Myndlistarkonan Kristín Dóra Ólafsdóttir stendur fyrir listasýningu í Boðefnagallerýi Systrasamlagsins um þessar mundir. Um er að ræða verk sem urðu til í samkomumanninu í vor – þau endurspegla hugarástand listakonu sem leitar að því fallega og góða þegar útlitið var dökkt. Það er við hæfi að fá að heyra í henni hljóðið á þessum tímapunkti og minna okkur í leiðinni á það að það birtir alltaf til. Við þurfum bara að leita að ljósinu …
Leit að ljósi er 6. einkasýning Kristínar Dóru – kristindora.com
Hver er Kridola?
Á instagram er glansmyndin @kridola blanda af listakonu, skvísu og mömmu. Ég er Kristín Dóra Ólafsdóttir, 28 ára gömul listakona og ég starfa líka með unglingum. Í fyrra eignaðist ég barn og er það mitt fallegasta listaverk. Ég nota samfélagsmiðla mikið til að koma listinni minni á framfæri, allt frá skissum til fullgerðra verka. Mest vinn ég með íslensku, málverk og skemmtileg orð.
Hvenær byrjaðir þú í bransanum og hvernig kom það til?
Ég lærði myndlist í Listaháskólanum og útskrifaðist með BA gráðu 2017 og MA gráðu í listkennslu 2019. Samhliða hef ég verið dugleg að halda sýningar og deila listinni minni á samfélagsmiðlum. Góð viðbrögð við skissum sem ég hef birt á instagram og twitter hafa hjálpað til, fólk virðist vera að tengja við orðin mín.
Framtíðarsýn?
Mér finnst gott að vera með marga hatta og vona að í framtíðinni finni ég jafnvægi milli hlutverkanna listakona, kennari, mamma, kærasta og vinkona. Allt í bland og nóg að gera.
Ég hvet fólk til að mæta á þessa litlu sýningu ef og þegar þið treystið ykkur til. En hugað er að öllum sóttvarnareglum í Systrasamfélaginu. Meira: HÉR
xx,-EG-.
Skrifa Innlegg