UN Women á Íslandi heldur í hefðina og hefur sölu á nýrri dimmblárri Fokk Ofbeldi húfu dagana 25. janúar til 8. febrúar (!!) Við Trendnetarar vorum svo heppin að fá að taka þátt í herferðinni í ár. Ofbeldi er alvarleikinn uppmálaður og því ástæða til að setja í brýrnar – þó var gleði á setti enda gefur það hlýju í hjartað að geta hjálað til með einum eða öðrum hætti. Sjá myndband: HÉR
Kaupið húfu: HÉR
Myndir: Saga Sig
Í fréttatilkynningu segir:
Hingað og ekki lengra – byltingin gegn kynbundu ofbeldi er hafin. Ofbeldi gegn konum og stúlkum er útbreiddasta mannréttindabrot í heiminum í dag. Konur úr ólíkum stéttum hafa stigið fram hér á landi og víða um heim og lýst kynbundnu ofbeldi, kynferðislegri áreitni og misbeitingu valds sem þær hafa upplifað. Kynbundið ofbeldi er heimsfaraldur og þrífst í öllum samfélögum heimsins og innan allra stétta.
Vissir þú að?
- Þriðja hver kona á Íslandi hefur verið beitt líkamlegu eða kynferðislegu ofbeldi
- Einni af hverjum tíu konum í heiminum hefur verið nauðgað
- Stúlka undir 18 ára aldri er gift á tveggja sekúnda fresti
- Helmingur kvenna innan Evrópusambandsríkja hefur upplifað kynferðislega áreitni
- 200 milljónir núlifandi kvenna hafa þurft að þola limlestingu á kynfærum
Viljum við búa í heimi þar sem konur lifa í ótta við að vera áreittar, nauðgað, barðar, brenndar, limlestar eða myrtar fyrir það eitt að vera konur?
Með því að kaupa Fokk Ofbeldi húfuna gengur þú til liðs við Fokk Ofbeldi fylkinguna og tekur þátt í baráttunni gegn ofbeldi gegn konum og stúlkum. Vodafone styrkti framleiðslu húfunnar og rennur allur ágóði til verkefna UN Women sem miða að afnámi ofbeldis gegn konum og stúlkum.
Fokk Ofbeldi húfan fæst í verslunum Vodafone; Smáralind, Kringlunni, Suðurlandsbraut, Glerártorgi Akureyri og á www.unwomen.is
Húfan kostar 4.500 krónur og aðeins til í takmörkuðu upplagi.
UN Women á Íslandi hvetur alla til að kaupa húfu og sameinast í baráttunni gegn kynbundnu ofbeldi.
___
Sjálf hef ég styrkt verkefnið og bloggað um það síðustu árin og þá pósta má finna HÉR (2017) & HÉR (2016) ..
Ég tengi enn frekar við málefnið að þessu sinni eftir KONUR ERU KONUM BESTAR samstarf mitt og Andreu Magnúsdóttur síðasta sumar. Þar fékk að kynnast þeim ömurlega raunveruleika að ofbeldi er til staðar á íslenskum heimilum eins og annarsstaðar en við styrktum og heimsóttum Kvennaathvarfið þar sem andlega og líkamlega brotnar konur búa en fá hjálp. Það tók á að horfa uppá þann veruleika.
Kynnið ykkur málefnið og kaupið ykkur húfu. Merkið ykkar #fokkofbeldi móment á Instagram og deilum þannig boðskapnum.
xx,-EG-.
Elísabet Gunnars á Facebook – HÉR
&
Trendnet á Facebook – HÉR
Skrifa Innlegg