandi,“ segir Elísabet, sem einnig er með á hreinu hvaða flík sé nauðsynleg fyrir sumarið.

 

„Hvít, stór skyrta úr léttu efni sem hægt er að dressa upp og niður eftir tilefnum. Þetta er hugmynd að góðum bloggpósti. Fylgist með á Trendnet þegar ég kem með nokkrar hugmyndir að skyrtum í mismunandi verðflokkum,“ bætir Elísabet við og kímir. „Svo eru auðvitað S-in þrjú mikilvægust; sundföt, striga- skór og sólgleraugu.“

Elísabet bætir þó við að hún sé ekki ýkja hrifin af sumartískunni, enda heilli hausttískan miklu frekar.

„Ef ég á að vera hreinskilin heillar hausttískan mig alltaf meira, fleiri lög af flíkum búa til skemmtilegra lúkk. Það sem heillar mig við sumarið er meira sálrænt,“ segir Elísabet. En er eitthvað sem hún myndi aldrei klæðast?

„Fyrir nokkrum árum sá ég ekki fyrir að við myndum grafa upp Buffalo-skóna í bráð. Önnur varð raunin og því hef ég lært að maður á aldrei að segja aldrei,“ segir Elísabet.

Sjálf viðurkennir Elísabet að hún hafi gert sek um fullt af tískumistökum í gegnum tíðina, þótt hún sé nú ekki að velta þeim mikið fyrir sér.

„Já, svo sannarlega, og fullt af þeim. En eins og einhver vitur maður sagði koma fleiri góðar ákvarðanir með reynslunni og reynslan kemur með slæmu ákvörðunum. Það er því ágætt að gera stundum mistök, þetta á auð- vitað ekki bara við um tísku.“

 

Elísabet er búsett í Svíþjóð en unnusti hennar, Gunnar Steinn Jónsson, spilar með sænska handknattleiksliðinu IFK Kristianstad. Íslenskir hönnuðir eru því í miklu uppáhaldi þessi dægrin.

,,Ég elska að klæðast íslenskum flíkum erlendis. Hildur Yeoman, 66°Norður, AndreA, iglo+indi á smáfólkið og svo framvegis. Einnig hrífst ég af hönnun Guðrúnar Helgu vinkonu minnar, sem er að gera það svo gott þessa dagana. Í hátískunni fell ég meira fyrir einstökum línum hönnuða hverju sinni. Frönsku tískuhúsin eru eiginlega alltaf með þetta, og get ég þar nefnt Saint Laurent og Isabell Marant sem mín uppáhalds. Ég hrífst líka af sænska merkinu Acne, danska merkinu Ganni og fleirum.”

Elísabet segist ekki eiga sér sérstaka tískufyrirmynd en hún fái þó innblástur frá smekklega fólkinu í kringum sig.

,,Það sem gefur mér mestan innblástur er þegar ég sit á góðu götuhorni og velti fyrir mér mannlífinu. Það er líka hægt að sitja fyrir framan tölvuna og fá innblástur af tískubloggum og samfélagsmiðlum. Sem sagt veitir alls konar fólk mér innblástur, og það er eitthvað við eldra fólk sem er með stíl eða vel klætt sem er í sérstöku uppáhaldi, “ segir Elísabet.

,,Ég hef síðan til dæmis fylgst með hinni sænsku Elinu Kling í mörg ár, hún er ,,basic” og flott og með viðskiptavit. Síðan mætti nefna Olsen-systurnar sem veittu mér kannski meiri innblástur þegar ég var yngri. Þær virðast alltaf vera með þetta þó að þær hafi verið minna áberandi undanfarið.”

Elísabet segir að það verði nóg að gera í sumar og margt skemmtilegt á dagskrá næstu mánuði.

,,Trendnet verður á tánum en þar er aldrei sumarfrí og því tilvalinn staður til að kíkja í heimsókn í sumarfríinu. Við fjölskyldan ætlum síðan að taka sumarfrí saman. Við byrjum á Íslandi, þar sem draumurinn er að njóta sveitasælunnar í góðu veðri. Síðan eru brúðkaup á dagskránni, en við maðurinn minn ætlum einnig að fagna tvöföldu þrítugsafmæli okkar með vinum. Þá er planið að keyra til Þýskalands þar sem við bjuggum, og reyna síðan að komast í örlitla afslöppun á Spáni áður en stutta handboltasumarfríið er búið.”

Takk fyrir mig, Morgunblaðið.

xx,-EG-.

Elísabet Gunnars á Facebook – HÉR
&

Trendnet á Facebook – HÉR