HELGASPJALLIÐ – BEGGI ÓLAFS

HELGASPJALLIÐSMEKKSMAÐUR

Bergsveinn Ólafsson eða Beggi Ólafs eins og samfélagsmiðlaheimurinn þekkir hann. Hann heldur úti heimasíðunni BeggiOlafs.com sem er hiklaust mitt uppáhalds blogg þar sem hann bæði skrifar og Vloggar (Video blogg guuuuys). Hann er sálfræðimenntaður og á einnig heiðurinn á því að verða einn af þeim sem ég lít mikið upp til á mettíma, en ég semsagt rakst á hann á Instagram fyrir ekki svo löngu og hef fylgst vel með honum síðan. Hann er vegan, og ég verð einn daginn vegan. Hann er miðlar heilbrigði, sjálfsvinnu og er óhræddur að tala um tilfinningar. Hann er góð fyrirmynd og almennt mjög fræðandi að fylgjast með honum, en hann deilir uppskriftum, ráðum, uppskriftum og æfingum. Hann er on point hvað varðar style og selur mér auðveldlega ljósgráan frakka sem ég hélt ég mundi aldrei kaupa mér. Ef ég á að segja eitthvað neikvætt um manninn væri það að hann lætur mig líta illa út almennt og hann er í ömurlegu formi (sjá mynd fyrir neðan)

Nafn: Bergsveinn Ólafsson
Aldur:
25 ára 
Stjörnumerki:
Meyja
Þrjú orð sem lýsa þér:
duglegur, þrjóskur og lífsglaður
Instagram:
@beggiolafs



Til að byrja með, hvernig byrjaði vegan ferlið hjá þér?

Það byrjaði eiginlega þannig að kærastan mín hætti að borða dýr og dýraafurðir en ég ætlaði aldrei að hætta borða kjöt. Ég varð mjög pirraður út í hana á sínum tíma þar sem ég vildi hafa  lambalæri fyrir krakkana mína á sunnudögum í framtíðinni. Mér hafði aldrei dottið í hug að verða vegan sjálfur. Út frá þessu hlustaði ég á “podköst”, horfði á heimildamyndir og aflaði mér heimilda um ávinninga plöntufæðis. Ég varð keyptur þegar ég sá að plöntufæði gæti haft góð áhrif á orku, þol, endurheimt og þar af leiðandi frammistöðu í íþróttum. Seinna meir finnst mér frábært hvaða aðra ávinninga plöntufæði hefur, eins og fyrir heilsuna, umhverfið og dýrin. Ég ákvað að prófa að vera vegan í mánuð og mér líkaði svo vel við það að ég hef ekki snúið mér aftur að kjötinu. Það var erfitt að komast inn í fæðið til að byrja með en ég kýldi á það og lærði inn á hvað væri best fyrir mig að borða hverju sinni. Í dag er þetta ekkert mál og ég sé alls ekki eftir þessari breytingu.


En varðandi sjálfvinnuna, hvernig þróaðist það hjá þér?

Það er í rauninni eitthvað sem ég hef verið að vinna í hægt og bítandi frá árinu 2009. Ég átti nefnilega svona “aha” augnablik þegar ég var í B-liði í fótbolta að horfa á A-liði keppa þegar ég var 16 ára. Þá má segja að ég hafi áttað mig á að mig langaði að verða eitthvað í lífinu. Frá þessu augnabliki hef ég verið að bæta mig í þáttum sem tengjast andlegri og líkamlegri heilsu eins og t.d. hugarfari, mataræði og æfingum. Þessi vinna hefur tekið sinn tíma, ég hef lagt hart að mér og gert urmul af mistökum sem er frábært. Það byrjar nefnilega enginn sem meistari í neinu, þannig ég hef alltaf tamið mér að kýla á hlutina, gera mín mistök og læra af því. Ég á fullt ólært í dag og ég elska það. Þessi sjálfvinna mun eiga sér stað út lífið, því maður getur alltaf lært eitthvað sem hagnýtist manni út í lífið og bætir mann sem einstakling.


Hvað finnst þér það mikilvægasta sem þú miðlar til ungs fólks?

Fyrirbæri sem kallast  gróskuhugarfar. Að koma því inn í hausinn á ungu fólki að það getur orðið gott í því sem þau vilja vera góð í. Hæfileikarnir sem við fæðumst með gera ekki útslagið um hvort við munum ná árangri í framtíðinni heldur vinnusemi, dugnaður, bjartsýni, mistök, hindarnir og áskoranir lífsins. Þó svo þú sért ekki afburðar einstaklingur þegar þú ert yngri þýðir það ekki að þú getir ekki bætt þig og náð árangri seinna í lífinu. Við getum bætt hæfni okkar til muna og því fyrr sem við áttum okkur á því, því betra.


Nú hefuru verið með fyrirlestra, hvað snúast þeir um?

Þeir snúast aðalega um þætti tengda heilsu. Þar hef ég meðal annars fjallað um mína sögu, plöntufæði, hugarfar, markmið, núvitund, hamingju og hreyfingu.


