LANGAR: RAKEL TOMAS

FÓLKFRÉTTIRÍSLENSK HÖNNUN

English Version Below

Efst á óskalista þessa dagana er verk á vegginn eftir Rakeli Tómasdóttur sem í gær opnaði vefsíðu með dásamlegum teikningum sínum. Ég hef fylgst lengi með þessari hæfileikaríku stúlku og tók hana meðal annars í létt spjall í Stílnum á Instagram hér um árið til að kynnast henni betur.
Rakel er ótrúlega flink í höndunum og hún gerði m.a. letrið á “Konur eru konum bestar” bolina. Ég vildi vita meira um nýju vefsíðuna og teikningarnar og sló á þráðinn til hennar.

Hver er Rakel Tómasdóttir?
24 ára listakona og grafískur hönnuður. Starfa sem Art Director hjá tímaritinu Glamour.

Hvar verða verkin til sölu?
Verkin eru aðeins til sölu í vefversluninni minni rakeltomas.com, en svo er aldrei að vita nema þau verði til sölu einhversstaðar annarsstaðar í framtíðinni.

Hvenær byrjaði listræni áhuginn?
Listræni áhuginn hefur alltaf verið til staðar og í rauninni aldrei minnkað heldur hefur formið sem ég hef unnið með breyst í gegnum tíðina. É g byrjaði að teikna þegar ég var pínu lítil, í grunnskóla kenndi ég mér á photoshop, fór síðan í grafíska hönnun í listaháskólanum þar sem ég kynntist leturhönnun. Í dag næ ég einhvernvegin að einbeita mér að þessu öllu. Svo er mjög gaman að blanda þessu saman.

Aðeins um innblástur ..
Það gefur kannkski auga leið, en mér finnst mannslíkaminn mjög skemmtilegt viðfangsefni. Líkamstjáning og hvernig fólk hreyfir sig veitir mér mikinn innblástur. En einnig hafa samskipti og sambönd mikil áhrif á hvað endar á blaðinu, sérstaklega þar sem nýjustu myndirnar mínar eru yfirleitt tvær manneskjur að blandast saman á mismunandi hátt.

Aðeins um túlkun …
Ég vil frekar leyfa fólki að túlka myndirnar mínar eins og það vill, frekar en að gefa útskýringar á því sem liggur að baki.
Myndirnar hafa flestar einhverja sögu fyrir mér. En það er skemmtilegra að leyfa fólki að sjá það sem það vill og tengja við þær á sinn hátt.

Ein að lokum … Hefur þú alltaf verið svona góð ?!!
Nei auðvitað ekki, mér finnst næstum pirrandi þegar fólk talar eins og þetta séu einhverjir meðfæddir hæfileikar. Þetta snýst allt um æfingu. Ég eyði miklum tíma í að æfa mig og er mjög gangrýnin á eigin verk. Það eru margir sem eru mjög skapandi sem börn en hætta svo að gefa sér tíma í það þegar þeir verða eldri, ég hélt bara áfram.

 

 

Myndirnar eru allar númeraðar og koma í litlu upplagi sem mér þykir mikill kostur – þið munuð því ekki sjá þær á öllum heimilum landsins eins og getur gerst á skerinu okkar góða. Eins og Rakel segir þá vinnur hún mikið með líkamstjáningu og líkamann. Myndinar eru kvenlegar og ég sé miklar tilfinningar í þeim. Verðin eru líka viðráðanleg og því getur þetta verið hentug gjöf. Langar …. Meira: HÉR

Takk fyrir spjallið Rakel og ég óska þér alls hins besta – þú átt framtíðina fyrir þér!

//

I loooove these pictures from the Icelandic artist and designer Rakel Tomas. Her illustrations explores human connection and emotions through manipulation of the female body. Rakel worked together with me and AndreA earlier this summer on our Konur eru Konur bestar collaboration.

 

xx -EG-

Elísabet Gunnars á Facebook – HÉR
&

Trendnet á Facebook – HÉR

GLAMOUR GÖTUTÍSKA

FASHION WEEKFÓLKMAGAZINE

Ég tók að mér smá vinnu fyrir Glamour á Íslandi þegar ég var stödd á tískuvikunni í Kaupmannahöfn á dögunum. Verkefnið var að fanga myndir og móment af þeim geggjaða götustíl sem finna má í dönsku höfuðborginni á þessum tíma árs. Blaðið kom inn um lúguna í morgun og ég var spennt að sjá myndirnar á pappír. Það var svo gaman hvað ég náði mörgum þekktum andlitum í stílinn að þessu sinni – allir liðlegir og til í að vera með.

