Það eiga allir (!) rétt á góðum og fallegum stundum um jólin í faðmi vina og fjölskyldu. Að mínu mati er það mikilvægasti þátturinn við jólahaldið.
Ég fékk góða ábendingu frá lesenda um að neyslan væri búin að vera í aðalhlutverki á Trendnet og ekki verið að hvetja fólk til að hjálpa þeim sem hjálpa þarf – takk fyrir ábendinguna !
Það ætti að vera regla að gera eitthvað góðverk um jólin, sama af hvaða stærðargráðu það er. Við sem erum svo heppin að geta haldið jól hjálparlaust getum öll lagt eitthvað að mörkum. Ég hef stundum rekið mig á að fólk veit ekki alveg hvernig það á að snúa sér þegar kemur að þessum málum – vill gefa en veit ekki hvert eða hvernig. Fyrir neðan myndirnar tók ég saman lista yfir hjálparstörf á Íslandi sem gefa fólki möguleikann á að hjálpa öðrum um jólin. Svoleiðis gjöf hlýjar einnig eigin hjarta.
Sunnudagsinnblásturinn er “Jól í faðmi fjölskyldunnar” þennan síðasta sunndag aðventunnar. Þetta eru jólin fyrir mér:
HJÁLPUM UM JÓLIN !
Fjölskylduhjálp
Fjölskylduhjálp starfar allt árið við að hjálpa fjölskyldum sem ekki ná endum saman, þau hjálpa til með mat, fatnað, lyf o.fl. Nýlega hafa þau byrjað með átakið Íslandsforeldri, þar er hægt að borga 500-2500kr mánaðarlega styrki til fjölskyldna í vanda.
Fjölskylduhjálpin býður síðan uppá Jólaaðstoð 2014 og er hægt að leggja málefninu lið með frjálsum fjárframlögum inná eftirfarandi reikning:
Reikningsnúmer: 546-26-6609
Kennitala: 660903-2590
Hjálparstarf kirkjunnar
Hjálparstarf kirkjunnar aðstoðar barnafjölskyldur í jólaaðstoð sinni. Markmið aðstoðarinnar er að gera fólki kleift að gera sér dagamun og gleðjast með fjölskyldunni yfir hátíðarnar.
Kennitala: 450670-0499
Kvennaathvarfið
Athvarf fyrir konur og börn þeirra þegar dvöl í heimahúsum er þeim óbærileg vegna andlegs eða líkamlegs ofbeldis eiginmanns, sambýlismanns eða annarra heimilismanna.
Athvarfið er einnig fyrir konur sem hefur verið nauðgað.
Enginn á að þurfa að lifa við þessar aðsæður og því mjög gefandi að styrkja málefnið fyrir jólin.
Reikningsnúmer: 101-26-43227
Kennitala: 410782-0229
Mæðrastyrksnefnd
Mæðrastyksnefnd býður einnig uppá jólaaðstoð og er hægt að leggja þeim lið með frjálsum framlögum inná reikninginn hér að neðan.
Reikningsnúmer: 0101-26-35021
Kennitala: 470269-1119
Á Facebook hafa verið settar upp síður til að aðstoða fjölskyldur, þar er aðilum komið saman við fjölskyldur sem þurfa á hjálp að halda og þeirra óskir þannig uppfylltar fyrir jólin.
Hér eru dæmi um nokkrar:
Hjálp um jólin – Hafnarfjörður
Matargjafir – Þiggjendur og gefendur á mat
Ég hvet alla til að velja sér eitt málefni og leggja því lið. Það þarf ekki að vera stór upphæð – margt smátt gerir…!
Ég lagði inná Fjölskylduhjálp þetta árið og fer því með gleði í hjarta inní jólahaldið.
Ef þið eruð með önnur málefni sem vert er að taka fram, þá megið þið segja mér það í athugasemd og ég uppfæri færsluna. Hjálpið mér að deila boðskapnum með því að smella á “deila” hnappinn hér niðri til hægri.
Gleðilega hátið.
xx, EG
Skrifa Innlegg