Yfir í Íþróttir! Þú ert nýbyrjaður í Crossfit Reykjavík, hvað finnst þér?

Crossfit kom mér skemmtilega á óvart, mér finnst það rosalega gaman. Það er alltaf búið að setja upp æfingu fyrir hvern einasta dag og hver crossfit æfing er bara klukkutími með upphitun. Það er mjög þæginlegt. Ég hef haft áhuga á crossfit í svolítinn tíma og ákvað breyta til og prófa það þegar það var frí í fótboltanum í október. Síðan hann byrjaði hef ég því miður ekki getað mætt í crossfit en ég ætla vera duglegur að mæta um jólin. Ég er mikill aðdáandi að okkar helsta crossfit fólki og ég lít mikið upp til Katrínar Tönju, Ragnheiðar Söru, Anníe Mistar, Þuríðar og Björgvins Karls. Frábært íþróttafólk.


Ertu enn í fótbolta?

Já að sjálfsögðu. Ég elska fótbolta!


Tekuru einhver fæðubótaefni?

Já ég geri það. Ég er hinsvegar lítið í þessu klassíska fæðubótaefni, þó svo ég eigi það alveg til að fá mér próteinduft eða kreatín. Ég er meira í bætiefnum eins og meltingargerlum, kúrkúmin, maca, ashwagandha, rhodiola, mct olíu og green phytofoods. Þessi bætiefni hafa misjafna ávinninga en eiga það sameiginlegt að fást hjá Now.


Hvernig hljómar klassískur dagur í lífi Begga Ólafs?

Hann getur verið rosalega misjafn en í grunninn er ég þó yfirleitt að gera sirka það sama. Ég vakna yfirleitt klukkan 08:00, fæ mér vel af vatni, kíki í símann og hugleiði. Þar á eftir tekur lærdómur við og svo næri ég mig um 10:00 leitið. Síðan liggur leiðin á æfingu en ég er yfirleitt á æfingasvæðinu frá 11:00 til 14:00. Eftir æfingu fæ ég mér eitthvað gott að borða, annaðhvort eitthvern hollan og góðan skyndibita eins og Gló eða ég elda mér eitthvað. Eftir mat sný ég mér annaðhvort aftur að lærdómnum eða eitthverju sem tengist því sem ég er að gera hverju sinni. Meðal annars að vinna í blogginu, fara í sjósund, í laugina, undirbúa fyrirlestra og næstu verkefni eða rækta vinskap yfir einum kaffibolla. Á kvöldin elda ég og kærastan yfirleitt eitthvern góðan kvöldmat og svo eyði ég kvöldinu í lærdóm undirbúning eða tjilli í sófanum. Ég gef mér yfirleitt alltaf tíma í einn þátt eða svo fyrir svefninn. Ég er líka að vinna sem forfallakennari. Þegar það er hringt í mig vinn ég í kringum æfingar eða á æfingarlausum dögum. Þannig það má segja að klassískur dagur í lífi Begga Ólafs innihaldi lærdóm, æfingar, mat, undirbúning, vinnu, vinskap og umhyggju.


Ertu ekki líka eins og við hin og átt letidag og liggur uppí sófa og borðar súkkulaði?

Jú klárlega, það kemur einstaka sinnum fyrir að ég nenni alls ekki neinu. Þá heillar sófinn ansi mikið og súkkulaði fylgir oft fast eftir á. Ég hef allavegana ófáum sinnum klárað hálfa þáttaseríu á einum degi. Það er líka bara eðlilegt að taka einn og einn letidag, horfa á sjónvarpið og fá sér nokkra súkkulaðimola. Ég ætla allavegana bókað að taka Lord Of The Rings eða Harry Potter maraþon um jólin og stelast í nokkra súkkulaðimola!


Hvernig kemuru þér í gírinn á letidegi?

Ég segi við sjálfan mig: Beggi, hættu þessu kjaftæði og byrjaðu að gera eitthvað gagnlegt. Við það stend ég stundum upp úr sófanum og kem mér að verki. Þetta er yfileitt bara spurning um að byrja. Þegar maður er byrjaður gerir maður oft meira en maður ætlaði sér. Ég hugsa líka oft um hvað ég verð feginn eftir á og hvað mínir duglegustu vinir myndu gera í mínum sporum.


Hvað fékk þig til að byrja Vloga og hvernig tekur fólk í það?

Til að byrja með ætlaði að vlogga því ég hélt það væri léttara en að blogga, sem er alls ekki rétt. Ég hugsaði líka að það sé meira skemmtanagildi að horfa á eitthvað í staðinn fyrir að þurfa lesa sjálfur. Margir hverjir eru líka það latir að nenna ekki að lesa blogg færslu og ég held að þeir einstaklingar séu líklegri að horfa á myndband og taka inn upplýsingar sjónrænt og hljóðrænt. Mér fannst ég geta gefið meira virði með því að vlogga heldur en að blogga og mér fannst spennandi hvað það voru rosalega fáir að vlogga á Íslandi. Ég hef fengið mjög góðar viðtökur á vloggin mín og ég myndi segja að fólk taki því almennt vel. Ég hef samt alveg heyrt að einhverjir einstaklingar séu að drulla yfir mann hvað maður er asnalegur. Það er líka bara allt í besta lagi. Það væri hundleiðinlegt að eiga ekki neina haters og að öllum myndi líka vel við mann.