//

You can see my work in the Icelandic Glamour, September issue. When visiting the European Fashion weeks I get my most inspiration from the people on the streets. In Copenhagen they surely know how to dress. Thank you for letting me take some photos to share here and in Glamour Iceland this month.

 

Ég fékk leyfi til að birta textann hér á blogginu:

Í byrjun ágúst fór fram tískuvika í Kaupmannhöfn og Glamour lét sig ekki vanta. Einn af útsendurum okkar var tískubloggarinn Elísabet Gunnars sem fangaði smekklega gesti á filmu. Gefum henni orðið.  

Það er heillandi að fylgjast með tískupöllunum á tískuvikunum. Að baki liggur ótrúleg vinna frá mörgum aðilum, allt frá hönnuninni til undirbúnings sýningarinnar. Markmiðið er að fanga athygli áhorfandans þessar örfáu mínútur sem sýningin sjálf fer fram og smáatriðin skipta máli.
Eins og alltaf er alveg jafn spennandi að skoða fólkið á götunni, gestina sem eiga það sameiginlegt að lifa og hrærast í tískuheiminum. Á tímum samskiptamiðla hefur götustíllinn stolið töluverðri athygli og leggja tískuhúsin ekki síður áherslu á að áhrifavaldar klæðist hönnun þeirra á götum borgarinnar á meðan tískuvikan fer fram. Útvöldum er boðið í sérstök sýningarherbergi þar sem þeir velja sér föt til að klæðast í von um að rétta fólkið festist á filmu hjá götutískuljósmyndurum stóru miðlanna.
Í Kaupmannahöfn voru gestir óhræddir við að klæðast áberandi litum, sem gladdi augað. Götutíska dönsku höfuðborgarinnar bauð upp á fjölbreyttar hugmyndir sem auðvelt er að leika eftir.
Ég fæ minn helsta innblástur frá fólkinu á götunni og var því með vélina á lofti til að deila því með lesendum Glamour. Ég mæli með að gera sér ferð á tískuvikur, setjast á vel valið horn á góðri göngugötu og fylgjast þannig með tískufyrirmyndum í beinni. Það gefur ekki síður innblástur en heimsóknir á sýningarnar sjálfar.

 

Rósa hin fagra í Ganni dragt –

Aðstoðarritstjóri Euroman –

Ellen – AndreA  – Rósa & ég –

Sokkar og hælaskór – tilvalið á klakanum.

Tískufólk –

Alveg með þetta! –

Litir voru áberandi –

Föt með skilaboðum halda áfram inn í næsta tímabil –

Þessi stígvél! –

Styleby bloggarinn Hanna Mw

Sænski gleðigjafinn og Elle bloggarinn Hanna Stefansson –

Fallegu smáatriði –

Ég vildi að ég þekkti öll nöfnin – en þessi heillaði okkur upp úr skónum!

Hin fagra og ávallt flotta Pernille Teisbæk –

Þið þekkið þetta þríeiki! Strákar: bleikar buxur samkvæmt ritstjóra Euroman –

Rauðu stígvélin og draumakápa –

Litir – ég elska bleikt við brúnt!

Tískusystur –

Í stíl! Báðar í Malene Birger klæðum –

Sneaker við rifnar skálmar –

Gucci bags for the win –

Adidas hittir Nike –

Moments –

Topp team –

 

 

Takk fyrir mig Kaupmannahöfn og Glamour Ísland.

xx,-EG-.

Elísabet Gunnars á Facebook – HÉR
&

Trendnet á Facebook – HÉR

 

STÍLLINN Á INSTAGRAM: DÓRA JÚLÍA

FÓLKSTÍLLINN Á INSTAGRAM

Uppáhalds íslenski plötusnúðurinn minn, Dóra Júlía, situr fyrir svörum í Stílnum á Instagram að þessu sinni. Um er að ræða litríka og ljúfa stúlku sem stefnir langt í lífinu og veitir mér innblástur í hvert sinn sem ég sé hana – bæði í daglegu lífi og á samskiptamiðlum.

