Kenzo náði að búa til mikið trend á síðasta ári með tígrinum sem þeir merktu flíkur sínar með. Trendið varð til þess að allar fashionistur urðu að eignast flík með merkinu og verslunarkeðjur kóperuðu svipað dýr á sínar flíkur til sölu.
Ég tók eftir nýju printi frá Kenzo á sýningu þeirra í mars í fyrra. Þá sýndu þau “augu” á öllum vörum sínum í stað áður nefnda tígursins. Ég velti því fyrir mér hvort augað gæti orðið jafn heitt og hitt lógóið (HÉR). Nú hefur það sannast að augun virðast vera að taka sig upp hér og þar í verslunum. Ég keypti mér eina flík frá Monki, sem er dæmi um verslun þar sem þið fáið augu á lægra verði á þeirra vörum. Ég smellti einum bol með mér í pokann í Danmörku … skemmtilegur.
Ég er ánægð með kaupin, en svo á ég reyndar annan bol með upprunalega auganu sem mér þykir meira vænt um. Þann leyfði ég mér fyrir jólin, ég notaði hann á Trendnet markaði okkar á KEX og mun síðan líklega nota hann meira með vorinu.
Ég hef alltaf sagt það að þegar um svona trend er að ræða að þá eigum við frekar að kaupa ódýrari vörurnar, því trendið endist oftast ekki lengi. Það má þó deila um það í þessu tilfelli, því upprunalegu vörurnar kosta kannski ekki marga tugi þúsunda, þó þær séu í dýrari kantinum.
Þessi “stolni” trendbolur var allavega ódýr og ég á eftir að klæðast honum oft. 10 Evrur frá Monki.
xx,-EG-.
Skrifa Innlegg