Áttu þér guilty pleasure?

Ég elska Bachelor og Bachelorette.


Must haves:

Í íþróttum? Gott hugarfar, kemur þér ansi langt.
Í fataskápnum?
Frakki fyrir Íslenska veturinn.
Í ísskápnum?
Grænkál, finnur ekki hollari fæðu.


Hvað er á jólaóskalistanum þínum?

Gjafabréf í tattoo hjá Sindra á Íslenzku húðflúrsstofunni
Checked double-breasted coat Frakki úr Zöru
Svartar Bankastræti buxur úr 66
Drangajökull parka úr 66
Hvíta/svarta yeezys skó
Brúna Chelsea boots
Grá Ian hettupeysa frá Wood Wood úr Húrra


Hvernig hljómar jólahátíðin hjá Begga?

Borða góðan mat, vera í faðmi fjölskyldu og vina, spila, Harry Potter maraþon, æfa, sofa út, borða súkkulaði og njóta.

Eitthvað að lokum?

Nei, ég er búinn að skrifa alltof mikið!

Takk fyrir spjallið!

HELGASPJALLIÐ – EDDA FALAK

HELGASPJALLIÐSPORT

Ég rakst algjörlega random á Instagrammið hjá Eddu nokkurri Falak. Til að vera alveg hreinskilinn fékk ég big fat shot of girl-crush. Ég meira segja sagði henni það. Ég sá strax pínu eftir því, en ég var alltíeinu hræddur um að fá eitthvað “alrighty creep” tilbaka. Eins fögur og hún er, er hún líka úúúúber næs. Hún semsagt býr hér í Köben, æfir Crossfit og þjálfar það líka. Mér finnst hún gjörsamlega geisla af heilbrigði og náttúrulegri fegurð og mér þykir persónulega fátt meira heillandi í fari manneskju en heilbrigði. Hún er strax dottinn á listann af fólki sem ég svona horfi upp til á samfélagsmiðlum, enda á hún til að byrja dagana sína á til dæmis chocolate chip pancakes og svo er hún brjálaðslega metnaðarfull og góð í því sem hún gerir, og þá er ég að tala um Crossfit. Hún er án efa mega metnaðarfull á öðrum sviðum, en ég hreinlega þekki hana ekki nóg til að geta selt það jafn dýrt og ég mundi vilja. Kæru lesendur, I give you, ofur fögru og súper flottu Eddu Falak.

Nafn:

Edda Falak

Aldur: 

25 ára

Stjörnumerki: 

Bogamaður

Þrjú orð um þig: 

Ég myndi segja að ég væri þrjósk, glaðlynd og kærulaus.

Hefuru alltaf verið í íþróttum? 

Já það held ég bara. Ég æfði fótbolta með HK í mörg ár þegar ég var yngri, síðan var ég í WorldClass og spinning á menntaskólaárunum. Eftir menntó byrjaði ég að æfa hjá Mjölni því bróðir minn, hann Ómar Yamak er þjálfari þar og ég bara gjörsamleg elskaði Víkingaþrek tímana þar.

Hvenær byrjaðiru í Crossfit og afhverju? 

Ég flutti til Köben 2015 til þess að fara í mastersnám í Copenhagen Business School. Ég byrjaði þá að leita að einhverju svipuðu og Mjölnir, þar sem ég gat verið að æfa með hóp af fólki. Ég skráði mig því í Crossfit og byrjaði að æfa að einhverju viti í byrjun ársins 2016.

Hvað drífur þig áfram í íþróttinni? 

Úff það er svo margt. Það helsta sem drífur mig áfram er löngunin til að verða betri í einhverju. Sú tilfinning að vera betri í dag en fyrir mánuði síðan. Ég þrífst algjörlega á árangri og ég held að þar komi þrjóskan mér helst að gagni. Ég þoli ekki að geta ekki gert eitthvað og ég fer ekki heim fyrr en ég hef náð að gera eða læra það sem ég ætlaði mér. Félagsskapurinn er líka stór partur af því sem drífur mig áfram, maður er alltaf umkringdur fólki sem er að gera það sama, með svipuð markmið og hefur ánægju af sportinu þannig það er auðvelt að kynnast nýju fólki og eignast nýja æfingarfélaga.

Skemmtilegasta æfingin? 

Mér finnst alltaf skemmtilegast að gera eitthvað sem ég ger góð í og ég skipti reglulega um “skemmtilegustu æfingu” eða uppáhalds æfingu. Ég á það til að æfa mig í marga klukkutíma á dag þangað til ég tel mig vera orðin sæmilega góð í þeirri æfingu. Fyrir nokkrum vikum voru handstöðu pressur mín uppáhalds æfing og ég gerði fátt annað en það. Núna hef ég fært mig yfir í “Muscle up” og ég er ekki frá því að það sé bara mín uppáhalds æfing í dag.

Leiðinlegasta æfingin? 