Hver er Dóra Júlía?
Fer eftir skapi og dögum! En í hnotskurn 24 ára gömul stelpa sem er stöðugt að uppgötva nýja hluti í lífinu, hef áhuga á ótrúlega mörgu og vinn sem DJ.

Hversu mikilvægur er klæðaburður í þínu fagi?

Klæðaburður hefur alltaf verið mikilvægur fyrir mér og ég held að það hafi miklu frekar með það að gera hver ég er heldur en það við hvað ég starfa. Hinsvegar er mjög gaman að vinna einhversstaðar þar sem maður hefur frjálsar hendur þegar kemur að klæðnaði. Mér hefur alltaf fundist ótrúlega gaman að fatastíllinn minn sé á stöðugri þróun samhliða mér sem manneskju og eftir að ég byrjaði að DJa hef ég leyft mér að fara nýjar og ýktari leiðir en áður, þá sérstaklega í litum og skrauti.

Áttu þér einhverja tískufyrirmynd?

Frá því ég var unglingur hef ég verið mjög hrifin af Kate Moss því það er bara eitthvað við hana sem ég dáist að, þó ég geti ekki endilega ákveðið nákvæmlega hvað það er. Annars finnst mér allir sem eru samkvæmir sjálfum sér og leyfa sér að klæða sig eins og þau langar tískufyrirmyndir útaf fyrir sig.

Must have flík í þínum skáp?
Allt sem er bleikt. Og pallíettur og fjaðrir. Svo mikil gleði í því.

Hefur þú einhver tískutips fyrir ungar stúlkur? Wear whatever you feel like.

Hvað er á döfinni?
Allskonar skemmtilegt! Er búin að bóka slatta af áhugaverðum giggum núna í vetur sem ég hlakka mikið til. Svo er ég að fara til Parísar yfir 25 ára afmælið mitt með mömmu og mig langar svolítið að gefa sjálfri mér bleika chanel tösku í afmælisgjöf úti. Svo fer ég til LA í október í smá frí og ég og kærastinn minn stefnum á að fara til Costa Rica um jólin að læra að surfa, sem er eitthvað sem mig hefur lengi langað til. Þannig mega stuð framundan og good vibes only.

________

Persónuleikinn skín í gegnum stílinn hennar Dóru og mikið sem ég kann að meta slíkt í fari fólks. DJ Adora spilaði í afmælinu mínu á dögunum og í brúðkaupi helgarinnar og í bæði skiptin stóð hún sig virkilega vel. Áhugasamir getið bókað hana hér: djdorajulia@gmail.com.

Takk fyrir að leyfa okkur að kynnast þér betur @dorajulia – Áfram þú!

 

xx,-EG-.

Elísabet Gunnars á Facebook – HÉR
&

Trendnet á Facebook – HÉR

UNGUR OG UPPRENNANDI – BERGUR GUÐNASON

FÓLKÍSLENSK HÖNNUN

Bergur Guðnason, leggið nafnið á minni. Ég held nefnilega að hann muni ná langt í sínu fagi.
Bergur er einn af útskriftanemendum Listaháskólans í Fatahönnun þetta árið. Ég hef fylgst með honum í nokkur ár og séð hversu brennandi áhuga hann hefur á tísku og trendum – heillandi.

Ég hreifst af lokalínu Bergs sem nýlega var sýnd í Hörpu og ákvað því að kynna mér málið betur og hafði sambandi við hönnuðinn. Rauður er áberandi litur í línunni en Bergur segir það hafa verið uppáhalds lit afa síns sem línan er tileinkuð. Afi hans hefur greinilega verið með hlutina á hreinu því það er líka sá litur sem er hvað mest áberandi hjá hátískunni þetta tímabilið. Ég tók Berg í létt spjall sem þið getið lesið hér að neðan en meðfylgjandi sjáið þið myndir frá ferlinu og af fatalínunni í heild sinni. Ferlið er langt og strangt þegar hanna á heila fatalínu og krakkarnir sem útskrifuðust í ár gerðu það með miklum sóma. Framtíðin er björt!

Bergur eldri, afi fatahönnuðarins – red on red on red …

Bergur fór til London að kaupa efni ..

