STÍLLINN Á INSTAGRAM: DÓRA JÚLÍA

FÓLKSTÍLLINN Á INSTAGRAM

Uppáhalds íslenski plötusnúðurinn minn, Dóra Júlía, situr fyrir svörum í Stílnum á Instagram að þessu sinni. Um er að ræða litríka og ljúfa stúlku sem stefnir langt í lífinu og veitir mér innblástur í hvert sinn sem ég sé hana – bæði í daglegu lífi og á samskiptamiðlum.

Hver er Dóra Júlía?
Fer eftir skapi og dögum! En í hnotskurn 24 ára gömul stelpa sem er stöðugt að uppgötva nýja hluti í lífinu, hef áhuga á ótrúlega mörgu og vinn sem DJ.

Hversu mikilvægur er klæðaburður í þínu fagi?

Klæðaburður hefur alltaf verið mikilvægur fyrir mér og ég held að það hafi miklu frekar með það að gera hver ég er heldur en það við hvað ég starfa. Hinsvegar er mjög gaman að vinna einhversstaðar þar sem maður hefur frjálsar hendur þegar kemur að klæðnaði. Mér hefur alltaf fundist ótrúlega gaman að fatastíllinn minn sé á stöðugri þróun samhliða mér sem manneskju og eftir að ég byrjaði að DJa hef ég leyft mér að fara nýjar og ýktari leiðir en áður, þá sérstaklega í litum og skrauti.

Áttu þér einhverja tískufyrirmynd?

Frá því ég var unglingur hef ég verið mjög hrifin af Kate Moss því það er bara eitthvað við hana sem ég dáist að, þó ég geti ekki endilega ákveðið nákvæmlega hvað það er. Annars finnst mér allir sem eru samkvæmir sjálfum sér og leyfa sér að klæða sig eins og þau langar tískufyrirmyndir útaf fyrir sig.

Must have flík í þínum skáp?
Allt sem er bleikt. Og pallíettur og fjaðrir. Svo mikil gleði í því.

Hefur þú einhver tískutips fyrir ungar stúlkur? Wear whatever you feel like.

Hvað er á döfinni?
Allskonar skemmtilegt! Er búin að bóka slatta af áhugaverðum giggum núna í vetur sem ég hlakka mikið til. Svo er ég að fara til Parísar yfir 25 ára afmælið mitt með mömmu og mig langar svolítið að gefa sjálfri mér bleika chanel tösku í afmælisgjöf úti. Svo fer ég til LA í október í smá frí og ég og kærastinn minn stefnum á að fara til Costa Rica um jólin að læra að surfa, sem er eitthvað sem mig hefur lengi langað til. Þannig mega stuð framundan og good vibes only.

________

Persónuleikinn skín í gegnum stílinn hennar Dóru og mikið sem ég kann að meta slíkt í fari fólks. DJ Adora spilaði í afmælinu mínu á dögunum og í brúðkaupi helgarinnar og í bæði skiptin stóð hún sig virkilega vel. Áhugasamir getið bókað hana hér: djdorajulia@gmail.com.

Takk fyrir að leyfa okkur að kynnast þér betur @dorajulia – Áfram þú!

 

xx,-EG-.

Elísabet Gunnars á Facebook – HÉR
&

Trendnet á Facebook – HÉR

#konurerukonumbestar

FÓLKINSTAGRAMÍSLENSK HÖNNUN

Nú er mánuður liðinn frá því að við settum í sölu góðgerðabolina fínu. Við fengum ótrúlegar viðtökur og bolirnir sem aðeins áttu að seljast í 100 eintökum seldust margfalt upp !!! Við erum allar í sama liði og ég er svo þakklát fyrir það.

Það hefur verið svo ánægjulegt að sjá ykkur deila myndum á samskiptamiðla og hjálpa þannig til við að dreifa boðskapnum – klappliðið stækkar hratt og örugglega. Við kunnum svo vel að meta allar góðu heimsóknirnar sem við fengum á Laugaveginn, símtölin, snöppin, story og myndirnar á Instagram merktar #konurerukonumbestar.

Verkefnið stendur fyrir jákvæðni og ástríðu fyrir því að vilja breyta neikvæðu hugafari í samfélaginu okkar. Við viljum að konur (og karlar) standi saman og haldi með hvort öðru þegar vel gengur. Áfram við öll! Verum fyrirmynd fyrir okkur sjálf og næstu kynslóð á eftir.

Ég fékk að “stela” þessum Instagram mómentum hér að neðan – TAKK!