Mér finnst “The asault bike” alveg ógeðslega leiðinlegt og ég held að það sé einungis vegna þess að ég er ekkert sérlega góð í þeirri æfingu, en ég er að vinna í þessu hægt og rólega. Er ég að sjá árangur? Nei. Er ég uppgefin á því? Já.

Hvernig kemuru þér í gírinn á letidegi? 

Ég er alveg snar ofvirk og snældu vitlaus og ég á mér sjaldan letidaga, nema ég sé veik eða eitthvað slíkt. Annars er ekkert sem “Dakke dak” tónlist og preworkout getur ekki lagað.

Hvernig hljómar dagur í lífi Eddu Falak? 

Ég vakna oftast rétt fyrir 7, fæ mér morgunmat og fer í skólann. Það er síðan hefð hjá okkur stelpunum að borða saman hádeginu sem er yfirleitt besti tími dagsins. Eftir skóla fer ég upp í Crossfit Copenhagen og tek æfingu með vinum mínum og þjálfa síðan upp í Crossfit Copenhagen á kvöldin. Um helgar er ég hin svegar að þjálfa kl. 8 á morgnana, þannig ég æfi yfirleitt fyrir þann tíma um helgar svo ég geti eytt deginum með vinum mínum. Ef ég hef ekkert fyrir stafni, engan skóla og er ekki að vinna þá vil ég helst fara með vinum mínum snemma upp í crossfit, taka æfingu, borða saman, taka aðra æfingu og síðan borða saman aftur. Það eru klárlega mínir uppáhalds dagar og þannig vil ég hafa sumarfríið mitt.

Tekuru einhver fæðubótaefni? 

Ég tek Omgega á morgnana og drekk BCAA eftir æfingar, einfaldlega bara af því mér finnst það svo gott á bragðið. Ég á líka einhver prótein duft sem ég nota stundum í boozt. Ég hef bara ekki verið nógu dugleg við það að kynna mér þau fæðubótaefni sem eru til á markaðinum og þau sem ég hef smakkað hefur mér ekki fundist vera góð. Ef einhver hefur fundið súkkulaði prótein duft sem smakkast eins og súkkulaði má sá hinn sami endilega senda mér línu. Ég er hrifin af þeirri hugsun að reyna að fá alla mína næringu úr mat. Ég reyni það stundum og fer það alveg á þrjóskunni að sanna fyrir sjálfri mér að það sé hægt að gera það, ódýrt og léttilega. Ég las einhverstaðar að Sardínur væru stútfullar af kalki og algjör snilld. Þær kosta svona eina krónu, svo ég keypti alveg böns af þeim og ætlaði að borða þetta ,,on the side” en þetta er það versta sem ég hef smakkað og núna ég sit uppi með heilan ruslapoka af Sardínum.

Hvað með mataræði? 

Ég er elska allan mat og borða næstum því allt, nema mysing. Ég fylgi engu sérstöku mataræði en ég reyni að borða fjölbreytta og orku mikla fæðu. Ég er í fullu námi, æfi á hverjum degi og þjálfa á kvöldin, og því preppa ég oftast kvöldið áður það sem ég ætla að borða yfir daginn svo ég þurfi ekki að eyða tíma og pening í að kaupa mér eitthvað. Ég hef enga sérstaka reglu á því hvenær ég borða. Ég borða bara þegar ég er svöng og það sem ég á til. Yfirleitt borða ég fjórar stórar máltíðar á dag, mér finnst ekki gott að borða milli mála og “snakka” yfirleitt ekki. Ég borða stóra og góða máltíð þegar ég vakna sem er yfirleitt hafragrautur, chiafræ, banani og möndlur. Ég elska brauð með osti, ég elska grænmeti, pasta, fisk, kjúkling og ég er algjör sökker fyrir möndlusmjöri. Hinsvegar, þá hugsa ég mikið út í það hvaða matur virkar best fyrir mig til þess að mér líði vel. Ég skipulegg matinn minn þannig að ég fái mikla fitu og mikið prótein og ég reyni að borða lítinn sem engan sykur á þeim dögum sem er mikið að gera hjá mér því mér finnst ég verða þreytt og orkulítil. Annars hef ég engan sérstakan nammidag, og kýs oftast að fá mér súkkulaði og ís á kvöldin frekar en eitthvað annað nammi ;)

Áttu þér eitthvað guilty pleasure? 

Ben&Jerry’s á mig alla.

Þú ert í miðju WOD-i og ert alveg að springa, hvernig nærðu að drífa þig áfram til að klára? 

Ég elska tilfinninguna þegar manni líður eins og maður geti ekki haldið áfram. Annars hugsa ég alltaf um atriðið úr bíómyndinni Finding Nemo ,,Just keep swimming, just keep swimming”, Það virkar alltaf!

Nú ertu ekki búin að vera æfa Crossfit neitt fáránlega lengi, en ert augljóslega búin að ná miklum árangri á svona skömmum tíma, hvernig tókst þér það? 