Mig langar að koma við þessa fegurð. Rautt leður –

Teiknað á ferð og FLUGI – þegar mikið er að gera, þá er tíminn ansi dýrmætur –

Frá lokasýningu Listaháskólans sem fram fór í Hörpu –
Myndir: Stefán Pálsson

 

B/W baksviðsmyndir teknar af Daniel Ágústi Ágústssyni –

Stöð 2 tók hönnuðinn tali í lok sýningarinnar. Ég fylgdist með frá Svíþjóð og man mest eftir orðunum. “Ég er glaður en þreyttur” –

Red on red on red … I love.

Hver er Bergur Guðnason?

Bergur Guðnason er 25 ára strákur með athyglisbrest og skófíkn á háu stígi sem hefur brennandi áhuga á hönnun, tísku, íþróttum og tónlist.




Afhverju fatahönnun?

Síðan ég man eftir mér hef ég alltaf haft skoðun á hvernig föt eiga að líta út á fólki. Eftir menntaskóla munaði engu að ég hefði skráð mig í viðskiptafræði eins og allir voru að gera í kringum mig þótt að innst inni vildi ég fara í fatahönnun. Sem betur fer gerði ég það ekki heldur sótti ég um fatahönnun í LHÍ og komst inn og er nú að útskrifast. Ég held það sé hægt að komast ansi langt í lífinu ef maður trúir á sjálfan sig.

Hver var innblásturinn í hönnuninni á línunni?

Í stuttu máli var línan mín var byggð á afa mínum og alnafna. Ég og afi Bergur vorum nánir og samband okkar var einstakt. Afi var mikill töffari og með sterkan persónuleika. Afi var sjálfsöruggur og lét engan segja sér til. Hann var ákveðinn og með sterkar skoðanir. Markmið mitt með þessari línu var að reyna að láta fötin endurspegla persónuleika hans á sem skýrastan hátt. Rauður var mjög ríkjandi í línunni minni, það er einföld ástæða fyrir því að rauður var uppáhalds liturinn hans afa. Einnig notaðist ég við seinustu undirskriftina hans áður en hann lést sem logo.


Stóri draumurinn?

Það væri áhugavert að fara út í heim núna á næsta ári og reyna að koma sér á framfæri á einhvern hátt.  Þetta er erfiður bransi og erfitt er að komast að hjá tískuhúsunum en ég er bara bjartsýnn. Þegar ég hef verið að hanna línur í skólanum hef ég stundum hugsað hvað það væri mikil forréttindi að fá einn daginn greitt fyrir að hanna föt. Það er draumur að vera einn daginn á röltinu í Le Marais og rekast á manneskju í hönnun eftir mig. Það myndi fá mig til þess að brosa. Ekki það að ég brosi lítið.

Þessa dagana stendur yfir lokasýning nemenda frá Listaháskóla Íslands í Listasafninu. Mæli með að fólk geri sér ferð þangað og skoði fatalínur útskriftanemenda.

Áfram Ísland! Og áfram Bergur Guðna!

Elísabet Gunnars á Facebook – HÉR
&

Trendnet á Facebook – HÉR

STÍLLINN Á INSTAGRAM: ÍNA MARÍA

STÍLLINN Á INSTAGRAM

Þið hafið kannski tekið eftir því að Dominos deild kvenna prýðir hjá okkur forsíðuna þessa vikuna. Af því tilefni fékk ég fyrirspurn hvort ekki væri hægt að gefa körfuboltastúlkunum sá athygli á blogginu sjálfu. Eftir smá umhugsun þá var besta lausnin að finna eina vel valda í Stílinn á Instagram. Ég fékk margar ábendingar og valið var ekki svo auðvelt. Ína María náði síðan athygli minni, sólríkur Instagram reikningur þar sem hún býr með annan fótinn í Miami.

Úti er óveður (er það ekki?) og því tilvalið að birta færsluna sem gefur hlýju í hjartað.
Körfuboltastelpa og körfuboltafrú frá Suðurnesjum, Ína María, á Stílinn á Instagram að þessu sinni.
Þið finnið hana undir @inamariia ..

Hver er Ína María Einarsdóttir?
23 ára körfuboltastelpa frá Suðurnesjum í sálfræðinámi, búsett í Miami með kærastanum mínum.

Tíska og íþróttir – einhver tenging?
Í dag er það svolítið þannig að mörg íþróttafyrirtæki eru farin að framleiða föt meira í hversdagslegum stíl og einnig tískufyrirtæki að hanna föt í meiri sporty stíl, svo það er mjög auðvelt að finna bæði sporty og trendy föt og blanda þessum tveimur stílum saman, t.d. kápur og strigaskór og íþróttabuxur eða boli/toppa við hælaskó.

