VÁ er líklega það sem við flest hugsum þegar þessar myndir eru skoðaðar af glæsilegu heimili sem staðsett er í Stokkhólmi. Skrautlistar setja mikinn svip á heimilið og hver einasti veggur er sem konfekt fyrir augun skreyttur fallegum listum frá gólfi og uppí loft og útkoman er bæði glæsileg og hlýleg. Svíarnir kunna eins og svo oft áður að útbúa falleg heimili sem veita okkur mikinn innblástur. Sjáið þessa fullkomnu litapallettu í stofunni þar sem loftið er málað í mildum ljósgrágrænum lit á móti hlýjum ljósgráum veggjum og hvítir vegglistarnir og gereftin birta aðeins til og punkturinn yfir i-ið er að lokum gyllt smáatriðin. Ah svo fallegt heimili!
Ég er svo ótrúlega hrifin af hvernig hægt er að leika sér endalaust með lista og þeir gera öll rými glæsilegri. Ég mæli með að skoða þessar myndir vel og sjá hvernig listanir eru notaðir á fjölbreytta vegu, til að skipta upp veggjum, búa til fulningar á hurðir og útkoman er alveg æðisleg.
Ég hef verið að nota hér heima lista og rósettur frá ORAC DECOR sem eru frá Sérefni en úrvalið frá þeim er ótrúlega veglegt og einmitt í þessum anda sem sjá má á myndunum. Þú getur smellt hér til að sjá úrvalið.
Þetta heimili er einmitt það sem ég þurfti að skoða til að finna aftur hvatninguna að klára að setja upp listana á okkar heimili ♡
// Ég kann ótrúlega vel að meta hverja deilingu eða smell við hjartað á þær færslur sem þér líkar vel við og það veitir mér mikla hvatningu að halda áfram og svo er auk þess svo miklu skemmtilegra að skrifa blogg þegar fleiri lesa færslunar. Takk fyrir lesturinn ♡
Heimsþekkti listamaðurinn Ólafur Elíasson og Ikea tóku höndum saman fyrir nokkru síðan með þá sameiginlegu trú að vel ígrunduð hönnun geti skipt sköpum, og þannig hefur Little Sun verkefni Ólafs hafið nýjan kafla, en þar sameinar hann list og vísindi til að gera sólarorku áþreifanlega og aðgengilega fleirum. Little Sun stofnaði Ólafur árið 2012 ásamt danska athafnamanninum Frederik Ottesen með það markmið að bæta lífsgæði fólks og lýsa upp rafmagnslaus heimili með sólarorku. Yfir milljarður manna um allan heiminn hafa ekki aðgang að rafmagni og hefur sólarorkudrifni lampinn Little Sun víða haft góð áhrif, m.a. í dreifbýlum Afríku en einnig vakti hann mikla athygli í listaheiminum og er í dag seldur á mörgum virtustu listasöfnum heims.
Afrakstur samstarfs Ólafs við Ikea sem nú hefur litið dagsins ljós nefnist SAMMANLÄNKAD sem þýðir „tengdur“ á sænsku, og eru tveir sólarknúnir LED lampar sem hannaðir eru til að vekja áhuga okkar á sólarorku og vekja í leiðinni athygli á ójöfnum aðgangi jarðarbúa að orku, frá sjónarhóli listarinnar.
Annar lampinn sameinar lýsingu og hleðslu og er hægt að hafa hangandi eða sem borðlampa. Hægt er að taka ljósgjafann úr standinum og nota sem vasaljós. Að mínu mati mjög fallegur skúlptúr og mjög svo í anda Ólafs. Hinn lampinn er lítið flytjanlegt ljós sem hentar vel utandyra og með gulri ól er hægt að halda á ljósinu eða hengja upp.
„Í minni list nota ég ljós til að móta rými og umhverfi í því skyni að vekja fólk til umhugsunar, hvetja það til að spyrja sig hvernig það upplifir heiminn og tekst á við hann. Ég held að listin geti breytt heiminum með því að beina kastljósinu að máli á borð við aðgang að orku. Ekki aðeins með því að gera það skiljanlegt fyrir hugann, heldur einnig áþreifanlegt í orðsins fyllstu merkingu. Slík reynsla getur leitt til þess að við áttum okkar á innbyrðis tengslum okkar, á því hvað sameinar okkur og hvatt okkur til aðgerða.”Textabrot frá Sameinuðu þjóuðunum Unric.org
Ljósin er nú þegar komin í sölu í mörgum Ikea verslunum víða um heim en eru væntanleg í lok mánaðar eða byrjun maí hér heima. Virkilega fallegt verkefni sem heldur áfram að hafa góð áhrif. Ég hvet ykkur til að kynna ykkur nánar Little Sun verkefnið með því að smella hér.
