Ég elska vorið og síðustu dagar hafa aldeilis minnt okkur á hvað það eru dásamlegir tímar framundan. Ég er byrjuð að huga að allskyns vorverkum og get varla beðið eftir að það hlýni örlítið meira til að fara að eyða löngum stundum úti í sitthvað dúllerí og nokkur verk sem framundan eru á lóðinni. Það fyllist líka alltaf svo vel á orkubirgðirnar mínar þegar vorið mætir og því finnst mér um að gera að nýta hana vel í vorverkin hvort sem þau séu úti eða inni.
Eins og alltaf þá eru ýmsir hlutir sem heilla augað og ég tók saman nokkra í vorlegum fíling. Fatnaður, snyrtivörur, skart og ýmislegt fyrir heimilið. Bland af því besta ♡
// 1. Avókadó bók með geggjuðum uppskriftum, frá Epal // 2. Íslensk list á veggina, þetta verk er eftir Áslaugu Írisi og er frá Listval. // 3. Íslensk dúnamjúk rúmföt frá Ihanna home í Skyrta mynstrinu eru æðisleg. // 4. Blómaveggfóður frá Sérefni er eitthvað sem mig dreymir um að skreyta herbergið hennar Birtu með. // 5. Perluhálsmenið frá By Lovísa er svo gordjöss, langar afskaplega mikið í eitt slíkt. // 6. Hvítir strigaskór eru alltaf ofarlega á mínum óskalista þegar vorið mætir, þessir eru frá Andreu og eru þægilegustu skór sem ég hef átt. // 7. Anna von Lipa litrík glös eru draumur í dós, ég á nokkur og vantar fleiri í safnið. Epal. // 8. Bleikur kjóll – afþví að bleikt gerir allt betra. Frá Andreu. // 9. Mac Locked Kiss ink gloss er á óskalistanum í sumarlegum lit. //
// 1. Smashbox Halo kinna og varalitur í sætum lit, mig langar mikið að prófa þennan! // 2. Royal Copenhagen páskaeggin eru svo falleg. Epal og Kúnígúnd. // 3. Sumarleg og sæt peysa frá Andreu. // 4. Thé Matcha ilmurinn frá Le Labo eru möst að finna. Mikado. // 5. Klassísk perlufesti frá By Lovísa. // 6. Blómavasi frá Fritz Hansen. Epal. // 7. Dolce vasinn frá Anna Thorunn er svo flottur, ég fékk hann nýlega í gjöf og elska þessa hönnun. Fæst m.a. í Epal, Ramba og Litlu Hönnunarbúðinni. // 8. Gallabuxur – vá hvað það er erfitt að finna góðar gallabuxur og þigg ég því öll meðmæli um mjúkar gallarbuxur sem eru klæðilegar og með flottum rassvösum. (Ég get ekki buxur með litla vasa og langt á milli) þið skiljið sem skiljið…;) // 9. Essie í vorlit ahh já takk, þessi lavendar litur er æðislegur. //
Eigið góðan dag! ♡
Það er litríkt og fallegt um að litast heima hjá hinni dönsku Sussie Frank, stílista og innanhússráðgjafa sem veitir mér mikinn innblástur þegar kemur að heimilum. Bleiki stiginn sem er algjör senuþjófur vakti mikla athygli þegar myndir af heimili Sussie birtust á síðum Bolig Magasinet í apríl á síðasta ári og vakti innlitið mikla lukku hjá mér, enda ekkert nema stórkostlega fallegt. Ég vona að þessar myndir veiti ykkur einnig innblástur og jafnvel smá gleði, því það er akkúrat það sem lífleg og litrík heimili gera fyrir mig.
Til að fylgja Sussie Frank og hennar litríka og fallega heimili smellið þá hér @sussiefrank
Myndir : @sussiefrank
Eigið góðan dag kæru lesendur,
Góðir hlutir gerast hægt er mín mantra sem ég þarf reglulega að minna mig á ♡ Það eru margir mánuðir síðan við ætluðum að klára að græja eldhúskrókinn en svo kemur alltaf eitthvað nýtt upp á sem gengur fyrir, bæði verkefni og lífið sjálft ♡ Hér elska ég að sitja og fletta blöðum, horfa út um gluggann og stundum vinna í tölvunni. Ég er enn eftir að líma lista framan á skápahurðarnar til að gera útlitið aðeins meira elegant og mála aðra umferð ásamt því að púðarnir allir áttu bara að vera tímabundin lausn þar til ég klára að hanna bakið og útfæra hvernig ég geng frá ofninum sem er undir glugganum. Ah alltaf skemmtileg verkefni framundan!
