Flóra SS15 / AW15
Í brjálæðis vinnutörn á Íslandi gaf ég mér tíma til að heimsækja Hildi Yeoman á krúttlega vinnustofu í miðbænum. En ég hef áður heimsótt hana hér.
Heimsóknin fór fram rétt eftir vel heppnaða sýningu hönnuðarins í Vörðuskóla (sjá að ofan). Hildur er þekkt fyrir að fara aðrar leiðir í tískusýningum og var stemningin í skólanum engu öðru lík. Dansandi uppvakningar og allskonar fyrirsætur í fronti – ég skemmti mér vel.
Þó að sýningin hafi verið vel heppnuð þá er oft þægilegra fyrir hinn almenna kúnna að sjá fötin mátuð flík fyrir flík eins og ég sýni ykkur hér að neðan. Þau njóta sín á annan hátt – verða meira “wearable”.
Hildur hafði þetta að segja um línuna:
Hvaðan fékkstu innblásturinn fyrir línuna?
Ég var fyrir austan á Seyðisfirði síðla siðasta sumars. Það var allt í blóma og ég fór að týna grös til að vinna með. Kynntist seiðkonu sem kenndi mér að gera blöndur sem hafa allskyns mismunandi tilgang, t.d. til að lækna sálarmein, auka sjálfstraust eða tæla hjarta. Mig langaði til að þróa þessar mixtúrur yfir í prent og vann með það að leiðarljósi. Línan er einnig inpiruð af þeim konum sem hafa nýtt sér grösin frá örófi alda og ekki síður öllum þeim flottu konum sem eru í kringum mig og eru rammgöldróttar á ýmsum sviðum.
Hvaða skilyrði leggur þú helst uppúr að hönnun þín uppfylli?
Ég reyni að gera flíkur sem henta fleiri en einni líkamsímynd. Ég vil að fötin séu úr gæðaefnum og að frágangur sé til fyrimyndar. Það mikilvægasta er þó að konum líði vel í fötunum frá mér og að þau gefi þeim gleði.
Það sem ég mátaði er aðeins brot af því sem við eigum von á að sjá í sölu – mínar uppáhalds vörur. Það gefur að skilja að yfirhafnasjúka konan sé spenntust fyrir þeim þremur yfirhöfnum sem þið sjáið að ofan. Allar svo ólíkar en eiga það sameiginlegt að vera mjög mikið fassjón – munu setja punktinn yfir i-ið þegar þannig ber undir.
Yfir heildina gef ég “high five” á Hildi (Yeoman) sem kann sitt fag. Listakona fram í fingurgóma og við njótum góðs af því.
Áfram Ísland! (er ég byrjuð að segja það í hverjum einasta pósti?)
xx,-EG-.
Skrifa Innlegg