Fyrst og fremst er ég er með fáránlega góða og skemmtilega æfinga félaga sem eru dugleg að hvetja mig áfram og kenna mér. Svo skapar æfingin meistarann. Ég hef mikla ánægju af því að læra eitthvað nýtt og ég eyði miklum tíma í það að æfa mig. Ég held líka að stór partur af því sem hjálpaði mér að ná árangri var að breyta hugafarinu mínu gagnvart því hvers vegna ég er að æfa. Ég er ekki að æfa til þess að verða mjó eða til þess að líta út á ákveðin hátt. Ég fer á æfingar til þess að verða betri.

Áttu einhver ráð sem hjálpaði þér að ná árangri sem þú getur miðlað áfram? 

Ég held að það mikilvægasta sé að hafa gaman af því að fara á æfingar og eiga sér tvo eða fleiri æfingafélaga. Ég upplifði það pínulítið á tímabili, þegar ég var að fylgja einhverju prógrammi að æfingarnar urðu eins og vinna, eitthvað sem ég þurfti að gera og klára og þá fékk ég smá leið á þessu. Í dag reyni ég alltaf að fara á æfingar með einhverjum, búa til einhverja skemmtilega æfingu, setja á góða tónlist og bara njóta. Það sem hjálpaði mér líka við að ná árangri er að æfa með fólki sem er betra en ég. Það er alltaf ágætis hvatning þegar maður “vinnur” einhvern sem er betri en maður sjálfur.

Hvað finnst þér must að hafa í huga þegar maður er að byrja í Crossfit? 

Þegar maður er að byrja í Crossfit, þá er svo mikið af “new movements” og því er mikilvægt að hlusta á líkamann. Einnig finnst mér mikilvægt að ná tökum á the basics áður en maður reynir við þyngri lóð eða flóknari æfingar og skala niður í staðin fyrir að reyna við eitthvað sem maður kannski getur ekki alveg gert.

Hvað finnst þér almennt must-have fyrir stelpu að eiga? 

Ég er öll í þægindunum og gæti ekki lifað án þess að eiga góðar jogging buxur (maður er náttúrlega svo mikið athlete). Annars geta allir verið sammála um að flott kápa eða loðkragi er must-have, það er hægt að poppa hvaða dress upp með loði.

En á heimilinu? 

Fyrir mig er must-have að eiga góða kaffivél, einn rjúkandi bolli á morgnana er náttúrulega bara toppurinn.

Eitthvað á fasjón óskalistanum? 

Það er alveg hættulegt að búa í Köben þegar kemur að því að langa í eitthvað fallegt. Ég elska búðirnar Ganni og Mads Nørgaard og er með hvítt sett frá Ganni mjög ofarlega á óskalistanum. Svo er einn sturlaður leðurjakki frá Mads Nørgaard sem ég verð að eignast!

Hvar sérðu þig eftir 5 ár? 

Göövuð það er erfitt að segja. Fyrir ári síðan hefði ég örugglega svarað: með tvö börn, hund og station bíll. Núna reyni ég bara að lifa einn dag í einu og njóta. Ég gæti trúað því að ég verði ennþá hér í Köben eftir 5 ár, að gera eitthvað tengt hreyfingu. Ég er í mastersnámi í Finance and Strategic Management en ég hræðist smá hugmyndina um að vinna í banka frá 8-16. Ég vona að þegar ég útskrifist muni ég halda áfram að gera það sem mér finnst skemmtilegt og sú hugmynd um að vinna fyrir sjálfa mig eða vinna við eitthvað tengt samfélegsmiðlum heillar mig mikið.

Hver er aðalsnilldin við kraftlyftingar? 

Hversu mikilvæg tæknin er og hvernig öll smáatriði skipta máli. Það er svo ótrúlega skemmtilegt að æfa tæknina, það er alltaf eitthvað sem hægt er að laga og bæta.

Lokaorð? 

Maður á bara að gera það sem manni finnst skemmtilegt, en stundum þarf maður að gera eitthvað leiðinlegt.

Takk fyrir spjallið Edda! x

Þið finnið Eddu á Instagram undir: @eddafalak

Insta: helgiomarsson
Snap: helgiomars

HELGASPJALLIÐ: ARNHILDUR ANNA

HELGASPJALLIÐ

Arnhildur Anna er frábær að svo mörgu leyti. Fyrsta, hún er frábær fyrirmynd, hún er sturlaður sjarmur, án djóks samt, maður verður svona “vó” þegar maður hittir hana. Hún er sjúklega fyndin og hún er alveg ótrúlega sterk. Mér finnst hún bara svo sjúklega frábær og alveg solid girl crush. Hún er kraftlyftingarkona ásamt því að vera háskólanemi. Hún var ein af þremur fyrstu sem ég skrifaði niður í Helgaspjallið og er mjög glaður að hún var game. Let’s go!

2

Nafn: Arnhildur Anna Árnadóttir

Aldur: 23 ára

Stjörnumerki: Krabbi

Þrjú orð um þig: Jákvæð, jafnaðargeð og beikon

arnhildur02

Hefuru alltaf verið í íþróttum? Já ég æfði fimleika hjá Gróttu í mörg ár!

