Ég hef áður sagt ykkur frá samstarfslínu Virgil Abloh fyrir IKEA , MARKERAD, sem væntanleg er í verslanir í haust, þar á meðal á Íslandi, vúhú. Það ríkir mikil eftirvænting eftir línunni sem við fengum loksins að sjá í vikunni þegar lúkkbúkkið var klárt til birtingar. Myndirnar voru teknar af hinum vinsæla Rasmus Weng Karlsen og það er hin íslenska (!) Ellen Lofts sem sá um stíliseringu með Sigríði okkar frá Trendnet sem aðstoðarmann.
Ellen, sem búsett er í Kaupmannahöfn, hefur unnið fyrir stærsu merkin hér úti siðustu árin og rennur tíska og trend í blóði hennar. Mér lá því forvitni á að vita hvernig hún horfir á samstarfslínu sem þessa en líka hvernig og hvar myndatakan fór fram. Heyrið hennar svör hér að neðan –
Hvernig myndir þú lýsa samstarfslínunni?
Finnst hún mjög skemmtilegt samsbil af skemmtilegri hugmyndafræði Vigil Abloh og klassískum stíl IKEA. Persónulega finnst mér þetta afar vel heppnað samstarf í alla staði.
Já hans hugmyndafræði er mjög ríkjandi og ég veit að hann fékk að ráða ferðinni að miklu leyti í þessu samstarfi, en auðvita hefur hann haft til hliðsjónar hönnunarsögu IKEA sem er sterk blanda af notagildi viðskiptavinarins og ákveðnri skandinaviskri klassík sem er án efa styrkleiki fyrirtækisins. Mér finnst hann hafa tekist vel til og um leið borið mikla virðingu fyrir því í þessu samstarfi.
Myndinar voru teknar í yfirgefnu vöruhúsi rétt fyrir utan Kaupmannahöfn. Mjög skemmtilegt rými. Hús sem átti að rífa en er núna að fara að fá nýtt líf sem einn flottasti veitingarstaður í borginni.
Abloh hafði þetta að segja um samstarfslínuna, Markerad:
en við getum fundið fréttir af samstarfinu víða á veraldsvefnum þessa dagana.
Stílisti: Ellen Lofts
Aðstoðarmaður stílista: Sigríður
Skrifa Innlegg