Áfram gakk.

xx,-Elísabet Gunnars & AndreA.-

Elísabet Gunnars á Facebook – HÉR
&

Trendnet á Facebook – HÉR

 

STÍLLINN Á INSTAGRAM: ÍNA MARÍA

STÍLLINN Á INSTAGRAM

Þið hafið kannski tekið eftir því að Dominos deild kvenna prýðir hjá okkur forsíðuna þessa vikuna. Af því tilefni fékk ég fyrirspurn hvort ekki væri hægt að gefa körfuboltastúlkunum sá athygli á blogginu sjálfu. Eftir smá umhugsun þá var besta lausnin að finna eina vel valda í Stílinn á Instagram. Ég fékk margar ábendingar og valið var ekki svo auðvelt. Ína María náði síðan athygli minni, sólríkur Instagram reikningur þar sem hún býr með annan fótinn í Miami.

Úti er óveður (er það ekki?) og því tilvalið að birta færsluna sem gefur hlýju í hjartað.
Körfuboltastelpa og körfuboltafrú frá Suðurnesjum, Ína María, á Stílinn á Instagram að þessu sinni.
Þið finnið hana undir @inamariia ..

Hver er Ína María Einarsdóttir?
23 ára körfuboltastelpa frá Suðurnesjum í sálfræðinámi, búsett í Miami með kærastanum mínum.

Tíska og íþróttir – einhver tenging?
Í dag er það svolítið þannig að mörg íþróttafyrirtæki eru farin að framleiða föt meira í hversdagslegum stíl og einnig tískufyrirtæki að hanna föt í meiri sporty stíl, svo það er mjög auðvelt að finna bæði sporty og trendy föt og blanda þessum tveimur stílum saman, t.d. kápur og strigaskór og íþróttabuxur eða boli/toppa við hælaskó.

Er hver dagur í lífi þínu útpældur þegar að kemur að klæðaburði?
Nei ég myndi nú ekki segja það, ég fer yfirleitt bara í það sem mig langar og er í stuði fyrir hverju sinni, hvort sem það séu íþróttaföt eða fín föt eða mix af því.

Uppáhalds flík í fataskápnum?
Held ég verð að segja leðurjakkinn minn. Maður er alltaf að leita af hinum fullkomna “leðurjakka”.

Skemmtilegast að kaupa?
Yfirhafnir eins og fallegar kápur og auðvitað skór.

Áttu þér styleicon – tískufyrirmynd?
Ég á mér ekki endilega eitthvað eitt icon, ég fæ innblástur frá mörgum flottum konum t.d. á instagram og auðvitað úr fjölmiðlum og reyni að aðlaga að mínum stíl. Ef skal nefna einhverja ákveðna manneskju þá finnst mér mjög gaman að fylgjast með Victoriu Beckham.

Framtíðarplön?
Ég stefni á Master nám og kærastinn minn stefnir á atvinnumennsku eftir háskólaboltann svo það á eftir að koma í ljós hvar við munum búa og gera í framtíðinni.

Að lokum … getur þú mælt með einhverjum leynistöðum í Miami fyrir íslenska ferðalanga?
Miami býður upp á nóg af afþreyingu hvort sem þú hefur áhuga á því að vera út í sólinni eða skoða skemmtilega staði, versla eða borða góðan mat. Það er órulega gaman að fara skoða Wynwood Walls, allskonar litrík listaverk á byggingum og veggjum og æðislegir veitingastaðir. Ég mæli einnig með eyjunni, Key largo sem er rétt fyrir utan Miami. Þar er t.d hægt að snorkla, fara á kayak, hjólabáta og fleira. Enda svo daginn þar á veitingastað á ströndinni og borða kvöldmáltíð á meðan maður horfir á sólsetrið.

 

Takk Ína María (@inamariia) – vegni þér vel í þínu!

 

xx,-EG-.

Elísabet Gunnars á Facebook – HÉR
&

Trendnet á Facebook – HÉR

STÍLLINN Á INSTAGRAM: @MELKORAÝRR

FÓLKSTÍLLINN Á INSTAGRAM

Ég datt inn á Instagram aðgang Melkorku Ýrar fyrir tilviljun á dögunum. Norðlenskan ungling sem einhvernveginn er bara meðetta á svo marga vegu. Kynnumst Melkorku – menntskæling og módel með bein í nefinu –

Hver er Melkorka Ýrr?
18 ára menntaskólanemi frá Akureyri, sem hefur áhuga á tísku, list og að ferðast, ætli ég sé ekki líka lítill stjórnmálaperri.

Afhverju Instagram?
Instagram er frábær og auðveldur samfélagsmiðill og einhversskonar mín visual diary sem er ekki einungis notuð til að deila myndum með öðrum – heldur líka til að geyma ákveðnar minningar í myndaformi.
Hefur þú alltaf spáð í tísku?
Ég ólst upp með eldri systur minni sem er og var algjör tískudrolla, svo ætli hún hafi ekki smitað mig frá ungum aldri, síðan var ég undir miklum áhrifum frá Britney Spears þegar ég var lítil… Það var frekar skrautlegt.

