Jæja ný vika, margt nýtt og spennandi sem mig langar að segja ykkur frá. Mig langaði að byrja á að segja ykkur frá skemmtilegu viðtali sem ég fór í um daginn hjá Vikunni.
Þar var ég spurð um allar mínar uppáhalds snyrtivörur þessa stundina. Mér finnst alltaf gaman að fara í svona viðtöl og lesa svona viðtöl sjálf. Það er svo gaman að sjá hvaða gullmolar leynast í snyrtibuddunum hjá öðrum.
Ég mæli með að kíkja og sjá hvaða snyrtivörur leynast þarna og ef það eru einhverjar sérstakar snyrtivörur sem þið viljið að ég tali um hér þá megið þið endilega skilja eftir athugasemd.
H Magasín forvitnaðist um þær vörur sem leynast í minni snyrtibuddu í pistli sem fór í loftið í gær. Eins og þið vitið er ég enginn sérfræðingur þegar kemur að snyrtivörum en sagði þó frá minni rútínu fyrir áhugasama. Aðeins ein spurning og svar fær að fylgja með mínum bloggpóst svo ef þið hafið áhuga á að lesa meira þá verðið þið að smella HÉR ;)
Þið hafið kannski tekið eftir því að Dominos deild kvenna prýðir hjá okkur forsíðuna þessa vikuna. Af því tilefni fékk ég fyrirspurn hvort ekki væri hægt að gefa körfuboltastúlkunum sá athygli á blogginu sjálfu. Eftir smá umhugsun þá var besta lausnin að finna eina vel valda í Stílinn á Instagram. Ég fékk margar ábendingar og valið var ekki svo auðvelt. Ína María náði síðan athygli minni, sólríkur Instagram reikningur þar sem hún býr með annan fótinn í Miami.
Úti er óveður (er það ekki?) og því tilvalið að birta færsluna sem gefur hlýju í hjartað.
Körfuboltastelpa og körfuboltafrú frá Suðurnesjum, Ína María, á Stílinn á Instagram að þessu sinni.
Þið finnið hana undir @inamariia ..
Hver er Ína María Einarsdóttir? 23 ára körfuboltastelpa frá Suðurnesjum í sálfræðinámi, búsett í Miami með kærastanum mínum.
Tíska og íþróttir – einhver tenging?
Í dag er það svolítið þannig að mörg íþróttafyrirtæki eru farin að framleiða föt meira í hversdagslegum stíl og einnig tískufyrirtæki að hanna föt í meiri sporty stíl, svo það er mjög auðvelt að finna bæði sporty og trendy föt og blanda þessum tveimur stílum saman, t.d. kápur og strigaskór og íþróttabuxur eða boli/toppa við hælaskó.
Er hver dagur í lífi þínu útpældur þegar að kemur að klæðaburði?
Nei ég myndi nú ekki segja það, ég fer yfirleitt bara í það sem mig langar og er í stuði fyrir hverju sinni, hvort sem það séu íþróttaföt eða fín föt eða mix af því.
Uppáhalds flík í fataskápnum? Held ég verð að segja leðurjakkinn minn. Maður er alltaf að leita af hinum fullkomna “leðurjakka”.
Skemmtilegast að kaupa?
Yfirhafnir eins og fallegar kápur og auðvitað skór.
Áttu þér styleicon – tískufyrirmynd?
Ég á mér ekki endilega eitthvað eitt icon, ég fæ innblástur frá mörgum flottum konum t.d. á instagram og auðvitað úr fjölmiðlum og reyni að aðlaga að mínum stíl. Ef skal nefna einhverja ákveðna manneskju þá finnst mér mjög gaman að fylgjast með Victoriu Beckham.
Framtíðarplön?
Ég stefni á Master nám og kærastinn minn stefnir á atvinnumennsku eftir háskólaboltann svo það á eftir að koma í ljós hvar við munum búa og gera í framtíðinni.
Að lokum … getur þú mælt með einhverjum leynistöðum í Miami fyrir íslenska ferðalanga?
Miami býður upp á nóg af afþreyingu hvort sem þú hefur áhuga á því að vera út í sólinni eða skoða skemmtilega staði, versla eða borða góðan mat. Það er órulega gaman að fara skoða Wynwood Walls, allskonar litrík listaverk á byggingum og veggjum og æðislegir veitingastaðir. Ég mæli einnig með eyjunni, Key largo sem er rétt fyrir utan Miami. Þar er t.d hægt að snorkla, fara á kayak, hjólabáta og fleira. Enda svo daginn þar á veitingastað á ströndinni og borða kvöldmáltíð á meðan maður horfir á sólsetrið.