Það er alltaf jafn ánægjulegt að skoða hollensk heimili en þau eiga það gjarnan sameiginlegt að vera aðeins litríkari eða hressari en við eigum að venjast. Hér er á ferð einstaklega glæsilegt heimili leikkonunnar Carice van Houten, sem hefur meðal annars leikið í Game of Thrones. Stíllinn hennar er eins og “gangandi litasprengja” segir hún sjálf frá og með aðstoð innanhússhönnuðarins Nicole Dohmen hjá Atelier ND Interior tókst þeim að dempa litasprengjuna aðeins svo að allri fjölskyldunni gæti liðið vel að búa hér og útkoman er vægast sagt geggjuð!
Eins og þið vitið líklega nú þegar þá heilla litrík heimili mig afskaplega mikið og hér er farið alla leið með litríkum veggfóðrum með allskyns mynstrum, skærum litum og geggjuðum hönnunaríkonum og útkoman er sem konfekt fyrir augun.
Verner Panton FUN skeljaljósin yfir eldhúseyjunni eru alveg gordjöss og Ultrafragola spegillinn ásamt borðstofuborði eftir Sabine Marcelis eru ekkert nema draumur einn. Forstofan er þó í sérstöku uppáhaldi hjá mér, þessi ljósfjólubláa hurð við skræpótt veggfóðrið og hvernig því er parað saman við glæsilega glerljósakrónu og klassískt málverk sem stendur ofan á veglegu viðarborði sem dempar þetta aðeins niður svo útkoman er fullkomin að mínu mati.
Vá hvað svona heimili gefa mér mikinn innblástur – vonandi ykkur líka!
Ég elska að það séu ennþá eftir nokkur stór verkefni á heimilinu því mér finnst svo ótrúlega gaman að skoða og spá í hugmyndum. Þegar allt á listanum klárast þá hlýtur manni að byrja að leiðast… eða kannski verður það ansi ljúft bara? Þvottahúsið á okkar heimili er algjört ástand svo vægt sé tekið til orða, það er jú líka eina geymslan á heimilinu og opnar hillurnar gjörsamlega flæða út á gólf með tilheyrandi drasli og stöku sinnum blóti að komast ekki almennilega að þvottinum haha. Þvottahúsið er í endanum af eldhúsinu okkar og með einum besta glugganum á heimilinu sem horfir í átt að sólsetri og því algjör synd að þar sé alltaf lokað inn. Draumurinn er því að taka allt út og setja upp fallegar innréttingar og nýtt gólfefni, mála veggi og setja upp nýtt ljós og þannig geta haft opið inn og hleypa meiri dagsbirtu í eldhúsið og í leiðinni “stækka” rýmið.
Ég tók mig því til og fann nokkrar myndir til innblásturs…
Þessi eldhús eiga það sameiginlegt að vera ekki aðeins ótrúlega falleg heldur einnig svo dásamlega litrík og skemmtilega óhefðbundin. Ef þú ert í eldhúshugleiðingum þá mæli ég með að punkta niður nokkrar hugmyndir héðan og ef þú vilt sjá enn fleiri myndir þá finnur þú mig einnig á Pinterest ♡
Náttúrusteinn, brass og fallegur viður er hin fullkomna blanda sem er hér toppuð með vegginnréttingu í björtum ljósgrænum lit.
Hér er loftið málað í stíl við veggina og sjáið hvað eldhúsinnréttingin poppar út og grænar flísarnar njóta sín.
Kóngablá innrétting við bleika efri skápa er skemmtileg blanda og útkoman er bæði fersk og falleg.
Hér nýtur sín vel stærðarinnar bleik eyja sem ég sé ekki betur en að sé steypt? Ég elska þessa ljósu litapallettu og litirnir á veggnum eru sömuleiðis mjög fallegir í mildum gráum tónum. Skemmtilegt hvernig háfurinn er síðan klæddur einhverskonar þiljum sem koma inn með nýja áferð svo útkoman verður allt annað en óspennandi:)
Myndaveggur í eldhúsið er góð hugmynd sem myndi lífga rýmið við og gefa því persónulegan sjarma.
Halló eldhús drauma minna! Ég elska hvað brassið gefur eldhúsinu mikinn elegans og þetta er eitthvað sem er á to do listanum mínum að klæða sökkla undir innréttingu á þennan hátt:)
Þessi blái litur er alveg æðislegur! Ég þarf að komast að því í Sérefni hvaða litanúmer hann væri en hann minnir mjög á bláa litinn sem ég var að mála baðherbergið með ♡ Það vaknar enginn í vondu skapi í svona björtu eldhúsi!