Er hver dagur í lífi þínu útpældur þegar að kemur að klæðaburði?
Nei ég myndi nú ekki segja það, ég fer yfirleitt bara í það sem mig langar og er í stuði fyrir hverju sinni, hvort sem það séu íþróttaföt eða fín föt eða mix af því.

Uppáhalds flík í fataskápnum?
Held ég verð að segja leðurjakkinn minn. Maður er alltaf að leita af hinum fullkomna “leðurjakka”.

Skemmtilegast að kaupa?
Yfirhafnir eins og fallegar kápur og auðvitað skór.

Áttu þér styleicon – tískufyrirmynd?
Ég á mér ekki endilega eitthvað eitt icon, ég fæ innblástur frá mörgum flottum konum t.d. á instagram og auðvitað úr fjölmiðlum og reyni að aðlaga að mínum stíl. Ef skal nefna einhverja ákveðna manneskju þá finnst mér mjög gaman að fylgjast með Victoriu Beckham.

Framtíðarplön?
Ég stefni á Master nám og kærastinn minn stefnir á atvinnumennsku eftir háskólaboltann svo það á eftir að koma í ljós hvar við munum búa og gera í framtíðinni.

Að lokum … getur þú mælt með einhverjum leynistöðum í Miami fyrir íslenska ferðalanga?
Miami býður upp á nóg af afþreyingu hvort sem þú hefur áhuga á því að vera út í sólinni eða skoða skemmtilega staði, versla eða borða góðan mat. Það er órulega gaman að fara skoða Wynwood Walls, allskonar litrík listaverk á byggingum og veggjum og æðislegir veitingastaðir. Ég mæli einnig með eyjunni, Key largo sem er rétt fyrir utan Miami. Þar er t.d hægt að snorkla, fara á kayak, hjólabáta og fleira. Enda svo daginn þar á veitingastað á ströndinni og borða kvöldmáltíð á meðan maður horfir á sólsetrið.

 

Takk Ína María (@inamariia) – vegni þér vel í þínu!

 

xx,-EG-.

Elísabet Gunnars á Facebook – HÉR
&

Trendnet á Facebook – HÉR

SVALA: LÚKK KVÖLDSINS

DRESSFÓLKÍSLENSK HÖNNUN

English Version Below

Söngvakeppni sjónvarpsins fór fram um helgina og þjóðin toppaði sig í Eurovision klikkun. Tæplega 250.000 síma atkvæði bárust !! Mér finnst það frábært.

Svala Björgvinsdóttir fór með verðskuldaðan sigur af hólmi með lagið sitt, Paper. Ég er búin að fylgjast með Svölu á samskiptamiðlum síðustu daga og það er dásamlegt hvað hún er hlý og heil í sínu, vinnusöm út í gegn og auðvitað fagmenneskja fram í fingurgóma. Það mun koma henni langt.

Keppnin í ár var sterk en Svala var alltaf nokkrum skrefum á undan hinum. Þar spilar reynslan stóran þátt.
Lagið er frábært og flutningurinn óaðfinnanlegur. Vinnum við ekki bara í ár ;)

Svala bar einnig af í fatavali að mínu mati en hún er þekkt fyrir sinn persónulega stíl sem fangar augun og vekur athygli. Ég hef lengi fylgst með fatastíl söngkonunnar og birti meðal annars “Stílinn á Instagram” fyrir ári síðan þar sem hún svaraði léttum spurningum hér fyrir áhugasama.

Í atriði sínu um helgina klæddist hún hvítri dragt og klipptum topp með hárið sleikt í tagl. Skórnir kölluðu á umræðu og margir héldu að þetta væru gömlu “góðu” Buffalo mættir í allri sinni dýrð – það var ekki svo gott.

Svala segist elska jakkaföt og smókinga á konum og þar er ég henni sammála.

 “Ég hef alltaf dýrkað Grace Jones og Annie Lennox og var soldið að channela þær báðar svo er ég pínu tom boy í mér og elska að performa í buxum.”