Ég fer yfir annasama árið mitt hjá Smartlandi Mörtu Maríu á MBL í dag. 2016 reyndi mikið á mig á mörgum sviðum. Ég eignaðist Gunnar Manuel son minn sem hefur frá fyrsta degi látið hafa mjög mikið fyrir sér. Á nýju ári, 2017, ætla ég að sofa meira (eða allavega sofa smá) og njóta vinnu minnar meira. Stundum var mjög erfitt að finna stöðuleikann milli fjölskyldu og vinnu en það kenndi mér líka að að taka eitt skref til baka og láta annað ganga fyrir þá stundina. Árið mitt var erfitt en líka mjög skemmtilegt og hér fer ég yfir það helsta sem stóð uppúr, á persónulegu nótunum.
Fín fyrirsögn …. ;) haha.
Hápunktur ársins?
Hápunktur 2016 í mínu lífi var þegar sonur minn fæddist í byrjun árs. Síðan þá hef ég ekki átt dauða stund.
Afrek ársins?
Fæðingin er að fara að stela þessu viðtali – er hægt að nefna eitthvað annað í þessu samhengi? Vikan mín á þýska sjúkrahúsinu toppar listann.
Skemmtilegustu snapchat-ararnir á árinu að þínu mati?
Ég er ekki dugleg að fylgjast með snöppurum en fylgi þó vinkonu minni ADHD-kisunni – hún var frábær á mörgum tímapunktum. Svana á Svart á Hvítu er svo án efa nýji uppáhalds snapparinn minn. Ég fylgist líka með Snorra Björnssyni í gegnum manninn minn, hann er eitthvað svo viðkunnanlegur og lítill rembingur í honum. Ég mæli síðan hiklaust með Trendnet-snappinu (trendnetis) sem er sífellt að sækja í sig veðrið.
Fyndnasta atriði ársins?
Þó að mér hafi alls ekki þótt það fyndið á þeim tímapunkti þá get ég hlegið að því núna. Við sem sagt eignuðumst barnið okkar í Þýskalandi. Ég var ekki kominn með tungumálið á hreint og þá nótt sem litli Manuel okkar kom í heiminn var bara enginn enskumælandi starfsmaður á spítalanum. Ég var alveg brjáluð í bland við mikið stress þannig að álagði jókst til muna á eiginmanninn sem þurfti að vera túlkur ofan á allt annað „Elísabet, þú átt að anda núna…“ var til dæmis setning sem hann notaði mikið.
Skrítnasta upplifun þín 2016?
Við fjölskyldan erum oftast ekki að stressa okkur á hlutunum. Við keyptum okkar fyrsta hús áður en við fluttum til Svíþjóðar í sumar. Það er svo sem ekki frásögu færandi nema að við keyptum 100 ára gamalt hús án þess að hafa séð það. Þannig að það var skrítin tilfinning að ganga inn á sitt eigið heimili undir þessum kringumstæðum.
Skipulagði Svíinn var frekar hissa á þessu hjá okkur en það er líklega ekki til einn einasti Svíi sem myndi leika þetta eftir. En þetta fór allt vel og við erum mjög sátt við kaupin.
Uppáhalds drykkurinn þinn þetta árið?
Kaffibollarnir hafa aldrei verið fleiri en einmitt þetta árið. Fyrir utan kaffið er það ískalt sódavatn í dós eða rautt vín í glasi þegar vel liggur við.
Mest eldaði rétturinn í eldhúsinu?
Föstudagspizzan einu sinni í viku. Þunnur botn, pestó, hráskinka, mozzarella, basilica og inn í ofn. Toppað með ferskur tómötum, avocado, ruccola og parmesan-osti. Borið fram með góðu rauðvínsglasi.
Uppáhaldslagið þitt á árinu?
Úff – hvað er ég hlusta á? Góð tips vel þegin hér.
Ég segi Christmas Lights með Coldplay þar sem það eru jól núna og þeir eru einir af fáum sem náðu að gera gott nýtt jólalag. Annars leita ég alltaf í klassíkina þegar ég spila jólalög – þegar þetta er skrifað er ég með Frank Sinatra í eyrunum.
Uppáhaldsnetsíðan þín?
