UPPFÆRT:
Takk allir fyrir frábæra þáttöku hér að neðan. Sem betur fer á ég eftir að gleðja tvisvar í viðbót! Ég vona að þið kíkið við næstu sunnudaga til að sjá hvað ég mun bjóða uppá í þau skiptin.
Hvar væri ég án random.org? Ég hefði aldrei getað valið sjálf úr öllum kommentunum. Úr hattinum komu þessar mæður hér að neðan.
Díana Gestsdóttir
7. December 2015
Fyrir hann, takk <3
&
Hólmfríður Magnúsdóttir
6. December 2015
Ég væri mikið til í pilsið og bolinn fyrir hana Apríl mína. :)
Vinsamlegast hafið samband á eg@trendnet.is fyrir frekari upplýsingar.
Takk allir sem tóku þátt að þessu sinni.
♡
Gleðilegan annan í aðventu kæru lesendur …
Ég var tekin í danskennslu þennan morguninn þegar Alba mátaði fallegu nýju jólaslánna sem við fengum frá Ígló&Indí á dögunum. Það er ekki annað hægt en taka smá snúning í henni, eins og þið sjáið hér að ofan. Flíkin er gyllt og glansar og þið getið því ímyndað ykkur hvað hún hitti mikið í mark hjá heimasætunni. En mamman er ekki síður ánægð með flíkina sem setur punktinn yfir hvaða hátíðardress sem er.
Eins og kom fram fyrir viku síðan þá ætla ég að gefa gjafir á blogginu hvern sunnudag á aðventunni og í dag ætla ég að tileinka hana smáfólkinu með hjálp Ígló&Indí. Íslenska barnafatamerkið gaf út sérstaka hátíðarlínu eins og hefur tíðkast síðustu árin. Línan fór í sölu í nóvember og er því öll komin í verslanir eins og margir aðdáendur merkisins vita. Því miður er sláin að ofan uppseld en ég tók saman eitt jóladress fyrir dreng og eitt fyrir stúlku sem ég ætla að gefa eftir helgina. Ég veit og vona að margar mömmur gleðjast yfir því :)
Bolurinn og pilsið er komið í fataskáp Ölbunnar og bíður eftir jólunum en ég sé mikið notagildi í báðum þeim flíkum eftir hátíðirnar – það er tips sem er gott að hafa bakvið eyrað þegar við veljum jólaföt á börnin okkar.
Holiday collection 2015
_
Það eru sömu leikreglur :
1. Skrifa komment á þessa færslu: “Fyrir hann” eða “Fyrir hana” ?
2. Smelltu á Facebook “Deila” hnappinn hér niðri til hægri.
3. Líkar ekki öllum við Elisabetgunnars á Facebook? (ekki skilyrði til að vinna)
Ég dreg út 2 heppna vinningshafa á þriðjudagskvöld (08.12.15) –
Njótið dagsins –
xx,-EG-.
Skrifa Innlegg