SUNNUDAGSMOGGINN.

FJÖLMIÐLARPERSONALVIÐTAL

Já, það var viðtal við mig í sunnudagsmogganum síðast liðinn sunnudag. Viðtalið var upprunalega tekið fyrir Monitor, en eins og sumir hafa kannski tekið eftir, þá er það blað ekki sjáanlegt lengur.

Mogginn

VIÐTAL – NÝ SNILLD Á ÍSLANDI: NOMO.IS

VIÐTAL

nomo

Ég sat á Facebook að spjalla við vinkonu sem er varla frásögufærandi nema hún sagði mér frá að það væri að koma einhversskonar ASOS á Ísland, það væri jú algjör snilld en pældi ekkert mikið í því þegar ég sá svo þessa síðu sjálfur rétt eftir að hún opnaði.

Ég varð bilaðslega forvitinn og fann svo aðilann sem stendur á baki við snilldina. En það er Kjartan Þórisson, 18 ára frumkvöðull sem fékk hugmynd, stóð við hana og framkvæmdi. Frá mér endalaust respect!

Síðan heitir NOMO.IS og á henni eru vörur frá ýmsum búðum og merkjum, Suzie Q, Inklaw Clothing (nýjasta æðið mitt á Íslandi), Noland, Dusted og margar fleiri fleiri fleiri.

Mér finnst þetta algjör snilld og fór að spjalla við Kjartan og forvitnast og ákvað að kasta á hann viðtali og deila öllum þessum spurningum mínum með ykkur;

nomokjartan

Nafn:

Kjartan, sonur Þóris.

Aldur:

18 ára.

Hvaðan ertu?

Ég er fæddur og uppalinn í Vesturbænum en bý núna hjá pabba mínum í Vatnsenda.

Hvaðan kom hugmyndin?

Ég, Viktor og Nonni sátum allir í sitthvorum grjónapúðanum í sjónvarpsherberginu heima. Þetta var ágústmánuður á seinasta ári og við vorum dottnir í spjall um föt og fatamarkaði. Við höfðum allir nýlega keypt föt á netinu og veltum því fyrir okkur afhverju íslenskur fatamarkaður væri svona langt eftir á þegar kemur að netverslun og öðrum hlutum sem taldir eru sjálfsagðir úti.

Við köstuðum þessari spurningu á verslunareiganda sem við þekktum og hann sagði okkur frá staðreyndinni sem kveikti hugmynina: Ein stök íslensk verslun getur ekki mögulega boðið upp á nógu mikið úrval til þess að reka spennandi netverslun.

Hver voru fyrstu skref undirbúningsins?

Tússtaflan. Við komum okkur fyrir í bílskúrnum hjá pabba og byrjuðum að henda hugmyndum og áskorunum upp á töflu. Eitt leiddi að öðru og við litum ekki til baka fyrr en við vorum með fullkláraða vefsíðu í höndunum og yfir 500 vörunúmer í litla stúdíó-inu okkar.

nomo25

Hvernig hafa viðbrögðin verið?

Fólk á öllum aldri hefur tekið virkilega vel í þá þjónustu sem við veitum. Manneskja á 21stu öldinni hefur sífellt minni tíma til þess að fara í Kringluna og opnunartímar eru vesen. Þessvegna finnst því virkilega þægilegt að geta opnað tölvuna á föstudagskvöldi þegar allar verslanir eru lokaðar og dagdreymt um öll flottu fötin sem finnast á Íslandi.

Akkúratt núna er bara mikilvægt fyrir okkur að auka vöruúrvalið og passa upp á það að hafa bara flottustu fötin á Íslandi inni á síðunni því það er það eina sem við viljum.

Hver eru framtíðarplönin?

Það er alltaf erfitt að spá fyrir um framtíðina en hver veit nema að við fáum kannski einhverja unga og efnilega hönnuði til þess að hanna föt fyrir okkar eigin NOMO fatalínu.
Síðan viljum við bara fá sem flestar verslanir til þess að vera hjá okkur því við vitum hversu mikið auglýsingagildi er í því fyrir verslun að geta verið með 4 hágæða myndir af öllum fötunum sínum þar sem allir geta skoðað þær: á netinu.

Við viljum bara gera fólk hamingjusamt og við vitum að það er fátt sem gleður fólk meira en að fá Cage Boots og nýja úlpu sent heim bara til þess að geta skartað því daginn eftir. Við viljum bara hjálpa til með það.

nomo6 nomo3 nomo2 nomo1

 

Dáist sjúklega af svona do-ers og tek þá mikið til fyrirmyndar sjálfur.

Kæru Íslendingar, góð viðbót á markaðinn, happy shopping!

NOMO.IS 

SMEKKSMAÐUR: ALEX MICHAEL GREEN

ÍSLANDMEN'S STYLESMEKKSMAÐURSTYLEVIÐTAL

Ég er að fylgja vel klædda Alex Michael Green á Instagram, einn af þeim vel klæddu karlmönnunum á Íslandi. Hann veit uppá hár hvað klukkan slær þegar kemur að klæðnaði og klæðir sig í stíl við það.

Ég ákvað að spurja hann aðeins útí hann og stílinn;

 

Aldur: 23 ára

Hvar vinnuru:
Ég stunda nám í Tækniskólanum og er þar að læra grafíska hönnun. Einnig er ég að vinna í fataversluninni Jack and Jones og hef unnið þar í um 2 og hálft ár.

Fylgistu mikið með tískustraumunum að hverju sinni?
Þar sem ég vinn í fataverslun er maður alltaf með hugann að nýjustu tísku og útliti. Ég fylgist mest með hvað mínar körfubolta hetjur í NBA klæðast í og dreg ég mikinn innblástur frá þeim. Þeir passa sig alltaf að skera sig úr og klæða sig öðruvísi heldur en aðrir og er það eitthvað sem ég sjálfur legg mikla áherslu á.

Hvar verslaru mest á íslandi?
Jack&Jones, Selected og Zara.

En í útlöndum?
Topman, Topman og Topman og smá Primark útaf því það er svo fáranlega ódýrt.

Hvað finnst þér vera must have fyrir stráka til að eiga?
Svartar skinny jeans og gott sjálfstraust.

Uppáhalds merkin/hönnuður?
Sko á þeim stað sem stíllinn minn er í dag þá höfðar Topman lang mest til mín og það þarf einhvern stórlax að taka það á sig og flytja þessa búð til landsins asap.

Ertu með einhverja fatasamsetningu sem klikkar ekki fyrir stráka?
Ég held að það sé engin ein samsetning sem virkar fyrir alla. Það eru allir mismunandi, en annars er alltaf gott fyrir flesta að skella sér í eitt af þeim klassísku, þá svartar buxur, hvítur bolur og leðurjakkinn t.d

Hvað er á döfinni hjá þér? Klára námið, vinna eins og brjálæðingur og svo er reglulega verslunarferðin til London með kærustunni handan við hornið.

alex alex2 alex3 alex4 alex5 alex6 alex7