TRENDNET – þar eru bara góðar fréttir alla daga svo maður flettir brosandi í gegnum póstana. Annars hef ég aldrei verslað jafnmikið á netinu og þetta árið. Netverslun er frábær þjónusta fyrir upptekið fólk.
Uppáhaldsbloggarinn?
Ég get ekki gert upp á milli barnanna minna en þau eru tólf talsins sem skrifa undir Trendent-hattinn og öll eiga þau hlut af mínu blogghjarta.
Besta bók sem þú last á árinu?
Bækurnar hafa verið á hillunni á árinu vegna anna. Mig dreymir um gott frí með góða bók við hönd og sá draumur mun rætast árið 2017. Ég skal svara þessari spurningu að ári.
Fallegasta augnablik ársins?
Þegar sonur minn fæddist og þegar systkinin hittust í fyrsta sinn. Fer að grenja bara við að hugsa um það augnablik – ekkert fallegra í heiminum.
Mest krefjandi verkefni ársins?
Mest krefjandi verkefni ársins var að finna stöðugleikann í því að vera mamma og halda vinnunni gangandi á sama tíma, ósofin og úrill með bros á vör.
Þakklæti ársins?
Þakklæti ársins fær tengdapabbi fyrir að hafa komið nýja (eldgamla) sænska húsinu okkar í flott stand á nokkrum vikum – besti smiður landsins ef þið spyrjið mig.
Annars er ég þakklát fyrir fullt af hlutum og verð sérstaklega meir yfir hátíðirnar – að eiga heilbrigð börn, vera hamingjusöm og ástfangin er ekki sjálgefinn hlutur.
Stúlkurnar sem standa á bak við tímaritið: BLÆTI !
*Lesið viðtal við Ernu Bergmann neðst í pósti.
Ég er búin að vera spennt að skrifa um þetta frá því að ég byrjaði að fylgja Blæti-stúlkum á Instagram fyrir nokkrum mánuðum síðan. Þar hafa þær verið virkar að deila myndum af vinnu sinni við nýtt íslenskt tímarit sem kemur út á prenti í dag – BLÆTI !! Instagram aðgangurinn er dásamlegur og þar má sjá að vel er vandað til verka í hverri töku fyrir sig. En hann gæti líka selt ykkur hugmyndina að þetta sé mögulega jólagjöfin í ár fyrir tísku, listar og eða menningar unendur? Sjáið hér að neðan –
Stílistinn Erna Bergmann er ein af stofnendum Blætis. Ég fékk hana til að svara nokkrum spurningum sem gefa okkur betri sýn á hverju búast má við.
Hvað er BLÆTI?
Hvernig og hvenær varð hugmyndin að tímaritinu til?
BLÆTI er nýtt íslenskt tískutímarit stofnað af Sögu Sigurðardóttir ljósmyndara og Ernu Bergmann hönnuði og stílista.
Við Saga stofnuðum BLÆTI því okkur fannst vanta vettvang fyrir ljósmyndara og stílista til þess að fá að skapa og vinna með hjartanu. BLÆTI er ljóðrænt tískutímarit þar sem við brjótum upp staðalímyndir og færum raunverulegan og fallegan boðskap, til dæmis með því að nota óhefðbundin módel í myndatökur og auglýsingar. Tímaritið leggjur mikið upp úr fallegum myndaþáttum og á að ljósmyndirnar fái að njóta sín í blaðinu. Við erum einnig með magnaða rithöfunda og fólk með okkur, þannig blaðið verður mjög innihaldsríkt og áhugavert að lesa því innan í BLÆTI er 100 bls. lesbók með áhugaverðum greinum, ljóðum, smásögum og hugleiðingum. Fyrst stefndum við að því gera lítið „zine“ tímarit, en svo vatt verkefnið upp á sig og fór algjörlega úr böndunum. List sprettur af list og gátum við hreinlega ekki hætt að vinna að blaðinu og fullkomna gripinn. Þetta ferli er búið að vera einstaklega gefandi og skemmtilegt og kveikja neista innra með okkur. Í dag gefum við út 400 bls. harðspjalda bók þar sem að við erum búnar að huga að hverju smáatriði og gera hlutina nákvæmlega eftir okkar uppskrift sem er virkilega frelsandi og góð tilfining.
