Mér þótti meiri fjandans vesenið að ég var ekki á RFF þetta árið. Það var alveg á hreinu að þessi hátíð var ótrúlega sterk, og heyrði ég alla leið til Danmerkur (frá dönskum tískugúrum sjáiði til) að hátíðin hafi verið frábær og Íslendingar væru snillingar. Það var meira segja ekki verið að segja það við mig, hversu næs?
Ég allavega fylgdist vel með hérna á Trendnet og stelpurnar á RFF blogginu frá tunnu og tanka af hrósum fyrir að halda okkur útlendingum og þeim sem ekki mættu vel tengd við hátíðina. Bravo und mucho bien .. bello!
Ég allavega elska íslenska hönnun, og ég sérstaklega elska að skoða og fylgjast með íslenskri hönnun. Mér finnst ekkert svo gaman að yfirleitt eiga ekki bót fyrir rassaborunni á mér til að geta notið Íslenskrar hönnunar nógu vel, en ég geri mitt besta.
Eftirfarandi er það sem stóð uppúr hjá mér frá hátíðinni;
Ég elska Zisku, það er fátt sem Harpa Einars gerir sem ekki er stórkostlegt og þetta collection er engin undantekning. Kreatívur hugarheimurinn hennar sýnir sig svo ótrúlega mikið í hönnuninni og það finnst mér langmest magnað. Ég mun baula eins og belja úr hamingju þegar karlalína Zisku mun verða til.
JÖR sýningin var eins og skall á mig eins og kynferðisleg orka. Ég hefði eflaust hoppað uppá sviðið hefði ég verið á staðnum. Allt við þetta var án nokkurs galla. Lookin grípandi, make-upið stórkostlegt, fötin uppá 120 (af 100 sjáiði til), stíliseringin fullkomnun, casting á módelunum og heildarlookið. Ég ætla mér einhvernveginn að eignast megnið af þessum flíkum. JÖR er framtíðin.
Þetta er svo fínt módel! Nýr hjá Eskimo models, áfram þau. Fallegt heildarlookið.
Ég hef gjarnan áhuga á að ættleiða þessar stelpur því þær eru guðdómlegar. Er einhver sem getur aðstoðað við að setja það process í gang? Æðislegt að brjóta upp sýningu með svona einlægri og saklausri fegurð.
Fallegt frá Farmer’s Market.
Þetta er það sem stóð uppúr hjá mér á RFF þetta árið – við sjáumst gejöööörsamlega á næsta ári!
Áfram íslensk hönnun, áfram íslenskt!
x
Skrifa Innlegg