Oktober er bleikur mánuður. En í síðustu viku hófst árleg sala á bleiku slaufunni hjá Krabbameinsfélagi Íslands.
Þessa dagana keyra þau á frábæra auglýsingaherferð sem ég mæli með að þið horfið allar á. En þar leita þau af týndum stúlkum sem ekki hafa mætt í leghálsskoðun. Ég tók auglýsingarnar sérstaklega til mín en ég var nefnilega ein af þessum týndu stúlkum þangað til fyrir helgi þegar ég lét loksins verða að því að fara í skoðun. Viti menn, það var ekkert mál og mér leið rosalega vel á eftir.
Það fækkar sífellt þeim konum sem mæta í leghálskrabbameinsleit og er það ein helsta ógn við þann frábæra árangur sem náðst hefur í baráttunni við þennan sjúkdóm.
Ég veit ekki hvaða ástæða liggur að baki þess að mæta ekki í skoðun þegar við fáum miðann heim. Í mínu tilviki var ég svo rosalega busy (hélt það) þegar ég fékk miðann heim, stuttu síðar fluttist ég af landi brott og í framhaldinu hugsaði lítið um þetta. Sem ég auðvitað skammast mín fyrir að segja “upphátt.”
Sjáið þið hvað ég er fín í dressi dagsins hér fyrir ofan ; ) en þetta er frá því á föstudaginn þegar ég fór í leghálsskoðun. Mér fannst frábært að fá svona hreinan slopp sem liggur undir manni á meðan maður er skoðaður. Gefur manni staðfestingu á hreinlæti sem er svo mikilvægt á svona stofnun.
Takk fyrir mig Krabbameinsfélag Íslands og þið vinalega starfsfólk sem þar tók á móti mér. Mikið er ég glöð að þið funduð mig.
Átt þú eftir að fara? HÉR getur þú pantað tíma. Elsku stúlkur leyfið þeim að finna ykkur líka.
Það eru nokkrar búnar að spyrja mig út í bleika rammann á efstu myndinni í póstinum. HÉR getum við hjálpast að við að deila boðskapnum.
xx,-EG-.
Skrifa Innlegg