Það verður alltaf algengara að vörumerki taki höndum saman í hinum stóra tískuheimi og það gleður mig að sjá að Íslendingar fylgja í fótsporin.
Nike á Íslandi og fatahönnuðurinn Andrea Magnúsdóttir sameinuðu krafta sína í fallegum myndaþætti. AndreA er þekkt fyrir að fara sínar eigin leiðir og hefur í gegnum árin skapað línur sem einkennast af þokka og elegance. Í samstarfi sínu við Nike vildi hún nota andstæður og stíliseraði þunga kjóla og show item við sporty lúkkið frá Nike.
Útkoman var frábær og fyrstu myndirnar lofa góðu – hreyfimyndirnar eru mitt uppáhald.
Bak við tjöldin
Elfa Arnadóttir markaðsstjóri Nike á Íslandi segir samstarfið við Andreu upphaflega hafa byrjað sem hugarfóstur milli hennar og Aldísar Páls ljósmyndara.
“Ég er búin að vera að horfa lengi í þessa átt en aldrei tekið skrefið og keyrt á þetta. Ég viðraði þetta einn góðan veðurdag við Aldísi þar sem að ég vissi að ég vildi fá hana með mér í þetta verkefni, enda einstaklega fær í sínu fagi og frjó af hugmyndum. Við heyrðum strax í kjölfarið í Andreu og sáum okkur leik á borði.”
“Við hjá Nike erum í raun að fylgja erlendri fyrirmynd en eins og margir sáu kannski í fyrsta tölublaði Glamour þá birtist þar myndaþáttur af samstarfi Nike við Johönnu f. Schneider, þýskan hönnuð sem búsett er í Berlín og hannar jafnt hátískufatnað sem og hátæknilegan íþróttafatnað og blandar þeim andverðu pólum saman í nýrri línu frá Nike. Við getum að sjálfsögðu ekki farið í það að búa til flíkur á þennan hátt hér heima en við getum tekið hugtakið, unnið út frá því og sniðið það fyrir okkar markað.”
“Markmiðið með verkefninu var að blanda saman íþróttafatnaði og hátísku/glamúr. Við erum að vinna með hugtak sem nefninst Cinemagraph og lýsir sér þannig að um er að ræða ljósmynd – sem inniheldur örlitla hreyfingu sem gefur áhorfanda þar af leiðandi tímaskynjun á sama tíma og horft er á ljósmyndina. Eins og supermódelið Coco Rocha orðaði það: “it’s more than a photo but not quite a video”. Sjón verður sögu ríkari “
Ég er sérstaklega hrifin af hreyfimyndunum. Þar fáum við að sjá eitthvað nýtt og ferskt sem virkar. Ískalda landið okkar í svo fallegri mynd gefur mér smá heimþrá.
Til hamingju AndreA & Nike – þetta er virkilega vel gert! Vonandi að aðrir fylgi þessu fordæmi eftir .. þetta virkar fyrir mig og örugglega fleiri.
Áfram Ísland!
xx,-EG-.
Elísabet Gunnars á Facebook – HÉR
&
Trendnet á Facebook – HÉR
Skrifa Innlegg