Hvenær byrjaðiru í lyftingum og afhverju? Upphaflega leitaði ég til þjálfara til að létta mig og komast í form, en ég var rúmum 10 kg þyngri en ég er núna. Mitt fyrsta mót var svo nokkrum mánuðum síðar, Íslandsmót 2012 og eftir það lagði ég áherslu á verða sterkari en ekki léttari. Það er gaman að segja frá því að við mamma kepptum saman á því móti. Hún var mín helsta hvatning og er ég mjög heppin að eiga svona flotta fyrirmynd!

Hvað drífur þig áfram í íþróttinni? Fyrsta sem mér dettur í hug er minn eigin árangur. Lyftingar er mjög mælanleg íþrótt og við erum alltaf að miða við tölur. Það er auðvelt að vera ekki 100% fullnægð með tölur á mótum eða æfingum og það er klárlega hvatning til að æfa betur. Svona fyrir utan hvað ég á skemmtilega æfingafélaga!

arnhildur03
(Sorry hversu sætur hundur, þetta er svo sæt tegund, sturlast)

Skemmtilegasta æfingin? Móðir allra æfinga…hnébeygja!

.. een leiðinlegasta? Ég ætla segja upphýfingar og réttstöðulyfta af hækkun. Bðöö.

Hvernig kemuru þér í gírinn á letidegi? Nóg af kaffi og jákvæðni!

arnhildur01

Hvernig hljómar dagur í lífi Arnhildar? Ég er í fullu námi svo dagarnir eru misjafnir út frá stundatöflu. En vanalega er ég vöknuð 8 og mætt á æfingu í World Class Seltjarnarnesi um 9. Uppúr hádegi bruna ég svo í skólann. Restin af deginum fer í að slappa af og vera með fjölskyldunni.

Hefuru upplifað einhverja fordóma að vera sterk stelpa? Nei ég get ekki sagt það. Ég held að fólki finnist það frekar aðdáunarvert.

Hvað hefuru að segja við svoleiðis týpur? Ég hef ekkert að segja við svoleiðis fólk. Sem betur fer þekki ég engan sem vill ekki að stelpur séu sterkar.

Tekuru einhver fæðubótaefni? Ef svo, hvaða? Já ég tek vítamín, kreatín og drekk Hámark.

arnhildur04

Hvað með mataræði? Ég reyni að borða hreina fæðu 80% af tímanum. Ég borða aðallega egg, kjöt, ávexti, sætar kartöflur, hnetur og svo er ég að vinna í að vera duglegri að borða grænmeti. Hin 20% er eitthvað rugl. Aðallega Ben & Jerry’s og Pop corners.

Áttu þér eitthvað guilty pleasure? Oh svo margt, ég elska mat! Ég ætla segja beikonvafðar döðlur og allt með osti.

Áttu einhver ráð sem hjálpaði þér að ná árangri sem þú getur miðlað áfram? Ég segi treysta ferlinu. Ef ég legg áherslu á rétt hugarfar, nægan svefn, góða næringu og æfi eins vel og líkaminn leyfir, þá er ekkert meira sem ég get gert. Góðir hlutir taka sinn tíma!

Hvað finnst þér must að hafa í huga þegar maður er að byrja í lyftingum? Kraftlyftingar er íþrótt sem krefst mikillar tækni svo góður þjálfari er lykilatriði. Og góðir lyftingaskór!

arnhildur05

Hvað finnst þér almennt must-have fyrir stelpur að eiga? (fasjon) Reebok æfingaföt og leðurjakka.

En á heimilinu? Ég segi apple tv, kósý teppi, Sonos, kaffivél og vigt.

Eitthvað á fasjon óskalistanum? Já mig langar í sólgleraugu og fína kápu.

Hvar sérðu þig eftir 5 ár? Útskrifuð með BA í félagsfræði, búin að fá mér nýjan bíl sem gengur eingöngu fyrir rafmagni og fá mér hænur svo ég þurfi ekki að kaupa 6 bakka af eggjum á viku. Annars vil ég ekki veðja of miklu á markmið. Það gæti útlokað svo margt spennandi. Fyrir fimm árum hefði ég t.d. aldrei veðjað á að ég myndi geta lyft 500 kg + á kraftlyftingamóti!

Hver er aðalsnilldin við kraftlyftingar? Hvað gefur þér kikkið? Mesta snilldin að mínu mati er að kraftlyftingar eru fyrir alla. Í liðinu mínu eru konur á öllum aldri og til dæmis er ein þeirra er 64 ára. Pant verða svona töff amma. Svo er bara mjög gefandi að lyfta þungum lóðum. Mæli með því!