Fölbleikur litur nýtur sín svo ótrúlega vel við grænan lit, sjáið þessa fegurð! Og veggþiljunar á eyjunni gera útkomuna enn meira djúsí! (Fyrir áhugasama þá fást veggþiljur í Sérefni).
Hér má svo sjá klassískt og afar glæsilegt eldhús þar sem innréttingar með dökkum viðarfrontum og djúsí marmara eru alveg fullkomin blanda. Hillurnar tvær með fáum og vel völdum hlutum á setja svo punktinn yfir i-ið!
Ég er alltaf svo hrifin af brassi og þessar tvær myndir sýna ansi flotta útkomu þar sem brassplötur eru notaðar á innréttingar, á sökkul og á vegg. Svo fallegt og elegant.
Vorlínan frá Royal Copenhagen er dásamlega falleg og má þar meðal annars finna handmáluð páskaegg úr postulíni skreytt blómum sem innblásin eru af klassíska Flora Danica matarstellinu fræga. Páskaeggin eru eins og ljúfur vorboði og mér finnst svo fallegt að skreyta með þeim yfir páskana og hengja á greinar í vasa. Á hverju vori eru ný blóma kynnt til sögunnar og vorlínan stækkar hægt og rólega söfnurum til mikillar gleði.
Sjá þessa fegurð!
Fyrir áhugasama þá fást Royal Copenhagen páskaeggin fallegu hjá Kúnígúnd og Epal.
Ég elska vorið og síðustu dagar hafa aldeilis minnt okkur á hvað það eru dásamlegir tímar framundan. Ég er byrjuð að huga að allskyns vorverkum og get varla beðið eftir að það hlýni örlítið meira til að fara að eyða löngum stundum úti í sitthvað dúllerí og nokkur verk sem framundan eru á lóðinni. Það fyllist líka alltaf svo vel á orkubirgðirnar mínar þegar vorið mætir og því finnst mér um að gera að nýta hana vel í vorverkin hvort sem þau séu úti eða inni.
Eins og alltaf þá eru ýmsir hlutir sem heilla augað og ég tók saman nokkra í vorlegum fíling. Fatnaður, snyrtivörur, skart og ýmislegt fyrir heimilið. Bland af því besta ♡
// 1. Avókadó bók með geggjuðum uppskriftum, frá Epal // 2. Íslensk list á veggina, þetta verk er eftir Áslaugu Írisi og er frá Listval. // 3. Íslensk dúnamjúk rúmföt frá Ihanna home í Skyrta mynstrinu eru æðisleg. // 4. Blómaveggfóður frá Sérefni er eitthvað sem mig dreymir um að skreyta herbergið hennar Birtu með. // 5. Perluhálsmenið frá By Lovísa er svo gordjöss, langar afskaplega mikið í eitt slíkt. // 6. Hvítir strigaskór eru alltaf ofarlega á mínum óskalista þegar vorið mætir, þessir eru frá Andreu og eru þægilegustu skór sem ég hef átt. // 7. Anna von Lipa litrík glös eru draumur í dós, ég á nokkur og vantar fleiri í safnið. Epal. // 8. Bleikur kjóll – afþví að bleikt gerir allt betra. Frá Andreu. // 9. Mac Locked Kiss ink gloss er á óskalistanum í sumarlegum lit. //
// 1. Smashbox Halo kinna og varalitur í sætum lit, mig langar mikið að prófa þennan! // 2. Royal Copenhagen páskaeggin eru svo falleg. Epal og Kúnígúnd. // 3. Sumarleg og sæt peysa frá Andreu. // 4. Thé Matcha ilmurinn frá Le Labo eru möst að finna. Mikado. // 5. Klassísk perlufesti frá By Lovísa. // 6. Blómavasi frá Fritz Hansen. Epal. // 7. Dolce vasinn frá Anna Thorunn er svo flottur, ég fékk hann nýlega í gjöf og elska þessa hönnun. Fæst m.a. í Epal, Ramba og Litlu Hönnunarbúðinni. // 8. Gallabuxur – vá hvað það er erfitt að finna góðar gallabuxur og þigg ég því öll meðmæli um mjúkar gallarbuxur sem eru klæðilegar og með flottum rassvösum. (Ég get ekki buxur með litla vasa og langt á milli) þið skiljið sem skiljið…;) // 9. Essie í vorlit ahh já takk, þessi lavendar litur er æðislegur. //
Það er litríkt og fallegt um að litast heima hjá hinni dönsku Sussie Frank, stílista og innanhússráðgjafa sem veitir mér mikinn innblástur þegar kemur að heimilum. Bleiki stiginn sem er algjör senuþjófur vakti mikla athygli þegar myndir af heimili Sussie birtust á síðum Bolig Magasinet í apríl á síðasta ári og vakti innlitið mikla lukku hjá mér, enda ekkert nema stórkostlega fallegt. Ég vona að þessar myndir veiti ykkur einnig innblástur og jafnvel smá gleði, því það er akkúrat það sem lífleg og litrík heimili gera fyrir mig.