“Ég klæddist Tuxedo frá Calvin Klein sem ég keypti í LA og toppurinn kom einnig frá sama merki. Skórnir koma frá YRU sem er þekkt skómerki í LA – ég á þannig skó í mörgum litum … ekki bara kúl heldur mega þægilegir.”

einarsvala
Hjónin og höfundar lagsins – Einar ♥ Svala

paper

 

Einblínum nú á alla þá smekklegu flytjendur sem stóðu stóra sviðið á laugardaginn og hættum að velta okkur upp úr kynni kvöldsins. RÚV mun pottþétt læra af reynslunni :)

Áfram Svala! Og áfram Ísland! Ég er bara orðin spennt. HÉR getið þið séð atriðið í heild sinni.

//

The Eurovision Song Contest has some tradition in Iceland and you can say that the whole country is following the competition.

We had a final night last here in Iceland last weekend the and the winner, Svala, will perform for Iceland. Her song, Paper, was without doubt the best one and she nailed it with her performance.

Svala is a style icon in Iceland, goes her own ways and not afraid to try something different. I was interested to hear more about the outfit she performed in so I contacted her.

She said that she has always had some tom boy in herself and loves to perform in pants. She loves women in smoking or suits and got inspired by Grace Jones and Annie Lennox.

Her tuxedo is from Cavin Klein as well as her top. The shoes are from the LA based YRU.

Go Svala and Go Iceland!
HERE you can see the performance from Saturday evening.

xx,-EG-.

Elísabet Gunnars á Facebook – HÉR
&

Trendnet á Facebook – HÉR

66 FÓLK

FÓLKÍSLENSK HÖNNUN

English Version Below

Það gleður hjartað þegar maður er erlendis og sér fólk klæðast íslenskri hönnun. Þessa dagana stendur yfir einhverskonar 66°Norður trend hjá erlendum fasjónistum og ég fylgist spennt með!

Processed with VSCO with f2 preset

Í Kaupmannahöfn myndaði ég þessar vinkonur að ofan sem klæddust í stíl, 66°Norður úlpurnar héldu þeim heitum á milli tískusýninga. Þær voru ekki einu gestrnir sem klæddust fatnaði frá merkinu og virðist það falla vel í kramið hjá dönskum frændum okkar.

image001

Fyrir helgi rak ég svo augun í þessa að neðan á Instagram… sem er enn stærri frétt.
Veronika Heilbrunner er mjög þekkt innan bransans, svakaleg tískufyrirmynd og ein af heilunum á bakvið lúxus netverslunina Mytheresa.com. Veronika er með 113k fylgjendur á Instagram aðgangi sínum og situr fremstu bekki á öllum stærri tískuvikum. 66°Norður voru því mjög sniðug/heppin að hún skuli klæðast flík úr þeirra hönnun.

veronika_h

66°Norður x Victoria Beckham – ekki slæmt combo á kaldri tískuviku ;)

in presseklip_vebe

Áfram Ísland!

xx,-EG-.

//

I always get a little proud when I see people wearing Icelandic design abroad. 66°North seems to be doing something right and it fits perfect into today’s outerwear fashion.
The first photo above is a streetstyle photo I took myself at Copenhagen fashion week. The two girls are matching in their jackets from the Icelandic brand.
Below you can see the fashion icon at Mytheresa.com, Veronika Heilbrunner, wearing a jacket from their 90th anniversary collection and actually all the items on the photos above are from this collection.

Elísabet Gunnars á Facebook – HÉR
&

Trendnet á Facebook – HÉR

ANDREA BOUTIQUE OPNAR Í 101

ÍSLENSK HÖNNUNSHOP

Góðan daginn!  Þetta er útsýnið mitt með morgunbollanum. Falleg forsíða Trendnet tók á móti mér umvafinn nýrri auglýsingu frá íslenska fatahönnuðinum Andreu Magnúsdóttir.

16838074_10154500313857568_2073970623_n

AndreA Boutique hefur hingað til aðeins verið í Hafnafirði en opnar dyrnar á Laugavegi 72 í dag, laugardaginn 18 febrúar – spennandi! Af því tilefni býður verslunin í boð milli klukkan 14 – 17. Ef ég væri ekki hinu megin við hafið þá væri svo sannarlega mætt til að skála við fatahönnuðinn og dugnaðarforkin hana Andreu og hennar teymi. Lesið meira um málið: HÉR

16707561_10154864553300520_6919307013297870735_o 16722441_10154864561275520_7771719307011404689_o

AndreA by AndreA SS17 – myndað af Aldísi Pálsdóttir

Það er margt fallegt í boði í sumarlínu verslunarinnar að þessu sinni. Ég þarf að kíkja í heimsókn eins fljótt og möguleiki er á.