BLÆTI er tímarit um konur. Um karlmenn. Um tísku. Um hið ófullkomna. Um líkamann. Um vonir. Um væntingar. Um gleði. Um sorg. Um söknuð. Um ást. Um minningar. Um þrá. Um miklu meira. Um fagurfræði; um fegurð ljósmyndarinnar, fegurð augnabliksins, fegurð orðsins & fegurð margbreytileikans.
BLÆTI fangar tíðarandann. Þar mætast í einni hringiðu tískustraumar, ljósmyndin og orðið. Reykjavík eins og hún birtist einmitt núna. Í tímaritinu mynda greinar, ljóð og hugleiðingar heild þar sem orðið og hið sjónræna fléttast saman. Við skoðum fegurðina frá mismunandi sjónarhornum og brjótum upp staðalímynd hennar. BLÆTI fagnar ófullkomleikanum. Allt er fullkomlega ófullkomið. Það eru engar reglur.
Hverjar standa á bak við blaðið?
Fjórar konar standa að baki tímaritsins: Saga Sigurðardóttir, Erna Bergmann, Sigrún Edda Eðvarðsdóttir og Helga Dögg Ólafsdóttir grafískur hönnuður.
Hversu oft mun blaðið koma út?
BLÆTI kemur út í dag, 14. desember og er fyrirhuguð útgáfa árleg. En einnig mun BLÆTI gefa út minni útgáfur yfir árið ásamt því að sinna öðrum verkefnum sem koma í ljós í byrjun árs 2017.
Hvar kaupum við Blæti? Jólagjöfin í ár ?
Tímaritið verður selt í velvöldum verslunum og Eymundsson frá 15. desember og kostar 7.900 krónur. En einnig er möguleiki að versla BLÆTI á netinu á www.blaeti.com og er tímaritið fullkomið í jólapakkann.
_____
Takk fyrir þetta og skál fyrir ykkur !! Ég mæli að sjálfsögðu með útgáfuhófi blaðsins HÉR í kvöld!
xx,-EG-.
Elísabet Gunnars á Facebook – HÉR & Trendnet á Facebook – HÉR
GK Reykjavik kynnti fyrir helgi fyrstu fatalínu verslunarinnar – hágæða flíkur sem eru að hluta til framleiddar á Íslandi. Birta Ísólfsdóttir er hönnuður línunnar en hún útskrifaðist frá Listaháskóla Íslands árið 2010. Það er gaman að segja frá því að mun fyrr keypti ég flík af þessari ungu lista og viðskiptarkonu þegar hún seldi hönnun sína á MySpace síðu (um árið … ). Það er gaman að fylgjast með fólki þroskast í sínu fagi frá upphafi. Ég tók Birtu smá spjalli –
Hver er Birta Ísólfsdóttir:
Birta er 28 ára fatahönnuður, Hvolsvallarmær búsett í miðbæ Reykjvíkur. Ég á tvo gullfiska og eina pottaplöntu sem ég hugsa um að alúð og það skemmtilegasta sem ég geri er að borða góðan mat.
Hvernig myndir þú lýsa fyrstu fatalínu GK Reykjavik?
Okkur langaði að endurvekja gamla GK merkið þar sem hefur verið töluverð eftirspurn eftir því. GK Reykjavík var stofnuð árið 1997 og á því fjölbreyttan og skemmtilegan kúnnahóp á öllum aldri. Línan samanstendur af klassískum vönduðum fatnaði í bland við street/götutísku fyrir bæði dömur og herra. Þetta er í raun frekar lítil fatalína sem ég vann í samstarfi við Evu Katrínu Baldursdóttur rekstrarstjóra GK Reykjavík.
Línan sem er komin í sölu núna er að mestu leiti framleidd hér á Íslandi sem gefur okkur tækifæri á að byrja smátt en einnig erum við komin í samstarf við frábæra framleiðendur erlendis og hlökkum mikið til að geta framleitt stærri og fjölbreyttari línu.
Hver er þinn ferill hingað til?
Ég útskrifaðist sem fatahönnuður frá Listaháskóla Íslands árið 2010 og hef unnið sem slíkur síðan. Ég tók þátt í og sigraði hönnunarkeppninni Hannað fyrir Ísland og fékk í kjölfarið vinnu hjá 66°Norður. Í dag starfa ég sem fatahönnuður fyrir GK Reykjavík og sé einnig um stóran hluta hönnunar
og framleiðslunnar hjá NTC.
Framtíðarsýn?