Er hver dagur í lífi þínu útpældur þegar að kemur að klæðaburði?
Þegar ég hef tíma þá finnst mér afar gaman að pæla outfit fram í tímann, en annars fer ég bara í það sem ég sé fyrst.

Áttu þér einhverja tískufyrirmynd?
Í rauninni ekki, en ég er dugleg að sækja innblástur frá konum á borð við Freju Wewer og Venedu Budny og þá í gegnum Instagram og bloggið hennar Freju.

Must have flík í þínum skáp?
Ekki beint flík en finnst afar mikilvægt að eiga flotta og góða sneakers.

Hvað er á döfinni?
Ég er búin að vera rosalega upptekin síðastliðinn mánuð svo ætli ég taki því ekki bara rólega næstu vikur, svo er systir mín að koma til Íslands í heimsókn svo ég mun eyða einhverjum tíma með henni.

 

Takk fyrir spjallið @melkorkayrr

xx,-EG-.

Elísabet Gunnars á Facebook – HÉR
&

Trendnet á Facebook – HÉR

STÍLLINN Á INSTAGRAM: @alexandrahelga

FÓLKSTÍLLINN Á INSTAGRAM

English Version Below

Ég hef áður sagt ykkur frá Alexöndru Helgu Ívardsóttur sem er skartgripahönnuður, fyrirmyndarkokkur og smekk-kona á mörgum sviðum. Alexandra er unnusta Gylfa Sigurðssonar landsliðsmanns í fótbolta og búa þau í strandbænum Swansea í Englandi. Áður fyrr bjuggu þau í London og því er hún líka á heimavelli í þeirri stórborg.

Fótboltafrúin og fegurðardrottningin tók ákvörðun um að hætta á Facebook fyrir nokkru síðan. Sá samskiptamiðill hentaði ekki en annað má segja um Instagram þar sem hún birtir reglulega myndir af lífi sínu. Ég er ein af þeim sem fylgi henni þar og læt mig dreyma um að hoppa inná myndirnar hennar öðru hverju ;) Alexandra er með fágaðan og dásamlegan stíl sem veitir mér innblástur á mörgum sviðum. Feldir, töskur, makeup, ferðalög og matur eru í aðalhlutverki á myndunum eftir Koby sem er hundurinn hennar og hin besta fyrirsæta.

Flettið í gegnum myndirnar og lesið létt spjall við Alexöndru hér að neðan –

Afhverju Instagram?
Mér hefur alltaf þótt instagram skemmtilegasti samfélagsmiðillinn og hef því valið að vera einungis á honum.

Hvað veitir þér innblástur?
Ætli það sé ekki bara misjafnt hverju sinni. Instagram er auðvitað fínt ef maður er að leita að tískuinnblæstri og ég rek augun oft í eitthvað þar sem mér þykir fallegt. Annars finnst mér mikilvægast að velja sér föt sem mannig líður vel í því það er oftast einmitt það sem klæðir mann best.

Er hver dagur í lífi þínu útpældur þegar kemur að klæðaburði?
Alls ekki.. Ég er mikið fyrir þægindi og er því hversdagslega klædd í afslöppuð þæginleg föt. Mér þykir hinsvegar gaman að klæða mig upp þegar eitthvað stendur til eða þegar ég er á ferðalögum.

Kobygram?
Já, Koby hundurinn okkar hefur fengið þetta hashtag á instagram, enda stór partur af mínu feedi og skemmtilegur karakter.

Hefur þú alltaf haft áhuga á tísku?
Já ég held það sé óhætt að segja það. Móðir mín á að minnsta kosti til ansi margar sögur af mér ungri sem tengjast fatavali.

.. en fótbolta? Nei það kom ekki fyrr en ég kynntist betri helmingnum..

Áttu leynistaði í London sem þú vilt deila með okkur? Hann er kannski ekkert svakalega mikið leyni þar sem ég hef oft sagt frá honum á femme.is en uppáhaldskaffihúsið mitt í London er Godiva chocolate café sem er að finna á 2.hæð í Harrods. Ég á mjög erfitt með að fara til London án þess að stoppa þar í crepes og kaffi. Þetta er eitthvað sem alvöru súkkulaðiunnendur verða að prófa allavega einu sinni.

___

Ég mæli með því að þið bætið henni við ykkar fylgjendur, hún er glamúrpía með fallegt hjarta og ég elska að fá að fylgjast með ferðum hennar, hér.

