RAUÐAR VARIR NÆSTA SUMAR .. OG NÚNA?

September 25, 2015

FASHION MAGAZINE TREND

Föstudagur enn á ný .. Voðalega líða vikurnar hratt!
Grein vikunnar fáið þið hér en hún birtist í Lífinu, fylgirit Fréttablaðsins í morgun.

Þessa dagana standa yfir skemmtilegustu vikur ársins fyrir tískuáhugafólk. New York Fashion Week er ein af stærstu tískuvikunum og undirrituð fylgdist spennt með úr fjarska þegar næsta sumar var kynnt vestanhafs.

Þegar við höfum séð hvað koma skal er oft erfitt að bíða fram á vor eftir að fá að taka þátt í því sem heillar hverju sinni. Hár og förðun eru þó atriði sem við þurfum ekki endilega að bíða með, það er í góðu lagi að stela þar nokkrum punktum til að tileinka sér strax. Eða hvað?
Við höfum verið mötuð með nude vörum inn í haustið og þær halda áfram út veturinn og jafnvel fram á næsta sumar. Með hækkandi sól eigum við þó von á breytingum miðað það sem fyrirsætur tískupallanna sýndu okkur. Rauðar varir skal það vera, en þó með réttu handbragði. Hönnuðir voru samróma um að sterkur litur rauðu varanna eigi að njóta sín á móti ferskri náttúrulegri förðun. Glóandi heilbrigð húð á móti æpandi vörum og augnfarða í lágmarki.

Victoria Beckham SS16

Victoria Beckham SS16

Badgley Mischka SS16

DKNY SS16

Jason Wu SS16

Oscar de la Renta SS16

Zac Posen SS16

Þetta er förðun sem ég kann að meta, einfaldleikinn ofar öðru. Náttúruleg fegurð á að fá að njóta sín með smá skrauti og þar getur rauður varalitur einmitt gert kraftaverk.
Við megum láta okkur hlakka til næsta sumars … eða taka trendið upp núna.

Hér að neðan hef ég tekið saman kauphugmyndir. Ólíkar áferðir sem eiga það sameiginlegt að gefa okkur þennan sterka lit. Nú er bara að prufa sig áfram .. hvað hentar hverjum. Er ekki um að gera að byrja bara um helgina?

Michael Kors: Sexy Siren