Nýlega eignaðist annars dóttir mín þennan dásamlega fallega matarstól frá Nofred sem algjörlega fullkomnar stólamixið á heimilinu, en Mouse Junior matarstóllinn hefur verið á óskalistanum alveg síðan Birta Katrín eignaðist litla Mouse stólinn í herbergið sitt og var hann fenginn að gjöf frá Nofred.
Mouse stóllinn er dönsk verðlaunahönnun frá Nofred og ég hef verið heilluð af alveg frá því að Epal hóf sölu á þessum fallegu barnavörum. Ég er alltaf svo hrifin af klassískri danskri hönnun og alveg sérstaklega danskri stólahönnun og þrátt fyrir að hönnun Mouse stólsins sé ekki nema nokkra ára gömul þá fer stóllinn svo afskaplega vel saman við eldhús og stofustólana og eru að öllu leyti mikið fallegri en barnastóllinn sem við áttum fyrir. Mouse Junior er sagður vera frá ca 3-9 ára aldri, dóttir mín verður 3 ára í sumar og er þó alveg meira en tilbúin í þennan stól sem hún prílar sjálf í upp og niður.
Litur á vegg: Svönubleikur frá Sérefni, einnig gereftin kringum hurðina sem við settum á nýlega. // Borðið: Tom Dixon frá Lumex, einnig Gubi lampinn í glugganum. // Ljós yfir borði er PH5 keypt í Epal og bleika Sjöan er afmælisútgáfa frá Fritz Hansen einnig keypt í Epal.
Smelltu hér til að skoða Nofred í vefverslun Epal
Púðarnir eru úr öllum áttum og mér finnst þeir gera hornið alveg extra kósý og heimilislegt. Það þarf ekki allt að vera fullkomið, alveg langt því frá og því um að gera að henda púðum ofan á hálfkláraðan bekk og nota hann þar til allt fær að smella. Bleiku púðarnir eru jú frá vinkonum mínum í Ihanna home og eru í miklu uppáhaldi!
Ah hér er gott að vera! P.s. ég er núna að taka mig í gegn varðandi vítamíninntöku sem ég fæ algjöra falleinkunn í og er því að reyna að tileinka mér góðar venjur til að muna betur að taka þau inn. Ég er einnig að leyfa mér að prófa nokkur ný með þær vonir að bæta svefnin, minnið og einbeitinguna svo fátt sé nefnt og fá smá meiri orku eftir þennan langa vetur *krossa fingur! Öll tips vel þegin ♡
Ég vona annar að þið munið eiga góðan dag!
Pinterest er oft besti kosturinn þegar þú ert í leit að innblæstri hvort sem það er fyrir heimilið, til að fá hugmyndir af nýjum samsetningum fyrir dress morgundagsins, föndur til að gera með krökkunum eða ný kökuuppskrift fyrir helgina. Heill heimur af hugmyndum sem ég vona að þið séuð flest að nýta ykkur að einhverju leiti. Oft geta allar þessar ljósmyndir og hafsjór af innblæstri hjálpað okkur til að móta eigin hugmyndir og stíl og jafnvel verið gott fyrsta skref ef þú stefnir á breytingar eða jafnvel ætlar að fá hönnuð til að aðstoða þig og getur þannig sýnt með myndum hvað heillar þig. Ef þú ert byrjandi að nota Pinterest þá mæli ég með að skoða myndirnar sem taka á móti þér og smella á þá mynd sem höfðar best til þín og þar færðu upp enn fleiri myndir í svipuðum stíl og þú varst að skoða, svo leikur þú þér að því að raða myndunum í möppur og hægt og rólega lærir Pinterest inn á þann stíl sem höfðar best til þín.
