Margir tengja hengirúm við útiveru á sólríkum sumardögum. Ég átti eina slíka stund í sumar í uppáhalds Kjósinni. Þangað fer ég til að hlaða batteríin.
Hengirúm geta einnig verið hinar fallegustu vetrarmublur inn á heimilið og þessa stundina ligg ég yfir innblæstri á Pinterest. Fallegt hengirúm gæti gert notalega upplifun enn betri, þá sérstaklega ef það væri vel dúðað af teppum, púðum og allskyns mjúkum aukahlutum. Ég er alveg komin í þennan gírinn eftir að hafa lesið íslenskar fréttaveitur í kvöld þar sem mér verður kalt á að fylgjast með óveðrinu. Með þessum myndum að neðan leggst ég örugglega afslöppuð á koddann og þið vonandi líka, með storminn í eyrunum og innblástur í huganum.
Mögulega eru þið einhver svo lánsöm að liggja í einu slíku þegar þið lesið þennan póst. Ég, og við hin látum okkur dreyma … að þessu sinni.
Ég er ekki frá því að þetta sé komið á óskalista í jólapakkann. Ég þarf að fara að kanna hvar ég finn þau í sölu. Laumið þið nokkuð á kauptipsum fyrir mig?
xx,-EG-.
Skrifa Innlegg