Lokaorð? Takk fyrir mig elsku Helgi xx Hlakka til að æfa með þér soon

HELGASPJALLIÐ: GUNNAR GYLFASON

HELGASPJALLIÐSPORT

Helgaspjallið seinkaðist örlítið vegna mikillar vinnu, EN! Næsti viðmælandi heitir Gunnar Gylfason en ég rakst á hann á instagram og er búinn að vera followa hann aðeins og mér finnst hann einstaklega kúl. Hann er allskonar, semsagt samkvæmt instagraminu sínu “Mathematics and Computer Sciense Student” sem þýðir þá væntanlega stærfræði öö .. tölvuvísinda nemi, damn.  Allavega, hann er líka kraft & ólympíska lyftingagúru, ásamt því að vera mikill smekksmaður. Finnst hann allavega rugl svalur og ég spurði hann fullt af spurningum fyrir ykkur til að lesa, gjörið svo vel;

gg1

Nafn: Gunnar Gylfason

Aldur: 26 ára

Stjörnumerki: Meyja

Þrjú orð um þig: Traustur, hress og metnaðarfullur

Instagram: @gunnigylfa

gg

Hefuru alltaf verið í íþróttum?

Ég æfði fótbolta með Stjörnunni frá 6-10 ára aldurs þegar ég skipti yfir í handbolta. Ég æfði handbolta þar til ég var 21. árs og eftir það lagði ég meiri áherslu á lyftingar einungis og fór að æfa Crossfit haustið 2011. Ég tók mér hinsvegar tveggja ára pásu frá lyftingum og byrjaði nú aftur af krafti vorið 2014 og hef verið að keppa bæði í kraftlyftingum og ólympískum lyftingum síðasta árið.

Hvenær byrjaðiru í lyftingum og afhverju?

Hafði verið að æfa sjálfur eitthvað heima með handlóðum sem ég fékk í jólagjöf 15 ára, örugglega eitthvað inspiration frá Rocky myndunum sem maður sá á þeim tíma. Ég byrjaði hins vegar í lyftingum í kringum af viti í kringum 16 ára aldurinn, ég hef alltaf verið frekar sterkbyggður þannig að lyftingar voru eitthvað sem ég fann mig í. Svo er það eitthvað sérstaklega gefandi við það að vera alltaf að bæta sjálfan sig.

Screenshot 2016-05-02 16.05.35

Hvernig kemuru þér í gírinn á letidegi?

Ég passa mig að hafa alltaf eitthvað æfingaprógram sem ég fylgi þannig að þegar það koma dagar þar sem ég nenni algjörlega ekki að æfa þá neyðist ég til að fara því annars fer allt prógramið úr skorðum. Ég er mjög vanafastur og vill hafa hluti frekar skipulagða þannig að óþægindin við að þurfa breyta plönum eru letinni sterkari. Þannig ég enda alltaf á æfingu þótt ég nenni ekki.

Hvernig hljómar dagur í lífi Gunnars?

Þar sem að ég er í skóla þá eru dagarnir mínir oft mjög mismunandi eftir því hvernig dagskráin er í skólanum. Ég reyni alltaf að ná inn teygju og öndunaræfingum eins snemma dagsins og ég get. Ég fylgi teygjuæfingum á síðunni Romwod.com en það er síða sem kemur daglega með nýjar teygjuæfingar og eru ætlaðar til að auka liðleika og undirbúa mann fyrir átök dagsins, mæli hiklaust með henni. Ég er alls ekki mikil morgunmanneskja þannig þetta er oftast í kringum hádegi. Síðan er það æfing seinni part dags oftast svona 17:30-20:00 og svo borða ég og læri eftir æfingu. Ég æfi 5-7 daga vikunnar en það fer eftir æfingaprógraminu sem ég fylgi hverju sinni hversu oft það er í viku.

Tekuru einhver fæðubótaefni? Ef svo, hvaða?

Í dag þá er ég að taka BCAA fyrir æfingu, glútamín fyrir og eftir æfingu og kreatín og prótein beint eftir æfingu. Ég reyni að velja mér eitthvað eitt fæðubótarefnamerki sem ég treysti og held mig við og hef ég verið mjög ánægður með vörurnar frá Optimum Nutrition sem fást í Perform.

Screenshot 2016-05-02 16.07.40

Hvað með mataræði?

Ég reyni að borða oftast hollan mat eftir bestu getu. Ég borða mikið af eggjum og höfrum en þegar það er mikið að gera í skólanum þá hef ég minni stjórn á mataræðinu en reyni að hafa það hollt. Ég miða við ákveðinn fjölda hitaeininga á dag hef nokkuð góða tilfinningu fyrir hversu mikið og hvernig mat ég get borðað til að ná því viðmiði.

Áttu þér eitthvað guilty pleasure?

Það væri þá helst pizza ef ég ætti að nefna eitthvað sem ég er veikur fyrir og jú Twizzlers sem er rautt lakkrísnammi og er sem betur fer ekki selt oft hér á landi. Kaupi mér oft 1kg af twizzlers ef ég er staddur í Bandaríkjunum.

Screenshot 2016-05-02 16.30.42

Hvað finnst þér must-have að eiga þegar maður stundar lyftingar?

Fyrir mér er mikilvægt að eiga lyftingaskó til að gefa aukinn stöðugleika og liðleika í ökklum þegar maður framkvæmir t.d. hnébeygjur. Lyftingaskór manni því kleift að framkvæma æfinguna betur. Aðgengi að góðri foam rúllu er líka algjör must til að losa um stífa vöðva.

Hvað finnst þér almennt must-have fyrir stráka að eiga?

