Ætli við séum ekki bara komnir á þennan stað, búnir að vera saman í 5 ár og þá förum við að segja “Æ eigum við ekki bara að gefa hver öðrum sófa í jólagjöf, eða nýja ryksugu, blalala” – jú eða bara fara í lúxusfrí. Sem er jú alveg praktískt, og mér finnst ekkert asnalegt þegar aðrir gera það. Ég lofaði bara sjálfum mér að ég yrði ekki svoleiðis, ég elska að gefa, ég elska að pæla og svona, æ þið vitið, allt í kringum gjafagleðina um jólin, en hér er ég. Ég gerði þetta í ár. Þetta var reyndar hvorki ryksuga, eða mubla, heldur jakki. Ekki misskilja heldur, ég er yfir mig ánægður með þetta og ég meira segja stakk uppá þessu. Við gáfum hver öðrum Tindur úlpuna frá 66°Norður – en fyrst var keypt rauð-appelsínugula og það kom fljótt í ljós að það var ekki séns að við gætum deilt úlpunni. Við vorum farnir í keppni hver vaknaði fyrr á morgnana til að ná honum í vinnuna, en við mætum á sama tíma semsagt.
Svo samankomulagið var að við mundum deila kostnaði á nýrri úlpu, eða hann í rauninni “keypti sig úr” appelsínugulu og ég nýtti þann pening uppí svörtu. Svo nú verðum við hamingjusamir til æviloka. En úlpan er meira og minna uppseld ég, en þau áttu eina á Sværtegade hér í Köben, sem var líka bara skilaboð frá alheiminum að ég átti að grípa hana. Ég er himinnlifandi með hana, og jakkaperrinn sem ég er, þá líður mér eins og ég hef náð einhverjum topp. Ég gjörsamlega elska þessa úlpu.
Drulluferskir á sunnudagsmorgni – kannski gaman að deila því með ykkur að þessar buxur eru nýkeyptar og þær voru svo þröngar að ég hélt þær ætluðu að sprengja á mér kúlurnar þegar ég keypti þær, svo gáfu þær sig það mikið að ég gæti orðið óléttur og notað þær á meðgöngu. Hvernig þrengi ég buxur? Sjóða þær í 90°? Help y’all.
Skrifa Innlegg