//

This is Alexandra – Footballers wife, jewelry designer and fashionista. I reccomend that you follow her on Instagram, here.

xx,-EG-.

Elísabet Gunnars á Facebook – HÉR
&

Trendnet á Facebook – HÉR

STÍLLINN Á INSTAGRAM: MÓEIÐUR

FÓLKINSTAGRAM

English Version Below

Móeiður Lárusdóttir er ein af þeim sem veitir manni löngun til að hoppa inná myndirnar á Instagram.
Ég leyfi henni að eiga Stílinn á Instagram að þessu sinni. Að neðan sjáið þið hvers vegna  –

 

 

Hver er Móeiður? Ég er 23 ára, fædd og uppalin á Akranesi. Þessa dagana er ég að njóta lífsíns á Ítalíu með kærastanum mínum sem spilar fótbolta. Ég hef gaman að því að mynda hitt og þetta – eldamennsku, hreyfingu og tísku.

Afhverju Instagram?
Mér finnst rosa gaman að fylgjast með allskonar tísku skvísum. Þar skoða ég fallegar myndir sem veita mér innblástur. Instagram er auðveldur samfélagsmiðill sem hentar mér vel.

Venjulegur dagur í lífi þínu?  
Flestir dagar einkennast af góðum morgunverði, ég skottast svo í ræktina eða út að hlaupa. Eftir æfingu mæti ég í ítölsku tíma og sinni fjarnáminu, ég er að læra einkaþjálfun við Keili. 
Á kvöldin dunda ég mér í eldhúsinu þó við séum líka dugleg að fara út að borða, en það er ekki annað hægt þegar þú býrð á Ítalíu – ítalskur matur er algjört buonissimo.

Er hver dagur í lífi þínu útpældur þegar að kemur að klæðaburði?
Neii alls ekki. Ég er flesta daga í ræktarfötunum eða í kósýgallanum. Þegar ég er með skipulögð plön þá er maður alveg búin að velta fyrir sér dressi í kollinum.

Skemmtilegast að kaupa?  
Mér finnst afar skemmtilegt að kaupa falleg blóm, svo leiðist mér ekkert í mátunarklefanum í fataverslunum.

Uppáhalds flík í fataskápnum?
Það er alltaf biker leðurjakkinn minn.

Áttu þér styleicon – tískufyrirmynd?
Mér finnst Fanny Lyckman vera algjör töffari svo er Kylie Jenner mikill trendsetter og ég fíla hana vel.

Framtíðarplön?
Ég plana rosa lítið framtíðina þar sem það er erfitt vegan fótboltans hjá kærastanum. Maður veit lítið hvað er framundan. Það sem ég hef á planinu núna er að klára námið svo verður framhaldið bara að koma í ljós.

Að lokum … getur þú mælt með einhverjum leynistöðum á Ítalíu fyrir íslenska ferðalanga?
Ítalía hefur svo mikið uppá að bjóða að ég á sjálf eftir að skoða svo mikið! Þetta er kannski ekki leynistaður en Cinque Terre eru ótrúlega fallegir smábæir sem eru eins og málverk ég mæli hiklaust með heimsókn þangað ef fólk hefur kost á!

_

Ég þekki ekki Móeiði persónulega en jiiiminn hvað ég væri til í að mæta í morgunmat til hennar á svalirnar eða skella mér með henni í útihlaup, algjörlega fabulous á því. Útsýnið er auðvitað einstakt á elsku Ítalíu.

//

I am pretty in love with these photos that give me summer inspiration. This is Moeidur’s style on Instagram. She is living in beautiful Italy with her boyfriend who playes football. She loves taking photos, like we can see above. Can I please go out running with you, Moeidur? Or at leats take one cup of coffee on your balcony ? <3 Perfect everyday view.

Takk Móeiður

xx,-EG-.

Elísabet Gunnars á Facebook – HÉR
&

Trendnet á Facebook – HÉR

STÍLLINN Á INSTAGRAM: RAKEL

FÓLKINSTAGRAMSTÍLLINN Á INSTAGRAM

unspecified

Rakel Tómasdóttir er ung kona á uppleið. Ég fylgi henni á Instagram þar sem hún deilir gjarnan sínum bullandi hæfileikum en hún er svakalega klár að teikna og ég á stundum ekki til orð yfir því sem hún skapar. Eftir að hafa fylgst með henni í nokkra mánuði á þessum ágæta samskiptamiðli þá gat ég ekki annað en fengið að forvitnast örlítið um stúlkuna. Pant eignast verk eftir þessa kláru konu einn daginn … þó þau séu nú reyndar ekki til sölu enn sem komið er. Ég held í vonina, þið sjáið hversvegna, hér að neðan –