Þið afsakið, ég ætlaði svoleiðis að drita fram Parísar færslu um leið og ég labbaði útúr vélinni. En æ, þið vitið, svo var mikið að gera í vinnunni og almennt “blogga á eftir!” og “blogga á morgun!” ástand.
París var stórkostleg, við kæróarnir vorum á besta mögulega stað í allri borginni, við fundum lyktina af Louvre, heyrðum í Notre Dame, sáum NÆSTUM ÞVÍ Effel turninn frá íbúðinni og Lúxemborgargarðurinn var meira og minna bakgarðurinn okkar. Helvítis lúxus. París er eiginlega aðeins of falleg, hún var fallegri en mig hefði nokkurntíman grunað. Borgin er á allt öðru nívói en við þekkjum. Ég gæti alveg hugsað mér að flytja þangað, svei mér þá.
Norwegian-air, skutlaði okkur, og seinkuðu um tvo tíma, gaman það.
Bara bíða, og bíða og verða batteríslaus. Og jú taka svona selfie.
… oooooog mættir!!
Eigandi íbúðarinnar gleymdi okkur aðeins, ekkert sem Friends getur ekki bjargað!
Svo fórum við bara út að labba. Löbbuðum í alveg góða þrjá klukkutíma, og sáum til dæmis þetta? Hvað er þetta tildæmis? Og getiði ímyndað ykkur ef þetta væri á Íslandi? Hallgrímskirkjan er okkar Effel Turn, en svo er bara eitthvað svona í París og enginn er að tala um þetta? Fattiði?
Það kom mér sjálfum eiginlega rosalega á óvart hvað ég var sjúklega fasseneraður af svona útskurði og skúlptúrunum þarna útum allt. Mér finnst þetta svo einum of magnað. Ég gat starað á þetta endalaust.
Þarna er líka Effel Turninn, og flotta húsið. Þetta var líka alveg heimskulega fallegt kvöld.
Lúxemborgargarðurinn, alveg ótrúlega fallegt þarna. Þessir stólar eru í boði fyrir fólk að nota, og það er illa slegist um þá á sólardögum. En það sitja allir á þessum stólum, ekki neitt á grasinu, frekar fyndið. Ég veit bæ ðe vei ekki hvað gerist í þessu húsi? Það eru verðir með byssur og læti.
Effelturinn að túttast þarna til vinstri.
Nútíma arkítektúr eru skíta glerkassar. Getum við hætt því strax? Afhverju getum við ekki gert eitt svona hús á Íslandi?
Það er formlega orðið nýtt áhugamál mitt að labba um í París. Punktur.
Fann svona krúttað ..
Tók ég þetta á myndavél? Nei, bara á símann minn, sem er Iphone 5. Hversu flott samt?
Í ramma með þetta altså ..
Þetta þótti mér ofur krúttað! Mamma mín heitir Margrét og pabbi minn heitir Ómar. Já, krúttað.
Daginn eftir átti maðurinn minn afmæli, tuttugu og sex-ý –
Úber ferskir ávextir frá markaðinum og nýbakað Pain au Chocolat – HVERSU GEGGJAÐ. Ég var í svona 30 sekúndur að labba þennan fína morgun.
Þarna var ég einmitt að labba heim, með afmælisköku og bakkelsi og tvær rósir, æ afþví bara, var að reyna vera krútti.
Leiðin að Louvre!
Þríhyrningurinn sæti.
EEEHEHE, allir gerðu þetta. Reyndar stóðu hinir upp á svona kassa til að gera það, ég er ekki nógu hugrakkur. Ég gerði bara svona, sem er reyndar ekkert flott. En hey, vera með.
Þessi kom skemmtilega á óvart! Hann er ekki mikill lista unnandi og er nokkuð sama um falleg hús, en París kveikti eitthvað í honum. Það gæti kveikt í grjóti hvað þetta varðar, hverju sem er. Rotturnar í ræsunum eru örugglega heillaðar af umhverfinu sínu líka.
Louvre er svo gínormus, gííínormus.
Þarna er Mona Lisa – mér fannst hún ekkert brjálaðslega spennandi. Lítil og inní glerkassa og gæti verið prentuð for all I know. Ofmetnir hlutir eru ekki svo mikið ég! Nema Kardashians ..
Asíubúarnir alveg að verða vittlausir þarna fyrir aftan mig. Í þessu rými eru svo óóótrúlega mikið af stórkostlegum málverkum, maður verðuru eiginlega hálf dolfallinn. Meira spennandi en Monan
ÞETTA! Þetta fannst mér afturámóti brjálaðslega spennandi! Stórt, vígalegt og detailað og sjúklega fallegt málverk eftir Leonardo Da Vinci, enginn glerkassi, ekki lítið, ekkert brjálæði í kringum það.
Sjúklega flott –
Ég vildi líka gjarnan mynd af mér á Louvre, svo .. selfie it is.
EIN Í VIÐBÓT, ÉG OG LOUVRE. Sjáiði hvað ég er að eldast? God damn. #hrukkur
Ég bauð í steik á legendery Le Lipp! MJÖÖÖÖG franskt og ánægjuleg upplifun!
Ég skildi ekkert á matseðlinum, enda eru þeir ekki með enskan matseðil, alls ekki. Þeir tala litla sem enga ensku heldur. Svo ég oui-aði bara og brosti. Ég skildi samt Bernaise, svo ég pantaði það bara og ég fékk svona steik, sem bráðnaði í trantinum á mér.
Þeir voru ekki með neitt annað í boði en vín, en ég gat fengið sítrónuvatn, svo ég þáði það. Bernaise-sósan var heimskulega góð.
Þessi sætasti.
ooooog labbað heim í Parísar-rigningu. Of næs.
Skrifa Innlegg