Óþolandi setning, en í gær var ég í tveggja tíma slökunarnuddi í Bangkok og í Tælandi er varla hægt annað en að henda sér í nudd, eiginlega helst bara á hverju kvöldi. En ég fór að hugsa bara hversu fjandi rólegur ég var, og bara, hvernig var ekki búið að vera nein diskússíjón með Kasper? Hvernig vorum við búnir að vera í svona fáranlegu jafnvægi. Við vorum algjörlega að taka skrefin í sama takti og ef ég er alveg hreinskilinn þá erum við alveg svona lúmskt duglegir að rökræða. Ekkert alvarlegt, en við erum báðir þrjóskir tvíburar sem kunna svo að halda áfram eftir nokkrar mínútur. Það er samt óþolandi þessar fimm mínútur, en svo er það bara búið. Við vitum hvernig við rúllum. Tvíburar rúlla svoleiðis fyrir ykkur sem eruð að díla við svoleiðis punga. Þeir eiga það til að vera ekkert rosalega langrækir –
Allavega!
Ég ætlaði að henda í eitthvað prump caption á Instagram þegar ég ætlaði að henda sætri mynd af mér og Kasper þegar ég bara svona – vá. Í hvert skipti sem við erum úti að ferðast saman, það hefur alltaf gert undur og stórmerki fyrir okkur sem par. Það er oft eins og við séum bara fullkomnlega berskjaldaðir og náum bara að tengjast allt öðruvísi en við gerum í daglegu amstri. Fyrir einhvern þarna úti sem þarf að bæta sambandið sitt við kærustu eða kærasta, eða sambandið sitt við sjálfan sig, þá mæli ég með að kaupa flugmiða. Þangað sem þig langar og þar sem þú getur fengið frið. Það er svo ótrúlega mikilvægt að koma sér útúr þessum formum sem þrengja að okkur með því að keyra í rútínunni daginn inn og út. Bara, splæsið í feitar þrjár vikur. Spurningum verður hægt og rólega svarað og lífið eins og það leggur sig lekur inní perspektív.
Ég ætla ekki að skrifa uppá lyfseðil um að þetta henti öllum, eða að allt lagist. En þetta hefur svo sannarlega breytt öllu fyrir okkur, sambandið mitt við Kasper, mig sjálfan og Kasper við sig.
Ég mæli með kæru vinir –
Hér erum við pungsar, eiginlega bara drullu glaðir með okkur sjálfa og hvern annan –
Ást og friður
H
Skrifa Innlegg