Við Eva Katrín höfum unnið samnan í þónokkurn tíma og lengi talað um að hanna fatalínu fyrir GK Reykjavík. Hugmyndin er að byrja smátt og þróa síðan seasonal fatalínur fyrir dömur og herra og draumurinn er sá að herja inn á erlenda markaði í framtíðinni. Hér á Íslandi er jafnan lítið framboð
af vönduðum fatnaði fyrir yngra fólk sem hentar til skrifstofuvinnu – GK línan er meðal annars hugsuð til að mæta þeirri þörf.
Takk fyrir spjallið Birta. Ég hlakka til að fylgjast með framhaldinu. Áfram Ísland!
xx,-EG-.
Elísabet Gunnars á Facebook – HÉR & Trendnet á Facebook – HÉR
Guðrún Helga Kristjánsdóttir, góðvinkona mín, var ein af þeim sem sýndi útskriftalínu sína í Listasafninu á dögunum. Eins og ég vissi þá var línan hin glæsilegasta og ég bilaðist úr stolti hérna hinu megin við hafið. Hér var hugsað út í öll helstu smáatriði sem heilla augu áhorfenda.
Guðrún er ein af sjálfstæðari konum sem ég þekki. Hún hefur alltaf haft stóra drauma og það veitir mér innblástur að fylgjast með slíku fólki. Aðeins 18 ára flutti hún til London þar sem hún starfaði meðal annars sem verslunarstjóri í Arragant Cat, hún bjó í Kína um árabil, Köben og svo aftur London þar sem hún tók eitt ár af fatahönnunarnáminu sínu.
Ég heyrði í hönnuðinum og bað hana að deila með okkur sinni ásýnd – svörin finnið þið að neðan.
Mig langar langar langar svooo í þennan jakka. Hann er efstur á óskalista.
Ég hef alltaf verið hrifin af grófum rennilásum og við Guðrún Helga eigum það greinilega sameiginlegt. Rúskinsamfestingur með detailum sem gera lúkkið.
Myndir: Baldur Kristjánsson
Hver er Guðrún Helga?
Fatahönnuður, móðir, dóttir, eiginkona, systir, vinkona, mágkona, svilkona, tengdadóttir og stuðkona.
Hvaðan fékkstu innblástur fyrir línuna? Línan var unnin eftir persónugerð sem ég mótaði í huganum. Persóna sem ólst upp við erfiðan uppeldisramma, strangar reglur og mikla óreglu. Stundum líður henni eins og hún sé bundin niður við rótina sína. Hún hefur samt brotist út úr fjötrum æskunnar, fer sínar eigin leiðir, er full af sjálfstrausti og er hinn mesti töffari.
Hvað leggur þú áherslu á í hönnun línunna?
Að hún væri úr góðum efnum – alls ekki gerviefnum. Að flíkurnar væru vandlega sniðnar, fágaðar, óvenjulegar en um leið tímalausar og að ég gæti séð fyrir mér aðal skvísur bæjarins klæðast flíkunum.
Hver eru þín framtíðar plön í hönnun?
Til að byrja með mun ég einbeita mér að því að fylgja eftir þessari línu næsta árið og í leiðinni afla mér meiri reynslu í þessum geira.
_______
Það sem er svo frábært við útskriftasýningar Fatahönnnnardeildar Listaháskólans er hversu ólíkar fatalínurnar eru. Margir gerðu mjög vel en ég hefði viljað sjá fleiri myndir og meiri umfjöllun um framtíðarfólkið okkar í fatahönnun. Kannski hefur það farið fram hjá mér? Ef einhver á góðan link má sá hinn sami deila honum með mér. Ég er spennt að fá að sjá meira af því sem var sýnt í Listasafninu þetta kvöldið.
Áfram Íslensk hönnun! Og áfram Guðrún Helga!
//
One of my best friend has got a lot of talent! She is graduating from fashion design from The School of Art in Iceland. Above you can see the collection she designed. I really like it – wearable, timeless in fabulous fabrics.
xx,-EG-.
Elísabet Gunnars á Facebook – HÉR & Trendnet á Facebook – HÉR
Annars er undirbúningur í fullum gangi og ég hlakka til að geta sagt ykkur enn meira frá öllu, merkjunum, staðsetningu, opnunartíma o.s.frv.
// I was interviewed for Iceland’s national newspaper, concerning my new job at Húrra Reykjavík. You can find the interview HERE – and see if Google Translate can help!
