Síðasta Tælands-bloggið.
Let’s go!
Þarna vorum við vinirnir nýbúnir að ákveða að fara beint til Bangkok eftir Koh Tao. Upprunalega planið var að fara til Koh Lanta, Krabi, Koh Phi Phi og þaðan til Bangkok. Við semsagt flýttum ferðinni og fórum beint til Bangkok, þar sem okkar aðal mission beið okkar. Að finna og heimsækja barnaheimilið hans Palla sem hann var ættleiddur frá rúmlega fjögra ára gamall.
Ferðin til Bangkok var löng og ströng, en rúmlega tólf tímar. Rútan var reyndar rosalega næs og hægt að halla sætinu þannig að maður eiginlega með rúm bara. Mjög næs.
Hér má sjá sætasta litla dreng í heiminum. Þetta er semsagt mynd af Palla sem send var til Íslands til foreldra hann þegar þeim var tilkynnt að þetta væri litli drengurinn sem þau voru að fara ættleiða. Alveg einum of sætur.
Palli var semsagt fundinn á götunni í Suður Bangkok þriggja mánaða gamall og var á barnaheimili þangað til hann var rúmlega fjögra ára. Í þessari ferð, heimsóttum við barnaheimilið.
Það hefur verið plan mitt og Palla að fara saman til Tælands frá því að við vorum litlir, svo það var frekar magnað að þetta varð allt saman að veruleika.
Þetta var alveg stórkostleg upplifun að fá að fara þangað með honum.
Þessi man vel eftir honum. Millinafn Palla er Thamrong, og um leið og hún heyrði það þá kveikti hún á perunni. Hún var svo hissa hversu stór hann væri. Ótrúlega mögnuð stund.
Loks fengum við að hitta litlu gullin. Ef ég hefði verið með eggjastokka hefðu þeir sprungið akkúrat þarna. Þessi börn voru svo falleg og brosandi. Ég eiginlega bara var svona ‘stunned’ – þau voru SVO brosandi og falleg. Viltu sjá og skoða og knúsa og klappa og snerta tattoo-in og ég veit ekki hvað og hvað. Þessi litli drengur í græna var óneitanlega í uppáhaldi, en hann vildi bara knús og láta halda á sér.
Palli var sjálfur einstaklega vinsæll hjá krökkunum.
Ég þurfti heldur betur að koma hausnum á réttan stað á meðan ég var þarna. Ég fann það að ég varð alveg einstaklega tilfinningasamur þarna, tilhugsunin að þessir krakkar séu munaðarleysingjar og að ég gæti ekki bara tekið þau með mér heim og knúsað þau alla daga. Ég þurfti einhvernveginn að kyngja þessu öllu saman og bara gefa af mér þennan stutta tíma sem við fengum að leika við þau. Mér líður samt ótrúlega vel að sjá að krakkarnir hafa það rosalega gott þarna og vantar ekkert þarna.
Það er erfitt að ímynda sér hvernig Palla leið þarna.
Ókei samt, ég hefði alveg getað stolið þessum dreng. Ég viðurkenni að ég féll alveg fyrir honum. Varð eiginlega alveg ástfanginn af honum.
Þetta var alveg einstakt augnablik. Palli fór svo í næsta hús þar sem stóð kona, og maðurinn sem var með okkur sagði “Thamrong” við hana og maður sá alveg hvernig hversu hissa hún var. Hún eiginlega bara vissi ekki hvað hún átti að segja og knúsaði hann og gat ekki haldið aftur tilfinningum. Ég verð bara meyr við tilhugsunina! Gah! Hún semsagt var mikið með hann þegar hann var að alast upp á heimilinu.
Við Palli gistum á alveg ógeðslega næs hóteli í Bangkok, sem bauð uppá geggjaðan morgunmat. Ég varð að documentera.
Sundlaugin var líka úber næs. Það magnaðasta við það allt saman var að uppí þessu tré fyrir aftan mig voru fáranlega margar leðurblökur að borða ber og fljúga yfir okkur í sundlauginni endalaust. Frekar hellað.
Ég var fyrst skeptískur að borða á götum borgarinnar, semsagt þegar ég fór í janúar og eiginlega þegar ég lenti í Bangkok. Í gegnum ferðina sá ég að það var lang besti maturinn í Tælandi. Við borguðum að meðaltali 97 – 170 kr íslenskar fyrir þessa rétti á mörkuðunum hjá hótelinu. Þetta var SVO autentískt og gott, fjandinn hafi það.
Við Palli erum báðir miiiklir mataráhugamenn og sérstaklega tælenska matargerð, svo þetta var algjört fest fyrir okkur. Að fá að fylgjast með og læra.
.. oooog heim!
Ég gæti ekki verið meira þakklátur fyrir þessa ferð með Palla og fékk alveg ótrúlega mikið útúr henni. Tæland er komið til að vera, elska þetta land!
Skrifa Innlegg