Ertu á leiðinni út í kvöld? Verður helgardressið íslenskt? Gleðilegan laugardag!
Til hamingju með nýju búðina AndreA by AndreA

xx,-EG-.

Elísabet Gunnars á Facebook – HÉR
&

Trendnet á Facebook – HÉR

STÍLLINN Á INSTAGRAM: @MELKORAÝRR

FÓLKSTÍLLINN Á INSTAGRAM

Ég datt inn á Instagram aðgang Melkorku Ýrar fyrir tilviljun á dögunum. Norðlenskan ungling sem einhvernveginn er bara meðetta á svo marga vegu. Kynnumst Melkorku – menntskæling og módel með bein í nefinu –

Hver er Melkorka Ýrr?
18 ára menntaskólanemi frá Akureyri, sem hefur áhuga á tísku, list og að ferðast, ætli ég sé ekki líka lítill stjórnmálaperri.

Afhverju Instagram?
Instagram er frábær og auðveldur samfélagsmiðill og einhversskonar mín visual diary sem er ekki einungis notuð til að deila myndum með öðrum – heldur líka til að geyma ákveðnar minningar í myndaformi.
Hefur þú alltaf spáð í tísku?
Ég ólst upp með eldri systur minni sem er og var algjör tískudrolla, svo ætli hún hafi ekki smitað mig frá ungum aldri, síðan var ég undir miklum áhrifum frá Britney Spears þegar ég var lítil… Það var frekar skrautlegt.

Er hver dagur í lífi þínu útpældur þegar að kemur að klæðaburði?
Þegar ég hef tíma þá finnst mér afar gaman að pæla outfit fram í tímann, en annars fer ég bara í það sem ég sé fyrst.

Áttu þér einhverja tískufyrirmynd?
Í rauninni ekki, en ég er dugleg að sækja innblástur frá konum á borð við Freju Wewer og Venedu Budny og þá í gegnum Instagram og bloggið hennar Freju.

Must have flík í þínum skáp?
Ekki beint flík en finnst afar mikilvægt að eiga flotta og góða sneakers.

Hvað er á döfinni?
Ég er búin að vera rosalega upptekin síðastliðinn mánuð svo ætli ég taki því ekki bara rólega næstu vikur, svo er systir mín að koma til Íslands í heimsókn svo ég mun eyða einhverjum tíma með henni.

 

Takk fyrir spjallið @melkorkayrr

xx,-EG-.

Elísabet Gunnars á Facebook – HÉR
&

Trendnet á Facebook – HÉR

ÍSLENSK HÖNNUN Í &OTHER STORIES

FRÉTTIRÍSLENSK HÖNNUN

English Version Below

City Safari-portrait of Shoplifterin her design for &Other Stories photo by Lilja Baldurs IMG_8959

Hönnuðurinn Hrafnhildur Arnardóttir í Shoplifter x &OtherStories –

Listamaðurinn Hrafnhildur Arnardóttir er búsett í New York þar sem hún gerir það gott en hún starfar undir nafninu Shoplifter. Síðustu misseri hefur hún unnið að fatalínu í samstarfi með sænsku verslunarkeðjunni &OtherStories og er línan væntanleg í valdar verslanir í febrúar – mjöög stórt og mikið spennandi (!)
Hrafnhildur hefur haldið ótal listasýningar, unnið mikið með einstaklingum eins og Björk Guðmundsdóttur en einnig tekið að sér sambærilegt verkefni og þetta þegar hún vann t.d. með danska hönnunarfyrirtæki HAY. Ég myndi segja að hún væri búin að meika’ða án þess að vera of mikið í sviðsljósinu.