Hvað værum við hreinlega án Pinterest? ♡
Myndir : Pinterest/Svartahvitu
Það er um að gera að halda upp á sem flest tilefni og hafa dálítið gaman af lífinu og Konudagurinn sem er núna á sunnudaginn er þar engin undantekning. Konudagsgjafir þurfa þó ekkert að kosta neinn neitt og enginn ætti að þurfa að tæma veskið til að gleðja konurnar í sínu lífi, það er alltaf hugurinn sem gildir því þrátt fyrir að ég elski að taka saman fallegar gjafahugmyndir þá er ég fyrst til að viðurkenna að það eru litlu hlutirnir sem gleðja mig mest.
Ég tók þó að sjálfsögðu saman nokkrar góðar hugmyndir af gjöfum sem ég veit að myndu gleðja margar konur – og mig líka ♡ Eigið góða helgi!
// 1. Ég er búin að bíða svo spennt eftir þessum nýja Telescopic lift maskara frá Loréal. Ef þú vilt heilla með nýjung þá er það þessi maskari. Fæst í flestum snyrtivöruverslunum og apótekum. // 2. Ikebana vasi eða einhverskonar annar fallegur blómavasi er góð hugmynd fyrir fagurkera – með blómvendi til að setja í. Epal. // 3. Sætur kaffibolli með krúttlegum skilaboðum. Design Letters úr Epal. // 4. Ég er mjög hrifin af mörgu hjá Feldi verkstæði og þessar refaskinnsermar eru mjög fallegar, og hægt að nota við margar yfirhafnir. // 5. Love lakkrís mmmm, leiðin að hjarta konunnar er í gegnum magann sagði jú einhver… // 6. Loðinniskór eru í uppáhaldi. Fást í AndreA. // 7. Origins Planscription húðvörurnar eru í uppáhaldi – mæli mikið með ef þú vilt gefa smá húðdekur (hentar húð sem er byrjuð að eldast). Snyrtivöruverslanir. // 8. Sloppur er góð hugmynd! // 9. Konudagskaupauki frá BioEffect er þessi fallega bleika budda með kaupum. //
// 1. Hleðslulampi er eitthvað sem ég elska að eiga, þessi er gordjöss frá Menu. Epal. // 2. Hárdekur frá New Nordic, hannað til að auka viðgerðarhæfni hársins ásamt því að styrkja og þétta hárið. Ég er að nota þetta núna ásamt hárvítamíni og finn jákvæð áhrif. // 3. Peysur eða önnur falleg flík frá AndreA gleður allar konur, eða það held ég amk:) // 4. Ný íþróttaföt eru góð gjöf og þessi Nike peysa er mjög smart og fæst í fleiri litum hjá Hverslun. // 5. Mjúk og dásamlega falleg rúmföt frá Tekla. Epal. // 6. Origins Planscription húðvörurnar eru í uppáhaldi – þetta næturkrem er mjög gott. Snyrtivöruverslanir. // 7. Blóm – lifandi eða eilífðarblóm er nánast fastur partur af Konudeginum í huga margra. Þetta blóm fæst í Dimm. // 8. Lyklakippa frá Feldi – ég elska þessa litríku felddúska og þarf einmitt að endurnýja mína lyklakippu. Þessari myndi ég seint týna. Feldur verkstæði. // 9. Hálsmen með upphafsstaf barnanna eða ykkar er dálítið sæt hugmynd. Þessi mynd er Design Letters frá Epal, stafahálsmen fást einnig m.a. hjá Andreu og ByLovisa. //
Hér er á ferð einstaklega fallegt drauma eldhús sem veitir mikinn innblástur og góðar hugmyndir. Eldhúseyjan er klædd ljósgrænum onyx náttúrusteini sem tónar fullkomlega við ljósar viðarinnréttingar og speglavegginn í koparlit. Síldarbeina parket og dásamlega fallegur grænn og bólstraður blómamynstraður eldhúsbekkur fullkomna svo heildarútlitið. Hér væri ég til í að sitja og drekka kaffið mitt.
Eldhúsdraumur er rétta orðið því að mndirnar eru nefnilega tölvugerðar teikningar eftir hönnun Constanze Ladner sem verður vonandi að veruleika einn daginn. En fallegur draumur engu að síður.