Til að fylgja Sussie Frank og hennar litríka og fallega heimili smellið þá hér @sussiefrank
Góðir hlutir gerast hægt er mín mantra sem ég þarf reglulega að minna mig á ♡ Það eru margir mánuðir síðan við ætluðum að klára að græja eldhúskrókinn en svo kemur alltaf eitthvað nýtt upp á sem gengur fyrir, bæði verkefni og lífið sjálft ♡ Hér elska ég að sitja og fletta blöðum, horfa út um gluggann og stundum vinna í tölvunni. Ég er enn eftir að líma lista framan á skápahurðarnar til að gera útlitið aðeins meira elegant og mála aðra umferð ásamt því að púðarnir allir áttu bara að vera tímabundin lausn þar til ég klára að hanna bakið og útfæra hvernig ég geng frá ofninum sem er undir glugganum. Ah alltaf skemmtileg verkefni framundan!
Nýlega eignaðist annars dóttir mín þennan dásamlega fallega matarstól frá Nofred sem algjörlega fullkomnar stólamixið á heimilinu, en Mouse Junior matarstóllinn hefur verið á óskalistanum alveg síðan Birta Katrín eignaðist litla Mouse stólinn í herbergið sitt og var hann fenginn að gjöf frá Nofred.
Mouse stóllinn er dönsk verðlaunahönnun frá Nofred og ég hef verið heilluð af alveg frá því að Epal hóf sölu á þessum fallegu barnavörum. Ég er alltaf svo hrifin af klassískri danskri hönnun og alveg sérstaklega danskri stólahönnun og þrátt fyrir að hönnun Mouse stólsins sé ekki nema nokkra ára gömul þá fer stóllinn svo afskaplega vel saman við eldhús og stofustólana og eru að öllu leyti mikið fallegri en barnastóllinn sem við áttum fyrir. Mouse Junior er sagður vera frá ca 3-9 ára aldri, dóttir mín verður 3 ára í sumar og er þó alveg meira en tilbúin í þennan stól sem hún prílar sjálf í upp og niður.
Litur á vegg: Svönubleikur frá Sérefni, einnig gereftin kringum hurðina sem við settum á nýlega. // Borðið: Tom Dixon frá Lumex, einnig Gubi lampinn í glugganum. // Ljós yfir borði er PH5 keypt í Epal og bleika Sjöan er afmælisútgáfa frá Fritz Hansen einnig keypt í Epal.
Púðarnir eru úr öllum áttum og mér finnst þeir gera hornið alveg extra kósý og heimilislegt. Það þarf ekki allt að vera fullkomið, alveg langt því frá og því um að gera að henda púðum ofan á hálfkláraðan bekk og nota hann þar til allt fær að smella. Bleiku púðarnir eru jú frá vinkonum mínum í Ihanna home og eru í miklu uppáhaldi!
Ah hér er gott að vera! P.s. ég er núna að taka mig í gegn varðandi vítamíninntöku sem ég fæ algjöra falleinkunn í og er því að reyna að tileinka mér góðar venjur til að muna betur að taka þau inn. Ég er einnig að leyfa mér að prófa nokkur ný með þær vonir að bæta svefnin, minnið og einbeitinguna svo fátt sé nefnt og fá smá meiri orku eftir þennan langa vetur *krossa fingur! Öll tips vel þegin ♡
Pinterest er oft besti kosturinn þegar þú ert í leit að innblæstri hvort sem það er fyrir heimilið, til að fá hugmyndir af nýjum samsetningum fyrir dress morgundagsins, föndur til að gera með krökkunum eða ný kökuuppskrift fyrir helgina. Heill heimur af hugmyndum sem ég vona að þið séuð flest að nýta ykkur að einhverju leiti. Oft geta allar þessar ljósmyndir og hafsjór af innblæstri hjálpað okkur til að móta eigin hugmyndir og stíl og jafnvel verið gott fyrsta skref ef þú stefnir á breytingar eða jafnvel ætlar að fá hönnuð til að aðstoða þig og getur þannig sýnt með myndum hvað heillar þig. Ef þú ert byrjandi að nota Pinterest þá mæli ég með að skoða myndirnar sem taka á móti þér og smella á þá mynd sem höfðar best til þín og þar færðu upp enn fleiri myndir í svipuðum stíl og þú varst að skoða, svo leikur þú þér að því að raða myndunum í möppur og hægt og rólega lærir Pinterest inn á þann stíl sem höfðar best til þín.