Hrafnhildur hefur þetta að segja um línuna í “press release” um samstarfið:
“I wanted this collection to be colourful, playful, humorous and super comfortable. Surface and texture are the focal point, and simple shapes have a casualness to them that can be mixed and matched depending on your mood. Everything in this collection can be paired with staples in your closet to make them pop whenever you want to stand out,”

Dansarinn og góðvinkona mín, Þyri Huld Árnadóttir, er ein af aðstoðarkonum Hrafnhildar þessa dagana en hún lenti í ansi skemmtilegu atviki í vikunni þegar verið var að skjóta lookbook fyrir komandi fatalínu. Þyri átti að vera á tökustað til að hjálpa til á bak við tjöldin en á stuttum tíma breyttist hennar hlutverk og áður en hún vissi af var hún sest í hár og makeup og henni “hent fyrir framan myndavélarnar”. Við eigum því von á að sjá íslenskt módel meðal atvinnu módela sem kynna “íslensku” fatalínuna. Myndirnar verða klára fyrir jólin og ég bilast úr spennu enda Þyri snillingur með meiru.

14695512_10154080460950669_6482779243276940607_n

Þyri Huld Árnadóttir í fatnaði úr fatalínunni –

Hvernig kom það til að þú tækir þátt í myndatökunni með þessum hætti?
Það er allt mjög fyndið. Ég bauðst til að aðstoða við hreyfingar því myndatakan var innblásin af break-dans tímabili Hrafnhildar þar sem hún var í Icebrakers með Bjössa bróðir mínum. Áður en ég vissi af var síðan búið að henda mér í hár og förðun og ég bara mætt fyrir framan myndavélina.

Heilluðu fyrirsætustörfin?
Ég myndi nú ekki segja að fyrirsætu störf heilli en það er alltaf gaman að dansa fyrir framan myndavél.

Hvernig líst þér á fatalínuna?
Fatalínan er geggjuð og svo mikið af ótrúlega flottum printum frá verkunum hennar Hrafnhildar. Það sem heillaði mig mest við hana var hvað öll fötin voru þægileg en samt töff.

Hvað er framundan í New York?
Það sem er framundan er að leita að nýjum ævintýrum og njóta þess að vera með kærastanum mínum sem er hérna úti í námi áður en ég fer aftur á klakann.

14708169_10154080460935669_5810835982512716735_n14656382_10154080460910669_4732176637193332429_nÉg vona að engin fyrirsæta hafi reynt að leika þennan liðleika Þyriar eftir –

 14797382_10154080501490669_919044334_n 14804732_10154080501485669_45494762_n 14804886_10154080501500669_1761413082_n

Fatalínan mun innihalda föt, fylgihluti og snyrtivörur. Hér má sjá eitthvað af því sem í boði verður –

14805517_10154080501495669_1811101587_n 14805628_10154080501555669_2006123356_n

27 manna crew kom að tökunni og þar af voru Íslendingar í eldlínunni. Lilja Baldurs spilaði stórt hlutverk en hún vann að framleiðslu tökunnar ásamt Hrafnhildi og sænsku verslunarkeðjunni. Lilja tók myndirnar hér að neðan –

14787552_10153977664352551_510711724_o 14803072_10153977664272551_1938092213_o 14808861_10153977664267551_1598663789_o

Síður brosbolur er á mínum óskalista!

IMG_4523 IMG_4529

Ljósmyndari var Annelise Phillips,
Stílisti: Edda Guðmundsdóttir
Aðstoðarmaður stílista: Brynja Skjaldar
Aðstoðarmaður stílista: Martin Tordby

Hár: Dennis Lanni,
Make up: Devra Kinery
Producer: Lilja Baldurs ásamt &OtherStories

Ég bíð spennt eftir að fá að sjá útkomu myndinna sem og að næla mér í flík þegar þær mæta í búðirnar hér í sænska!

Áfram Ísland!

//

We have an exiting collaboration between & Other Stories and the Icelandic artist Hrafnhildur Arnardóttir a.k.a. Shoplifter. Hrafnhildur lives in New York where they shot the lookbook and she has been doing pretty intresting things there.
Hrafnildur had this to say about the collection:

“I wanted this collection to be colourful, playful, humorous and super comfortable. Surface and texture are the focal point, and simple shapes have a casualness to them that can be mixed and matched depending on your mood. Everything in this collection can be paired with staples in your closet to make them pop whenever you want to stand out,”

The collection is inspired by the brake-dance period and includes very nice prints and wearable items. It’s expected in selected & Other Stories stores and online next spring, but I am actually more exited about the look book which will be published soon. I will tell you why…
One of my best friends, the dancer Þyri Huld Arnadottir, was an assistant backstage at the shoot. But her role changed suddenly and before knowing it her hair and make-up was done and she ended up in front of the camera – can’t wait to see the result !

xx,-EG-.