Ísland og Ísland er ekki það sama fyrir mér.
Þegar ég er í Reykjavík þá kaffæri ég mér í lífinu – vinna – tómstundir barnanna – hreyfing fyrir mig – nú líka framkvæmdir á húsi og flutningar á sýningarrými okkar í Sjöstrand sem er óheppileg tímasetning … er að reyna að finna taktinn í nýja lífinu okkar en það mun taka tíma. Það er svolítið mikið að flytja til Íslands eftir 12 ár í útlöndum og á sama tíma standa í framkvæmdum, mæli ekki endilega með. Hlakka svo til að eignast heimili, það mun skipta sköpum fyrir rútínu konuna sem ég er.
Annað Ísland, sem ég alveg elska mest í heiminum, það er úti á landi þar sem ég sæki mér orkuskot. Svo glöð að ég náði að draga betri helminginn og börnin með mér hinu megin við fjallið í dagsferð á dögunum. Það þarf ekki nema nokkra klukkutíma og við fullnýttum okkar tíma vel að þessu sinni. Danska fjölskyldan frá Esbjerg sameinuð á sólríkum íslenskum degi, dásamlegt –
Sundays, uppá 10,5.
Sólgleraugu: Chanel, Skyrta: Ralph Lauren/Spútnik, Stígvél: GANNI
xx,-EG-.
Skrifa Innlegg