ÓÓÓÓ AÐ HAFA MÖMMU Í HEIMSÓKN VAR DÁSAMLEGT!
Ég og mamma erum semsagt bestu vinir og við fengum ágæta sex daga útaf fyrir okkur þar sem kæróinn var að sinna fjölskylduerindum á Jótlandinu. Hér er smá svona .. já, þið vitið, RECAP!
Ef við byrjum frá degi eitt, mamma kom mér skuggalega óvart á afmælinu mínu. Ég hafði enga stjórn á því tilfinningarflóði sem var í gangi, en ég var í hláturskrampa á meðan ég skældi, hafi þið lent í því? Það er mjög skrýtið.
Tinna og mamma hennar sem eru með bullandi Seyðfirskt blóð buðu okkur í garðhádegis “hygge” sem náði þó langt framyfir hádegi. Vá hvað það var kósý og ég fékk lit og brann smá á enninu, næs.
Ofur næs! Þess má einnig geta að ég var ekki að sinna neinum líkamsræktar aktivitíum né hugsa um mataræði á þessum tíma. Ég borðaði þrist í morgunmat, kúlusúkk með salatinu mínu og snakk í kvöldsnarl. Sé ég eftir því? Alls ekki.
Fallega ólétta Tinnan mín.
Við fórum í Piknik í Kongens Have með bestu slæsur í Köben.
Ég og mamma fórum í Jónshús þar sem foreldar mínir giftu sig árið 1986. Það var dásamleg stund. Sátum í stofu Jóns Sigurðssonar (já, the one and only, fimmhundruðkallinn) í örugglega klukkutíma. Maðurinn sem stendur fyrir húsinu gat ekki verið meira sama að við vorum að ráfa þarna um. Við sáum hann reyndar aldrei, heyrðum bara fótspor. Hálf freaky að pæla í því núna samt – kannski var þetta Jón.
Sneakers algjörlega nauðsynlegir í svona borgarröltum.
Ég kroppaði mig útaf myndinni því ég leit út eins og eggjakarlarnir í Lísu í Undralandi, en mamma endalaust falleg.
Mamma dekraði soninn sinn aldeilis, en ég fékk þessa fallegu peysu í búðarrápinu okkar. Svona eins og þegar ég var lítill, ánægjulegt.
Kagglenn menn og mamma mín.
Við kæróarnir.
oooog við mæginin á síðasta kvöldinu okkar. <3
Skrifa Innlegg