Ætli það það séu ekki bara einfaldir hlutir. Vel sniðnar gallabuxur og svartur bolur eru flíkur sem eru klassískar og fara flestum vel. Chuck Taylor Converse skór eru líka eitthvað sem ég er mikið að vinna með.

Screenshot 2016-05-02 16.06.32

Eitthvað á fasjon óskalistanum?

Fyrir sumarið eru það Stan Smith skór og kannski að uppfæra sólgleraugun mín, Wayfarer eða pilot týpu.

Einhver ráð fyrir stráka og stelpur sem vilja ná árangri í lyftingum eða íþróttum almennt?

Besta ráðið sem að ég gæti gefið varðandi lyftingar er eitthvað sem ég á hvað erfiðast með að fara eftir sjálfur en það er að vera þolinmóður og að hugsa ekki bara um að lyfta þyngra og þyngra heldur að framkvæma lyfturnar rétt og passa að formið sé rétt. Því ef að formið er í lagi er maður mun með tímanum geta lyft mun meiri þyngdum en ef maður hunsar formið og notar einungis styrkinn.

HELGASPJALLIÐ: HINRIK INGI

HELGASPJALLIÐ

Ég hef ákveðið að vera með nýjan lið hér á Trendnetinu sem við skulum kalla Helgaspjallið, og kemur á laugardögum, fattiði? Helgaspjall, HELGARSPJALL, mér finnst þetta geníalt. Allavega, mér finnst sjúklega gaman að heyra frá athyglisverðu fólki sem er fylgja draumum sínum og ástríðu.

Fyrsti í spjalli er Crossfit íþróttamaðurinn Hinrik Ingi!

hin04

Nafn: Hinrik Ingi Óskarsson
Aldur: 21 árs
Stjörnumerki: Meyja
Þrjú orð um þig: Léttur, ljúfur og kátur!
Instagram: @hinrikingi

Hefuru alltaf verið í íþróttum? Já ég hef verið í íþróttum síðan ég man eftir mér – hef alltaf verið svolítið “all in” í öllu sem ég hef áhuga á og vil alltaf ná sem lengst í öllu sem ég tek mér fyrir hendur. Ég stundaði fótbolta með Breiðablik frá 5 ára aldri þangað til ég var 19 ára og stundaði Motorcross samhliða því frá 10 ára aldri og keppti í því í mörg ár og krækti mér í einn íslandsmeistara titil árið 2011 í þeirri grein!

Hvenær byrjaðiru í Crossfit og afhverju? Ég byrjaði í CrossFit í febrúar árið 2011 – ástæðan fyrir því að ég byrjaði er sú að margir voru að tala um þetta og hvað þetta væri fjölbreytt og sniðugt æfingarkerfi – svo ég ákvað að gefa því séns og sé svo sannarlega ekki eftir því í dag!

Hvað var það við Crossfit sem þú fýlar best? Það sem heillaði mig strax hvað æfingarkerfið var fjölbreytt og skemmtilegt.

hin01

Skemmtilegasta æfingin? Ólympískar lyftingar er í miklu uppáhaldi sem er rosalega stór partur af CrossFit.

Leiðinlegasta? Pistol (hnébeygja á öðrum fæti) og tvöfalt sipp.

Hvernig kemuru þér í gírinn á letidegi? 3 skeiðar af C4 eða X – plode og hlusta á DRAKE! (Mikilvægt)

Hvernig hljómar dagur í lífi Hinriks? Vakna – borða – æfa – þjálfa – æfa – þjálfa – æfa – mjög basic.

Tekuru einhver fæðubótaefni? Ef svo, hvaða? Er voða lítið í því en ég tek Omega 3 og D-vítamin og fjölvítamín – stundum creatín – glútamín. Svo er gott að eiga Solid Pre-Workout

hin05

Hvað með mataræði? 80% clean 20% rusl ( kjöt, fiskur , grænmeti , ávextir , fræ , og olíur)

Áttu þér eitthvað guilty pleasure? Nautakjöt og bernaise er snilld!

Hvað finnst þér must-have að eiga þegar maður stundar Crossfit? Góða lyftingarskó og fatnað frá Reebok!

Hvað finnst þér almennt must-have fyrir stráka að eiga? Svört jakkaföt (tight) og svartar tight jeans!

Eitthvað á fasjon óskalistanum? Nei ekkert sérstakt – því eins og ég lifi mínu lífi núna klæðist ég 90% einungis í íþróttafötum , og fólk verður alltaf jafn hissa þegar ég hendi mér í fasjón gallann haha

Einhver ráð fyrir stráka sem vilja ná árangri í Crossfit eða íþróttum almennt? Þolimæði og brjóta stór markmið í búta og vinna jafnt og þétt í áttina að þeim og aldrei aldrei gefast upp – þetta er vinna og ekkert nema vinna! Gott mataræði og rétt þjálfun er líka lykillinn!

Lokaorð: “In training you listen your body. In competition you tell your body to shut up”

Takk fyrir spjallið Hinrik!

hin03

Instagram: @helgiomarsson
Snapchat: helgiomars