Kaupmannahafnarlífið síðustu dagar hafa verið mikil keyrsla, og ég man ekki hvenær ég settist eins rólegur niður og ég gerði í gær. Nú hef ég bara jólagjafir til að stressast yfir – annars orðið rólegt í vinnunnni og búinn með allar myndatökur, fundi og myndvinnslu og skilum. What a feeeeeeling!
Aðfaranótt 21 desember lendi ég á Keflavíkurflugvelli og ég er svo innilega spenntur, ég eiginlega leyfi mér ekki að hugsa of mikið um það. Ég á eftir að reyna sparka upp hurðinni á flugvélinni, hrinda fólki frá mér á flugstöðinni, skríða um á töskubrettinu og garga eftir töskunni minni, senda tollinum fokkjú puttann og syngja lag útí loftið þegar ég hleyp útúr flugstöðinni. Ég veit það bara, finn það á mér ..
Þetta verður dásamlegt, en hér eru myndir frá síðustu dögum.
Þið getið ímyndað ykkur mig með galopinn augun og gjörsamlega fríkaður út þegar ég tók þessa mynd. Ég ætlaði ekki einu sinni að þora að biðja manninn um að færa sig þegar ég ætlaði að fara útúr metroinum. En ég náði pumpa í mig vilja og bað sjóræningjan vinsamlegast um að færa sig og vonast auðvitað innilega eftir því páfagaukurinn mundi ekki ráðast á hálsinn á mér.
Þarna var ég að gera photoshoot á svaka flippuðum stað.
Ég hef ósjaldan bloggað um lífið heima hjá Tinnu vinkonu, enda elska ég að vera þarna. Þau gerðu eitt stykki Tom Yum Kha súpu, anskotinn hvað hún var góð.
Einn af 30 nammipokunum sem við fengum uppá skrifstofu, heppni í óheppni að ég borða ekki marchipan – en ég borðaði allar karamellurnar. Allar.
Palæo er orðið nýjasta fæði skrifstofunnar.
Heitt súkkulaði í afmælisboði Tinnu, mums.
Allt útum allt – en jæja, Tom Yum Kha súpan!
Þessi ungi maður mætti óvænt uppá skrifstofu og nældi sér í eitt stykki samning.
Afmælisboð Tinnu.
Þetta var reyndar í gær – súpermódelið Tobias Sørensen (hann veit ekkert um það að ég var að blogga um hann um daginn) & Munir yfirmaðurinn minn í Crossfit.
Snærós vinkona gerði svona fínt heima sjá sér.
Torvehallerne – elska að vera þar.
Jújú Palæo, borga 20 krónur danskar fyrir þennan hlunk.
Ég tók hina guðdómlegu Anne Ringgaard að versla með kreditkorti fyrirtækisins, henni vantaði ýmislegt til að rúlla upp castings yfir daginn. Ég keypti mér líka bol með sama korti, en enginn uppá skrifstofu les bloggið mitt né skilur íslensku, áfram ég!
Eins og ég sagði, guðdómleg – GUÐDÓMLEG. Anskotinn ..
Skrifa Innlegg